Shkarkimi i Amorim, United në kërkim të trajnerit, synohet një italian

January 20, 2026 January 20, 2026 Roberto De Zerbi shihet si kandidati kryesor për të marrë drejtimin e Manchester United nga sezoni i ardhshëm. Aktualisht, skuadra angleze drejtohet përkohësisht nga Michael Carrick. Ky i fundit arriti një fitore të rëndësishme 2-0 ndaj Manchester City-t në derbi, por pozicioni i tij mbetet i përkohshëm deri në verë. Sipas “Daily Mail”, drejtuesit e United janë të impresionuar nga puna e De Zerbit. Trajneri italian ka spikatur më herët me Brighton në Premier League. Aktualisht, ai është në krye të Marseille, me të cilën e mbylli sezonin e kaluar në vendin e dytë. Kontrata e De Zerbit skadon në vitin 2027, duke e bërë të nevojshme një marrëveshje mes klubeve. Manchester United shkarkoi pak ditë më parë Ruben Amorim për shkak të rezultateve negative.