Rumania goditet nga stuhia e dëborës, 166 mijë familje pa energji elektrike

Rumania është përfshirë nga moti i keq, stuhia e dëborës ka shkaktuar probleme në trafikun ajror, ndërsa shumë segmente rrugore janë mbyllur, si dhe shkollat, për shkak të reshjeve të dendura të dëborës të shoqëruara me stuhi në pjesët qendrore, jugore dhe lindore të vendit, i cili është vënë në alarm të kuq. “Ky është një fenomen serioz i motit. Është ndoshta episodi më i rëndë i këtij dimri”, tha për rrjetin ‘Digi24’ Florinela Georgescu, drejtoresha e parashikimeve të shërbimit meteorologjik rumun. Në të gjithë vendin, ndërprerjet e energjisë elektrike raportohen në 205 vende në 10 qarqe, duke prekur më shumë se 166,000 familje. Që nga ora 11:00, asnjë aeroplan nuk ishte ngritur nga aeroporti Otopeni i Bukureshtit, ku një shtresë prej 30 centimetrash borë...