Zgjedhjet në Kosovë/ Presidentja Vjosa Osmani voton në Prishtinë

Presidentja e Kosovës, Vjosa Osmani, votoi pak pas mesditës në Prishtinë. Pas hedhjes së votës, ajo uroi që zgjedhjet të zhvillohen në mënyrë të qetë, të rregullt dhe demokratike. Osmani shfaqi shpresën për një pjesëmarrje sa më të madhe të qytetarëve në procesin zgjedhor, ndërsa tha, gjithashtu, se pret që rezultatet të mundësojnë formimin sa më të shpejtë të Kuvendit dhe zgjedhjen e Qeverisë së re të Kosovës. “Shpresoj që rezultati të na sjellë shpejt qeveri dhe institucione”, u shpreh ajo për gazetarët.