Stuhia ‘paralizon’ SHBA-të: 7 shtete në emergjencë, miliona njerëz të bllokuar dhe 7 400 fluturime të anulura

New York – Një stuhi e fuqishme bore ka mbuluar pjesë të verilindjes së Shteteve të Bashkuara, duke shkaktuar më shumë se 76 centimetra borë në disa zona, ndërsa trafiku u bllokua për miliona banorë dhe shumë shërbime u pezulluan. Rrugët u mbyllën, transporti hekurudhor ndaloi, ndërsa më shumë se 7 400 fluturime u anuluan. Mijëra shtëpi dhe biznese mbetën pa energji elektrike, dhe autoritetet, përfshirë edhe kryebashkiakun e New York-ut, këshilluan qytetarët të qëndronin jashtë rrugëve për të lehtësuar punën e ekipeve emergjente. Shkollat në New York dhe rajonin përreth u mbyllën, ndërsa teatrot e Broadway gjithashtu pezulluan aktivitetin. Në Central Park të New York-ut u grumbulluan mbi 48 centimetra borë, ndërsa Bostoni regjistroi më shumë se 35 centimetra. Erërat e forta, që arrinin deri në 100 km/orë,...