Lajmidites.com

Category: Kosova

  • “Spiralja e ndritshme”, çka janë imazhet që u panë mbrëmë edhe në qiellin e Kosovës

    “Spiralja e ndritshme”, çka janë imazhet që u panë mbrëmë edhe në qiellin e Kosovës

    Një spirale e ndritshme u shfaq në qiellin e natës thuajse në të gjithë Evropën, dhe ekspertët e Shërbimit Meteorologjik Britanik shpjegojnë se shkaku i këtij fenomeni të pazakontë ka shumë të ngjarë të vijë si pasojë e raketës SpaceX Falcon 9.
    Fenomeni u vëzhgua nga Danimarka në Milano dhe spiralja ishte e dukshme për disa minuta para se të zhdukej, raportoi Sky News.
    Ky fenomen u pa edhe në Ballkan, mbi Kroacinë, Kosovë, Bosnjë dhe Hercegovinën, Slloveninë dhe Serbinë.
    Sipas ekspertëve, gazrat e ngrirë të shkarkimit nga shtresat e sipërme të raketës krijojnë forma në atmosferë ndërsa reflektojnë rrezet e diellit, duke i bërë ato të dukshme nga Toka.
    Ky efekt ndodh kur karburanti i hedhur nga faza e sipërme e një rakete ngrin menjëherë në lartësi të madhe.
    Raketa Falcon 9 u lëshua nga Florida të hënën rreth orës 17:5 si pjesë e një misioni të qeverisë amerikane.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • “Ishte gjeni” Sali Berisha flet me shallin e Rugovës në qafë

    “Ishte gjeni” Sali Berisha flet me shallin e Rugovës në qafë

    “Ibrahim Rugova është, në vlerësimin tim, një gjeni shqiptar në politikën evropiane dhe në politikën botërore. Është një gjeni i papërsëritshëm”, tha Sali Berisha në promovimin e librit më të ri të Adnan Merovcit për ish-presidentin Rugova.
    “Intelektual i klasit të parë. Ai angazhohet në çështjen e kombit dhe vendit të tij. Në mënyrë gjeniale, ai zgjedh një rrugë krejtësisht të huaj për shqiptarët. Të huaj për shumicën e kombeve të botës. Zgjedh rrugën paqësore për të mundur një pushtim. Kombet, ndaj pushtimeve, kanë pasur ose nënshtrim, ose përballje me armë”, tha Berisha.
    “Ibrahim Rugova nuk zgjodhi as të parën dhe as të dytën, por zgjodhi qëndresën paqësore, me të cilën ai shtyu muret e kohës. Me të cilën ai në mënyrë më mahnitëse, ta quajmë mrekullia Rugova, ai arriti që një projekt, të cilin përveç atij, përveç shqiptarëve, nuk mbaj mend një të dytë që ta përkrahte, që ta mbështeste, t’i lëmë folkloret, pavarësinë e Kosovës nuk e mbishteste njeri, përveç atij. Imagjinoni për një moment të luftosh i vetëm dhe të gjithë kundër. Por përsëri, ai në këmbë. Pse në këmbë? Sepse kishte bërë një zgjedhje gjeniale, kishte bërë zgjedhjen paqësore. Rugova nuk ishte vetëm një lider vizionar, por ishte i vetmi politikan që sa ç’ishte lider, aq ishte edhe misionar.
    Ibrahim Rugova, sigurisht që lufta dhe ndërhyrja e NATO-s qenë faktorë madhorë, por përsëri u garantoj se edhe pas çlirimit, pa Ibrahim Rugovën, pavarësia e Kosovës e kishte shumë të ngushtë hapësirën. Rugova, në kushtet e pushtimit, ngriti institucione të shqiptarëve dhe institucione të cilat u qëndruan besnikë parimeve të shpallura. Tani, Rugova në liri, pa diskutim që ishte i plotë për të qenë president i të gjithë qytetarëve të Kosovës. Dhe unë jam dëshmitar i sa e sa kundërshtive që kishte pas çlirimit të Kosovës për të pranuar si variant pavarësinë. Por përsëri kthehemi tek e para, për Rugovën tjetër zgjidhje nuk kishte përveç pavarësisë. Pra, ky burrë ia doli. Ia doli të ideojë ëndrrën e shqiptarëve të Kosovës për pavarësi. Ta ndryshojë. Ajo ëndërr ishte për bashkim kombëtar. Por ajo ëndërr për bashkim nuk ishte e realizueshme. Ajo kishte një kosto të tmerrshme për Kosovën. Edhe e thoshte, pavarësia njëherë, pastaj shohim më vonë.
    Pra, nuk ka një të dytë në politikë, natyrisht ka shumë ngjashmëri edhe në karrierën e tij politike me Gandin. Gandi ishte nismëtar i asaj që realizoi. Rugova ishte nismëtar i asaj që realizoi. Në kushtet më të vështira”, tha Berisha.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • Hapet e pamja për Nexhmije Haradinin që u vra dje në Stanoc të Vushtrrisë

    Hapet e pamja për Nexhmije Haradinin që u vra dje në Stanoc të Vushtrrisë

    Është hapur e pamja për Nexhmije Haradinin, gruan 42-vjeçare që u vra dje në Stanoc të Vushtrri.
    Gruaja dyshohet se është vrarë nga i dyshuari 58-vjeçar, i cili më pas bëri vetëvrasje.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • Paralajmërohet protestë gjithëpopullore kundër shtrenjtimit të rrymës

    Paralajmërohet protestë gjithëpopullore kundër shtrenjtimit të rrymës

    Nga data 1 prill qytetarët pritet ti marrin faturat e energjisë elektrike me tarifa me të larta.
    Kjo pasi Zyra e Rregullatorit për Energjisë Elektrike ka propozuar rritjen e çmimit të rrymës për 15% nga muaji i ardhshëm.
    E kjo nuk është mirëpritur nga qytetarët në vend.
    Madje, këta, kanë nisur edhe një iniciativë në rrjetet sociale me moton “Asnjë cent më shumë”.
    Themeluesi i kësaj nisme, Luan Hasanaj, ka treguar qëllimin e kësaj fushate.
    “ Pra rritja e çmimit të energjisë elektrike në këtë kohë është me të vërtetë e papranueshme sepse Kosova edhe ashtu po përballet me rritje enorme në çdo sektor dhe ne nëse rrisim edhe çmimin e energjisë ne e dimë se kjo do të pasohet pastaj edhe me rritje shtesë zinxhirë të çdo çmimi tjetër , qoftë të produkteve apo edhe në prodhimtari industri apo edhe tjerat”, shprehet Hasanaj.
    Madje nëse institucionet e vendit nuk zmbrapsen nga ky vendim atëherë priten edhe protesta gjithë-popullore.
    “Fokusi tani i ZRRE-së është që sa më shumë njërzit të i shkruaj dhe të i tregojnë që ata janë të pakënaqur me ketë vendim që pretendohet të merret dhe krahas kësaj mandej do të angazhohemi për të organizuar një protestë të madhe ku do të ftojmë të gjithë qytetarët të marrin pjesë e kësaj dhe gjithë së bashku të kundërshtojmë këtë vendim dhe të mos lejojmë marrjen e tij prej anës së ZRRE-së”, thotë Hasanaj.
    E dje gjatë ditës, disa aktivistëve të shoqërisë civile kanë mbajtur një aksion simbolike tek zyrat e ZRRE-së për ta kundërshtuar shtrenjtimin e energjisë elektrike.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • “Mot i paqëndrueshëm gati nonstop këtë javë”

    “Mot i paqëndrueshëm gati nonstop këtë javë”

    Meteorologu Mendim Rugova ka paralajmëruar mot “gati nonstop të paqëndrueshëm” gjatë kësaj jave.
    Temperaturat pritet të bien pak “nga pjesa e dytë e javës”.
    “Karakteristikë e kësaj jave do të jetë kjo kështjellë ciklonike që na sjell gati nonstop mot të paqëndrueshëm, me vranësira dhe kohë pas kohe me shi”, tha ai.
    Mendim Rugova tha se të martën temperaturat maksimale pritet të mbërrijnë deri në 15 e 18 gradë celsius, ndërsa shtoi se “nga e mërkura, e sidomos të enjten, pritet të ketë më shumë vranësira dhe më shumë të reshura”.
    “Rreziku për të reshura nuk hiqet as gjatë fundjavës, e që mundet me vazhdu edhe ditën e fundit të marsit”, tha ai.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • Kapen 1200 kilogramë duhan të papërunuar, po futej nga Shqipëria në Kosovë

    Kapen 1200 kilogramë duhan të papërunuar, po futej nga Shqipëria në Kosovë

    Policia e Kosovës, në rajonin e Prizrenit, ka ndaluar një kombi me targa vendore i cili po lëvizte në drejtimin nga kufiri Shqipëri – Kosovë.
    Gjatë kontrollimit të personit dhe kombit janë gjetur të ngarkuara në rreth 1200 kg duhan të papërpunuar. Lidhur me rastin drejtuesi i mjetit së bashku me automjetin janë sjellë në SPMK Dragash për procedura të mëtejme.
    Lidhur me rastin është kontaktuar prokurori kompetent dhe me vendim të tij rasti iniciohet si ‘kontrabandë me mallra dhe shmangie nga obligimet doganore’.
    Automjeti dhe malli janë konfiskuar, ndërsa personi i dyshuar me urdhër të prokurorit është ndaluar për 48 orë.

    FACT CHECK:
    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

    KLIKO PËR TË VOTUAR

  • Grisi Kuranin gjatë muajit të shenjtë të Ramazanit, ja sa vite burg rrezikon autori

    Grisi Kuranin gjatë muajit të shenjtë të Ramazanit, ja sa vite burg rrezikon autori

    Veprim provokues dhe fyes po konsiderohet grisja e librit të shenjët të Kuranit në Prizren.
    Personi që bëri këtë veprim gjatë së hënës së 17 marsit, po vazhdon të qëndrojë në paraburgim për kryerjen e veprës penale nxitje të urrejtjes dhe përçarje. Ndërkohë, avokati i Bashkësisë Islame në Prizren, kërkon hetim më të detajuar të rastit.
    Sipas Policisë, i dyshuari ka të kaluar kriminale për vrasje, dhunë në familje dhe kanosje dhe gjithashtu ka pranuar trajtim të detyrueshëm.
    Rasti ndodhi në kohën kur besimtarët myslimanë në Prizren, po përfundonin faljen e drekës, ku i dyshuari në qendër të këtij qyteti grisi librin e shenjtë të fesë islame, Kuranin.
    Avokati i autorizuar nga Bashkësia Islame në Prizren, Gent Gjini ka thënë për KosovaPress, se rasti i ndodhur në Prizren nuk është fenomen i njohur që ndodh në trevat shqiptare. Megjithatë, Prokuroria Speciale ka reaguar dhe i dyshuari është në paraburgim.
    “Janë edhe kamerat, pamjet ku në qendër të qytetit, në muajin e shenjët të Ramazanit, personi e merr guximin dhe e gris Kuranin. Unë dyshoj se ne nuk duhet të ndalemi se personi ka të kaluar kriminale dhe ka probleme mendore sepse çështja është më komplekse dhe duhet të hetohet në pista të ndryshme, pasi duhet të shihet rezultati nga vend bastisja e shtëpisë së tij, apo te telefonit nëse ka ndonjë mesazh që mos është nxitur nga dikush, andaj prokuroria duhet ta kryej punën e vet”, tha ai.
    Gjini thotë se po hulumton edhe te vendet skandinave, ku ky fenomen, sipas tij, është në rritje por edhe studimet janë më profesionale dhe shikohet çështja në pista dhe forma të tjera.
    Sipas tij, në Kosovë ky rast është i dënueshëm dhe ka të bëjë me veprën penale nxitje e urrejtjes dhe përçarje fetare.
    “Ligjet e Kosovës janë goxha të dënueshme, është një vepër që ka një përgjegjësi të madhe penale sepse është bërë një përçarje fetare, duke ditur që jemi në muajin e shenjët të Ramazanit dhe Kosova ka një numër të madh të besimtarëve të fesë islame. Këtu e kanë pritur shumë keq dhe janë tronditur, domethënë vepra është e dënueshme dhe parashihet me burgim deri në 8 vjet”, tha ai.
    Veprimet e tij që i bëri në afërsi të një xhamie, e pranë teqesë, u regjistruan nga kamerat e sigurisë të një biznesi, e që pronari vendosi t’i shpërndajë në rrjete sociale.
    Ndërkohë, drejtues fetarë në Prizren kanë bërë thirrje që të gjithë qytetarët të kursehen nga veprimet e tilla, që mund të nxisin urrejtje e tensione.

  • “Agjenda e Shtëpisë së Bardhë, jo e qartë”, ish-zëdhënësi i NATO-s: Trupat e SHBA e çojnë Kosovën te Trump

    “Agjenda e Shtëpisë së Bardhë, jo e qartë”, ish-zëdhënësi i NATO-s: Trupat e SHBA e çojnë Kosovën te Trump

    Prezenca e trupave amerikane në Kosovë tërheqin vëmendjen e Shtëpisë së Bardhë për stabilitetin e atij vendi. Kështu vlerëson ish zëdhënësi i NATO-s, Jamie Shea. Në një intervistë për KosovaPress, ai thekson se megjithatë politika e administratës Trump për Kosovën nuk është ende e qartë.
    “Sigurisht, prania amerikane është e rëndësishme. E dini, NATO, së bashku me Shtetet e Bashkuara dhe europianët, realizuan fushatën ajrore në vitin 1999. SHBA-ja dhe Europa punuan së bashku për të sjellë paqe në Bosnje e Hercegovinë pas vitit 1995. Dhe, sigurisht, KFOR-i ka qenë aty tashmë për më shumë se një çerek shekulli. Kështu që ka qenë një histori e madhe suksesi për shkak të këtij partneriteti transatlantik. Kur e konsideroni zhvendosjen e forcave amerikane në mbarë botën, në Korenë e Jugut, në Japoni, në Filipine, në disa pjesë të Lindjes së Mesme, dhe sigurisht, në Europë, numri në Kosovë është i vogël. Është shumë, shumë i vogël.
    Nuk është një barrë e madhe për buxhetin e Pentagonit. Por promovon një nivel të jashtëzakonshëm stabiliteti dhe parandalimi gjithashtu, duke parandaluar agresionin kundër Kosovës. Prandaj, shpresoj shumë që ato forca amerikane të mbeten. E dini, ndoshta europianët do të duhet të paguajnë më shumë për këtë. Nuk e di, siç thashë, sepse Trump është shumë i fokusuar te çështjet financiare. Por trupat amerikane gjithashtu e mbajnë Kosovën në radarin e Shtëpisë së Bardhë. Nëse Shtetet e Bashkuara kanë trupa në një vend, ata kanë tendencë të interesohen për gjeopolitikën e atij vendi dhe të luajnë një rol në diplomacinë e rajonit gjithashtu. Prandaj mendoj se është e rëndësishme të kesh atë praninë e dukshme të SHBA-së për të mbajtur SHBA-në të angazhuar në diplomacinë konstruktive rajonale gjithashtu. Nuk e shoh mundësinë për një konflikt të ri.
    Por gjithmonë ekziston rreziku i disa incidenteve siç ndodhi me Banjskën, sigurisht, disa vite më parë, që ishte një incident i tmerrshëm. Dhe këto incidente, sigurisht, mund të shpërthejnë dhe të dalin jashtë kontrollit. Kjo është e vërtetë. Dhe kemi parë demonstrata dhe trazira në veri. Ka njerëz që, sigurisht, duan të nxisin probleme, kur bëhet fjalë për tabela regjistrimi ose zgjedhje komunale, ose rolin e dinarit në ekonominë e Kosovës, ata shohin një pretekst për të nxitur probleme. Kështu që mendoj se ky është një skenar shumë i mundshëm, fushata dezinformuese, propaganda dhe incidente. Dhe mendoj se është e rëndësishme, që KFOR-i të punojë shumë ngushtë me forcat e sigurisë të Kosovës, me policinë e Kosovës, për të pasur informacione të mira për të parashikuar këto incidente, për të monitoruar kufirin shumë me kujdes. Kështu që mendoj se nuk do të ketë një konflikt të madh, jo, por fatkeqësisht, provokime, po, dhe për këtë arsye nevojiten të jemi të gatshëm”, tha Jamie Shea, ish-zëdhënës i NATO.

  • Detaje nga krimi në Kosovë! Adoleshentët u konfliktuan për një vajzë, 19-vjeçari vrau me armë bashkëmoshatarin

    Detaje nga krimi në Kosovë! Adoleshentët u konfliktuan për një vajzë, 19-vjeçari vrau me armë bashkëmoshatarin

    Një 19-vjeçar mbeti i vrarë me armë zjarri në Vushtri të Kosovës mbrëmjen e djeshme.
    Viktima është identifikuar si Ardit Zymeri. Ndërsa autor i dyshuar i ngjarjes është 19-vjeçari Bleon Dibrani, i cili është arrestuar.
    Viktima Ardit Zymeri
    Në kuadër të hetimeve të kryera në vendin e ngjarjes, grupi hetimor si prova materiale gjeti dhe sekuestroi tre gëzhoja. Ndërkohë, në banesën e autorit u gjet dhe u sekuestrua një armë me 5 fishekë.
    Autori Bleon Dibrani
    Teksa hetimet po vazhdojnë, pista kryesore është ajo e xhelozisë. Dyshohet se dy të rinjtë janë konfliktuar me njëri-tjetrin për një vajzë, konflikt i cili ka degraduar deri në përdorimin e armëve dhe ka përfunduar në tragjedi.

  • Si ndodhi vrasja e 19-vjeçarit Ardit Zymeri? Nga shkaqet te dëshmia e autorit

    Si ndodhi vrasja e 19-vjeçarit Ardit Zymeri? Nga shkaqet te dëshmia e autorit

    Një 19-vjeçar u vra me armë zjarri nga një djalë tjetër të dielën mbrëma në qytetin verilindor të Kosovës, Vushtrri. I dyshuari është kapur pak kohë pas aktit dhe është dërguar në mbajtje, ku thuhet ta ketë pranuar fajësinë.
    Motivet e vrasjes nuk dihen ende, derisa autoritetet thanë se po kryejnë hetime të vazhdueshme.
    Çfarë ndodhi?I dyshuari shtiu me armë zjarri në drejtim të 19-vjeçarit Ardit Zymeri mbrëmjen e së dielës në rrugën “Galip Badivuku” në Vushtrri, duke i shkaktuar plagë vdekjeprurëse, tha Policia e Kosovës të hënën.
    Viktima u dërgua në Spitalin e Vushtrrisë, ku nga autoritetet spitalore u konfirmua vdekja e tij, tha Policia pas një hetimi fillestar.
    Zëdhënësi i Prokurorisë Themelore të Mitrovicës, Valon Preteni, tha për Radion Evropa e Lirë se i dyshuari është ndaluar për 48 orë nën akuzën për vrasje të rëndë.
    Preteni shtoi se i dyshuari e pranoi fajësinë për kryerjen e vrasjes, gjatë dhënies së deklaratës.
    Policia tha se si prova materiale ka gjetur tre gëzhoja dhe se e ka konfiskuar një revole që dyshohet se është përdorur nga i dyshuari në kryerjen e vrasjes.
    “Në shtëpinë e të dyshuarit është realizuar bastisje ku është gjetur dhe konfiskuar edhe një armë e gjatë me pesë (5) fishek”, tha Policia.
    Motivet ende nuk dihenPreteni tha se nuk mund të flasë për motivet e mundshme të vrasjes dhe se për këtë janë duke u kryer hetime të vazhdueshme.
    Policia e Kosovës, ndërkohë, tha se është duke i vazhduar hetimet në bashkëveprim me prokurorin e rastit, për t’i zbardhur të gjitha rrethanat që ndërlidhen me rastin e vrasjes.
    Xhaxhai i viktimës, Nysret Zymeri, tha për media në vend se familja nuk e njeh dorasin dhe nuk ka pasur telashe me njerëz të tjerë.
    “Nuk e dimë se si ka ndodhur. Të keqe nuk kemi pasur me askënd. Nuk kemi pasur me njeri të gjallë asnjë fjalë të keqe, ne nuk e kemi pritur… Kjo na ka ndodhur, informatën e kemi marrë mbrëmë, nuk e kemi njohur dorasin, as tani nuk e njohim”, ka thënë ai.
    Preteni theksoi se prokurori do të kërkojë nga gjykata shqiptimin e masës së paraburgimit për të dyshuarin./REL