“Drejtësi në Nuremberg” premierë në skenë, jo vetëm një dramë historike, por edhe një klithmë për të mos heshtur

Nga Julia Vrapi “Drejtësi në Nuremberg”, jo vetëm një dramë historike, por edhe një klithmë për të mos heshtur. Një dramë e fuqishme, që rikthen në vëmendje një nga momentet më të rëndësishme të historisë moderne, gjyqet ndaj kriminelëve nazistë pas Luftës së Dytë Botërore. Vepra teatrore vjen me regji nga Arben Kumbaro, si dhe me interpretimin e aktorëve të njohur të teatrit tonë. Nga data 5 mars, vepra teatrore shënon premierën në skenën e Teatrit Kombëtar te “ArTurbina” në Tiranë, ndërsa është pjesë e veprave teatrore gjatë këtij sezoni artistik në këtë institucion. “Drejtësi në Nuremberg” shkruar nga Abby Mann është një dramë mbi tragjedinë naziste dhe përgjegjësinë morale të individit, që vjen në skenë nga një prej regjisorëve të vlerësuar të skenës teatrore...