Lajmidites.com

Category: Kosova

  • Vrasja e zyrtarit të EULEX-it, 7 persona u shoqëruan nga policia gjatë bastisjeve të sotme në 9 lokacione në veri

    Vrasja e zyrtarit të EULEX-it, 7 persona u shoqëruan nga policia gjatë bastisjeve të sotme në 9 lokacione në veri

    Kosova E Diel, 19 Tetor 2025 15:04
    Prokuroria Speciale e Republikës së Kosovës, në bashkëpunim me Policinë e Kosovës, ka zhvilluar sot një operacion të gjerë policor në komunat Zubin Potok dhe Zveçan, si pjesë e hetimeve lidhur me vrasjen e një zyrtari të Misionit të Bashkimit Evropian për Sundim të Ligjit në Kosovë (EULEX).
    Sipas komunikatës së përbashkët të lëshuar të shtunën, operacioni është zhvilluar “në bazë të urdhrit të lëshuar nga Gjykata Themelore në Prishtinë dhe nën udhëheqjen e Prokurorisë Speciale”, duke pasuar një hetim të ndërlidhur me vrasjen e zyrtarit të EULEX-it, A.S.

    Gjatë bastisjeve, të kryera nga Drejtoria për Hetimin e Krimit të Organizuar dhe Krimeve të Rënda, janë kontrolluar gjithsej nëntë lokacione: dy në Zveçan dhe shtatë në Zubin Potok.

    Bastisjet janë bërë nën dyshimin për kryerjen e veprave penale: “Rrezikimin e personelit të Kombeve të Bashkuara ose personelit në marrëdhënie me to”, “Vrasje të Rëndë” dhe “Sulm ndaj personit zyrtar gjatë kryerjes së detyrës zyrtare.”

    Policia ka shoqëruar shtatë persona, të cilët janë marrë në pyetje dhe më pas janë liruar në procedurë të rregullt.
    “Nga bastisjet janë gjetur dhe sekuestruar disa dëshmi materiale që mund të lidhen me rastin, përfshirë: dy armë, municion, veshje me përmbajtje nacionaliste, dylbi, dokumente, pajisje elektronike të ndryshme etj”, thuhet në njoftim.
    Autoritetet kanë nënvizuar se gjatë zbatimit të urdhrit për bastisje, si një hap i rëndësishëm procedural në kuadër të një hetimi që është ende në zhvillim, janë gjetur dhe sekuestruar prova materiale.
    Në fund të komunikatës, Prokuroria Speciale dhe Policia e Kosovës kanë theksuar përkushtimin për garantimin e rendit dhe drejtësisë.
    “Prokuroria Speciale dhe Policia e Kosovës, ritheksojnë përkushtimin në luftën kundër krimit të organizuar dhe sjelljen para drejtësisë të atyre që cenojnë sigurinë, ligjin dhe rendin në Republikën e Kosovës”, theksohet në njoftim. /Telegrafi/

  • Kosovë, përfundon numërimi dhe verifikimi i votave të rregullta për zgjedhjet e 12 tetorit

    Kosovë, përfundon numërimi dhe verifikimi i votave të rregullta për zgjedhjet e 12 tetorit

    Komisioni Qendror i Zgjedhjeve njoftoi se kanë përfunduar aktivitetet në Qendrat Komunale të Numërimit për zgjedhjet lokale të 12 tetorit. Ndërkaq, për ditën e tretë me radhë në Qendrën e Numërimit dhe Rezultateve po vazhdon numërimi i votave me postë.
    Komunat e fundit në të cilat përfundoi procesi i numërimit dhe verifikimit të rezultateve në orët e vona të së shtunës ishin Prishtina, Prizreni, Gjilani dhe Malisheva.

    KQZ njoftoi më 19 tetor se sa u përket votimit brenda vendit janë verifikuar rezultatet për 2.571 vendvotime të rregullta nga zgjedhjet për kryetarë të komunave dhe rezultatet për subjektet politike nga zgjedhjet për kuvende komunale nga 2.571 vendvotime.

    “Nga po kaq vendvotime, 2.571, janë numëruar votat e kandidatëve nga zgjedhjet për kuvendet komunale. Pra, në këtë proces, në QKN, janë procesuar 5.142 kuti votime që i takojnë dy llojeve të zgjedhjeve”, u tha në njoftim.

    Aktualisht po vazhdon numërimi dhe verifikimi i votave nga jashtë dhe sipas të dhënave deri në orën 10:00 të së dielës janë numëruar 54 kuti me fletëvotime për kryetarët e komunave dhe 45 të tjera për kuvendet komunale.
    Qytetarët që jetojnë jashtë Kosovës votuan përmes postës nga 17 shtatori deri më 11 tetor. Sipas KQZ-së, ishin 33.841 pako me fletëvotime të supozuara dhe pas verifikimit, 29.636 u aprovuan. Numërimi i këtyre votave ka nisur më 17 tetor.
    Pas përfundimit të numërimit të këtyre fletëvotimeve, do të numërohen edhe votat me kusht dhe të personave me nevoja të veçanta dhe më pas KQZ-ja do të shpallë rezultatin për rundin e parë të zgjedhjeve lokale.
    Rundi i dytë pritet të mbahet më 9 nëntor. Sipas rezultateve preliminare, 21 komuna kanë zgjedhur në rundin e parë kryetarët e komunave, ndërkaq në 17 të tjera pritet të organizohet rundi i balotazhit.
    Në ditën e zgjedhjeve votuan 39.58 për qind e mbi dy milionë qytetarëve me të drejtë vote brenda vendit.REL

  • Përfundon numërimi dhe verifikimi i votave të rregullta për zgjedhjet e 12 tetorit në Kosovë

    Përfundon numërimi dhe verifikimi i votave të rregullta për zgjedhjet e 12 tetorit në Kosovë

    Komisioni Qendror i Zgjedhjeve njoftoi se kanë përfunduar aktivitetet në Qendrat Komunale të Numërimit për zgjedhjet lokale të 12 tetorit. Ndërkaq, për ditën e tretë me radhë në Qendrën e Numërimit dhe Rezultateve po vazhdon numërimi i votave me postë. 
    Komunat e fundit në të cilat përfundoi procesi i numërimit dhe verifikimit të rezultateve në orët e vona të së shtunës ishin Prishtina, Prizreni, Gjilani dhe Malisheva. 
    KQZ njoftoi më 19 tetor se sa u përket votimit brenda vendit janë verifikuar rezultatet për 2.571 vendvotime të rregullta nga zgjedhjet për kryetarë të komunave dhe rezultatet për subjektet politike nga zgjedhjet për kuvende komunale nga 2.571 vendvotime. 
    “Nga po kaq vendvotime, 2.571, janë numëruar votat e kandidatëve nga zgjedhjet për kuvendet komunale. Pra, në këtë proces, në QKN, janë procesuar 5.142 kuti votime që i takojnë dy llojeve të zgjedhjeve”, u tha në njoftim. 
    Aktualisht po vazhdon numërimi dhe verifikimi i votave nga jashtë dhe sipas të dhënave deri në orën 10:00 të së dielës janë numëruar 54 kuti me fletëvotime për kryetarët e komunave dhe 45 të tjera për kuvendet komunale. 
    Qytetarët që jetojnë jashtë Kosovës votuan përmes postës nga 17 shtatori deri më 11 tetor. Sipas KQZ-së, ishin 33.841 pako me fletëvotime të supozuara dhe pas verifikimit, 29.636 u aprovuan. Numërimi i këtyre votave ka nisur më 17 tetor. 
    Pas përfundimit të numërimit të këtyre fletëvotimeve, do të numërohen edhe votat me kusht dhe të personave me nevoja të veçanta dhe më pas KQZ-ja do të shpallë rezultatin për rundin e parë të zgjedhjeve lokale. 
    Rundi i dytë pritet të mbahet më 9 nëntor. Sipas rezultateve preliminare, 21 komuna kanë zgjedhur në rundin e parë kryetarët e komunave, ndërkaq në 17 të tjera pritet të organizohet rundi i balotazhit. 
    Në ditën e zgjedhjeve votuan 39.58 për qind e mbi dy milionë qytetarëve me të drejtë vote brenda vendit. REL 

  • Prokuroria Speciale bastisje në Zveçan dhe Zubin Patok, hetime për vrasje e sulm ndaj zyrtarëve të OKB-së

    Prokuroria Speciale bastisje në Zveçan dhe Zubin Patok, hetime për vrasje e sulm ndaj zyrtarëve të OKB-së

    Hetuesit policorë po kryejnë bastisje në komunën e Zveçanit dhe Zubin Potokut më 19 tetor, njoftuan autoritetet. 
    Sipas njoftimit të Prokurorisë Speciale të Kosovës, e cila ka parashtruar kërkesën në gjykatë për këtë operacione, janë duke u kryer bastisje në këto dy komuna nën dyshimin e kryerjeve të veprave penale: “rrezikimin e personelit të Kombeve të Bashkuara ose personelit në marrëdhënie me to, vrasje e rëndë dhe sulm ndaj personit zyrtar gjatë kryerjes së detyrës zyrtare” 
    Prokuroria tha se bashkë me Policinë është duke kryer hetimet e nevojshme për këtë rast. 
    “Publiku do të njoftohet me detaje, pas përfundimit të operacionit”, u tha në njoftim. 
    Njoftimi i prokurorisë: 
    “Prishtinë, 19 Tetor 2025 – Prokuroria Speciale e Republikës së Kosovës është duke zhvilluar një operacion policor në Komunën e Zubin Potokut dhe të Zveçanit. 
    Hetuesit policorë nga Drejtoria për Hetimin e Krimit të Organizuar dhe Krimeve të Rënda, janë duke e zbatuar një urdhër të Gjykatës, me kërkesë të Prokurorisë Speciale, për të kryer bastisje në nëntë (9 ) lokacione, nën dyshimin për kryerjen e veprave penale: 
    – Rrezikimin e personelit të Kombeve të Bashkuara ose personelit në marrëdhënie me to; 
    – Vrasje të Rëndë; 
    – Sulm ndaj personit zyrtarë gjatë kryerjes së detyrës zyrtare. 
    Operacioni po mbështetet edhe nga njësi të tjera relevante të Policisë së Kosovës. 
    Prokuroria Speciale bashkë me Policinë e Kosovës është duke ndërmarrë të gjitha veprimet e nevojshme hetimore, në përputhje me Kodin e Procedurës Penale. Publiku do të njoftohet me detaje, pas përfundimit të operacionit”. 
    Zveçani dhe Zubin Potoku, janë dy nga katër komunat në veri të Kosovës, të banuara me shumicë serbe. Në këto komuna, viteve të fundit ka pasur tensione dhe më 2023, në këtë zonë kishte pasur protesta të serbëve lokalë kundër kryetarëve shqiptarë të komunave. 
    Protestat më 2023 kulmuan me përplasjen mes protestuesve dhe pjesëtarëve të misionit paqeruajtës të NATO-s në Kosovë, KFOR, në Zveçan më 29 maj. Gjatë kësaj përplasjeje u lënduan dhjetëra ushtarë të KFOR-it dhe protestues. NATO-ja vazhdimisht ka kërkuar që përgjegjësit për dhunën të përballen me drejtësinë. 
    Në shtator të po atij viti në Banjskë të Zveçanit, një grup i serbëve të armatosur sulmoi Policinë e Kosovës, duke vrarë një rreshter. 
    Kosova e konsideron këtë si sulm terrorist dhe për të e fajëson Serbinë. Përgjegjësinë për sulmin e ka marrë Millan Radoiçiq, ish-nënkryetar i Listës Serbe – partisë kryesore të serbëve në Kosovë që gëzon mbështetjen e Beogradit. 
    Kosova ka ngritur aktakuzë ndaj tij dhe personave të tjerë që dyshohen për këtë rast, por vetëm ndaj tre personave po zhvillohet gjykimi pasi të tjerët janë të paarritshëm për autoritetet e Kosovës. 
    Kosova kërkon që Serbia të dorëzojë Radoiçin dhe të dyshuarit e tjerë për Banjskën, teksa bashkësia ndërkombëtare kërkon që ata të përballen me drejtësi./REL 
     

  • Rrëfimi tronditës i deputetes: Si ia premë krahun me sharrë ushtarit të UÇK për t’i shpëtuar jetën

    Rrëfimi tronditës i deputetes: Si ia premë krahun me sharrë ushtarit të UÇK për t’i shpëtuar jetën

    Deputetja e AAK-së në Kosovë, Time Kadriaj, ka rrëfyer një episod tronditës nga lufta e 1998-1999, në Klan News, me gazetarin Besard Jacaj.
    Në transmetimin kushtuar protestës pro liderëve të UÇK-së në Tiranë, Kadriaj kujtoi kohët e vështira dhe episodet e tmerrshme me të cilat u përballën shqiptarët e Kosovës nga forcat serbe, në fund të shekullit të kaluar.
    “Unë kam qenë mjeke në kohën e luftës në Zonën Operative të Dukagjinit dhe kemi patur shumë mungesa (në medikamente). Kemi improvizuar mjete të ndryshme në trajtimin e të plagosurve. Një të plagosuri (ushtar i UÇK-së), i cili nga minat e ka patur gati të shkëputur dorën, na është dashur të ndërhyjmë me sharrë druri të dezinfektuar për t’i shkëputur pjesën e mbetur. Nëse nuk do ta kishim ndalur në atë mënyrë gjakderdhjen, do të kishte humbur jetën. Sot është me një dorë, por është gjallë. Dhe si ky episod, kemi patur plot raste të tjera”, shpjegoi Kadriaj.
    Kadriaj është prej vitesh ligjvënëse në Kuvendin e Kosovës, ndërsa më tej në bisedë, tha se ndihet krenare që në gusht të vitit 2015 ka votuar kundër ngritjes së Gjykatës Speciale.
    Deputetja kosovare shprehu mbështetjen për ish-liderët e UÇK-së në Hagë, duke e cilësuar të padrejtë mbajtjen e tyre në paraburgim që prej vitit 2020.

  • LDK refuzon koalicionin me LVV: Nuk do ta votojmë një qeveri me Kurtin kryeministër

    LDK refuzon koalicionin me LVV: Nuk do ta votojmë një qeveri me Kurtin kryeministër

    Në Lidhjen Demokratike të Kosovës janë të vendosur për të mos pranuar hyrjen në një koalicion me Lëvizjen Vetëvendosje të Albin Kurtit. Në drejtim të partisë që drejtohet nga Lumir Abdixhiku ka pasur disa ftesa publike për bashkëpunim, por LDK thotë se nuk do të bashkojë votat me Kurtin për shkak të keqqeverisjes në mandatin e tij të parë.
    “Jo, ne nuk do ta votojmë, ashtu siç e dini edhe ju edhe qytetarët e Kosovës. Ne i kemi marrë disa ftesa për me hy në koalicion me Lëvizjen Vetëvendosje që nga fillimi, domethënë kur kanë filluar hapat e parë për konstituimin e Kuvendit. Ne të gjitha ato i kemi refuzuar, për arsye që mendojmë se Lidhja Demokratike e Kosovës nuk është e gatshme të qeverisë me LVV, duke e pasur parasysh që qeverisja e tyre gjatë katër viteve të kaluara ka qenë keqqeverisje në të gjitha dikasteret, në të gjitha ministritë”, thotë deputeti i LDK, Paris Guri.
    LDK thotë se nuk do të lejojë të vijojë cenimi i raporteve me aleatët ndërkombëtarë.
    “Duke e pasur parasysh që për LDK-në njëri prej misioneve kryesore është mbajtja e raporteve me aleatët ndërkombëtarë, ndërsa këta gjatë katër viteve i kanë dëmtuar shumë interesat tona në raport me miqtë tanë dhe Kosova është nën sanksione. Ne nuk do të kontribuojmë në vazhdimin e një qeverisjeje prej LVV-së”, shprehet Guri.
    Më 11 tetor, Kurti mori mandatin për krijimin e qeverisë së re nga presidentja Osmani dhe i kanë mbetur edhe 8 ditë afat për të gjetur 61 votat e nevojshme për të marrë miratimin në Kuvend.

  • KQZ nis publikimin e votave me postë, LDK kryeson në Dragash, VV në Shtime dhe Mitrovicë

    KQZ nis publikimin e votave me postë, LDK kryeson në Dragash, VV në Shtime dhe Mitrovicë

    Komisioni Qendror i Zgjedhjeve (KQZ) ka nisur sot publikimin e rezultateve të votave me postë për zgjedhjet lokale në disa komuna të Kosovës, ndërsa procesi i numërimit dhe verifikimit pritet të vazhdojë gjatë ditëve në vijim.
    Rezultatet e numëruara deri tani tregojnë një epërsi të ndryshme të partive në varësi të komunës:
    Në komunën e Dragashit, ku numërimi i votave me postë ka përfunduar (100%), rezultatet janë si vijon:
    Kandidati i Lidhjes Demokratike të Kosovës (LDK), Bexhet Xheladini, prin bindshëm me 1,181 vota (55.92%).
    Pas tij renditet kandidati i Partisë Demokratike të Kosovës (PDK), Shaban Shabani, me 537 vota (25.43%).
    Kandidati i Lëvizjes Vetëvendosje (LVV), Filiz Mustafa, ka marrë 350 vota (16.57%).
    Edhe në Shtime janë publikuar rezultatet finale të votave me postë, ku përpara është kandidati i Vetëvendosjes (LVV), Qemajl Aliu, me 379 vota (51.63%).
    Kandidati i PDK-së, Përparim Ramusa, renditet i dyti me 258 vota (35.15%).
    Në Mitrovicën e Jugut janë numëruar vetëm 50% e votave me postë, por sipas rezultateve të deritanishme, kandidati i Vetëvendosjes (LVV), Faton Peci, kryeson me 169 vota (58.48%).
    Kandidati i PDK-së, Arian Tahiri, ka 83 vota (28.72%).
    KQZ ka njoftuar se procesi i verifikimit dhe publikimit të rezultateve të mbetura nga votat me postë për komunat e tjera do të vazhdojë gjatë ditëve në vijim.

  • “Historia e luftës nuk mund të rishkruhet”! Djali i Jakup Krasniqit mbështet protestën e Tiranës

    “Historia e luftës nuk mund të rishkruhet”! Djali i Jakup Krasniqit mbështet protestën e Tiranës

    Deputeti i PDK-së, Altin Krasniqi, djali i ish-komandantit të UÇK-së, Jakup Krasniqi, ka mbështetur në rrjetet sociale protestën që u mbajt një ditë më parë në Tiranë.
    Ai thotë se askush nuk duhet të ketë frikë nga kërkesa për respektimin e të drejtave të të burgosurve dhe nga thirrja që drejtësia në Gjykatën Speciale të jetë në përputhje me standardet europiane.
    Krasniqi apelon që të gjitha partitë politike të flasin me të njëjtën gjuhë për UÇK-në, pasi historia e luftës për liri nuk mund të rishkruhet.
    Tv Klan

  • Kosova pranohet në Komitetin Ekonomik dhe Social Evropian

    Kosova pranohet në Komitetin Ekonomik dhe Social Evropian

    Kosova E Shtunë, 18 Tetor 2025 14:25
    Komiteti Ekonomik dhe Social Evropian (EESC) është bërë institucioni i parë i Bashkimit Evropian që ka vendosur të pranojë anëtarë nga Kosova.
    Sipas njoftimit, ky institucion këshilldhënës në strukturat e BE-së, ka ftuar organizatat e shoqërisë civile në Kosovë që të aplikojnë për anëtarësim deri më 24 tetor në kuadër të Nismës së shteteve kandidate për zgjerim (ECMc), të iniciuar më 2023.

    “Me këtë nismë shpresojmë të fuqizojmë projektet që nxisin dialogun civil dhe social, duke forcuar angazhimin dhe bashkëpunimin brenda komuniteteve kosovare”, thuhet në thirrjen e publikuar në ueb-faqen e këtij komuniteti.

    Në shkurt të vitit 2024, EESC-ja u bë institucioni i parë i BE-së që pranoi anëtarë nga shtetet kandidate. Megjithatë, asokohe Kosova nuk u përfshi, pasi është shteti i vetëm në rajonin e Ballkanit Perëndimor që nuk e ka statusin e vendit kandidat.

    Më 2024, ky komitet pranoi si anëtar Shqipërinë, Bosnje e Hercegovinën, Gjeorgjinë, Malin e Zi, Maqedoninë e Veriut, Moldavinë, Serbinë, Turqinë dhe Ukrainën. Që të gjitha këto shtete formalisht janë vende kandidate për anëtarësim në bllokun evropian.
    Nga ky komitet ishte thënë se nisma shënon një hap të rëndësishëm drejt integrimit gradual të shteteve kandidate, para se ato formalisht të anëtarësohen në BE.
    Pavarësisht se Kosova nuk ka statusin e kandidates për anëtarësim në BE, sipas një përgjigjeje që ky komitet i ka dërguar Kohës, u vendos që “të hapet faza e dytë e kësaj nisme edhe për Kosovën si kandidate potenciale për anëtarësim”.
    EESC-ja është pjesë integrale e BE-së. Ky komitet është themeluar më 1957 në bazë të Traktatit të Romës dhe synon të këshillojë vendimmarrësit e BE-së për t’u siguruar që organizatat dhe rrjetet e shoqërisë civile në mbarë kontinentin evropian kanë zë i përket zhvillimit të Evropës.
    Organizatat e shoqërisë civile që bëhen pjesë e komitetit veprojnë si ndërmjetës mes vendimmarrësve dhe publikut.
    “Qëllimi i EESC-së është që të ndihmojë që procesi i politikbërjes dhe ai legjislativ të jetë më demokratik, më efektiv dhe të reflektojë vërtetë nevojat e qytetarëve të BE-së”, thuhet në ueb-faqen e komitetit.
    Komiteti ka selinë në Bruksel dhe përbëhet nga 329 anëtarë nga të gjitha 27 shtetet e BE-së. Vetëm anëtarët që vijnë nga shtetet e BE-së kanë të drejtë vote në EESC. Anëtarët vijnë nga fusha të ndryshme dhe ata përfaqësojnë shoqata punëtorësh, industri, dhoma të tregtisë, shoqata për ndërmarrjet e vogla dhe të mesme, konsumatorë, fermerë, mbrojtës të të drejtave të njeriut, e të tjerë.
    Ky komitet përbëhet nga tri grupe: Grupi i Punëdhënësve, Grupi i Punëtorëve dhe Grupi i Organizatave të Shoqërisë Civile.
    Ndryshe, Kosova ka aplikuar për anëtarësim në BE në dhjetor të vitit 2022. Megjithatë, ky aplikim ende nuk ka kaluar as në fazën e parë formale, atë të shqyrtimit nga Këshilli i BE-së dhe më pas dërgimit për opinion në Komisionin Evropian.

  • Aksidentohen 5 anëtarë të Komisionit Komunal të Zgjedhjeve në Ferizaj, 4 në gjendje të rëndë

    Aksidentohen 5 anëtarë të Komisionit Komunal të Zgjedhjeve në Ferizaj, 4 në gjendje të rëndë

    Komisioni Qendror i Zgjedhjeve ka njoftuar se të premten, në orën 18:17, pesë anëtarë të Komisionit Komunal të Zgjedhjeve në komunën e Ferizajt, kanë pësuar një aksident trafiku, derisa ishin të angazhuar në kryerjen e detyrave të tyre zyrtare në kuadër të procesit zgjedhor.
    Sipas informacioneve të para, gjendja shëndetësore e katër prej tyre është e rëndë dhe aktualisht po trajtohen në Qendrën Klinike Universitare të Kosovës (QKUK).
    “Për detaje të mëtejshme lidhur me gjendjen e tyre, rekomandojmë të kontaktohen institucionet shëndetësore përkatëse. Pesë zyrtarët e përfshirë në këtë ngjarje ishin të angazhuar me përkushtim të lartë në përmbylljen e procesit zgjedhor në komunën e Ferizajt, i cili u mbajt më 12 tetor në të gjithë vendin. Në këto momente të vështira, Komisioni Qendror i Zgjedhjeve shpreh shqetësimin e thellë për këtë ngjarje dhe lutet për shërimin sa më të shpejtë të tyre. Mendimet dhe përkrahja jonë janë me anëtarët e KKZ-së në Ferizaj dhe me familjet e tyre”, thuhet në njoftim./Kosova Press/