Lajmidites.com

Category: Aktualitet

  • AKSION në Farkë në ‘sitë’ vilat e ish-deputetit të PS! Koçiu, Proda dhe IMT të pranishëm: Askush s’është mbi ligjin”

    pamje nga ngjarja

    TIRANË-Operacioni për lirimin e hapësirave publike dhe ndërtimet pa leje vijon. Java nis me një aksion në Farkë për bllokimin e disa objekteve të ndërtuara në shkelje të lejes. Forca të shumta të Inspektoratit të Mbrojtjes së Territorit (IMT) dhe Policisë Bashkiake kanë ndërhyrë sot në një kantier ndërtimi në zonën e Farkës, ku po ngriheshin disa objekte 2-3 katëshe në shkelje flagrante të lejes së ndërtimit. Raportohet se bëhet fjalë për 7 vila në pronësi të Vladimir Kostës, ish-deputet i Partisë Socialiste.
    Ministrja e Punëve të Brendshme, Albana Koçiu e shoqëruar nga Drejtori i Përgjithshëm i Policisë së Shtetit Ilir Proda, Kryeinspektorja e IKMT-së Dallëndyshe Bici, Nënkryetari i Bashkisë Tiranë, Blendi Sulaj dhe përfaqësues të IMT-së dhe IKMT-së, u bënë bashkë në Farkë për të inspektuar situatën. 
    Në njoftimin zyrtar Policia sqaroi se ndërtuesit, mbikëqyrësit dhe inspektorët që kanë shkelur kushtet e lejeve për objektet luksoze do të përballen me masa administrative dhe penale, ndërsa qytetarët u paralajmëruan të jenë të kujdesshëm gjatë blerjes së pronave duke verifikuar statusin e tyre ligjor.
    Policia: Operacioni kombëtar për vendosjen e ligjshmërisë në territor për ata që ndërtojnë pa leje apo përtej lejes apo lejes për qëllime fitimi, shtrihet në zonat rreth Tiranës, ku ndërtuesit, mbikyrësit, inspektorët e me radhë, që kanë shkelur kushtet e lejeve për vila e godina të shtrenjta, do të përballen me masat administrative e penale që parasheh legjislacioni në fuqi.
    Koçiu theksoi se aksioni synon të vendosë rend dhe rregull në territor, të mbrojë pronën publike dhe të garantojë zhvillim të qëndrueshëm. 
    Ministrja Albana Koçiu: Dua të theksoj që gjithë ky aksion vjen në vazhdën e paketës së masave ligjore të hyrë në fuqi në fillim të muajit tetor, të cilat kanë për synim të garantojnë e zbatojnë masa e sanksione konkrete. Këtu kam një thirrje për të gjithë qytetarët që dëshirojnë të blejnë një pronë, që duhet të bëjnë shumë kujdes në verifikimin e statusit ligjor të saj dhe të lajmërojnë organet kompetente për çdo parregullsi apo situatë abuzive me pronën. Ky është një aksion që do të vazhdojë deri ditën e fundit për të garantuar ligjshmërinë dhe për të mbrojtur gjithë territorin e vendit nga çdo lloj abuzimi me pronën publike. Askush që ka një leje ndërtimi apo del përtej lejes së ndërtimit nuk do të lejohet të përfitojë asnjë metër katror më tej se leja e dhënë. Dua t’u bëj thirrje të gjithë atyre që ndërtojnë apo shesin objekte që nuk do ta kenë të mundur të përfitojnë asnjë metër katror të zaptuar padrejtësisht dhe në mënyrë të paligjshme.
    Ndërkohë nënkryetari Sula theksoi se subjekti në fjalë kishte tejkaluar totalisht lejen zhvillimore, duke paralajmëruar se Bashkia Tiranë do të vazhdojë me vendosmëri aksionin në mbrojtje të territorit.
    “Bashkia Tiranë është e vendosur në mbrojtjen e territorit. Sot ishim në zonën e Farkës, ku një subjekt ka tejkaluar totalisht lejen e ndërtimit. Bashkia Tiranë ka evidentuar një listë me subjektet që në këtë zonë kanë shkelur ligjin dhe nuk i janë përmbajtur lejes së ndërtimit”, theksoi ai.

  • Rama, batuta me rektorin e Universitetit Bujqësor: Nuk ma merrte mendja që do të lavdëroja kaq shumë një demokrat

    Rama, batuta me rektorin e Universitetit Bujqësor: Nuk ma merrte mendja që do të lavdëroja kaq shumë një demokrat

    Kryeministri Edi Rama ka qenë i pranishëm në Konferencën Ndërkombëtare mbi Shkencat e Jetës dhe Bujqësinë, e zhvilluar në Universitetin Bujqësor të Tiranës, ku ekspertë nga brenda dhe jashtë vendit ndajnë dijen për një bujqësi që respekton natyrën dhe fuqizon ekonominë rurale.
    Në fjalën e tij, Rama nuk i ka kursyer batutat me rektorin e Univeristetit Bujqësor teksa i tha “nuk ma merrte mendja që do të lavdëroja kaq shumë një demokrat”.

    “Është konferencë mjaft kuptimplotë sepse zhvillohet në një atmosferë transformimi të Universitetit Bujqësor. Dua të kthehem një çast për të prekur sa më shkurt disa pika të rëndësishme.Momenti retrospektiv është kur rektori i universitetit m’u drejtua me një sens urgjence dhe paniku, për shkak të rënies së numrit të studentëve dhe domosdoshmërisë për të mundësuar që universiteti të mos mbetej pa studentë. Praktikisht më ka kërkuar të mbështet ideja e uljes së mesatares së pranimit në këtë universitet.Të shkonim në këtë drejtim që do të sillte, mbase, më shumë njerëz, por që do të komprometonte totalisht cilësinë e burimeve njerëzore në dispozicion të zhvillimit të vendit, në një sektor siç është bujqësia. Duhet të hapin perspektivën e arsimit të lartë për veten e tyre, përmes një mundësie të re, që t’u japë atyre forcën e dijes.

    Huberti ishte i zverdhur në atë moment, pasi pa kryeministrin e vendit dhe rektorin t’i mbinin në derë. Kryeministri i Shqipërisë me një grup të njohur, që mund edhe të kërkonin azil politik në Universitetin e Vjenës, kështu nisi bashkëpunimi që sot ka sjellë optimizëm. Ka rezultuar me 20% plus studentë.

    Sot Universiteti Bujqësor ka arritur në drejtimin e urtë dhe të duhur. Reformë që i vlen jo vetëm këtij universiteti, pro që hap shumë rrugë të tjera. Më vjen mirë që nga një universitet që jetonte në një proces rrënimi, si rezultat i kthimit të kurrizit ndaj temave që ky universitet mbulon, në fillimet ishte edhe i sulmuar, i kapur prej fyti, të disa metastazave këtu brenda; sot është kthyer në një pararojë të transformimit. Prarojë e përgjegjësisë. Padyshim që këtu ka një meritë të veçantë jo vetëm lidershipi i universitetit. Nuk ma kishte ngrënë mëndja që do të vinte dita që do të lavdëroja kaq shumë, sa herë më bie rasti, një demokrat. Por kam kuptuar që kur demokratët nuk kanë flokë e kam më të lehtë të gjej aleancë me ta”, tha Rama.

  • Adriana Kalaja ikën nga PD, në fokus ka një post publik

    Adriana Kalaja ikën nga PD, në fokus ka një post publik

    Ardiana Kalaja ka dhënë dorëheqjen e parevokueshme nga Partia Demokratike. Përmes një shkrimi të gjatë në Facebook, Kalaja bën me dije se ka shpallur kandidaturën për pozicionin e Avokatit të Popullit. ”Gjatë gjithë periudhës time të aktivitetit shoqëror, edhe pa mandatin e Avokatit të Popullit, kam qenë në ballë të betejave, në mbrojtje të të drejtave të demokratëve dhe qytetarëve shqiptarë, nga protestat e komisariatet e deri te proceset penale, të drejta këto të garantuara nga Kushtetuta e Republikës së Shqipërisë”,-shkruan Kalaja.
    Postimi i plotë

    Të nderuar miq. Fillimisht, desha të shpreh mirënjohjen time të pafundme, për Ju që më mbështetët dhe vlerësuat pa kushte. Edhe për Ju, që në raste të caktuara nuk ratë dakort me qëndrimet apo veprimet e mia, por ishit bashkëudhetarë në këtë rrugë tejet të vështirë. Po kështu, do doja t’u “kërkoja ndjesë”, të gjithë atyre, që kur mora funksionet e rëndësishme në PD, nuk ndoqa traditën e të mosbërit asgjë, por punova me përkushtim e nuk mungova në asnjë protestë apo aksion politik, se për mua politika duhet të jetë moral.

    Pas marrjes së këtyre funksioneve brenda Partisë Demokratike, më datë 3 qershor 2022, dhënë me votat e 2/3 të Këshillit Kombëtar, zgjedhur në këtë Këshill më datë 30.04.2022, kam punuar me korrektësi, përkushtim dhe seriozitet, së pari për të zbatuar këto funksione në mbrojtje të Statutit të PD-së, por edhe në interesin më të lartë të Partisë Demokratike, anëtarëve dhe votuesve të saj. Gjatë gjithë kësaj periudhe, përveç se jam angazhuar maksimalisht në mbrojtje të Statutit, si Kushtetuta e PD-së nga njëra anë, nga ana tjetër, kam dhënë kontributin tim pa kushte në mbrojtje të interesave të çdo demokrati, qytetari apo protestuesi dhe, rrjedhimisht, në ruajtje të demokracisë dhe pluralizmit në vend.

    Ndaj sot, ndjehem e detyruar t’Ju bëj me dije, se kam vendosur të shpall kandidaturën time për pozicionin e Avokatit të Popullit dhe se mund t`Ju them me bindje, që angazhimi dhe puna ime e vazhdueshme në gjithë aktivitetin profesional dhe atë shoqëror, deri më tani, janë orientuar gjithnjë drejt nevojës për respektimin dhe garantimin e shtetit ligjor të së drejtës, parimeve dhe të drejtave themelore kushtetuese, paqes e drejtësisë sociale, objektiva, të cilat më kanë shoqëruar në çdo veprimtari apo eksperiencë profesionale.
    Njëkohësisht me paraqitjen e kësaj kandidature, më lejoni t`ju bëj me dije, se qëllimi i aplikimit tim është ai për dhënien e kontributit tim profesional (ligjor, financiar) dhe qytetar, në përmbushjen sa më të mirë të rolit dhe pozitës, që Kushtetuta i ka dhënë Avokatit të Popullit jo vetëm për mbrojtjen e të drejtave, lirive dhe interesave të ligjshëm të individëve, pa dallim, nga veprimet ose mosveprimet e paligjshme e të parregullta të organeve të administratës publike në vendin tonë, por edhe për ndërmarrjen e të gjitha përpjekjeve për bashkëpunim me organet shtetërore për të zhvilluar e përmirësuar kuadrin rregullator dhe masat organizative, në përputhje me vlerat e parimet, që mbron Kushtetuta dhe në mbrojtje të interesit më të lartë publik e qytetar.
    Siç edhe Ju jeni në dijeni, gjatë gjithë periudhës time të aktivitetit shoqëror, edhe pa mandatin e Avokatit të Popullit, kam qenë në ballë të betejave, në mbrojtje të të drejtave të demokratëve dhe qytetarëve shqiptarë, nga protestat e komisariatet e deri te proceset penale, të drejta këto të garantuara nga Kushtetuta e Republikës së Shqipërisë. Për këtë arsye, Ju bëj me dije se ditën e enjte, kam depozituar pranë Kryetarit të Partisë Demokratike, dorëheqjen e parevokueshme si nga funksioni i Kryetares së Gjykatës, ashtu dhe nga Këshilli Kombëtar i Partisë Demokratike. Unë nuk e di si do shkojë procesi i mbështetjes apo i votimit për postin e Avokatit të Popullit, por di se kjo nuk do të thotë, se unë do heq dorë nga ato, që di të bëj më mirë:
    Të ndjek rrugën e të drejtës dhe të ligjit.Të jem në krah të çdo individi, që ka nevojë për mua.Të jem në opozitë me çdo padrejtësi.Deri atëherë, Ju uroj çdo të mirë në familjet tuaja dhe Zoti Ju bekoftë.

  • AKSHI, 2.4 milionë euro për recetat e FSDKSH

    AKSHI, 2.4 milionë euro për recetat e FSDKSH

    Agjencia Kombëtare e Shoqërisë së Informacionit, AKSHI, ka hapur procedurën e re të prokurimit për mirëmbajtjen e sistemit të e-recetave të Fondit të Sigurimit të Detyrueshëm të Kujdesit Shëndetësor. Ky tender konsiderohet si një nga më të mëdhenjtë në sektorin e teknologjisë së informacionit për këtë vit.
    Procedura ka një fond limit të konsiderueshëm prej 2.4 milionë eurosh me TVSH.
    Kontrata e mirëmbajtjes do të ketë një kohëzgjatje prej 24 muajsh, gjatë së cilës operatori fitues do të ofrojë shërbimin e vazhdueshëm për sistemin kritik të recetave elektronike.
    Tenderë të mëdhenj të mëparshëm të AKSHI-t gjatë muajve të fundit janë bllokuar shpesh në Komisionin e Prokurimit Publik (KPP) si pasojë e rivalitetit mes figurave kyçe si Ermal Beqiri dhe Gerond Meçe. Për këtë arsye, pritet me interes të shihet se çfarë do të ndodhë edhe me këtë prokurim të rëndësishëm për sistemin shëndetësor.

  • E pandehur nga SPAK, PD kërkesë për interpelancë urgjente me Belinda Ballukun

    E pandehur nga SPAK, PD kërkesë për interpelancë urgjente me Belinda Ballukun

    Një grup deputetësh të Grupit Parlamentar të PD, kanë kërkuar thirrjen në interprelacë urgjente të Zëvendëskryeministres Belinda Balluku, pas marrjes së saj si të pandehur nga SPAK për abuzimet me tenderin e ndërtimit të Tunelit të Llogarasë. Ky tender rezultojë të ishte i paracaktuar dhe me një faturë të fryrë financiare prej 50 milion euro më shumë.
    Në datën 31 Tetor 2025, Prokuroria e Posacme kundër Korrupsionit dhe Krimit të Organizuar (SPAK) ka njoftuar marrjen të pandehur të Zëvëndëskryeministres dhe Ministres së Infrastrukturës dhe Energjisë, Belinda Balluku akuzuar për kryerjen e veprës penale të “Shkeljes së barazisë së pjesëmarrësve në tendera apo ankande publike”, në bashkëpunim, parashikuar nga nenet 258/2 dhe 25 i Kodit Penal.
    Nga hetimet e kryera në kuadër të procedimit penal nr. 136, të vitit 2025 (bashkuar me procedimet penale nr. 167 dhe 181 të vitit 2024), ka rezultuar se në procedurën e prokurimit publik “Ndërtimi i tunelit të Llogarasë”, në seksionin rrugor Orikum – Himarë, pjesë e autostradës SH8 (Vlorë – Sarandë) zhvilluar në datën 11.12.2020 dhe pas anulimit të saj, është rihapur procedura në datën 22.06.2021, me fond limit rreth 190 milionë euro, janë kryer shkelje të akteve ligjore dhe nënligjore, me qëllim favorizimin e operatorit ekonomik fitues të kësaj procedure.
    Sipas dokumentacionit zyrtar dhe burimeve të hapura të informacionit rezulton se fillimisht për këtë procedurë prokurimi publik ishte shpallur fitues operatori ekonomik “Gjoka Konstruksion”, me ofertë 140 milionë euro. Por, pas anullimit të kësaj procedure, është shpallur fitues bashkimi i operatorëve ekonomik “INTEKAR – ASL”, me ofertë 190 milionë euro. Megjithatë, punimet janë kryer sërish me nënkontraktim nga shoqëria “Gjoka Konstruksion”, duke i sjellë Buxhetit të Shtetit një dëm të pajustifikuar prej 50 milionë euro.
    “Në këto kushte, me qëllim dhënien e shpjegimeve dhe informacioneve lidhur me sa më lart, në mbështetje të nenit 80, pika 1, të Kushtetutës së Shqipërisë dhe nenit 97, pika 1, të Rregullores së Kuvendit, kërkojmë thirrjen e një interpelance urgjente me Zëvëndëskryeministren dhe Ministren e Infrastrukturës dhe Energjisë, Belinda Balluku” – thuhet në kërkesën e depozituar nga deputetët e PD.

  • Defekt në tubacionin kryesor, këto zona në Tiranë do jenë pa ujë

    Defekt në tubacionin kryesor, këto zona në Tiranë do jenë pa ujë

    Ujësjellës Kanalizime Tiranë ka njoftuar se këtë të hënë do të ketë reduktim të furnizimit me ujë të pijshëm në disa zona të kryeqytetit.
    Sipas UKT-së, shkak për këtë është një defekt në tubacionin kryesor DN 200 mm në zonën e “Kodrës së Diellit”.
    “UKT njofton se, për shkak të një defekti në tubacionin kryesor DN 200 mm në zonën e “Kodrës së Diellit”, do të ketë reduktim të furnizimit me ujë të pijshëm në këto zona: Rruga “Rrapo Hekali”, Rruga “Bill Klinton”, Rruga “e Zallit”, Zona tek “Fondacioni Eleonora”, Zona e “Kodrës së Diellit” (jo rezidenca)”,- thuhet në njoftim.
    Institucioni njofton se ekipet e UKT ndodhen në terren dhe po punojnë për riparimin e defektit, teksa kërkon mirëkuptimin e banorëve të zonave të prekura deri në normalizimin e situatës.

  • Vlorë/ Sekuestrohen pasuri me vlerë 2 mln euro

    Vlorë/ Sekuestrohen pasuri me vlerë 2 mln euro

    Rreth 2 milionë euro pasuri, në pronësi të shtetasit Tahir Qenami (Kapaj), janë vënën në sekuestro me urdhër të Prokurorisë së Vlorës. Bëhet fjalë për 25 pasuri, prej të cilave 14 apartamente, 6 poste parkimi, 2 dyqane, një sipërfaqe toke si dhe dy automjete të tipit “Daimler Chrysler” e “Ford Focus”.
    Sekuestrimi i tyre u vë për veprën penale “Pastrimi i produkteve të veprës penale ose veprimtarisë kriminale.
    Pasuritë e sekuestruara:
    14 apartamente– Pasuria e llojit “apartament” me sip.82 m2, ZK 8603, lagja “29 Nëntori”, Vlorë, në zotërim të shtetasit T.Q.– Pasuria e llojit “apartament” me nr.98/3+3-22, e llojit apartament me sip.108.5 m2, nr.ap.22, ndërtuar nga shoqëria “Besa G&T” në komunën “Farkë”, “Sauk”, në zotërim të shtetases E.Q;– Pasuria e llojit “apartament” A6, kati 9, me sip.77.6 m2, sip. ballkoni 21.9 m2, sip. e përbashkët 8.95 m2, sip.totale 108.45 m2, ndodhur në lagjen “1 maji”, Vlorë prenotuar nga shtetasi T.Q.;– Pasuria e llojit “apartament” A7, kati 9, me sip.49.7 m2, sip. e përbashkët 5.55 m2, sip.totale 65.05 m2, ndodhur në lagjen “1 maji”, Vlorë, prenotuar nga shtetasi T.Q.;– Pasuria e llojit “apartament” A8, kati 9, me sip.49.7 m2, sip. ballkoni 9.8 m2, sip. e përbashkët 5.55 m2, sip.totale 65.05 m2 prenotuar nga shtetasi T.Q.;– Pasuria e llojit “apartament” A4, sip.49.7 m2, sip. ballkoni 9.8 m2, sip. e përbashkët 5.55 m2, sip.totale 65.05 m2, ndodhur në lagjen “1 maji”, Vlorë, prenotuar nga shtetasi T.Q ;– Pasuria e llojit “apartament” A5, kati 9, sip.77.6 m2, sip. ballkoni 21.9 m2, sip. e përbashkët 8.95 m2, sip.totale 108.45 m2, ndodhur në lagjen “1 maji”, Vlorë, të objektit B, ndërtuar nga shoqëria “Lespipa” shpk, sipas lejes së ndërtimit nr.7, prenotuar nga shtetasi T.Q.;– Pasuria e llojit “apartament” A3, kati 9, sip.49.7 m2, sip. ballkoni 9.8 m2, sip. e përbashkët 5.55 m2, sip.totale 65.05 m2, ndodhur në lagjen “1 maji”, Vlorë, prenotuar nga shtetasi T.Q.,– Pasuria e llojit “apartament” A2, kati 9, sip.77.6 m2, sip. ballkoni 21.9 m2, sip. e përbashkët 8.95 m2, sip.totale 108.45 m2, ndodhur në lagjen “1 maji”, Vlorë, prenotuar nga shtetasi T.Q.;– Pasuria e llojit “apartament” A1, kati 9, sip.77.6 m2, sip. ballkoni 21.9 m2, sip. e përbashkët 8.95 m2, sip.totale 108.45 m2,  ndodhur në lagjen “1 maji”, Vlorë, prenotuar nga shtetasi T.Q.;– Pasuria e llojit “apartament” A2, kati 4, sip.77.6 m2, sip. ballkoni 21.9 m2, sip. e përbashkët 8.95 m2, sip.totale 108.45 m2, ndodhur në lagjen “1 maji”, Vlorë, prenotuar nga shtetasi T.Q.;– Pasuria e llojit “apartament” A3, kati 4, sip.49.7 m2, sip. ballkoni 9.8 m2, sip. e përbashkët 5.55 m2, sip.totale 65.05 m2, ndodhur në lagjen “1 maji”, Vlorë, prenotuar nga shtetasi T.Q.;– Pasuria e llojit “apartament” A1, kati 4, sip.77.6 m2, sip. ballkoni 21.9 m2, sip. e përbashkët 8.95 m2, sip.totale 108.45 m2, në lagjen “1 maji”, Vlorë, prenotuar nga shtetasi T.Q.;– Pasuria e llojit “apartament”, në lagjen “1 maji”, Vlorë, prenotuar nga shtetasi T.Q.;6 poste parkimi:– Pasuria e llojit “post parkimi”,  nr.7, kati 1, me sip.14.3 m2, sip. e përbashkët 20.5 m2, sip.totale 34.9 m2, në lagjen “1 maji”, Vlorë, porositur nga shtetasi T.Q;– Pasuria e llojit “post parkimi” nr.8, kati 1, me sip.14.9 m2, sip. e përbashkët 21.5 m2, sip.totale 36.4 m2, ndodhur në lagjen “1 maji”, Vlorë, porositur nga shtetasi T.Q ;– Pasuria e llojit “post parkimi” nr.9, kati 1, me sip.11.5 m2, sip. e përbashkët 16.6 m2, sip.totale 28.1 m2, ndodhur në lagjen “1 maji”, Vlorë, porositur nga shtetasi T.Q.;– Pasuria e llojit “post parkimi” nr.12, kati 1, me sip.14.3 m2, sip. e përbashkët 22.2 m2, sip.totale 36.5 m2, ndodhur në lagjen “1 maji”, Vlorë, porositur nga shtetasi T.Q.;– Pasuria e llojit “post parkimi” nr.11, kati 1, me sip.15 m2, sip. e përbashkët 21 m2, sip.totale 36 m2, ndodhur në lagjen “1 maji”, Vlorë, porositur nga shtetasi T.Q;– Pasuria e llojit “post parkimi” nr.10, kati 1, me sip.11.5 m2, sip. e përbashkët 16.6 m2, sip.totale 28.1 m2, ndodhur në lagjen “1 maji”, Vlorë, porositur nga shtetasi T.Q.;Dy dyqane:– Pasuria e llojit njësi tregtare “dyqan”, kati 1, me sip.50.6 m2, në lagjen “1 maji”, Vlorë;– Pasuria e llojit njësi tregtare “dyqan”, kati 1, me sip.89.8 m2, në lagjen “1 maji”, Vlorë, porositur nga shtetasi T.Q;Dy automjete:– Pasuria e luajtshme automjet marka “Daimler Chrysler” viti 1994, E200, në zotërim të shtetasit T.Q.; si dhe– Pasuria e luajtshme automjet marka “Ford Focus” viti 2005, në zotërim të shtetasit T.Q.Një arë:Pasuria e llojit “arë”, sip. 2000 m², Radhimë, në zotërim të shtetasve E.K dhe F.K;

  • “Në PD askush nuk flet për lidership”/ Zgjedhjet e 11 majit, flet gazetari: Berisha nuk ‘preket’, nuk diskutojnë dot…

    “Në PD askush nuk flet për lidership”/ Zgjedhjet e 11 majit, flet gazetari: Berisha nuk ‘preket’, nuk diskutojnë dot…

    Në hapësirën e intervistës në Ora News ka qenë në një lidhje direkte analisti Mentor Kikia ku ka prekur çështjen e zgjedhjeve të 11 majit. Kikia ka nënvizuar rastin e PD gjatë zgjedhjeve duke thënë se selia blu është angazhuar në denoncimin e parregullsive të konstatuara aso kohe.
    Ai e ka përshkruar gjithë procesin si të padrejtë dhe jo të lira, përderisa mazhoranca ka përdorur burimet e veta publike, qoftë ato infrastrukturore ose financiare. Por ndër të tjera, analisti Kikia ka mëshuar se PD e ka neglizhuar nevojën për tëe reflektuar brenda strukturave të partisë.
    “PD e ka neglizhuar nevojën për të nisur një proces reflektimi brenda strukturave demokratike.
    Aty është vendosur në mënyrë taksative që të mos diskutohet lidershipi politikë. Të mos diskutohet nëse duhet të jap dorëheqjen ose jo kryetari i partisë.”- u shpreh ai.

  • “E ndryshoi burgu”/ Ish shefja e kabinetit të Fatos Nanos, rrëfen njohjen: Ishte revolucionar, gjest i madh që s’u…

    “E ndryshoi burgu”/ Ish shefja e kabinetit të Fatos Nanos, rrëfen njohjen: Ishte revolucionar, gjest i madh që s’u…

    Ish shefja e kabinetit të Fatos Nanos, Saemira Pino tregoi njohjen me ish-liderin e ndjerë historik të PS-së nga fëmijëria dhe përfshirja e tij në politikë. Në një intervistë televizive, Pino tha se Nano dallonte mes të tjerëve që kur ishin nxënës në shkollë të mesme me zgjuarsinë e tij, por edhe si akademik, duke e përshkruar si revulocionar në mendim.
    “Fatosi dallonte nga ne të tjerët, jo pak nxënës të tij, përfshirë Rexhinën ishin të shkëlqyer. Dhe Fatosi pa qenë i të gjitha 10-tave ka qenë pa frikë më i miri ndër ne. Ishte shumë miqësor, shumë garip me shokët e vet, me ne vajzat kishte tjetër qasje. Në fundin e vitit të dytë, filloi edhe të dilte hapur lidhja me Rexhinën. Nisi si një lidhje për shkak të letërsisë, dhe e deklaruan hapur në mënyrën e tyre. Ai i thyente normat e kohës. Unë nuk e lidh me mbështetjen politike të prindërve, ishte Fatosi. Një natyrë tjetër, plot besim te vetja, gjë që i vazhdoi edhe më vonë. Në politikë jepte dorëheqje, fitonte zgjedhje…”, tha Pino.
    Pino tha se Nanon e ndryshoi shumë burgu. Ajo e vlerësoi si një gjest të madh faktin që nuk u hakmorr ndaj Berishës për arrestimin e tij politik.
    “E ndryshoi burgu. Pa hyrë në elementët personal, them se e ndryshoi edhe për keq edhe për mirë. Për keq në disa vese le t’i quajmë. Në kushtet e izolimit, e një analize që njeriu i bën vetes se pse jam këtu, një njeri i diplomuar shkëlqyeshëm që dinte 6-7 gjuhë. Pas zgjedhjeve në 2001 kur doli cështja e dushkut dhe erdhi një delegacion i ODIHR, dhe fatosi i dha përgjigje secilit në gjuhën e vet, anglisht, frengjisht. I thoja me shaka stafit të PS, ata erdhën me mendjen e tyre dhe ikën me mendjen e Fatosit se panë një njeri që njihte edhe historikun e vendeve të tyre.”, tha ajo.
    “Momenti kulminant i qëndrimit moral në favor të paqes sociale, ishte kur nuk ndërmori asnjë masë ndaj Berishës. Berisha është i qartë se burgu i Nanos ishte politik. Po i rritej autoriteti edhe më shumë. Me demokracinë nuk ishte mësuar as populli, as elita dhe as politika. Nano nuk shfaqi asnjë hakmarrje ndaj Berishës, gjë e madhe kjo. Shumë e vështrirë ta mendosh për një njeri. I shtriu dorën Berishës.”, tha Pino.
    Tregoi edhe një tjetër detaj që Nano nuk donte të kandidonte si kryetar partie në vitin 1998.
    “Në ’98 nuk donte të kandidonte për kryetar partie. Kishte edhe ai pasiguritë dhe fitoi. Më falni nëse ngatërroj vitin, por e tregoi në tavolinë Bardh Agasi, për një kohë të gjatë anëtar kryesie. Tha i kemi vajtur në shtëpi dhe mezi e bindëm. Dolëm të kënaqur tha, dhe e filloi mitingun e parë në Durrës sepse i thamë hajde e shiko se sa mbështetës ke.”, tha Pino.

  • “Narkoshteti po shembet”/ Sali Berisha, deklaratë me gazetarët: Kjo është e vërteta më e madhe se asnjëherë më parë

    “Narkoshteti po shembet”/ Sali Berisha, deklaratë me gazetarët: Kjo është e vërteta më e madhe se asnjëherë më parë

    Kryetari i Partisë Demokratike, Sali Berisha ka mbajtur fjalën e tij në mbledhjen e kryesisë. Berisha deklaroi se PD zhvillon mbledhjen në kuadër të zhvillimeve të jashtëzakonshme.
    Kreu i PD u shpreh se narkoshteti po shembet dhe kjo shembje është e pandalshme. Më tej, Berisha thase këto zhvillime po i japin një dimension të ri misionit të PD për shpëtimin e Shqipërisë.
    “Ne mblidheni në rrethana të zhvilllimeve të jashtëzakonshme.
    Narkoshteti po shembet, kjo është sot e vërteta më e madhe se asnjëherë më parë. Kjo shembje është e pandalshme. Struktura kriminale që Edi Rama ngriti këta 12 vite në aleancë me kartelet e drogës dhe ekstremin e majtë të udhëhequr nga Soros ka hyrë në një proces desintegrimi.
    Këto zhvillime i japin një dimension të ri misionit tonë për shpëtimin e Shqipërisë. Shembja e narkoshtetit është shanc historik për çdo qytetar, për çdo drejtues të forcave politike opozitare”, tha Berisha.