Në Botërorin 2022 në Katar, Barcelona u përfaqësua me më shumë lojtarë se çdo klub tjetër; 17 ndërkombëtarë, duke përfshirë Pedri, Gavi, Eric Garcia, Jordi Alba, Busquets, Ferran Torres, Balde, Ansu Fati (Spanjë), Koundé dhe Dembélé (Francë), De Jong dhe Memphis Depay (Holandë), Ter Stegen (Gjermani), Lewandowski (Poloni), Christensen (Danimarkë), Raphinha (Brazil), Araujo (Uruguaji). Pra, regjistroi rekordin e lojtarëve nga një klub në një Botëror.
Për Botërorin 2026 (SHBA, Kanada, Meksikë), Barcelona mund ta thyejë sërish këtë rekord me 18 lojtarë potencialë, përfshirë:
Spanja: Cubarsí, Pedri, Olmo, Fermín, Ferran, Lamine Yamal, Joan Garcia, Gavi, Eric Garcia, Balde
Holanda: Frenkie de Jong
Franca: Jules Koundé
Anglia: Marcus Rashford
Brazili: Raphinha
Uruguaji: Ronald Araujo
Gjermania: Marc ter Stegen
Në këtë listë mund të shtohen Lewandowski (Poloni), Christensen (Danimarkë) dhe Roony Bardghji (Suedi), duke rritur mundësinë për një tjetër rekord të Barçës në këtë drejtim.
Category: Sport
-
Barcelona mund të thyejë rekordin e lojtarëve përfaqësues të saj në Botërorin 2026
-
Sekreti i madh i Yamal, kur u bashkua me Barcelonën: “Ecte çuditshëm, me këmbët e shtrembëruara”
23 Nëntor 2025
8:12
Alfred Lleshi
Jordi Roura, koordinator i akademisë “La Masia” (2015–2021), ishte përgjegjës për transferimin e Lamine Yamal nga CF La Torreta te Barça. Ai tregoi: “Lamine Yamal? Kur ishte i vogël, të gjithë shkonin pas topit, ndërsa ai jo… Por kur e merrte topin, gol… Diçka kuptonte”.
Roura imitoi mënyrën e veçantë të të ecurit të Yamal: “Kur e transferuam, ecte pak çuditshëm, me këmbët pak të shtrembëruara”. Në janar 2015, Barcelona dërgoi një email për të përshpejtuar testin e Yamal para se CF La Torreta të nënshkruante me Espanyol. Óscar Hernández i shkroi Marc Serra për të siguruar provën me Barcelonën: “Ne kuptuam se duhet të vepronim shpejt, pasi La Torreta ishte gati të bashkëpunonte me Espanyol”.
Yamal debutoi me skuadrën e parë të Barcelonës më 29 prill 2023, në moshën 15 vjeç, 9 muaj e 16 ditë, duke ndryshuar fatin e tij dhe, ndoshta, historinë e futbollit. -
Verstappen triumfon në Las Vegas dhe shpreson ende, Norris i dyti dhe i afrohet titullit, zhgënjen Piastri
Max Verstappen me Red Bull fitoi mëngjesin e së dielës garën Cmimit të Madh të Las Vegas në Formula 1, zhvilluar në pistën qytetase amerikane. Një garë e dominuar nga 4 herë kampioni i botës, që mori kryesimin që pas kthesës së parë dhe e ruajti atë deri në fund (suksesi nr.69 në karrierë).
Piloti holandez përfitoi nga një start jo i mirë i Lando Norris me McLaren, që e mbylli garën në vendin e dytë. Gjithsesi, britaniku i McLaren vazhdon të komandojë renditjen provizore të pilotëve (30 pikë më shumë se Piastri). Në podium u ngjit edhe britaniku George Russell me Mercedes (i treti), në një garë të mirë.
Në vendin e katërt u rendit australiani Oscar Piastri me makinën tjetër McLaren dhe pas tij italiani Kimi Antonelli me Mercedes (i pesti), që u penalizua me 5 sekonda (e nisi garën nga vendi i 17-të). Ky rezultat nuk i bën shumë punë Piastri, që vazhdon të humbasë terren në renditje ndaj Norris.
Në vendin e gjashtë u rendit Charles Leclerc me Ferrari. Ai që shpreson te titulli është edhe Max Verstappen, që ngushton diferencën me kreun e renditjes (42 pikë pas kreut), por kanë mbetur vetëm dy gara. Gara e sotme ishte në dritë-hije për Ferrari, që në pjesën e parë u paraqit mirë me të dy pilotët, por pa kapur dot podiumin.
Piloti britanik i Ferrari, Lewis Hamilton, që u nis nga vendi i fundit, megjithë përpjekjet nuk shkoi dot më shumë se vendi i dhjetë dhe mori vetëm një pikë. Në zonën e pikëve u renditën edhe Carlos Sainz (vendi 7), Isack Hadjar (vendi 8) dhe Niko Hulkenberg (vendi 9). -
Detroit lider në Konferencën e Lindjes, Chicago fiton në fund, “OK” Clippers e Memphis
Detroit mbetet skuadra më e mirë në Konferencën e Lindjes, duke mposhtur sot edhe Milwaukee me shifrat 129-116. Një fitore jashtë fushe për Pistons, ku për miqtë u dallua Cade Cunningham me 29 pikë e 10 asist (për Bucks mungoi sërish Antetokounmpo).
Fitore në sekondat e fundit për Chicago, që triumfoi 121.120 ndaj Washington. Për Bulls u dallua Nikola Vucevic me 28 pikë e 12 rebound. Pa probleme fiton edhe Atlanta, që mundi 115-98 New Orleans, ndeshje ku u dallua Porzingis me 30 pikë.
Zhgënjen skuadra e Dallas, që u mund në shtëpi 102.96 nga Memphis, në një ndeshje të dueluar deri në fund (Aldama me 20 pikë më i miri). Jashtë fushe fiton edhe ekipi i Clippers, që falë 55 pikëve të veteranit James Harden mundi 131-116 Charlotte.
NBA-Rezultatet e sotme
Charlotte – Clippers, 116-131
Orlando – New York, 133-121
New Orleans – Atlanta, 98-115
Chicago – Washington, 121-120
Milwaukee – Detroit, 116-129
Dallas – Memphis, 96-102 -
VIDEO/ Disfatë e hidhur, Liverpool bie keq në Anfield
Liverpool tregon edhe një herë se po kalon një sezon të vështirë, teksa pësoi disfatë 0-3 ndaj Nottingham në shtëpi.
The Reds e panë veten në disavantazh pas 33 minutash lojë, pas golit të Murillos. Savona ndëshkoi ekipin e Slot, në fillimin e pjesës së dytë. Gibs White i dha goditjen e fundit Liverpoolit, me golin e tij në të 78-ten. Liverpool është në vendin e 11-të, Nottingham është në vendin e 16-të. -
VIDEO/ Luhet ndeshja e Superiores, “Air Albania” pushtohet nga reshje të pazakonta shiu
Dinamo dhe Elbasani përballen në Air Albania, në ndeshjen e Superiores. Reshjet e shiut, kanë vështirësuar në maksimum zhvillimin normal të sfidës.
Gjithsesi, takimi i elitës vazhdon, teksa për momentin po luhet pjesa e dytë.Dinamo dhe Elbasani përballen në ndeshjen e vlefshme për javën e 12-të. Të dielën janë në program ndeshje të tjera të kësaj xhiroje.
-
VIDEO/ Barazim me gola në shiun e “Air Albanias”, Elbasani dhe Dinamo ndajnë pikët
Dinamo barazon 1-1 me Elbasanin, në ndeshjen e vlefshme për Superioren. Në një Air Albania ku po binte shi i dendur, të parët shënuan ekipi nga Elbasani, me anë të Tsague.
Bregu barazoi llogaritë, në fundin e pjesës së parë, duke çuar skuadrat në barazim në dhomat e zhveshjes.Pavarësisht rasteve në pjesën e dytë nuk pati gol.
Me këtë rezultat, Elbasani kryeson kampionatin me 24 pikë. Në krahun tjetër, të besuarit e Dajës janë në vendin e katërt me 19 pikë. -
Napoli rikthehet te fitorja dhe te vendi i parë, Palladino e nis me humbje tek Atalanta (video)
Napoli është rikthyer te fitorja, pasi mundi 2-0 Atalantën në “Diego Armando Maradona”, ndeshje e vlefshme për javën e 12-të në Serie A.
Protagonisti kryesor i 45 minutave të para ishte padyshim David Neres, braziliani shënoi dy gola. Goli i parë erdhi në minutën e 16-të, pas mori një pasim nga rasmus Hojlund, Neres futet bukur në zonë dhe dërgon topin në rrjetë me një goditje të lehtë me të djathtën.
Goli i dytë erdhi në minutën e 38-të, pas pasimit të marrë nga Scot McTominay, Neres shkund rrjetën me një goditje të fuqishme brenda zonës. Noa Lang trefishoi shifrat për Napolin me golin e tij në fund të pjesës së parë. Holandezi shënoi me kokë pas krosimit të Di Lorenzo.
Atalanta e nis më mirë pjesën e dytë, pasi gjeti golin me Gianluca Scamacca, i futur pikërisht në fillim të kësaj pjese, në vend të Mario Pasalic. Scamacca shënoi një gol shumë të bukur me një goditje akrobatike, pas asistit të Raul Bellanova.
Shifrat nuk ndryshuan deri në fund, Napoli fiton 3-1 dhe ngjitet momentalisht në vendin e parë me 25 pikë. Rafaelle Palladino e nis me humbje tek Atalanta, duke treguar që ka shumë punë për të bërë me këtë ekip, që nuk është më i njëjti pas largimit në verën e kaluar të Gian Piero Gasperini.
SHIKOGOLAT -
PSG merr fitoren e tretë rresht dhe kreun e renditjes. Nuno Mendes & Joao Neves, të jashtëzakonshëm (video)
22 Nëntor 2025
22:56
Telesport
PSG ka marrë fitoren e tretë rresht, pasi mposhti sot 3-0 Le Havre në “Parc des Princes”, ndeshje e vlefshme për javën e 13-të në Ligue. Ishte Lee Kang-In, i cili zhbllokoi shifrat në minutën e 29-të, pas një asisti fantastik të Nundo Mendes.
Mbrojtësi portugez është fantastik këtë sezon, ku deri tani numëron 4 gola dhe 5 asiste. Goli i dytë erdhi në minutën e 65-të me Joao Neves. Pasi dy tentativat nga Bradley Barcola u ndalën, Joao Neves ishte në vendin dhe në momentin e duhur për të dërguar topin në rrjetë.
Goli i gjashtë për mesfushorin portugez në pesë ndeshje rresht. Bradley Barcola vulosi fitoren 3-0 për parizienët me golin e tij në minutën e 87-të, pas asistit të Kvaratskhelia. Pas kësaj fitoreje, PSG guan vendin e parë me 30 pikë, dy pikë më shumë se dy ndjekësit më të afërt Olimpique Marseille dhe Lens.
SHIKOGOLAT -
Liverpul në krizë totale, e pëson edhe Siti i Pep
Liverpuli mbetet në një krizë të thellë, duke humbur edhe sot në Anfield për javën e 12-të kundër Notingham Forest me shifrat 0-3. Të Kuqtë dominuan pjesën e parë, por nuk arritën të depërtonin. Çuditërisht, miqtë thyen barazimin: Devijimi i Murillos nga afër në minutën e 33-të e çoi rezultatin në 0-1.
Pas pushimit, Forest menjëherë dyfishoi epërsinëduke shkuar në 0-2. Lojtarët e Slot dukej se nuk po dorëzoheshin por goditja përfundimtare erdhi në minutën e 81-të: Gibbs-White shfrytëzoi gjuajtjen e Hutchinson, e cila ishte pritur nga Alison. Liverpuli humbi ndeshjen e gjashtë, i bllokuar në 18 pikë në renditje: Notingham Forest tani është në 12.
Sakaq edhe Siti thyhet nga Njukasëll 2-1. Fiton Çesli 0-2 ndaj Bërnlit në udhëtim, po ashtu Kristal Palasë merr tri pikë (0-2) me Uolves, Brajton përmbys 2-1 Brentford, Fulhem kalon në fund 1-0 Sanderland ndërsa Buornemëth-Uest Hem përfundoi 2-2./Foto ‘X’/Sportiim.al/
Vazhdo leximin