Breshëri sulmesh, sistemet e mbrojtjes ajrore të Emirateve të Bashkuara Arabe reagojnë ndaj 79 raketave dhe dronëve iranianë

Ministria e Mbrojtjes e Emirateve të Bashkuara Arabe njoftoi se sistemet e saj të mbrojtjes ajrore kanë reaguar ndaj 23 raketave balistike dhe 56 dronëve të lëshuar nga Irani gjatë ditës së sotme. Në një deklaratë të publikuar në rrjetin X, ministria dha një përditësim të përgjithshëm mbi konfliktin, duke theksuar se që nga fillimi i luftës, sistemet e saj kanë ndërhyrë ndaj gjithsej 498 raketave balistike, 23 raketave të lundrimit dhe 2,141 dronëve. Deklarata konfirmoi se këto sulme iraniane kanë shkaktuar vdekjen e dy ushtarëve emiratë dhe një kontraktori maroken. Gjithashtu, janë vrarë 10 civilë nga Pakistani, Nepali, Bangladeshi, Palestina, India dhe Egjipti, ndërsa 217 persona të tjerë janë plagosur që nga nisja e armiqësive.