Kriza në Ngushticën e Hormuzit, Gjermania: Pa armëpushim nuk ndërhyjmë

Gjermania nuk do të përfshihet në Ngushticën e Hormuzit pa u ndalur më parë luftimet. Kancelari Friedrich Merz tha se ndërhyrja mund të ndodhë vetëm pasi të arrihet një armëpushim. Ai theksoi se vetëm në atë moment vendet mund të kontribuojnë për rihapjen dhe garantimin e rrugëve detare në zonë. Sipas tij, çdo veprim do të bëhet vetëm me një mandat ndërkombëtar, që aktualisht mungon. Deklarata u bë në momentin kur Merz mbërriti në samitin e liderëve të Bashkimit Europian.