Një nga paraqitjet më të hershme të qytetit të Beratit në gravurën “Shën Gjon Vladimiri Mirrërrjedhësi”, Vjenë 1742

Gravura e autorit Hristofor Žefarović është një dëshmi vizuale e rrallë, që dokumenton pamjen e Beratit, Voskopojës dhe Elbasanit në mesin e shekullit XVIII. Një nga paraqitjet më të hershme të qytetit të Beratit gjendet në gravurën “Shën Gjon Vladimiri Mirrërrjedhësi” (Vjenë, 1742) të autorit Hristofor Žefarović. Qendra Kombëtare e Muzeumeve Berat shprehet se vepra është një bakrogravurë baroke, e realizuar për manastirin e shenjtit në Elbasan. “Në qendër paraqitet figura e Shën Gjon Vladimirit, e rrethuar nga medalione me skena nga jeta e tij. Në pjesën e poshtme të kompozimit janë gdhendur pamjet e tre qyteteve shqiptare: Voskopoja (Moskopoja), Elbasani, Berati. Kjo paraqitje konsiderohet ndër imazhet më të hershme ikonografike të njohura të Beratit, një dëshmi e rrallë vizuale e qytetit në mesin e...