Meritë e Trump? Ekonomia më e madhe në botë rritet me ritmin më të fortë në dy vjet

Ekonomia amerikane u rrit me ritmin më të shpejtë në dy vitet e fundit gjatë tre muajve deri në shtator, e nxitur nga rritja e shpenzimeve të konsumatorëve dhe rimëkëmbja e eksporteve. Sipas të dhënave zyrtare, ekonomia më e madhe në botë u zgjerua me një normë vjetore prej 4.3% në tremujorin e tretë, nga 3.8% në tremujorin e mëparshëm. Ky rezultat ishte më i lartë se pritshmëritë dhe shënoi rritjen më të fortë në dy vjet, ndërsa analistët kishin parashikuar një normë rreth 3.2%. Raporti u publikua me vonesë për shkak të mbylljes së qeverisë amerikane dhe paraqet një pamje të një ekonomie të ndikuar nga ndryshime të forta në politikat tregtare dhe të imigracionit, inflacioni i vazhdueshëm dhe shkurtimet e shpenzimeve qeveritare. Megjithatë, pavarësisht...