Delegacioni shqiptar i Ministrisë së Turizmit, Kulturës dhe Sportit mori pjesë në Takimin Ministerial të Këshillit të Ministrave të Kulturës së Evropës Juglindore (CoMoCoSEE), i organizuar në bashkëpunim me UNESCO, si një platformë kyçe për forcimin e bashkëpunimit rajonal dhe vendosjen e kulturës në qendër të zhvillimit të qëndrueshëm. Në emër të Shqipërisë, Zëvendësministrja e Turizmit, Kulturës dhe Sportit, znj. Lira Pipa, mbajti fjalën në sesionin ministerial, duke prezantuar angazhimet dhe prioritetet e vendit tonë për mbrojtjen e trashëgimisë kulturore, digjitalizimin, fuqizimin e industrive kreative, si dhe rolin e komuniteteve dhe të rinjve në politikat kulturore. Ministri i Turizmit, Kulturës dhe Sportit Blendi Gonxhja gjithashtu shprehet në një postim në rrjete sociale për rëndësinë e kësaj pjesëmarrjeje të delegacionit shqiptar të Ministrisë së Turizmit, Kulturës...