Nga skemat piramidale te shpallja “non grata”, Berisha tregon vështirësitë më të mëdha të PD: Dorëzova pushtetin dhe shkuam në opozitë! Edhe pse jam 80 vjeç…

Panorama.com.al

22/03/2025

👁3810

Kryetari i Partisë Demokratike, Sali Berisha, ka folur për përgatitjet e opozitës për zgjedhjet parlamentare të 11 majit dhe ka përmendur momentet më të vështira të karrierës së tij politike dhe të PD-së.

I ftuar në “Kjo Javë” me Nisida Tufën në Neës24, Berisha tha se sheh entuziazëm te shqiptarët e diasporës dhe ata brenda vendit.
“Kam gjetur entuzizëm te shqiptarët jashtë atdheut, atmosferë që nuk e shihja prej 1990”, u shpreh Berisha.
Ndërsa ka krahasuar PD-në sot me atë të 1992, Berisha tha se nga ajo PD mbeten ende idealet dhe parimet që shpalli në atë periudhë.
“Nga PD e 92 kanë mbetur idealet dhe parimet që shpalli në atë periudhë. PD është një parti që përballet e vetme me diktuarën e dytë, kaloi një proces të vështirë po me këtë diktaturë, ku qeveria bashkë më George Soros dhe mafian, u bën bashke për asgjësimin e kësaj partie, por dështuan.
Sot kjo parti është njësoj si në 92, ku përballej me diktuarën, sot përballet me një diktaturë tjetër, që bazohet ne drogën, krimin dhe vjedhjen e shqiptarëve”, tha ai.
Berisha, ka përmendur gjatë fjalës së tij dy momentet më të vështira të karrierës së tij politike dhe Partisë Demokratike.
Berisha tha se në 33 vite, skemat piramidale dhe protestat e zhvilluara në atë kohë dhe vendimi për shpalljen “non grata” nga ish-sekretari amerikan Blinken, janë më të vështirat për PD.
“Kriza financiare, skema piramidale më e vështira, PD mori përgjegjësinë dhe unë dhashë dorëheqjen. Përballë një rebelimi komunist, PD ofroi zgjidhje politike, dorëzoi pushtetin, shkoi në zgjedhje dhe u vendos në opozitë, për t’ju nënshtruar një hetimi.
Më pas e panë shqiptarët që votuan unanimisht, e panë që nuk ishte PD e përfshirë në skema piramidale. Ajo i kishte lejuar, por nuk i njihte se çfarë ishin. Ne bëmë ligjin për ti çmontuar dhe i vumë përgjegjësit para ligjit Momenti i dytë i vështirë ishte dita kur Blinken vendosi që ish-kryetari i saj të dalë jashtë parlamentit”, tha ai.
Berisha po ashtu u pyet edhe për faktin që vijon të jetë tejet aktiv në politikë dhe në takime me qytetarët dhe demokratë çdo ditë.
Ai tha se sot edhe pse është 80 vjeç, ndihet më mirë se 10-15 vite më parë
Pyetje: Ju jeni 80 vjeç, dhe përsëri jeni shumë aktiv në politike, PD kërkon ardhjen në pushtet, si e shihni raportin me moshën?
Berisha: Është një raport si ta marrësh, nëse mosha të vë përpara nuk është një raporti i këndshëm, por nëse e vë ti, është një raport shumë i dobishëm, eksperienca vlen shumë. Në rrafshin e performancës, apo se si ndihem, ndihem më mirë se 10-15 vite më parë. Jo se s’më ka vënë mosha para, por e kam dominuar.

NDIQE LIVE “PANORAMA TV”