E FUNDIT/ Gjimshiti ndal Juventusin, Atalanta eleminon “zonjën e vjetër” dhe kualifikohet në gjysmëfinale të Kupës së Italisë

Atalanta është gjysmëfinaliste e Kupës së Italisë. Bergamaskët kanë mposhtur Juventusin me shifrat e thella 3-0. Përballja u zhbllokua në minutën e 27 të takimit, kur Skamaka u tregua i saktë nga pika e bardhë e penalltisë. Më pas ishin Sulemana në minutën e 77 dhe Pashaliçi në të 85-n ata që vulosën rezultatin përfundimtar në 3-0. Juventusi provoi të shënonte, por Gjimshiti me shokë ishin të pakalushëm në prapavijë./Sport Ekspres/