Lajmidites.com

Author: Vizionplus.tv

  • Të shtënat me armë në Fier mbrëmjen e djeshme, dy të arrestuar! 33-vjeçari që qëlloi në kërkim

    Të shtënat me armë në Fier mbrëmjen e djeshme, dy të arrestuar! 33-vjeçari që qëlloi në kërkim

    Policia e Fierit ka arrestuar dy persona të përfshirë në konfliktin me zrmë zjarri të ndodhur një natë më parë në Fier.
    Në pranga kanë rënë shtetasit Mariglen Sinaj, 36 vjeç si dhe pronarin e lokalit shtetasin A.B, 43 vjeç, banues në Fier.
    Ndërsa në kërkim u shpall shtetasi Romeo Çako, 33 vjeç, i cili qëlloi me armë zjarri.

    Njoftimi i policisë:
    Në vijim të informacionit paraprak të dhënë mbrëmjen e djeshme ku në një lokal në lagjen “8 Shkurti”, pas një konfliktit midis 2 shtetasve, njëri prej tyre gjuajti në dyshemenë e lokalit me armë zjarri, specialistët për Hetimin e Krimeve të Komisariatit të Policisë Fier në bashkëpunim me Seksionin për Hetimin e Krimeve Kundër Personit, kapën dhe arrestuan në flagrancë shtetasin e përfshirë në konflikt, M. S., 36 vjeç, banues në Fier si edhe pronarin e lokalit, shtetasin A. B., 43 vjeç, banues në Fier, për veprën penale “Moskallëzimi i krimit”. Vijon puna intensive për kapjen e shtetasit që qëlloi me armë zjarri, R. Ç., 33 vjeç, banues në Fier.

  • “Mos lejo që emocionet të të mposhtin sot”, parashikimi i yjeve për secilën shenjë Horoskopi

    “Mos lejo që emocionet të të mposhtin sot”, parashikimi i yjeve për secilën shenjë Horoskopi

    Dashi
    Mund të ketë një aspekt të natyrës suaj që e injoroni. Gjithmonë dëshironi të jeni ju ai që ka kontrollin në një marrëdhënie. Do të ishte e denjë ta ndryshoni këtë. Nuk parashikohen zhvillime në aspektin profesional.
    Demi

    Mos lejo që emocionet të të mposhtin sot. Nëse mund t’i kontrollosh ato, do të kesh forcë të dhjetë personave. Mund të bësh çfarë të duash dhe askush nuk mund të të ndalojë.
    Binjakët
    Më në fund, sot, do të kuptosh se si është të kesh kontrollin e gjërave. Madje do të ndihesh sikur ke lindur për ta bërë këtë. Sidoqoftë, do ta koordinosh bukur ditën. Je maestro që “dirigjon” një orkestër të plotë.
    Gaforrja
    Ndryshe nga rastet e tjera, sot do t’i shfaqësh ndjenjat e tua të vërteta. Edhe kur i fsheh, ato janë ende aty, thellë brenda teje. Mund të mendosh se shfaqja e ndjenjave është shenjë dobësie, por sot do t’i tregosh botës se zemra jote nuk është prej guri dhe do ta lësh veten të lirë.
    Luani
    Sjellja juaj do të përmirësojë lidhjen tuaj në çift. Do të përqendroheni dhe do të shijoni të tashmen, dhe nuk do të jeni të humbur në mendime si zakonisht. Do të jeni gati të përjetoni kënaqësitë e jetës.
    Virgjëresha
    Do të keni shumë qëndrueshmëri në javët në vijim. Do të ndiheni më energjikë. Ju lulëzoni nga dëshirat tuaja romantike dhe kreativiteti. Duhet të përpiqeni të mbani nën kontroll situatat.
    Peshorja
    Je një person sensual. Ke forcë emocionale. Njerëzit që do të hasësh do të mahniten nga fuqia jote. Mundohu ta mbash këtë energji nën kontroll. Lidhja në çift do të jetë në momentet e saj më të bukura.
    Akrepi
    Ju pëlqen të takoni njerëz të rinj dhe të flisni me ta, por rrallë përfshiheni personalisht, pasi mbani një distancë të caktuar midis jush dhe personit me të cilin po flisni. Sot do të pyesni veten nëse po humbisni përvoja interesante duke kontrolluar kaq fort emocionet tuaja.
    Shigjetari
    Ndoshta do të ndihesh pak i humbur sot. Do të duhet të marrësh një vendim në të ardhmen e afërt dhe jeta jote do të ndikohet shumë nga kjo. A duhet t’i dëgjosh dëshirat e tua? A duhet ta kenë ato në dorë jetën tënde? Apo duhet të përpiqesh të frenosh ndjenjat e tua dhe të ndjekësh rrugën më praktike?
    Bricjapi
    Sot do të ndryshosh qasjen tënde ndaj marrëdhënieve. Në të kaluarën, ato bazoheshin në ndjenja, por tani do të vendosësh që ato duhet të jenë më racionale. Mund të mendosh se ky ndryshim i papritur i qëndrimit mund të të dëmtojë lumturinë, por gjithashtu mund të çojë në marrëdhënie më të forta dhe më të qëndrueshme.
    Ujori
    Ke vendosur ta lësh veten të lirë. Je lodhur duke qenë një person i kontrolluar në mënyrë të përsosur. Nuk do të frenosh më dëshirat e tua! Diçka në ajër është ndryshe. Mund t’i shprehësh nevojat e tua lirisht.
    Peshqit
    Aspektet aktuale planetare mund të ndryshojnë qasjen tuaj ndaj jetës. Do t’ju duhet të thelloni marrëdhëniet tuaja me njerëzit që keni takuar së fundmi. Ndoshta do të tërhiqeni nga njëri prej tyre, por bëni kujdes me ragimin që mund të merrni.

  • Të shtëna me armë zjarri në Fier, policia blindon zonën

    Të shtëna me armë zjarri në Fier, policia blindon zonën

    Të shtëna me armë zjarri janë raportuar mbrëmjen e kësaj të premte në qytetin e Fierit.
    Sipas njoftimit zyrtar, dy persona, Romeo Çako dhe Mariglen Sinaj janë përfshirë në një konflikt, ku më pas Çako ka qëlluar me armë zjarri në dyshemenë e lokalit.
    Forca të shumta policie kanë mbërritur menjëherë në vendngjarje dhe kanë blinduar zonën.

    Njoftimi i plotë:
    Rreth orës 21:30, në një lokal në lagjen “8 Shkurti”, dyshohet se pas një konflikti midis shtetasit R. Ç., 33 vjeç, dhe shtetasit M. S., shtetasi R. Ç. ka qëlluar me armë zjarri në dyshemenë e lokalit.
    Shërbimet e Policisë vijojnë kontrollin në zonë për kapjen dhe shoqërimin e dy personave të përfshirë në konflikt.
    Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes./vizionplus.tv

  • Bombardimet ruse, goditet një ndërtesë, humbin jetën 5 persona në jug të Ukrainës

    Bombardimet ruse, goditet një ndërtesë, humbin jetën 5 persona në jug të Ukrainës

    Një bombë ruse goditi një zonë banimi në qytetin jugor të Ukrainës, Zaporizhzhia, duke vrarë pesë persona, njoftuan zyrtarët të premten. Forcat ruse vazhdojnë të sulmojnë zona civile në Ukrainë, raporton AP.
    Sulmi ndodhi gjatë natës dhe plagosi edhe 10 persona, mes tyre një adoleshente.
    Bombat e fuqishme rrëshqitëse, armë sovjetike të modifikuara që lëshohen nga avionët rusë në lartësi të mëdha, prej muajsh kanë shkatërruar qytetet pranë vijës së frontit. Ukraina nuk ka një mënyrë efektive për t’i ndalur ato.

    Bombardimi i fundit dëmtoi disa ndërtesa shumëkatëshe në Zaporizhzhia, për të tretën herë që nga fillimi i luftës, dhe shkatërroi edhe një treg lokal, bëri të ditur kreu i administratës ushtarake rajonale, Ivan Fedorov.
    Një sulm me dronë rusë në qytetin jugor të Odesës goditi gjithashtu një zonë banimi gjatë natës, duke plagosur pesë persona, përfshirë një 16-vjeçar.

  • Shurupi i përgatitur në kushte shtëpie që largon kollën brenda 24 orëve

    Shurupi i përgatitur në kushte shtëpie që largon kollën brenda 24 orëve

    Moti i ftohtë dhe situata gripale në vend ka bërë që shumë persona t’i drejtohet qendrave shëndetësore për vizita.
    Në këto kushte mjekët këshillojnë të ushqeheni shëndetshëm duke pirë sa më shumë lëngje si dhe të visheni trashë për të evituar temperaturat e ulëta.
    Ekziston një shurup i bërë në kushte shtëpie që largon kollën torturuese brenda 24 orëve.

    Përbërësit për shurupin:
    2 gota ujë
    1 limon
    1 qepë
    2 lugë mjaltë
    Fillimisht vendosni ujin në zjarr që të vlojë. Më pas priteni qepën në copa rreth 15 mm të trasha dhe gatuajini për 15 minuta së bashku me ujin.
    Largojini më pas nga zjarri dhe lërini të qëndrojnë mënjanë për rreth 15 minuta. Më pas shtoni në të 2 lugë mjaltë dhe përziejeni mirë derisa ai të shkrihet i tëri.
    Mos harroni të hidhni në të edhe lëngun e limonit të shtrydhur. Mund ta konsumoni tre herë në ditë këtë përzierje në rastet kur ju keni kollë dhe jeni ftohur dhe do të habiteni nga rezultati që do të japë në vetëm një ditë.

  • Britania pritet të miratojë planin e Kinës për një ambasadë të re në qendër të Londrës

    Britania pritet të miratojë planin e Kinës për një ambasadë të re në qendër të Londrës

    Qeveria britanike pritet të japë miratimin për planin e Kinës për një ambasadë të re në qendër të Londrës.
    Vendimi final ende nuk është marrë zyrtarisht, por këshillat që ministrat thuhet se kanë marrë nga agjencitë e inteligjencës hapin rrugën për këtë projekt të diskutueshëm. Sipas gazetës Times, miratimi i pritshëm do të bëhet një tjetër shembull i debatit publik mbi marrëdhëniet e ngushta me Pekinin.
    Vendimi për miratimin ose refuzimin e aplikimit për ndërtim i takon Sekretarit për Banesat, Steve Reed, në një proces të njohur si vendim “gjyqësor quasi” (jo i formës së prerë). Për shkak të ndjeshmërisë së çështjes, janë konsultuar edhe agjenci të tjera, përfshirë MI5 dhe MI6.

    Vendimi është shtyrë disa herë dhe muajin e kaluar qeveria shtyu afatin për të vendosur deri më 10 dhjetor. Vendi ku do të ndërtohet ambasada, në Royal Mint Court, është afër City of London dhe kalojnë atje kabuj optikë që mbajnë sasi të mëdha të dhënash shumë të ndjeshme, duke ngritur shqetësime për rrezikun e spiunazhit.
    Ambasada e re, me sipërfaqe 20 mijë metra katrorë, do të ishte më e madhja e këtij lloji në Europë. Disa ekspertë argumentojnë se një vendndodhje e vetme, në vend të disa lokacioneve nëpër Londër, mund të jetë më e lehtë për menaxhim, ndërsa qeveria ka ndërgjegjësim se refuzimi i dëshirës së Kinës për një ambasadë të re mund të pengojë marrëdhëniet diplomatike.
    Megjithatë, sekretarja e jashtme e Partisë Konservatore, Dame Priti Patel, paralajmëroi se miratimi i ambasadës rrezikon Britaninë, duke akuzuar kryeministrin Sir Keir Starmer për “dëshpërim dhe mungesë principesh”.
    Ambasada kineze në Britani ka deklaruar më parë se kompleks i ri do të përmirësojë “bashkëpunimin e ndërsjellë të dobishëm” mes Kinës dhe Britanisë, duke argumentuar se kundërshtimet për vendin janë të pabazuara. Qeveria laburiste prej fitimit të zgjedhjeve të përgjithshme ka kërkuar të përmirësojë marrëdhëniet me Pekinin.
    Kancelerja Rachel Reeves, Sekretari i Biznesit, Peter Kyle dhe civilët më të lartë të Ministrisë së Jashtme, Sir Olly Robbins, kanë kryer vizita në Kinë, ndërsa pritet që vetë kryeministri të vizitojë vendin, ndoshta që në fillim të vitit të ardhshëm.
    Starmer u shpreh për gazetarët në rrugë për në Samitin G20 në Johannesburg se ende nuk ka një vizitë të konfirmuar, duke shtuar se qasja e qeverisë ndaj Kinës është “bashkëpunim aty ku mundemi dhe sfidim aty ku duhet, veçanërisht për sigurinë kombëtare”.

  • Moti i keq, ja si paraqitet situata në qarkun e Fierit

    Moti i keq, ja si paraqitet situata në qarkun e Fierit

    Shirat intensive përgjatë ditës së sotme vijojnë të mbajnë në nivele të larta prurjet në lumenjtë e qarkut Fier.
    Megjithëse në Memaliaj raportohet për rënie të nivelit të lumit Vjosa, situata në Urën e Mifolit paraqitet krejt ndryshe.
    Matjet e fundit tregojnë se Vjosa ka arritur kuotën e 8.2 metrave, duke shënuar një rritje të konsiderueshme.

    Nëse prurjet vazhdojnë me këtë intensitet, pritet që niveli i lumit të rritet edhe më tej, çka mund të sjellë probleme shtesë në zonat e ulëta, tokat bujqësore përreth, por edhe në banesa.
    Autoritetet po monitorojnë nga afër situatën dhe u bëjnë  apel të vazhdueshëm banorëve të jenë të kujdesshëm dhe të ndjekin udhëzimet zyrtare.

  • EMRI/ Aksident i rëndë në “Rrugën e Kombit”, humb jetën 24-vjeçari

    EMRI/ Aksident i rëndë në “Rrugën e Kombit”, humb jetën 24-vjeçari

    Një aksident i rëndë ka ndodhur mbrëmjen e sotme në “Rrugën e Kombit” në fshatin Qafë Mollë, ku 3 autmomjete janë përplasur me njëra-tjetrën dhe ëpr pasojë ka humbur jetën 24-vjeçari Eugen Bardhoku.
    Bëhet me dije se në aksident janë përfshirë dy kamionë dhe një autoveturë, ku mjetet e rënda drejtoheshin nga Nexhmedin Isufi dhe Vllaznim Gashi.
    Menjëherë pas aksidentit Vllazmin Gashi u shoqërua në polici për veprime të mëtejshme procedurale.

    Grupi hetimor ndodhet në vendngjarje dhe po kryen veprimet hetimore për sqarimin e plotë të rrethanave të aksidentit.
    Njoftimi:
    Rreth orës 19:45, në “Rrugën e Kombit”, në fshatin Qafë Mollë, Mirditë, janë përplasur tre automjete (dy kamionë dhe një autoveturë).
    Si pasojë e aksidentit ka humbur jetën drejtuesi i automjetit, shtetasi E. B., rreth 24 vjeç.
    Drejtuesi i njërit prej kamionëve, shtetasi V. G., është shoqëruar në Komisariat për veprime të mëtejshme procedurale.
    Grupi hetimor ndodhet në vendngjarje dhe po kryen veprimet hetimore për sqarimin e plotë të rrethanave të aksidentit.

  • Festa Kombëtare e Shqipërisë! Ministrja Diella “e pranishme” në Athinë

    Festa Kombëtare e Shqipërisë! Ministrja Diella “e pranishme” në Athinë

    Deputeti socialist Taulant Balla njoftoi se ministrja Diella është “e pranishme” në Festën Kombëtare të Shqipërisë në Athinë.
    Me anë të një postimi në rrjetet sociale, Balla tregon se priten takime me ministra të Qeverisë greke, deputetë, ambasadorë dhe shumë emigrantë që jetojnë në Greqi.
    “Bashkë me Ministren Diella sonte në Athinë, në Festën Kombëtare të Shqipërisë për tu takuar me ministra të Qeverisë greke, deputetë, ambasadorë dhe shumë motra dhe vëllezër shqiptarë që jetojnë në Greqi”, shkruan Balla.

    /vizionplus.tv
     

  • Zgjedhjet në Kosovë, KQZ miraton afatet, 12 ditë fushatë elektorale

    Zgjedhjet në Kosovë, KQZ miraton afatet, 12 ditë fushatë elektorale

    Dymbëdhjetë ditë do të ketë fushatë zgjedhore për zgjedhjet e parakohshme të 28 dhjetorit.
    Kështu është vendosur në mbledhjen e sotme të Komisionit Qendror të Zgjedhjeve, ku mes tjerash janë përcaktuar edhe afatet për aktivitetet e tjera për organizimin e këtyre zgjedhjeve. Fushata do të fillojë më 17 dhjetor deri më 28 dhjetor, ditën kur do të votohet dhe njëkohësisht do të ketë heshtje zgjedhore.
    Anëtari i Partisë Demokratike të Kosovës (PDK) në KQZ, Arianit Elshani tha se afati i aplikimit të vëzhguesve fillon me datën 5 dhjetor dhe përfundon më 20 dhjetor.

    “Partitë politike të regjistruara të deklarohen për pjesëmarrje në zgjedhje përmes koalicioneve në periudhën kohore prej 24 nëntorit, deri më datën 30 nëntor. Periudha e aplikimit për certifikimin e subjekteve politike do të jetë nga data 24 nëntor deri më datën 30 nëntor, ky proces është ndryshe nga proceset tjera, është i ndarë në dy faza, bëhet fjalë për certifikimin e subjekteve politike dhe certifikimin e listave të kandidatëve të partive politike, ashtu siç e parasheh edhe ligji, pra janë dy afate të ndryshme.
    Dhe çështja e listës së kandidatëve të subjekteve politike të certifikuara realizohet prej datës 24 nëntor deri më datën 7 dhjetor. Tërheqja e shortit bëhet më 8 dhjetor. KQZ merr vendimin për emërimin e anëtarëve të komisioneve komunale zgjedhore më 26 nëntor dhe periudha e shërbimit të votuesve për ndërrimin e qendrave të votimit fillon prej datës 26 nëntor deri më datën 6 dhjetor… Periudha e aplikimit për regjistrimin e votuesve jashtë Kosovës fillon më datën 26 nëntor dhe përfundon më datën 6 dhjetor. Periudha e votimit përmes postës fillon më 12 dhjetor dhe përfundon më datën 27 dhjetor të këtij viti. Dhe fushata zgjedhore që është e rëndësishme për subjektet politike dhe për gjithë vëzhguesit e mediat fillon më datën 17 dhjetor dhe përfundon më 28 dhjetor, pra është 12 ditë fushatë për subjektet politike”, tha Elshani.
    Në mbledhjen e sotme të KQZ-së janë certifikuar edhe rezultatet përfundimtare të zgjedhjeve komunale.
    Kryesuesi i Komisionit Qendror të Zgjedhjeve (KQZ), Kreshnik Radoniqi ka njoftuar fituesit e kryetarëve të komunave.
    Anëtari i Partisë Demokratike të Kosovës (PDK), Arianit Elshani ka reaguar për rezultatin në Mitrovicën e Jugut, megjithatë potencoi se do të votojnë pro miratimit të këtyre rezultateve.
    Anëtarë të Lëvizjes Vetëvendosje kanë qenë kundër certifikimit të rezultateve për kuvende komunale, ku Lista Serbe ka shumicë votash.
    Kryesuesi i KQZ-së, Kreshnik Radoniqi tha se jashtë listës së certifikimit mbetet komuna e Istogut, ku theksoi se “çështja është kthyer në rivendosje në PZAP”.