Lionel Messi, duke u ndalur te familja, mbështetësja më e madhe në karrierën e tyij të jashtëzakonshme, zbulon se ka pasur brenda vetes edhe dhimbje të mëdha. Për t’i përballuar ato e ka ndihmuar pikërisht familja, gjëja më e shtrenjtë për të:
“Familja është gjithçka për mua. Ata kanë qenë gjithmonë pranë meje, sepse ka edhe momente të vështira, momente që i kemi vuajtur shumë me kombëtaren. Flisnim pak për këtë më parë. Ti je tashmë duke menduar për ndeshjen tjetër, unë kthehesha nga Argjentina dhe tri ditë më pas luaja me Barcelonën. Po jetoja dy realitete të ndryshme.
Në Barcelonë po fitonim gjithçka, po luaja mirë dhe po shënoja gola, pastaj shkoja te kombëtarja dhe rezultatet nuk vinin. Më shanin. Më thonin nga të gjitha, se nuk e ndieja fanellën, se nuk isha argjentinas, se nuk do të luaja më, që s’duhej të isha fare atje.
Familja ime po kalonte një periudhë shumë të vështirë. Dhe pikërisht atëherë e vlerëson edhe më shumë dashurinë e vërtetë që njerëzit kanë për ty, që janë pranë teje.Dhe kam qenë gjithmonë me fat që familja ime është kaq pranë meje. Ne jemi shumë të bashkuar, ashtu si edhe familja e gruas time. Kjo e bën çdo gjë më të lehtë, sepse ata sillen në të njëjtën mënyrë si ne”.
Author: Telesport.al
-
“Më shanin, më thoshin që s’jam argjentinas”; Messi zbulon dhimbjen që mbante përbrenda
-
Nuk pagoi detyrimet financiare, WBC i heq titullin kampionit të pamposhtur të botës
Boksieri amerikan Terence Crawford nuk është më kampioni i padiskutueshëm i peshave super të mesme në boks, pasi WBC ia hoqi rripin të mërkurën për mospagim të tarifave të sanksionimit.
Presidenti i WBC, Mauricio Sulaiman, pretendon se Crawford nuk i pagoi tarifat e detyrueshme organit sanksionues për dy ndeshje radhazi, përfshirë fitoren e tij më 13 shtator kundër Canelo Alvarez.
“WBC i dërgoi komunikime të shumta kampionit Crawford, menaxherit të tij dhe këshilltarit të tij ligjor,” tha WBC në një deklaratë për mediat.
“Fatkeqësisht, WBC nuk mori një konfirmim marrjeje dhe as ndonjë përgjigje për asnjë nga këto komunikime. WBC nuk kishte zgjidhje tjetër veçse të vepronte“, thuhet më tej në deklaratë.
Sipas Sulaiman, Crawford i detyrohet 300,000 dollarë për ndeshjen me Canelo Alvarez, përveç tarifave për fitoren e tij në gusht 2024 kundër Israil Madrimov.
“Me keqardhje të thellë, trishtim të thellë, me të gjitha përpjekjet, mbështetjen dhe hapat që WBC ndërmori me mirëbesim për Crawford”, tha Sulaiman, për CBS Sports.
“WBC luajti një rol të rëndësishëm në realizimin e asaj ndeshjeje, por të marrësh një shuplakë në fytyrë është e trishtueshme. Është shumë e komplikuar t’ia heqësh një titull një kampioni dhemb shumë”, shtoi më tej presidenti i WBC.
38-vjeçari Crawford (42 fitore e asnjë humbje, 31 fitore KO) ende mban titujt WBA, IBF dhe WBO pas fitores me vendim unanim kundër Alvarez. Titulli i lirë WBC do të jetë në lojë kur Hamzah Sheeraz (22-1) të përballet me Christian Mbilli (29-0-1). -
Ish-kampioni i botës: Kjo Barcelonë nuk e fiton dot Champions-in, e bazon gjithçka tek Yamal
5 Dhjetor 2025
9:10
Alfred Lleshi
Emmanuel Petit, ish-kampioni i botës me Francën më 1998 dhe ish-lojtar i Barcelonës në sezonin 2000-2001, deklaroi se ish-skuadra e tij “nuk mund të shkojë larg në Champions League në asnjë mënyrë, sepse nuk ka lojtarë të klasit botëror”. Ai tha për “Metro” se “Barcelona është si një kazino, e ka bazuar gjithçka te Lamine Yamal”.
Sipas tij, “Barça mund të luftojë për La Liga, por jo Champions League. A beson dikush se mund ta fitojnë këtë trofe me këtë mbrojtje? E pamë kundër Interit. Si mund të pësosh 7 gola në një gjysmëfinale të Champions League?” Petit shtoi: “Klubi duhet të mbështetet te Lamine, por nuk ka yje të klasit botëror si Leo Messi. Yamal nuk mund ta fitojë Champions-in i vetëm. Edhe Messi nuk mund ta bënte pa Xavin, Iniestën, Puyol…
Gjithçka bazohet te Lamine Yamal. Ka lojtarë të mirë, por jo të nivelit botëror. Është e pamundur të fitosh Champions-in me këtë mbrojtje”. Për Arteta mendon se mund të joshet nga Barça, por “duhet ndryshuar diçka, sidomos mbrojtja”.
-
Lakers triumfojnë në sekondën e fundit, bie Golden State, fitojnë Boston e New Orleans
Fitore në sekondën e fundit për Philadelphia, që mundi 99-98 Golden State në shtëpi. Mungesa e Stephen Curry u ndie te miqtë, ndërkohë që për Philadelphia u dallua Tyrese Maxey, që realizoi 35 pikë.
Jashtë fushe fiton skuadra e Lakers, që mundi 123-120 Toronto “in extremis”. Një ndeshje e hapur deri në fund, ku për miqtë u dallua Reaves me 44 pikë. Koshin e fitores në sekondën e fundit e realizoi Hachimura.
Nuk zhgënjen ekipi i Boston, që fitoi thellë 146-101 në fushën e Washington, ndeshje ku u dallua Derrick White me 30 pikë. Ndërsa New Orleans mundi 126-115 Minnesota, sfidë ku të gjithë titullarët e ekipit vendës realizuan mbi 12 pikë.
NBA-Rezultatet e sotme
Philadelphia – Golden State, 99-98
Washington – Boston, 101-146
Brooklyn – Utah Jazz, 110-123
Toronto – Lakers, 120-123
New Orleans – Minnesota, 126-115 -
Goli i parë pas 18 muajsh për yllin portugez, por Man. United i kthehet avazit dhe mjaftohet me një pikë ndaj West Ham (video)
4 Dhjetor 2025
22:51
Telesport
Manchester United ka barazuar 1-1 ndaj West Ham në “Old Trafford”, në ndeshjen e fundit të javës së 14-të në Premier League. “Djajtë e Kuq” e nisën vrullshëm takimin, duke pretenduar në dy raste për penallti, por arbitri kryesor i takimit nuk mendonte kështu.
Pjesa e parë u mbyll në shifrat 0-0. Rezultati do të zhbllokohej në minutën e 58-të, ku Diego Dalot do të gjente golin aps 18 muajsh. Një goditje e Casemiro-s e devijuar nga mbrojtësit miq dhe topi shkon në këmbët e Dalot, i cili ndodhej në një pozicion tepër të favorshëm për të shënuar dhe nuk gaboi.
Barazimi i londinezëve do të vinte në minutën e 83-të, ku Magassa do të shënonte pas një topi të ardhur nga goditja e këndit dhe mbrojtësi francez ishte lënë komplet i lirë nga futbolistët e United. REzultati final 1-1.
Pas këtij barazimi, Manchester United renditet në vendin e 8-të me 22 pikë, West Ham në vendin e 18-të me 12 pikë.
SHIHGOLAT -
Lazio “hakmerret” ndaj Milanit dhe e eliminon nga Kupa e Italisë (video)
4 Dhjetor 2025
23:01
Telesport
Pas humbjes në fundjavën e kaluar në “San Siro” dhe pas pretendimit për penallti të padhënë, Lazio është “hakmarrë” sot ndaj Milanit, duke fituar me të njëjtin rezultat 1-0 dhe duke i eliminuar kuqezinjtë nga Kupa e Italisë.
Goli i vetëm i takimit do të shënohej në minutën e 79-të, ku Mattia Zaccagni do të shënonte me kokë, pas krosimit të Nuno Tavres nga goditja e këndit. Minutat në vijim nuk sollën ndryshim të rezultatit, Lazio fiton 1-0.
Rrugëtimi i Milanit në Kupën e Italisë mbyllet këtu, ndërsa Lazio do të përballet me Bologna-n në çerekfinale.
shikogolin -
E ndjekin Real dhe Barcelona, por e ardhmja e 19-vjeçarit më të kërkuar të momentit do të jetë në PL
4 Dhjetor 2025
21:41
Telesport
Anësori 19-vjeçar i Leipzig, Yan Diomande, është një nga lojtarët e rinj më të kërkuar të momentit. Lista ekipeve që duan yllin e ri nga Bregu i Fildishtë është shumë e gjatë, duke filluar me dy gjigantët e Spanjës, Real Madrid dhe Barcelona, duke vazhduar me Bayern, PSG, si dhe thuajse të gjitha ekipet e mëdha të Premier League.
Dhe mesa duket e ardhmja e Diomande do të jetë pikërisht në Premier League. Mediet gjermane zbulojnë se Tottenham dhe Liverpool kanë ndërmarrë tashmë hapa të rëndësishëm për ta nënshkruar me Diomande.
Duke qenë së anësori ka një kontratë deri në vitin 2030 me Leipzig, klubi gjerman nuk është aspak në presion për largimin e tij dhe do të kërkojë të përfitojë sa më shumë nga kartoni i tij. Vlera në treg e Diomande është rreth 35 milionë euro. -
Shitje rekord për ligën kolumbiane, Milan mbyll transferimin e yllit 20-vjeçar
4 Dhjetor 2025
20:23
Telesport
Milan ka siguruar përforcimin e parë për vitin 2026. Fabrizio Romano raporton se Milan ka arritur marrëveshjen me kolumbianët e Deportivo Independiente Medellin, për transferimin e anësorit 20-vjeçar, Juan Arizala.
Tarifa prej 3 milionë eurosh plus klauzolë shitjeje për një nga shitjet rekord në historinë e ligës kolumbiane. Romando zbulon se lojtari ka refuzuar ofertë nga Anglia dhe Belgjika, pasi dëshira e tij ka qenë vetëm Milan.
Arizala ka bërë 26 paraqitje për ekipin e parë të Deportivo Independiente Medellín, me dy gola dhe një asist. Ai mund të luajë në të dyja anët, si dhe më tej si sulmues anësor ose si mbrojtës i krahut.
End enuk dihet nëse ylli i ri kolumbian do të jetë direkt në dispozicion të Allëgeri-t, apo do të huazohet diku tjetër për të fituar më shumë përvojë dhe minuta. -
Galatasaray “siguron” që tani transferimin e bujshëm për merkaton e janarit, ylli i Serie A
4 Dhjetor 2025
20:34
Telesport
Pavarësisht se me ardhjen e Rafaelle Palladino në krye të stolit të Atalantës, duket sikur janë sheshuar mosmarrëveshjet me Ademola Lookman, nigeriani me shumë mundësi do të largohet njëherë e mirë nga bergamaskët gjatë merkatos së janarit.
Për sulmuesin 28-vjeçar ka interes të madh nga disa klube të njohura, por ofertë konkrete deri tani ka bërë vetëm Galatasaray. Sipas raportimeve të medieve turke dhe italiane, propozimi i gjigantit turk do të jetë shumë joshësh për klubin e Atalantës dhe vetë lojtarin: 50 milionë euro për kartonin e 28-vjeçarit dhe një rrogë 6 milionë euro në sezon për të.
Galatasaray ka një projekt ambicioz ku nuk mjaftohet vetëm më suksesin në Turqi, por synon të shkojë sa më larg në Europë dhe për të arritur këtë qëllim po punon të bëjë disa goditje të bujshme në merkato. Kujtojmë që merkaton e verës së kaluar, Galatasaray bleu pëqrfundimisht kartonin e Victor Osimhen për 75 milionë euro dhe objektivi i radhës është sërish një sulmues nigerian, Ademola Lookman. -
Gjermania gjen “Toni Kroos i ri”, është vetëm 16 vjeç dhe kushton 20 milionë euro
4 Dhjetor 2025
20:55
Telesport
Në Gjermani janë të lumtur se më në fund mund të kenë gjetur “Toni Kroos i ri”. Bëhet fjalë për Kennet Eichhorn, 16-vjeçarin e Hertha Berlin, i cili shënoi golin e parë për ekipin kryeqytetas në fitoren 6-1 ndaj Kaiserlautern për Kupën e Gjermanisë.
Eichhorn është një titullar i rregullt te Hertha Berlin dhe është një nga dy mesfushorët qëndrorë para mbrojtjes. Pas golit dhe perfomancës në Kupën e Gjermanisë, por edhe në Bundesligën, mediet gjermane besojnë se ai mund të jetë “Toni Kroos i ri”.
Kjo gjë jo vetëm për shkak të stilit të ngjashëm të lojës, por edhe për qetësinë dhe sigurinë që ka ky adoleshent, cilësi të rralla për një lojtar të moshës së tij. Vlera e tij në treg është 20 milionë euro dhe për të ka një numër të madh ekipesh që interesohen, ku listës i prisn sigurisht Bayern Munich, por nuk mungojnë edhe klubet e tjera të mëdha jashtë Gjermanisë, si Real Madrid, Barcelona, PSG dhe klubet e Premier League.