Mbyllet seanca konstituive e Kuvendit të Kosovës, Haxhiu: Tani kemi votimin për qeverinë e re

February 11, 2026 February 11, 2026 Është mbyllur seanca konstituive e Kuvendit të Kosovës, duke e shpallur zyrtarisht të konstituuar institucionin ligjvënës. Kryetarja e sapozgjedhur e Kuvendit, Albulena Haxhiu, pas zgjedhjes së saj dhe të pesë nënkryetarëve, shpalli të përfunduar procesin e konstituimit. Më herët, deputetët votuan edhe për nënkryetarët e Kuvendit, të cilët u miratuan me 104 vota pro. Tre deputetë votuan kundër, ndërsa gjashtë abstenuan. Haxhiu paralajmëroi se gjatë ditës së sotme do të mbahet edhe një seancë tjetër, ajo për votimin e Qeverisë së re të Kosovës.