Pentagoni i kërkon Shtëpisë së Bardhë 200 miliardë dollarë për luftën në Iran

Pentagoni i ka kërkuar Shtëpisë së Bardhë të miratojë më shumë se 200 miliardë për të financuar luftën në Iran, ka thënë një zyrtar i lartë i administratës për Washington Post. Gazeta thotë se kjo shumë do të tejkalonte ndjeshëm koston e fushatës së administratës Trump deri më tani, dhe synon të rrisë “urgjentisht” prodhimin e armëve kritike që janë konsumuar. Gjatë dy javëve të fundit, Pentagoni ka paraqitur disa kërkesa të ndryshme financimi, dhe Washington Post thotë se kërkesa e fundit “ka gjasa të shkaktojë një betejë të madhe politike në Kongres”.