Lajmidites.com

Author: Telesport.al

  • Hidhet shorti për Abissnet Superiore 2025/2026 dhe Kategorinë e Parë, ja kalendari i plotë

    Hidhet shorti për Abissnet Superiore 2025/2026 dhe Kategorinë e Parë, ja kalendari i plotë

    Është hedhur shorti për kalendarin e kampionatit “Abissnet Superiore” për sezonin 2025/2026.
    Në ambientet e “Shtëpisë së Futbollit” ishin të pranishëm përfaqësuesit e klubeve të kampionatit “Abissnet Superiore” dhe përfaqësues të medias.
    Ceremonia e shortit u drejtua nga shefi i Departamentit të Garave në FSHF, Marjus Sulejmani, dhe java e parë premton menjëherë emocione, pasi goglat rezervuan përballjen finale të sezonit të kaluar në “Abissnet Superiore”.
    Java e parë e kampionatit “Abissnet Superiore”, sezoni 2025–2026:
    Partizani – VoraTeuta – Dinamo CityVllaznia – EgnatiaAF Elbasani – FlamurtariBylis – Tirana
    Kampionati “Abissnet Superiore” do të ngrejë siparin më 23 gusht.
    Më poshtë gjeni kalendarin e plotë me të gjitha sfidat:
    Kalendari i kampionatit Abissnet Superiore sezoni 2025-2026
    Departamenti i Garave në FSHF hodhi sot shortin e kampionatit të Kategorisë së Parë për sezonin 2025-2026.
    Të pranishëm në hedhjen e shortit ishin përfaqësuesit e 12 klubeve pjesëmarrëse të këtij edicioni, të cilët kanë mësuar nga goglat kundërshtarët që do të kenë përballë gjatë këtij edicioni.
    Në këtë edicion të ri, që do të ngrejë siparin më 23 gusht 2025 dhe është planifikuar të mbyllet më 2 maj 2026 do të marrin pjesë 12 skuadra që do të garojnë në tre faza dhe do të luhen në total 33 javë.
    Në kampionatin e ‘Kategorisë së Parë’ do të marrin pjesë këto ekipe: Skënderbeu, Burreli, Iliria, Laçi, Kukësi, Apolonia, Luftëtari, Korabi, Besa, Kastrioti, Pogradeci, Lushnja.
    Kalendari i javës së parë të kampionatit “Kategoria e Parë”:
    Skënderbeu-Burreli
    Iliria-Laçi
    Kukësi- Apolonia
    Luftëtari-Korabi
    Besa-Kastrioti
    Pogradeci-Lushnja
     Më poshtë edhe kalendari i plotë me të gjitha ndeshjet:
    Kalendari Kategoria e Pare sezoni 2025-2026

  • Rilindja e Mason Greenwood, anglezi drejt transferimit te një nga klubet më të mira në botë

    Rilindja e Mason Greenwood, anglezi drejt transferimit te një nga klubet më të mira në botë

    18 Korrik 2025

    14:05

    Telesport

    Pas një sezoni të jashtëzakonshëm në Ligue 1 me Olympique Marseille, ku Mason Greenwood shënoi 22 gola në 36 ndeshje, sulmuesi anglez ka rifituar formën dhe rëndësinë e tij.  Performanca e tij në Francë nuk ka kaluar pa u vënë re dhe një nga disa klubet e mëdha të interesuara për të siguruar shërbimet e 23-vjeçarit është edhe Atletico Madrid.
    Sulmuesi 23-vjeçar la një përshtypje të fortë edhe gjatë periudhës së tij të huazimit te Getafe, ku ai demonstroi aftësinë e tij për të bërë diferencën si në krah ashtu edhe në pozicione më qendrore. Kjo përvojë e mëparshme në La Liga, e kombinuar me përshtatjen e tij të shpejtë në Ligue 1, e bën atë një kandidat tërheqës për “Colchoneros”, të cilët po kërkojnë të forcojnë linjën e tyre sulmuese me një lojtar të ri, të gjithanshëm me potencial.
    Pavarësisht interesimit të Atletico Madrid por edhe klubeve të tjera, largimi i anglezit nga Marseille nuk është edhe aq i lehtë. Klubi francez kërkon 70-75 milionë euro për ta lënë të lirë 23-vjeçarin, shifër që mesa duket Atletico Madrid është e gatshme ta paguajë.

  • Igli Tare vlerëson transferimin e Ricci te Milan: Lojtar modern, me shumë personalitet

    Igli Tare vlerëson transferimin e Ricci te Milan: Lojtar modern, me shumë personalitet

    18 Korrik 2025

    12:20

    Telesport

    Samuele Ricci është blerja e parë e këtij sezoni për Milan, një mesfushor që drejtori sportive i kuqezinjve Igli Tare e vlerëson shumë. “Ai është një lojtar modern, me shumë personalitet”, tha drejtuesi shqiptar për ish-kapitenin e Torino.
    “Ai ka treguar cilësi brenda dhe jashtë fushës dhe, gjithashtu, ka luajtur në 10 ndeshje me kombëtaren e Italisë. Ai meriton ta veshë këtë fanellë; ai është një investim për të tashmen dhe të ardhmen”, deklaroi më tej Tare.
    Më tej, drejtuesi i Milan komentoi: “Ne shpresojmë që ai të bëhet një figurë kyçe për Milanin në të ardhmen“. Ricci, 23 vjeç, ka luajtur në Serie A me Empoli dhe Torino, ndaj ka mjaft përvojë e mund të ndihmojë kuqezinjtë.

  • Usyk gati për sfidën e unifikimit të titujve ndaj Dubois: Mosha s’është problem, do të më shihni të shtunën

    Usyk gati për sfidën e unifikimit të titujve ndaj Dubois: Mosha s’është problem, do të më shihni të shtunën

    18 Korrik 2025

    12:34

    Telesport

    Ditën e shtunë, në stadiumin “Wembley” të Londrës, do të zhvillohet dueli i unifikimit të peshave të rënda në boks mes ukrainasit Oleksandr Usyk dhe britanikut Danil Dubois. Kjo është hera e dytë që dy boksierët përballen në ring, me ukrainasin që e fitoi me KO në raundin e nëntë sfidën e parë (gusht 2023).
    Oleksandr Usyk (38 vjeç dhe i pamposhtur në ring) këmbëngul se mosha nuk është faktor në përballjen Daniel Dubois (11 vite më i ri). Kjo diferencë e konsiderueshme në moshë ka nxitur sugjerime se ukrainasi do të ketë vështirësi të përballet me sfiduesin e tij 27-vjeçar britanik në Londër.
    “Mosha nuk është problem për mua, nuk ndihem i tronditur nga diferenca. Unë e respektoj këtë djalë të ri. Ai është i motivuar, por edhe unë jam. Nuk jam plak. 38 vjeç nuk është plak, e dini? Do ta shohim të shtunën në ring“, tha Usyk, 23 fitore e asnjë humbje në karrierën e tij.

  • Modric shtyn Milanin të transferojë lojtarin e Real Madridit

    Modric shtyn Milanin të transferojë lojtarin e Real Madridit

    18 Korrik 2025

    12:43

    Telesport

    Me ardhjen e Alvaro Carreras nga Benfica për 50 milionë euro, e ardhmja e Fran Garcia te Real Madrid është vënë në dyshim. Për 25-vjeçarin ka një interes të shtuar ditët e fundit nga Milan, kuqezinjtë e shohin Fran Garcia si zëvendësuesin ideal të të larguarit Theo Hernandez.
    Mediat italiane raportojnë se një shtysë e fortë për transferimin e Fran Garcia drejt Milanit është edhe Luka Modric. Kroati që nënshkroi para pak dite me kuqezinjtë, ka dhënë mbështetjen e tij të fortë ardhjen e Fran Garcia te kuqezinjtë.
    Në anën tjetër, Real Madrid është i hapur për largimin e 25-vjeçarit të krahut të majtë për një shifër rreth 20 milionë euro, çmim mëse i përballueshëm edhe për Milanin. Ditët në vijim pritet të ketë negociata zyrtare mes palëve.
    Me transferimin e Alvaro Carreras, i cili do jetë titullar i padiskutueshëm në krahun e majtë, ulen ndjeshëm shanset e Fran Garcia, ndaj largimi i tij nga Real Madrid këtë verë duket i pashmangshëm.

  • Crespo vlerëson Ancelotti: Është e vështirë të gjesh një lojtar që flet keq për të

    Crespo vlerëson Ancelotti: Është e vështirë të gjesh një lojtar që flet keq për të

    18 Korrik 2025

    13:00

    Telesport

    Ish-sulmuesi Hernan Crespo, që së fundi është emëruar si trajner i ri i skuadrës së São Paulo, foli për ardhjen e Carlo Ancelotti si drejtues në kombëtaren e Brazilit.
    “Është e vështirë të gjesh një lojtar që flet keq për të. As nuk e di nëse ekzistojnë lojtarë të tillë”, tha Crespo, që e njeh mirë trajnerin italian.
    Ata kanë punuar së bashku te Milan dhe PSG, duke e patur argjentinasin lojtar e më pas në stafin e tij.
    “Carlo më mësoi se përpara teje nuk ke vetëm lojtarë, por edhe njerëz. Ai më ndihmoi të kuptoja se mund të kesh një marrëdhënie të mirë pa humbur autoritetin tënd”, deklaori Crespo.

  • Nico Williams zbulon arsyen përse rinovoi kontratën me Athletic duke refuzuar Barça e Bayern

    Nico Williams zbulon arsyen përse rinovoi kontratën me Athletic duke refuzuar Barça e Bayern

    18 Korrik 2025

    11:25

    Telesport

    Sulmuesi spanjoll Nico Williams nënshkroi një rinovim historik të kontratës me Athletic Club, duke e lidhur veten me klubin bask deri më 30 qershor 2035. Një kontratë e paprecedentë në historinë e futbollit: tetë vjet shtesë nga marrëveshja e mëparshme.
    Gjatë ceremonisë, Nico veshi një fanellë të re të frymëzuar nga koncepti “WIN” (Williams, Iñaki dhe Nico), një simbol i besnikërisë ndaj projektit bask pavarësisht presionit të klubeve më të fuqishme.
    “Ne kemi qëllime ambicioze, si Champions League dhe dua t’i arrij ato me klubin e jetës sime. Kjo është edhe për tifozët, të cilët gjithmonë më kanë mbështetur. Shpresoj t’i bëj ata të festojnë në San Mamés për një kohë të gjatë”, tha Nico Williams.

  • Liverpool arrin marrëveshje paraprake me yllin e Bundesliga, nisin bisedimet mes klubeve

    Liverpool arrin marrëveshje paraprake me yllin e Bundesliga, nisin bisedimet mes klubeve

    18 Korrik 2025

    12:00

    Telesport

    Sulmuesi i Eintracht Frankfurt, Hugo Ekitike, dëshiron të bashkohet me Liverpool sezonin e ardhshëm.
    Sulmuesi 23-vjeçar ka rënë dakord për transferimin në parim. Tashmë ai shpreson se mund të arrihet edhe një marrëveshje midis klubeve.
    Ai ka një kontratë deri në vitin 2029 me gjermanët, por mund të largohet për 70 milionë euro.
    Liverpool i ka bërë të ditur ekipit të Bundesligës se është gati të bëjë një ofertë zyrtare, ndaj bisedimet po përparojnë dhe marrëveshja pritet të ecë shpejt.
    23-vjeçari francez është në sezonin e tij të dytë në Gjermani, por vjet ai shpërtheu, me 15 gola në kampionat në 33 ndeshje, duke tërhequr mjaft vëmendje.

  • Ferrari teston ndryshimet e reja, pritet një makinë më konkurruese në pjesën e dytë të sezonit

    Ferrari teston ndryshimet e reja, pritet një makinë më konkurruese në pjesën e dytë të sezonit

    Dita e “filming day” (xhirime për qëllime publicitare që kryejnë makinat e Formula 1) është shfrytëzuar nga skuadra Ferrari më shumë si një testim për inovacione teknike. Këto teste janë kryer në Mugello, shtëpinë e “kokëkuqes”.
    Një seancë e shkurtër private testimi gjatë së cilës, për një maksimum prej 200 kilometrash, pilotët e Ferrari, Charles Leclerc në mëngjes dhe Lewis Hamilton gjatë pasdites, testuan inovacionet e përgatitura në fabrikë, që mund t’u lejojnë atyre të përballen me një gjysmë të dytë më konkurruese të sezonit.
    Xhirot e disponueshme nuk ishin shumë, por Ferrari shpreson se ishin të mjaftueshme për të testuar inovacionet që mund t’u lejojnë atyre të përballen me një gjysmë të dytë më konkurruese të sezonit.
    Testet u mbajtën pas dyerve të mbyllura dhe rezultatet zyrtarisht mbahen rreptësisht konfidenciale, por puna thuhet se është përqendruar në përmirësimin e konfigurimit dhe ndryshimet në drejtim.
    Përveç makinës SF-25 të këtij viti, në pistë doli edhe SF-23, makina që mori pjesë në kampionatin e vitit 2023 të Formula 1, e drejtuar nga pilotët rezervë Antonio Giovinazzi dhe Antonio Fuoco, i cili kryen teste simulatorësh për ekipin e Formula 1.

  • Milan parakalon Interin dhe është afër objektivit të madh të zikaltërve, zbulohet prapaskena

    Milan parakalon Interin dhe është afër objektivit të madh të zikaltërve, zbulohet prapaskena

    18 Korrik 2025

    10:34

    Telesport

    Edhe pse Inter ka kohë që e ndjek Rasmus Hojlund dhe kërkon transferimin e tij, së fundmi në garë për të siguruar shërbimet e sulmuesit danez është futur edhe Milan.Madje, “Sky Sport Italia” raporton se kuqezinjtë janë më afër Hojlund sesa Interi.
    Danezi u transferua nga Atalanta te Manchester United në vitin 2023, për 78 milionë euro, por nuk ka arritur dot të përshtatet siç pritej dhe është pro rikthimit në Serie A. Danezi është profili që kërkon Max Allegri për sulmin.
    Jemi vetëm në fazën e parë të negociatave mes palëve, por nëse Rasmus Hojlund do të vijë te Milan, do të jetë në formë huazim me të drejtë blerjeje në fund të sezonit. Ky është propozimi i kuqezinjve për drejtuesit e Manchester United.
    Hojlund në 52 ndeshje në të gjitha kompeticionet në sezonin e kaluar shënoi vetëm 10 gola, shumë pak nga ajo që pritej. Jo më kot, Ruben Amorim po kërkon një sulmues të besueshëm për sezonin e ri. Ndaj, transferimi i Hojlund te Milan është shumë i mundshëm, duke ditur që danezi nuk është në planet kryesire të Ruben Amorim.

  • Çmenduri nga Spanja! Real Madrid do të shpenzojë 250 milionë euro të tjera këtë merkato

    Çmenduri nga Spanja! Real Madrid do të shpenzojë 250 milionë euro të tjera këtë merkato

    18 Korrik 2025

    10:36

    Telesport

    Sipas raportimeve të ndryshme që vijnë nga Spanja, Real Madrid nuk mjaftohet vetëm me transferimin e Alexander Arnold, Dean Hujisen, Franco Mastantuono dhe Alvaro Carreras. Për të forcuar akoma dhe më shumë ekipin, klubi madrilen ka në plan të bëjë edhe 3 goditje të mëdha këtë merkato, kosto e të cilave llogaritet 250 milionë euro.
    Prioritet është Enzo Fernandez. Argjentinasi është mesfushori që Xabi Alonso është i bindur se do t’i sjellë ekipit ekuilibër dhe vizion në mesin e fushës, duke formuar një dyshe elitare me Tchouameni-n. Mbrojtja është gjithashtu në fokus pas problemeve të përsëritura në Kupën e Botës për Klube. Real Madrid po ndjek prej kohësh Ibrahima Konate, francezit i mbaron kontrata vitin tjetër me Liverpool, por ai mund të transferohet në Madrid që këtë verë. Liverpool është i gatshëm të lejojë largimin e qendërmbrojtësit francez një vit para se t’i mbarojë kontrata, por vetëm nësë paguhet shifra 50 milionë euro.
    Dhe së fundmi, dëshira e Alonso është një sulmues krahu për të plotësuar Franco Mastantuono-n. Rodrygo është jashtë planeve të Alonso-s, braziliani pritet të largohet, ndaj në Madrid po mendojnë për një anësor të ri. Kushti është që nuk duhet të kushtojë më shumë se 50 milionë euro. Deri tani nuk ka një emër konkret.

  • Juventus ka një listë të gjatë lojtarësh që do të largohen, bardhezinjtë synojnë të arkëtojnë 100 milionë euro

    Juventus ka një listë të gjatë lojtarësh që do të largohen, bardhezinjtë synojnë të arkëtojnë 100 milionë euro

    Juventus ka disa lojtarë të tepërt që duhet t’i largojë këtë verë. I pari në listë është Dusan Vlahovic, një çështje e hapur prej muajsh. Bardhezinjtë po presin oferta konkrete për të zgjidhur përballjen kokë më kokë midis serbit dhe klubit.
    Një tjetër lojtar që pritet të largohet është Nicolo Savona, i cili kërkohet nga Newcastle, por edhe portieri Perin, të cilin Juve do të ishte i lumtur ta mbante, por dëshiron më shumë kohë loje. Në listë është Timothy Weah, i cili po shkon drejt Marsejës së De Zerbit.
    Nicolò Savona, ka kërkesa nga Anglia, ku përveç Newcastle po vëzhgohet me interes edhe nga Manchester City. Lojtari është aktualisht i lënduar, pasi ka ndrydhur kyçin e këmbës së majtë gjatë ndeshjes së Kupës së Botës për klube kundër Manchester United dhe do të jetë jashtë fushave për disa muaj. Një transferim i mundshëm do të sillte një tarifë midis 20 dhe 25 milionë eurove.
    Mattia Perin rinovoi kontratën e tij disa muaj më parë dhe Juve do të donte ta mbante atë si asistent të Di Gregorio, një rol që po fillon të ndihet i kufizuar për të. Megjithatë, e vetmja mundësi është largimi i tij. Projekti i Como mund ta prekë edhe atë.
    Në fund është Douglas Luiz. Pas interesit nga West Ham dhe Aston Villa, sipas “TEAMtalk”, ekipi i Everton tashmë ka paraqitur një ofertë zyrtare për të siguruar mesfushorin brazilian, në formë huazimi me detyrim blerjeje.

  • “Nuk më thanë së kisha tumor në tru, e zbulova nga rrjetet sociale”, ish-lojtari nxjerr zbuluar Romën

    “Nuk më thanë së kisha tumor në tru, e zbulova nga rrjetet sociale”, ish-lojtari nxjerr zbuluar Romën

    18 Korrik 2025

    9:30

    Telesport

    Ish-mbrojtësi i Romës, Leandro Castan, në një intervistë të fundit për “Corriere della Sera”, ka folur për periudhën e vështirë që kaloi kur zbuloi se kishte tumor në tru. Në atë kohë pjesë e ekipit të Romës, qendërmbrojtësi brazilian e mësoi të vërtetën nga postimet bë rrjetet sociale, pasi drejtuesit e klubit nuk i thanë asgjë.
    “Pasi bëra analizat, shkova në shtëpi. E pashë mjekun e ekipit shumë të shqetësuar, por nuk më tregoi asgjë. Dy javët e para ishin më të vëshirat, vetëm villja, nuk kisha forcë dhe mezi qëndroja në këmbë. Për dy javë rashë 20 kg nga pesha. Klubi hezitoi të më thoshte të vërtetën. Duke qenë se nuk isha mirë kisha vendosur të mos hyja në rrjetet sociale. Një ditë qëlloi rastësisht që u futa dhe vetëm kur pashë postimet në Tëitter: Leandro Castan ka tumor në tru, mund të vd*së.
    Më kapi paniku, drejtuesit e klubit dhe mjekët vetëm më thoshin që të qetësohesha dhe nuk kisha asgjë tjetër sipas tyre. Kisha frikë, duke qenë së gjyshi im kishte ndërruar jetë po nga tumori në tru”. Castan iu nënshtrua një operacioni në tru dhe pas dy vitesh kontroll dhe viztash të shumta, ai u rikuperua plotësisht dhe sot gëzon shëndet të plotë.

  • Bayern Munich nuk ka hequr dorë nga ylli i Barcelonës, pritet takimi vendimtar me Flick

    Bayern Munich nuk ka hequr dorë nga ylli i Barcelonës, pritet takimi vendimtar me Flick

    18 Korrik 2025

    9:46

    Telesport

    Bayern Munich nuk ka hequr dorë nga interesi për Ronald Araujo. “El Nacional” raporton se mbrojtësi uruguaian ka kërkuar një takim me trajnerin Hansi Flick, për të vendosur përfundimisht të ardhmen e tij.
    Nga 1-15 korrik, Araujo kishte një klauzolë në kontratë ku mund të largohej për 60 milionë euro, pas datës ai vlen 1 miliard euro, sipas klauzolës që ka vendosur klubi katalanas. Gjithsesi, nëse ndodh transferimi te Bayern, sigurisht që bavarezët nuk do paguajnë 1 miliard euro, por marrëveshja mes palëve mund të mbyllet për një shifër 50-60 milionë euro.
    Sezonin e kaluar, Araujo humbi vendin e titullarit te Barcelona, por pavarësisht kësaj për të ka pasur interes nga disa klube të mëdha, ku kryesori për momentin është Bayern Munich. Vincent Kompany e vlerëson shumë 26-vjeçarin dhe e sheh atë si përforcimin ideal në mbrojtje.
    Duke qenë se Flick preferon më shumë si titullarë dyshen Ingo Martinez-Pau Cubarsi, ky vendim hap rrugën për largimin e Araujo nga katalanasit. Gjithsesi, do jetë takimi mes trajnerit dhe vetë lojtarit që do të vendosë përfundimisht fatin e tij.

  • Sulmuesi i kërkon Liverpool të largohet, Bayern Munich ka gati ofertën e dytë për të

    Sulmuesi i kërkon Liverpool të largohet, Bayern Munich ka gati ofertën e dytë për të

    18 Korrik 2025

    9:50

    Telesport

    E ardhmja e Luis Diaz te Liverpool duket e pamundur. Sulmuesi kolumbian ka mjaft admirues në Europë, të cilët tashmë kanë bërë hapin e parë për të siguruar shërbimet e tij.
    Aio është një nga objektivat kryesorë të Bayern Munich, që kanë bërë edhe një ofertë të parë zyrtare për të (70 milionë euro), por që është refuzuar nga kampionët e Premier League.
    Gjithsesi, bavarezët nuk tërhiqen nga objektivi për të sjellë sulmuesin kolumbian në “Allianz Arena”. Ai që po përshpejton këtë transferim është vetë lojtari 28-vjeçar.
    Sipas “The Athletic”, lojtari ia bëri të qartë klubit anglez dëshirën e tij për të luajtur me një ekip të ri, ndaj ka kërkuar një transferim. Një ofertë më të mirë nga Bayern pritet javën e ardhshme, që kolumbiani mund të kalojë në Bundesligë.

  • Real Madrid merr propozimin interesant nga Chelsea për Rodrygo-n, dy lojtarë në këmbim të brazilianit

    Real Madrid merr propozimin interesant nga Chelsea për Rodrygo-n, dy lojtarë në këmbim të brazilianit

    18 Korrik 2025

    9:54

    Telesport

    “Defensa Central” raporton se Chelsea i është shtuar listës së gjatë të ekipeve që interesohen për Rodrygo-n. Braziliani ka përfunduar në stol me ardhjen e Xabi Alonso si trajner, ndaj largimi i tij nga Madridi këtë verë është mëse i mundshëm.
    Së fundmi, në garë për të është futur edhe Chelsea. Propozimi i klubit londinez është vërtet interesant, ata i ofrojnë Real Madridit dy lojtarë në këmbim të Rodrygo. Bëhet fjalë për Nicolas Jackson dhe Joao Felix, të dy jashtë planëve të Enzo Maresca për sezonin e ardhshëm.
    Në anën tjetër, Real Madrid preferon më shumë të ardhura direkte nga largimi i Rodrygo-s, sesa lojtarë të tjerë të përfshirë në marrëveshje. Klubi madrilen do e përfshinte Rodrygo-n në një marrëveshje të tillë, vetëm nëse në lojë do hynte Enzo Fernandes, gjë që nuk ka shanse të pranohet nga Chelsea.
    Përveç Chelsea-s, për 24-vjeçarin brazilian ka interes edhe nga top klube të tjera si Manchester City, PSG, Arsenal dhe Bayern, pa harruar klubet arabe.

  • Arrihet marrëveshja: Zhgënjeu me PSG, mbrojtësi sllovak gjen “shpëtim” te Fenerbahce i Mourinho

    Arrihet marrëveshja: Zhgënjeu me PSG, mbrojtësi sllovak gjen “shpëtim” te Fenerbahce i Mourinho

    Koha e Milan Skriniar te Paris Saint-Germain ka mbaruar tashmë. I mbërritur si transferim i lirë nga Inter dy vjet më parë, mbrojtësi sllovak nuk arriti ta impresiononte Luis Enrique, i cili kurrë nuk e konsideroi të përshtatshëm për sistemin e tij: shumë i ngadaltë dhe pa ndikim në ndërtimin e lojës.
    Pasi u la në stol, sllovaku u huazua te Fenerbahçe në gjysmën e dytë të sezonit të kaluar, duke gjetur menjëherë vendin e tij nën drejtimin e José Mourinho dhe duke bërë 23 paraqitje në kampionat dhe kupë.
    Sipas raportimeve të shtypit turk, Skriniar dhe klubi i Stambollit kanë arritur tashmë një marrëveshje për kushtet e kontratës së tij. Ndërsa një plan pagese me PSG-në, të cilët synojnë të sigurojnë një marrëveshje me lojtarin, mbetet për t’u finalizuar. Transferimi pritet të jetë me vlerë rreth 10 milionë euro.
    Një lamtumirë që shënon një rënie për mbrojtësin 30-vjeçar, i cili la një gjurmë të pashlyeshme te Inter, ku bëri 246 paraqitje dhe fitoi një titull të Serie A, dy tituj të Kupës së Italisë dhe dy tituj të Superkupës së Italisë.
    Megjithatë, në Paris, Skriniar humbi shpejt shkëlqimin dhe ka luajtur vetëm pesë ndeshje në Ligue 1 në sezonin 2024/2025. Tani, Turqia duket se i ofron atij mundësinë për të rinisur përfundimisht karrierën e tij.

  • E BUJSHME! Lucas Vasquez u largua pardje nga Real Madrid, sot e kërkon klubi i madh që luan në Champions League

    E BUJSHME! Lucas Vasquez u largua pardje nga Real Madrid, sot e kërkon klubi i madh që luan në Champions League

    18 Korrik 2025

    8:33

    Telesport

    Pas plot 10 sezonesh me ekipin e parë, Lucas Vasquez dhe Real Madrid vendosën të mos vazhdonin më së bashku. Spanjollit i skadoi kontrata dhe klubi madrilen vendosi të mos ia rinovonte më. Dy ditë më parë, klubi madrilen i dha “latumirën” Lucas Vasquez, ku u mbajt edhe një ceremoni përshëndetëse për të.
    Pavarësisht moshës së tij, 34 vjeç, Lucas Vasquez, mesa duket do vazhdojë të luajë ende në nivel elitar. Mediat spanjolle raportojnë se Lucas Vasquez është shumë pranë transferimit të Villarreal si lojtar i lirë.
    Për “Nëndetësen”, ardhja e një lojtari si Lucas Vasquez do të përshtatej në mënyrë të përkryer me filozofinë e trajnerit Marcelino, i cili tashmë i ka dhënë dritën jeshile për transferimin e 34-vjeçarit spanjoll.
    Kujtojmë se Villarreal sezonin e ri do të luajë edhe në Champions League dhe ardhja e një lojtari me eksperiencë si Vasquez do ishte një ndihmë e madhe për ta.

  • Mbrojtësi francez mesazh klubit: Nuk largohem nga PSG, do të jem këtu edhe sezonin tjetër

    Mbrojtësi francez mesazh klubit: Nuk largohem nga PSG, do të jem këtu edhe sezonin tjetër

    18 Korrik 2025

    8:47

    Telesport

    Nëpërmjet një postimi në rrjetet sociale, Lucas Hernandez ka dërguar një mesazh të qartë në lidhje me të ardhmen e tij te Paris Saint-Germain. Ai foli në kuadër të thashthemeve për largimin e tij të mundshëm.
    “Një mesazh i shkurtër për të ndjekur artikujt e ndryshëm të shtypit dhe thashethemet se kam kërkuar të largohem nga PSG nëse situata ime nuk ndryshon. Do të doja të thoja se absolutisht nuk kam kërkuar të largohem”, tha mbrojtësi francez.
    “Do të luaj për PSG edhe sezonin e ardhshëm, duke vazhduar të punoj shumë çdo ditë për të mbrojtur ngjyrat e këtij klubi me maksimumin e aftësive të mia, sa herë që trajneri më jep mundësinë! Faleminderit për mbështetjen tuaj… Ja ku është Parisi“, tha Hernandez.
    Mbrojtësi 29-vjeçar u ble nga parisienët dy vjet më parë, duke paguar 45 milionë euro nga Bayern Munich. Kontrata e tij aktuale skadon në vitin 2028.

  • Barcelona kërkon të sjellë në shtëpi Xavi Simons por duhen 70 milionë euro, Deco takim me stafin e lojtarit

    Barcelona kërkon të sjellë në shtëpi Xavi Simons por duhen 70 milionë euro, Deco takim me stafin e lojtarit

    18 Korrik 2025

    9:11

    Telesport

    Drejtori sportiv i Barcelonës, Deco, është takuar me agjentët e holandezit Xavi Simons në një hotel në qytetin katalanas ditët e fundit, lajm që është konfirmuar nga “Sport”.
    Ishte një takim fillestar eksplorues për holandezin, i cili me kënaqësi do të kthehej në klubi “blaugrana”. Në fakt, rrënjët e tij të karrierës kur ishte ende fëmijë i ka pikërisht në këtë klub.
    Xavi Simons u rrit te Barça përpara se të largohej nga La Masia në moshën 16-vjeçare për të ndjekur ëndrrën e tij te PSG. Lojtari 22-vjeçar tani luan për Leipzig
    Çmimi i kërkuar nga ekipi gjerman për ta lënë të lirë talentin e sulmit është 70 milionë euro. Kjo shumë është një pengesë e vështirë për t’u kapërcyer për klubin katalanas.
    Barcelona nuk e ka harruar talentin e Xavi Simons dhe tani duket se ka ringjallur marrëdhëniet me të. Edhe pse për momentin kontakti është thjesht eksplorues spanjollët mbeten të interesuar.