“Jemi miq me Izraelin, por…”/ Rama ngre dyshime: Pas protestave fshihet…

Kryeministri Edi Rama ka paralajmëruar masa të reja ndaj personave që përfshihen në akte dhune gjatë protestave, duke deklaruar se qeveria po përgatit një paketë që parashikon përgjegjësi financiare për familjet e të miturve që dëmtojnë pronën publike dhe private. Gjatë një takimi me drejtuesit e bankave të nivelit të dytë, Rama i cilësoi protestat e ditëve të fundit në Tiranë si dhunë të organizuar, për të cilën pretendoi se ka lidhje me elementë të brendshëm dhe të jashtëm. Kreu i qeverisë deklaroi se situata është nën kontroll dhe paralajmëroi përdorimin e teknologjisë për identifikimin e protestuesve të maskuar, si dhe krijimin e një regjistri të posaçëm për personat e përfshirë në akte dhune. Sipas tij, masat e reja mund të përfshijnë edhe kufizime të...