“Lufta kundër Iranit do mbarojë brenda dy javësh!”, Trump: Ishte një “ekskursion i vogël”, nuk dimë me kë të merremi

Lufta kundër Iranit ishte një “ekskursion i vogël” dhe do të mbarojë “brenda disa javësh”. Kështu deklaroi Presidenti amerikan Donald Trump gjatë një aktiviteti në Kongresin e SHBA-së për nder të kryeministrit irlandez Michael Martin në Ditën e Shën Patrikut. “Nuk do të zgjasë shumë… Jemi padyshim përpara afatit”, shtoi Presidenti amerikan. Trump vijoi më tej duke thënë se problemi i vetëm i ushtrisë amerikane në Iran është se nuk di me kë të merren, pasi sipas tij, të gjithë liderët janë vrarë. “Problemi ynë më i madh është se nuk dimë me kë të merremi në Iran, sepse të gjithë janë zhdukur”, tha mes të tjerash Trump.