Gazeta “KOHA JONË” themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga “Sami Frasheri”, Pallatet e Aviacionit të Vjetër Nr. 2, TIRANA – ALBANIA
Category: Showbiz
-
Nuk qëndroi as 24 orë! Largohet banori i parë nga “Big Brother VIP Kosova 4”
-
Mentor Haziri largohet nga BBVK, zbulohet arsyeja prekëse
Këngëtari Mentor Haziri është larguar nga shtëpia e “Big Brother Vip Kosova” pas qëndrimit të shkurtër prej pak më shumë se 24 orësh.
Arsyet e largimit të tij janë personale. Ai u shpreh se ka humbur një familjar, dhe kjo ngjarje e ka goditur emocionalisht dhe e ka rënduar.
Ai mblodhi të gjithë banorët, dhe ua dha këtë lajm, megjithatë ua bëri të ditur edhe arsyen e këtij vendimi.
“Siç e dini, kam humbur djalin e dajës, dhe e kam varrosur një ditë para se të vija këtu. Kam mendu që do ta kaloj, e kam mbajt fjalën dhe besën, kam ardh, sepse kështu meriton një produksion i tillë. Mendova që do të ia dal, por nuk munda”, sqaroi Haziri.
Banorët e shtëpisë e përshëndetën dhe ngushëlluan.
Përmes një postimi të ndjerë në rrjetet sociale, Mentori shkruante me dhimbje të madhe për humbjen e parakohshme:
”Kushtrimi, djali i dajës, na la e na tronditi të gjithëve sot. Një djalë shembullor, një artist e regjisor me një kontribut të madh në teatrin e Ferizajt e komunitetin tonë artistik. Një djalë që na donte të gjithëve e që priste me ardhë me na pa në pranverë. Të pushoftë shpirti në parajsë, Kusho!”- shkruante ai. -
Aksidentohet Fjolla Morina, dalin pamjet nga vendngjarja
Këngëtarja Fjolla Morina, është raportuar se është përfshirë në një incident rrugor gjatë orëve të fundit. Burime pranë saj bëjnë me dije se artistja ka pësuar një aksident me automjet, megjithëse rrethanat e sakta të ngjarjes mbeten ende të paqarta.
Deri tani nuk dihet se ku ka ndodhur aksidenti dhe çfarë e ka shkaktuar atë. Autoritetet kompetente nuk kanë dhënë ende një njoftim zyrtar, ndërkohë që familjarët dhe stafi i këngëtares nuk kanë bërë ende një deklaratë publike.
Ajo që ka ngritur më shumë shqetësim është fakti se Fjolla Morina, e njohur për prezencën e saj në rrjetet sociale, nuk ka reaguar ende në asnjë nga platformat e saj. Mungesa e një deklarate apo qoftë edhe një postimi të shkurtër ka shtuar dyshimet dhe interesimin e ndjekësve të saj, të cilët po kërkojnë me ngulm informacion mbi gjendjen e saj.
Aktualisht, nuk ka të dhëna të konfirmuara mbi gjendjen shëndetësore të këngëtares apo nëse ajo ka pësuar lëndime serioze si pasojë e aksidentit. Burime jozyrtare sugjerojnë se ajo mund të jetë duke marrë trajtim mjekësor, por asgjë nuk është verifikuar zyrtarisht.
Mbetet të pritet një komunikim nga familja, menaxhmenti apo vetë këngëtarja për të sqaruar më shumë rreth kësaj ngjarjeje që ka shqetësuar fansat dhe publikun e gjerë. -
Tension në tapetin e kuq, Ariana Grande u kërkon fotografëve të ruajnë qetësinë
Në premierën e “Wicked: For Good” në New York, Ariana Grande u kërkoi fotografëve të ndalonin së bërtituri ndërsa pozonte në tapetin e kuq, pasi blicet po ndriçonin mbi të.
Më konkretisht, kur këngëtarja po bënte foto në tapetin e kuq, ajo u bëri thirrje fotografëve të ruanin një qëndrim më të qetë, siç mund të shihet në një video të regjistruar nga organizata.
Kolegia e saj në film, Cynthia Erivo, shihet gjithashtu në video duke u bërë shenjë fotografëve të ulin volumin ndërsa blicet binin mbi Grande-n. “E shihni sa e qetë është tani?”, bëri shaka Ariana Grande me një buzëqeshje pas kërkesës së saj.
Në një fragment tjetër të publikuar nga Associated Press, këngëtarja u tha fotografëve: “Ju premtoj se do t’ju bëjnë një foto”, pasi më parë u kishte kërkuar të mos bërtisnin.Grande dhe Erivo, të cilat luajnë në adaptimin e “Wicked” si Glinda dhe Elphaba, pozuan për foto së bashku, por shmangën dhënien e ndonjë deklarate publike në New York, ku u zhvillua ndalesa e fundit e premierës.
“Është shumë emocionuese të jesh në New York, ku është Teatri Gershwin, ku po shfaqet ‘Wicked’, dhe të festojmë së bashku sonte”, u tha Ariana Grande gazetarëve që prisnin që ajo të bënte një deklaratë, dhe Erivo shtoi: Është vërtet e bukur të përfundojmë këtu, aty ku filloi gjithçka.”
Grande dhe Erivo morën pjesë në premierën e “Wicked: For Good” me regjisorin John M. Chu dhe bashkë-aktorët Jonathan Bailey, Jeff Goldblum, Marisa Bond, Michelle Yeoh dhe Ethan Slater, ndër të tjerë. Filmi do të dalë në kinema më 21 nëntor. -
Ndahet nga Donald Veshaj? Bora Zemani: Mu mbush Instagrami me mesazhe…
Moderatorja e njohur Bora Zemani ka reaguar për herë të parë ndaj thashethemeve që qarkulluan së fundmi për një ndarje të supozuar me partnerin e saj, Donald Veshajn. Në një rrëfim per ‘Goca dhe Gra’, Bora zbuloi se lajmet e pavërteta janë përhapur menjëherë sapo ajo ka postuar një foto të Donaldit, çka ka ngjallur reagime të shumta nga ndjekësit.
“Unë e mora vesh që ishte shpërndarë një lajm për ndarjen tonë, kur postova një foto të Donaldit. Mu mbush Instagrami me mesazhe: ‘Shyqyr që nuk jeni ndarë!’ Më thonin shpesh, sa herë postoja foto me Donaldin,” tregoi moderatorja, e habitur nga intensiteti i reagimeve në rrjet.
E intrigurë nga situata, Bora vendosi të hetojë se çfarë po ndodhte dhe u ndesh me lajme të rreme, të cilat jo vetëm që flisnin për një ndarje, por përmendnin edhe arsye të pavërteta si xhelozia apo fshirja e fotove nga Instagrami, diçka që moderatorja e mohoi plotësisht.
“Bëhem kurioze dhe hap të shoh ç’po ndodh, ku ishin këto lajme që jemi ndarë. Fusnin dhe arsye të tjera, xhelozia, që kanë fshirë fotot në IG… por asgjë nuk ishte e vërtetë,” shtoi ajo.
Deklarata e Borës duket se i ka dhënë fund spekulimeve që qarkulluan me shpejtësi në rrjetet sociale javët e fundit. Çifti, i cili mbetet ndër më të komentuarit në showbiz-in shqiptar, vijon të tërheqë vëmendjen e publikut me çdo postim apo dalje të përbashkët. -
Shëndeti i përkeqësohet, aktori i njohur dërgohet me urgjencë në spital
Ajo që filloi me një dhimbje të fortë koke përfundoi me një shtrim urgjent në spital për Liev Schreiber. Të dielën, më 16 nëntor, aktori 58-vjeçar kontaktoi mjekun e tij, i cili, pasi dëgjoi simptomat, e këshilloi të shkonte menjëherë në spital, i alarmuar nga mundësitë e origjinës së këtyre simptomave.
Sipas informacionit nga TMZ, Liev Schreiber thuhet se e kaloi natën e së dielës, më 16 nëntor, në një spital të Nju Jorkut nën vëzhgim duke pritur rezultatet e analizave për të sqaruar gjendjen shëndetësore të aktorit amerikan.
Çfarë i ndodhi Liev Schreiber?
Sipas TMZ, burime pranë Liev Schreiber thuhet se konfirmuan se megjithëse aktori vuante nga një dhimbje e fortë koke, aftësitë e tij njohëse nuk u prekën dukshëm, ai ishte në gjendje të fliste dhe të ecte normalisht, megjithatë, gjendja e tij është veçanërisht shqetësuese për shkak të historisë së tij mjekësore.
Më parë, Schreiber thuhet se vuante nga një gjendje e rrallë e quajtur amnezi globale kalimtare, gjatë paraqitjes së tij në “Late Night with Seth Meyers”, ndërsa luante në “Doubt: a Parable” në Broadway.
“Isha në dhomën e zhveshjes dhe pata një dhimbje koke të tmerrshme. Mendova se ndoshta ishte një dhimbje koke nga ushqimi i shpejtë, por ndihesha pak më e fortë se kaq”, tha Schreiber.
Megjithatë, e zuri paniku kur pa bashkë-aktoren e tij Amy Ryan dhe nuk mundi ta mbante mend emrin e saj:
“Shfaqja është fshirë nga mendja ime… E di që jam në një shfaqje, por nuk e di se në cilën” komentoi Schreiber.
Pas kësaj, atij iu diagnostikua amnezi globale kalimtare, megjithatë, vetë Schreiber dyshoi në diagnozën e tij, duke treguar për një goditje në tru të pazbuluar:
«E dini, si një hebre i mirë hipokondriak, jam i bindur se kam pësuar një goditje në tru dhe ata thjesht nuk e kanë zbuluar», tha ai me sensin e tij karakteristik të humorit.
Amnezia globale kalimtare zakonisht zgjidhet vetvetiu brenda 24 orëve dhe shpesh shkaktohet nga stresi, por mund të shkaktohet edhe nga një migrenë e fortë ose një ndryshim i menjëhershëm i temperaturës, kështu që dhimbja e kokës që aktori përjetoi ditët e fundit ngriti kambanat e alarmit tek mjeku i tij. -
Komentet e Egla Cenos, reagimi ironik i Ema Andreas: Falënderoj këdo që ka marrë kohën për mua
Pas debatit të bujshëm në emisionin “Goca dhe Gra”, aktorja e njohur Ema Andrea ka reaguar serish ne emisionin ‘Goca dhe Gra’, duke zgjedhur të mos e ushqejë më tej polemikën.
“Unë dua t’ju falënderoj këdo që ka marrë kohën për mua, më ka bërë të kuptoj se jam mirënjohëse për këdo që më ka dhuruar kohën në çfarëdo lloj forme dhe formati. Uroj që ta kem merituar kohën tuaj…”
Ky citim vjen vetëm pak dite pas situatës së diskutueshme në studion e emisionit, ku gjatë bisedës për seminarin motivues që Ermal Mamaqi do të zhvillojë këtë fundjavë, atmosfera u tensionua papritmas.
Gjatë puntatës, Mamaqi prezantoi trajnimin e tij dyditor, duke shpjeguar se pjesëmarrësit, përfshirë disa personazhe VIP do të marrin mjete dhe teknika për të përmirësuar cilësinë e jetës dhe marrëdhënien me vetveten. Ai madje iu drejtua drejtpërdrejt aktores në studio, duke i thënë:
“Do më dëgjosh dy ditë dhe unë do të tregoj se çfarë mund të bësh më mirë me jetën tënde.”
Ema Andrea reagoi menjëherë, duke dhënë një përgjigje të prerë dhe të sinqertë:
“Tani e kuptova pse je në këtë situatë, ku je i bindur se çdo gjë që thua do t’u shërbejë të gjithëve. Çfarë bëj në jetë e kam zgjedhur vetë, dhe jam e suksesshme me këtë që kam zgjedhur. Kam gjëra më të rëndësishme për të bërë.”
Deklarata e saj u përhap me shpejtësi në rrjetet sociale, duke nxitur komente të shumta dhe mbështetje nga publiku. Situatën e ndezi edhe më shumë një postim i aktores tjetër, Egla Ceno, i cili u interpretua nga ndjekësit si një aludim apo “kunjë” ndaj Ema Andreas. -
Sezoni i dytë i “Piramida”, Bora Zemani zbulon dy kapitenët e rinj
Këtë të premte, Top Channel ndez përsëri garën dhe adrenalinën me rikthimin e sezonit të dytë të “Piramida”, një prej ‘game-show’-eve më të ndjekur të vitit të kaluar. Spektakli, që u shndërrua shpejt në një fenomen për publikun e të gjitha moshave, rikthehet me surpriza, ritëm më të lartë dhe format të forcuar.
Moderatore e programit do të vijojë të jetë Bora Zemani, e cila ishte e ftuar këtë javë në emisionin “Goca dhe Gra”, ku ndau disa detaje ekskluzive nga sezoni i ri. Sipas saj, interesi i publikut këtë vit ka qenë më i madh se kurrë:
“Aplikimet janë shumë më të larta se sezoni i kaluar. Çdokush mund të krijojë skuadrën e vet,” u shpreh Bora, duke theksuar se pjesëmarrja e lartë tregon se formati ka prekur shumë njerëz dhe ka krijuar një komunitet të vërtetë gare.
Një ndër risitë më të mëdha të sezonit të dytë është përfshirja e dy kapitenëve të rinj, figura të njohura të ekranit dhe humorit shqiptar: Visjan Ukcenaj dhe Cubi Metkaj. Të dy do të kenë rolin e motivatorëve të skuadrave, duke i shtuar garës energji, humor dhe frymë bashkëpunimi.
“Këtë sezon jam me dy kapiten që duhet të motivojnë skuadrat. Visjani dhe Cubi do t’i fusin në shpirtin e garës,” tha Bora. -
A do të jetë Bora Zemani pjesë e ‘BBV5’?
Moderatorja e njohur Bora Zemani ka folur hapur për herë të parë rreth mundësisë për t’u bërë pjesë e “Big Brother”, spektaklit më të ndjekur në Shqipëri. E ftuar në emisionin “Goca dhe Gra”, Bora u pyet drejtpërdrejt nëse do ta merrte një hap të tillë dhe përgjigjja e saj ishte e prerë.
“Nuk besoj sepse më duket eksperiencë shumë e vështirë. Unë nuk do e bëja dot,” u shpreh moderatorja, duke sqaruar se formati, pavarësisht suksesit dhe vëmendjes së madhe që sjell, kërkon një lloj përballjeje emocionale për të cilën ajo nuk ndihet e gatshme.
Edhe pse nuk ka qenë kurrë fizikisht banore në shtëpinë e famshme, Bora rrëfeu se e ka përjetuar nga afër presionin, ritmin dhe ngarkesën emocionale të këtij reality-show, sidomos gjatë edicionit të parë të Big Brother VIP, ku partneri i saj, Donald Veshaj, ishte një ndër protagonistët kryesorë.
“Në këto kushte që kam qenë, i kam parë benefitet pa qenë pjesë e shtëpisë. BBV1 ka qenë eksperiencë intensive, shumë, shumë mbytëse sepse kishte të bënte me gjëra të miat personale,” shpjegoi ajo, duke kujtuar momentet e tensionit dhe vëmendjes së jashtëzakonshme që pati marrë historia e tyre gjatë atij edicioni.
Ajo theksoi se presioni publik, izolimi nga bota jashtë dhe ekspozimi i çdo aspekti personal janë elementë që e bëjnë Big Brother një sfidë të jashtëzakonshme. -
Billy Bob Thornton shpjegon gjerdanët e famshëm të shisheve të gjakut me Angelina Jolie: ‘Ajo ishte një nga kohët më të mira të jetës sime’
Billy Bob Thornton e ka sqaruar njëherë e mirë historinë e një momenti të rëndësishëm në marrëdhënien e tij me Angelina Jolie-n . Thornton, 70 vjeç, dha detaje të reja mbi pretendimin e famshëm se ai dhe ish-gruaja e tij Angelina Jolie mbanin shishe me gjakun e njëri-tjetrit.
“Secili prej nesh kishte nga një medaljon të vogël, fjalë për fjalë me nga një pikë gjaku brenda,” tha ylli i Landman në një intervistë të re me Rolling Stone . “Kjo është një ide e vogël romantike, dhe kjo është e gjitha që ishte. Por kur mbaron, ne jemi vampirë. Jetojmë në një burg të nëndheshëm, pimë gjakun e njëri-tjetrit dhe gjëra të tilla.”
“Një shishe me gjak është shumë e thjeshtë. Angie u kthye në shtëpi një ditë me një çantë që bleu,” tha ai, sipas E! News . “I njihni ato medaljonet që blini që janë transparente dhe vendosni një fotografi të gjyshes suaj brenda ose diçka të tillë dhe e mbani rreth qafës? Kjo ishte ajo që ishte.”
Pavarësisht pikëpamjes së fortë publike për marrëdhënien, Thornton pohoi se ata u ndanë me kushte të mira.
“Dhe sigurisht, unë dhe Angelina [Jolie] kaluam shumë mirë së bashku. Ajo ishte një nga kohët më të bukura të jetës sime”, i tha ai revistës. “Unë dhe ajo jemi ende miq shumë, shumë të ngushtë. Dhe kjo ishte ajo që përfundoi në një ndarje vërtet të civilizuar. Ne thjesht u ndamë sepse stilet tona të jetesës ishin kaq të ndryshme.”