Nga rrënojat e regjimit te trafikimi global, si u formua krimi shqiptar dhe pse është bërë “aktor kyç” në Evropë

Historia e krimit të organizuar shqiptar fillon me një vakum pushteti. Është fillimi i viteve 1990, regjimi komunist i Enver Hoxhës sapo kishte rënë dhe Shqipëria mbeti pa një strukturë të fortë ekonomike, me institucione të brishta dhe një agjenci ligjzbatuese të papërgatitur. Pika e kthesës erdhi në vitin 1997. Rënia e skemave piramidale zhduku kursimet e qindra mijëra familjeve. Shpërthyen trazira, arsenale ushtarake u plaçkitën dhe miliona armë dolën jashtë kontrollit. Nga kaosi, dolën dhe u konsoliduan grupe kriminale, të afta të pushtonin hapësirat e lëna bosh nga shteti. Italia si destinacioni i parë Gjatë këtyre viteve, mijëra qytetarë shqiptarë kaluan Adriatikun. Imazhi i anijes “Vlora” e mbushur me emigrantë në portin e Barit mbetet një pamje simbolike e atij eksodi. Brenda këtyre flukseve...