Zhbllokohet rivlerësimi i pasurive të paluajtshme, hyn në fuqi udhëzimi i Ministrisë së Financave dhe Kadastrës, ja…

Pas një periudhe pritjeje dhe paqartësish mbi procedurat zbatuese, në Fletoren Zyrtare është publikuar udhëzimi i përbashkët i Ministrisë së Financave dhe Agjencisë Shtetërore të Kadastrës që rregullon procesin e rivlerësimit të pasurive të paluajtshme për individët me normë tatimore 5%. Publikimi i tij i hap rrugë zbatimit praktik të ligjit nr. 85/2025 “Për rivlerësimin e pasurisë së paluajtshme”. Ky akt nënligjor përcakton mënyrën e llogaritjes së bazës tatimore, procedurat e aplikimit dhe pasqyrimin e rivlerësimit në regjistrat kadastralë. Rivlerësimi mbetet vullnetar dhe zbatohet për pasuritë e regjistruara ose që regjistrohen deri më 31 dhjetor 2026. Dy mënyra rivlerësimi: ASHK ose ekspert i licencuar -Individët mund të zgjedhin mes dy alternativave: -Rivlerësim pranë drejtorive vendore të ASHK-së, me çmimet minimale fiskale në fuqi. -Rivlerësim nga...