Nasër Aliji po kalon një moment të vështirë, ndërsa Dinamo ka njoftuar se nëna e tij ka ndërruar jetë. Vetë futbollisti i Kombëtares ka munguar në ndeshjet e fundit, për shkak të një dëmtimi.
Njoftimi i Dinamos:
“Klubi dinamovit dhe presidenti i skuadrës, z.Adrian Bardhi, i shpreh ngushëllimet më të sinqerta lojtarit Naser Aliji për ndarjen nga jeta të njeriut më të dashur, nënës së tij!
E gjithë familja blu i qëndron pranë lojtarit në këtë moment të vështirë.
I përjetshëm kujtimi i saj!”
Category: Sport
-
Klubi jep lajmin e trishtë pas fitores, ndahet nga jeta nëna e futbollistit të Kombëtares
-
Kualifikim në çerekfinale, Arsenal, City dhe Chelsea kalojnë më tej në CARABAO Cup
Arsenal, City dhe Chelsea nuk gabuan në sfidat e tyre të vlefshme për raundin e 1/8 të Kupës së Ligës në Angli. “Topçinjtë” mundën pastër 2-0 në “Emirates” ekipin e Brighton. Vendasit e derjtuar nga Arteta vuajtën vetëm për një pjesë, ndërsa zgjidhën gjithçka në fraksionin e dytë, falë golave të Nwanerit dhe Saka.
Sukses të pastër arriti edhe skuadra e Manchester Cityt, që në transfertë mundi 1-3 Swansea. Miqtë e panë veten në disavantazh pas golit të Franco, por reagimi ishte i menjëhershëm.Fillimisht erdhi barazimi me Doku 6 minuta nga fundi i pjesës së parë, ndërsa në fraksionin e dytë, të besuarit e Pep Guardiolës gjetën edhe dy here të tjera golin me Marmoush dhe Cherki, duke siguaruar kualifikimin për në çerekfinale.Kualifikim që mundi ta arrijë edhe skuadra e Chelsea, me londinezët që triumfuan 3-4 ndaj Wolverhampton në transfertë. “Blutë” e Londrës rrezikuan shumë të mos fitonin një ndeshje që e kryesonin 0-3 në pjesë e pare falë golave të Santos, George dhe Estevao. Por vendasit gjetën force në fraksionin e dytë duke shkuartuar diferencën e golave në 2-3, përpara se Gittens të shënonte golin e 4 për skuadrën e Enzo Marsecës, që I dhuron kualifikimin për në çerekfinale të CARABAO Cup.
-
Crystal Palace “fshin” Liverpool, ndizet alarmi i kuq, 6 humbje në 7 ndeshje, reagon Slot
6 humbje në 7 ndeshjet e fundit janë shifra alarmante, por trajneri Slot nuk preket, të paktën jo për momentin. Liverpool pësoi një tjetër disfatë të rëndë, këtë herë në Carabao Cup, me Crystal Palace që i nxori jashtë Kupës së Ligës pas suksesit 0-3 brenda në “Anfield”. Trajnerit Slot i kushtoi shumë shtrenjtë rotacioni i madh që kishte bërë në këtë takim.
Pa Van Dijk, Konaté, Szoboszlai, Gakpo, Wirtz, Salah dhe Ekitike, Liverpool ishte shumë i prekshëm, me Sarr që i goditi dy herë në limitet e pjesës së parë. Sulmuesi nga Senegali realizoi golin e parë në minutën e 41-të, ndërsa katër minuta më pas kompletoi “dopietën” e tij personale. Të kuqtë u përpoqën të riktheheshin në lojë në fraksionin e dytë, por pa sukses, jo vetëm kaq, por Pino në minutën e 88-të sigloi shifrat përfundimtare në 0-3.Pavarësisht humbjes dhe eliminimit, trajneri Slot nuk shfaqi pendesë për faktin që la pushim pjesën më të madhe të titullarëve: “Ky klub e ka përdorur këtë turne gjithmonë për të aktivizuar lojtarët e akademisë. Mu duk një vendim i drejtë dhe nuk kam ndryshuar mendim tani që humbëm. Të lush 3 ndeshje në 7 ditë mes Premier dhe Champions është një sfidë. Grupi ynë nuk është i fryrë sa shumë mendojnë”, u shpreh Slot.
Kalon më tej në fazën çerekfinale edhe Newcastle, me “qymyrxhinjtë” që triumfuan 2-0 përballë Tottenham.
() -
Mbetën pa trajner pas humbjes ndaj Shqipërisë, Serbia surprizon me zgjedhjen e teknikut të ri
Mbetën pa trajner pas humbjes ndaj Shqipërisë, Serbia surprizon me zgjedhjen e teknikut të riVeljko Paunoviç është trajneri i ri i Serbisë. Federata ka njoftuar sot vendimin, për teknikun 48-vjeçar.
Sekretari i përgjithshëm i Federatës Serbe të Futbollit, Branko Radaujko, ka konfirmuar emërimin e Paunoviç. Vendimi është surprizues, pasi më parë ishte konfirmuar vetëm … -
Perez tregon vështirësitë: As Hamilton dhe Leclerc nuk do të mbijetonin me Verstappen
Vendimi për të qenë në sediljen e dytë të Red Bull është një nga më të lakmuarit, por edhe më të frikshmit në Formula 1. Të ndash garazhin me Maks Vershtapenin mund të jetë po aq përfitim sa edhe mallkim. Përveç Karlos Sainzit te Toro Roso (tani Racing Bulls), me të cilin Vershtapen pati një rivalitet të fortë gjatë sezonit të tyre debutues, katër here kampioni i botës ka dalë fitimtar kundër të gjithë shokëve të tjerë të skuadrës në ekipin kryesor: Daniel Rikardo, Pierr Gasli, Aleks Albon, Serxho Perez, Liam Louson dhe Juki Tsunoda.
Nga të gjithë këta, Serxho Perez ishte ai që ndau më shumë kohë me Vershtapenin, nga viti 2021 deri në 2024-ën. Në 90 gara së bashku, ai arriti ta mposhtë vetëm 10 herë në duelet për “pole position” dhe 11 herë në garat për pike, një bilanc shumë i vështirë për çdo pilot në grilë, madje edhe për Hamiltonin apo Lëklerkun, siç e theksoi vetë Perez. Piloti i ardhshëm i ekipit Kadillak ka dhënë këndvështrimin e tij mbi sfidën që përbën të jesh shok ekipi me “Mad Max”:“Është një vend shumë i komplikuar. Natyrisht, të jesh në krah të Maksit është tashmë e vështirë, por të jesh në Red Bull me të është diçka që njerëzit nuk e kuptojnë plotësisht. Ka shumë gjëra që mund të t’i tregoj, por në thelb është një punë jashtëzakonisht e lodhshme për një pilot. Nuk ka pilot që mund të mbijetojë atje. Qoftë Hamilton apo Lëklerk, të gjithë do të ishin të dënuar.
Nuk më pëlqen t’i kritikoj ata që janë në atë pozitë, sepse edhe unë kam qenë aty. E di saktësisht se çfarë po përjetojnë”, deklaroi Perez. Sipas pilotit meksikan, pjesa më e vështirë lidhet me mënyrën se si është e ndërtuar makina: “Për një pilot, është shumë e vështirë të duhet të mendosh vazhdimisht se si të drejtosh. Duhet të përshtatesh me stilin e drejtimit të Vershtapenit. Nuk është se makina është e keqe, por balanca e saj është shumë specifike dhe nëse nuk e drejton si ai, je plotësisht i humbur”, përfundoi Perez.© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
-
Moggi “bekon” Spallettin: Zgjedhja më e mirë për Juventusin. Polemikat për tatuazhin e tij? Marrëzira
30 Tetor 2025
14:28
Alfred Lleshi
Luciano Moggi, ish-drejtori i përgjithshëm i Juventusit, ka komentuar situatën te bardhezinjtë dhe zgjedhjen e trajnerit të ri: “Problemi qëndron te zëvendësimi i trajnerit, në këtë rast Tudor. Kush drejton klubin duhet të kuptojë çfarë nuk funksionon, sepse janë ndërruar disa trajnerë. Kjo do të thotë se diçka nuk shkon në mekanizëm, duhet pak vaj në ingranazhe”.
I pyetur nëse Luciano Spalletti është njeriu i duhur për të rilançuar Juventusin, Moggi u shpreh qartë: “Është më i miri ndër të disponueshmit për momentin. Kjo skuadër nuk ka personalitet të madh, i duhet dikush që di ta bëjë zanatin e tij dhe që është i besueshëm. Për këtë arsye Spalletti është një zgjedhje e qëlluar. Pastaj gjithçka do të varet edhe nga mesfusha. Unë do të kisha marrë një mesfushor dhe një mbrojtës në vend të tre sulmuesve, por vetëm ata që janë brenda klubit e dinë çfarë i duhet skuadrës”.
Moggi minimizoi polemikat për tatuazhin e Spallettit, ku ndodhet logoja e Napolit dhe flamuri trengjyrësh: “Janë marrëzira, gjëra pa sens që thuhen kot. Trajnerët janë profesionistë dhe, kur janë në një klub tjetër, mbështesin atë klub. Nuk ka asgjë për t’u kritikuar që ai ka dashur Napolin”. -
Napoli tenton një “djall të kuq” për mesfushën, huazim pa detyrim blerjeje
30 Tetor 2025
14:45
Alfred Lleshi
Napoli po planifikon lëvizje në merkaton e janarit për të forcuar mesfushën, pas dëmtimit të rëndë të Kevin De Bruyne (do mungojë deri në shkurt) dhe largimit të mundshëm të Anguissa për Kupën e Afrikës. Sipas “Corriere dello Sport”, objektivi kryesor është Kobbie Mainoo i Manchester United, një lojtar që Napoli e kishte ndjekur edhe verën e kaluar.
Klubi axurr synon një huazim të pastër, pa detyrim blerjeje, duke përfituar nga fakti që Mainoo nuk llogaritet si “over” në listën e UEFA-s, çka e bën alternativë të vlefshme për të tashmen dhe të ardhmen.
Megjithatë, edhe pse është një përforcim me perspektivë, Mainoo mund të mos ketë menjëherë fuqinë fizike dhe përvojën për ta zëvendësuar plotësisht Anguissa në rast largimi për angazhimet e kombëtares së tij.
-
Atletico Madrid nis spastrimet, tre lojtarë të konsideruar të tepërt do të largohen në janar
30 Tetor 2025
13:14
Telesport
Merkato e janarit ka të ngjarë të jetë shumë e nxehtë për Atletico Madrid, veçanërisht për sa i përket largimeve. Sipas “Mundo Deportivo”, skuadra “colchoneros” mund të vendosë të ndahet me tre lojtarë. I pari është Alexander Sørloth.
Klubi do të donte të përqendrohej në talente të tjera sulmuese dhe shitja e tij mund të jetë çelësi për të zhbllokuar çdo negociatë dhe afrim. Ndaj, largimi i 29-vjeçarit norvegjez duket i pashmangshëm.
Gjithashtu, në listën e largimeve të mundshme janë edhe mbrojtësi anësor Nahuel Molina (27 vjeç) dhe mbrojtësi i qendrës Marc Pubill (22 vjeç). Të dy lojtarët po kërkojnë më shumë kohë loje dhe qëndrueshmëri. -
Tension i lartë mes Vinicius dhe Alonso. Braziliani kërkoi falje publike, por paqja mbetet larg
30 Tetor 2025
13:43
Alfred Lleshi
Megjithëse Real Madridi arriti një fitore të madhe ndaj Barcelonës në “El Clásico” (2-1), në Spanjë po flitet më shumë për sjelljen e Vinicius Jr. sesa për triumfin. Braziliani, i zëvendësuar në pjesën e dytë nga Xabi Alonso, reagoi me gjeste të dukshme zemërimi, duke nxitur thashethemet për përçarje me trajnerin.
Të mërkurën kërkoi falje në rrjetet sociale: “Dua të kërkoj ndjesë ndaj tifozëve të Real Madridit për reagimin tim gjatë zëvendësimit në ‘El Clásico’. Iu kam kërkuar falje edhe shokëve të ekipit, klubit dhe presidentit”.
Sidoqoftë, mungesa e çdo përmendjeje për trajnerin Alonso nuk kaloi pa u vënë re. Sipas mediave madrilene, marrëdhënia mes tyre është e tensionuar prej kohësh, aq sa Vinicius ka menduar të largohet nga klubi. Në dhomën e zhveshjes ai ka kërkuar falje para të gjithëve, ndërsa Alonso iu përgjigj ftohtë: “Kushdo që ka ankesa, t’i shprehë privatisht, jo para të gjithëve”.
Të dy janë sqaruar në një bisedë të shkurtër e të qetë, por sipas shtypit spanjoll, paqja është ende larg, megjithëse klubi nuk do ta ndëshkojë lojtarin.
-
Jordi Alba: Lojtarët flasin mrekullisht për Flick, e ka bërë Barcelonën sërish të madhe
30 Tetor 2025
14:09
Alfred Lleshi
Në fillim të muajit, Jordi Alba njoftoi tërheqjen nga futbolli profesionist. Në një intervistë për “Sport”, ai shpjegoi arsyet e lamtumirës dhe foli për gjendjen aktuale të Barcelonës: “Sot po flasim për një Barcelonë të madhe. Sezoni i kaluar ishte i jashtëzakonshëm. Do të jetë e vështirë ta mbajnë atë ritëm. Ka një trajner të shkëlqyer, ka bërë zgjedhjen e duhur.
Nuk e njoh personalisht Hansi Flick, por më pëlqen shumë ajo që shoh. Shokët e mi flasin mrekullisht për të. Ka shumë cilësi në skuadër, jo vetëm te blerjet, por edhe në lojtarët e akademisë që po përgjigjen mirë. Kjo është thelbësore për Barcelonën”.
Ai përmendi gjithashtu Unai Emery, që e rikualifikoi si mbrojtës të majtë, dhe Leo Messin: “Ishte privilegj të luaja me më të mirin e historisë. Kemi pasur një lidhje të veçantë në fushë”.