Lundronin me varkë druri në ujërat e Mesdheut/ Shpëtohen mrekullisht, 108 migrantë në jug të Kretës

Autoritetet greke njoftuan këtë të dielë shpëtimin e 108 migrantëve nga një varkë druri. Varka ndodhej rreth 41 milje detare në jug të Gavdos, ishullit më jugor grek. Roja Bregdetare Helenike tha se migrantët u vunë re dhe u morën fillimisht nga një anije që kalonte me flamur liberian përpara se të transferoheshin në mënyrë të sigurt në portin e Paleochora në Kretë. Zyrtarët thanë se individët e shpëtuar po vlerësohen për nevojat mjekësore dhe humanitare.