Inter gjen zëvendësuesin perfekt të Çalhanoğlu, gati rikthimi i bujshëm në shtëpi

30 Dhjetor 2025 16:02 Telesport Hakan Çalhanoglu duket se po luan sezonin e tij të fundit me Interin. Mesfushori turk pritet të largohet në fund të sezonit. Në këtë situatë, drejtuesit zikaltër kanë filluar lëvizjet e para që tani për të gjetur zëvendësuesin ideal të turkut. “CalcioMercato.it” bën me dije se drejtuesit e Interit janë gati të bëjën prapakthehu dhe të rikthejnë vetëm pas një viti, Aleksandar Stankovic, mesfushorin e ri serb, i cili po shkëlqen te Club Brugge. Kujtojmë se Stankovic u transferua te Club Brugge verën e kaluar për 9.5 milionë euro. Në marrëveshjen me skuadrën belge, klubi italian përfshiu një opsion blerjeje prej 23 milionë eurosh, që mesa duket do ta aktivizojë sapo të finalizohet largimi i Çalhanoglu.