Lajmidites.com

Author: Telesport.al

  • Telashe për Barcelona, humbet për 3 javë mesfushorin pas dëmtimit në El Clasico

    Telashe për Barcelona, humbet për 3 javë mesfushorin pas dëmtimit në El Clasico

    30 Tetor 2025

    8:51

    Telesport

    Përveç humbjes në “El Clasico” kundër Real Madrid, ka edhe një tjetër lajm të keq për Barcelonën: Pedri, i ndëshkuar me karton të kuq në “Santiago Benabeu” do të mungojë për shkak të një dëmtimi në kofshë.
    Klubi “blaugrana” do të jetë pa mesfushorin spanjoll deri në pushimin e ardhshëm ndërkombëtar. Pra, Pedri do të mungojë deri në mes të nëntorit.
    Qëllimi i stafit mjekësor është që Pedri të jetë përsëri i disponueshëm për ndeshjet e dyfishta midis La Liga dhe Champions League në fund të nëntorit, kundër Atlético Bilbao dhe Chelsea.
    Gjithsesi, mungesa e tij për 2-3 javë do të jetë e rëndësishme, pasi trajneri Hansi Flick humbet një nga lojtarët kryesorë të mesfushës dhe jo vetëm.

  • Interi zbavitet, Sucic “prezantohet” me një gol magjik me driblim dehës. Calhanoglu lider. Ja si ndryshon renditja (VIDEO)

    Interi zbavitet, Sucic “prezantohet” me një gol magjik me driblim dehës. Calhanoglu lider. Ja si ndryshon renditja (VIDEO)

    29 Tetor 2025

    22:49

    Telesport

    Interi nuk fal Fiorentina-n dhe pas një pjese të parë ku nuk gjeti dot golin edhe pse tentoi portën me një De Gea fantastik sidomos te Bastoni dhe Di Marco, në pjesën e dytë djemtë e Chivut patën më shumë shanse dhe gjetën rrjetën plot tri herë. Fiorentina vazhdon krizën me 9 javët e para ende pa fitore ku kanë koleksionuar 4 barazime dhe 5 humbje. Stefano Pioli në fije të perit dhe gati i shkarkuar tashmë.
    Sakaq, duke u kthyer te ndeshja e sotme, Interi ishte dominues në fushë dhe vetëm një De Gea fantastik dhe një vendim i arbitrit për të mos akorduar penallti te një mbajtje e dukshme me duar në dëm të Pio Espositos, kishin bërë që Fiorentina të mbeten ende në garë. Megjithatë, ekuilibrin e thyu Calhanoglu me një goditje të fortë nga distanca.
    GOLI I CALHANOGLU – VIDEO
    GOLI I SUCIC – VIDEO
    Më pas, erdhi edhe goli i Sucic, i pari në Serie A, me një driblim magjik brenda zone ndaj Comuzzos, duke shënuar më pas. Në fund, një penallti i dha mundësinë e “trisit” zikaltërve me Calhanoglu që shënoi edhe të dytin personal. Kështu, zikaltërit shkojnë 18 pikë, aq sa Milani i Allegrit. Ndërkohë, në vend të parë me pikë të barabarta janë Napoli dhe Roma (21 pikë).

  • BAYERN MUNICH: Thjesht makinë perfekte aktualisht. Kampionat, Champions apo Kupë, verdikti final nuk ndryshon. Rekord i ri Europian

    BAYERN MUNICH: Thjesht makinë perfekte aktualisht. Kampionat, Champions apo Kupë, verdikti final nuk ndryshon. Rekord i ri Europian

    Bayern Munich nuk ndalet dhe makina perfekte ka arritur te 14 ndeshje radhazi me fitore në të gjitha kompeticionet. Skuadra e Kompany dominon në Bundesliga, në Kupë dhe në Champions League.
    Kampionët e Gjermanisë kanë siguruar kalimin në rundin tjetër të Kupës së Gjermanisë pas një fitoreje të qartë 4-1 ndaj 1. FC Köln. Ndeshja u zhvillua në një atmosferë intensive, ku Bayern tregoi superioritetin e tij, megjithëse Köln e nisi për mirë sfidën.
    FC Köln kaloi në epërsi prej 1-0 në minutën e 31’ me një goditje me kokë të Ragnar Ache pas një krosi të saktë nga Isak Johannesson. Bayern reagoi shpejt, ku në minutën e 36’, Luis Diaz shënoi golin e barazimit 1-1.
    Vetëm dy minuta më vonë, Harry Kane kaloi bavarezët në avantazh 2-1 me një goditje të fortë brenda zonës. Në minutën e 64’, Kane shënoi sërish, pas një kros perfekt nga Joshua Kimmich, duke shënuar me kokë për 3-1.
    Për ta vulosur fitore, Michael Olise realizoi golin e katërt në minutën e 72’, duke finalizuar me qetësi një kombinim të luajtur brenda zonës (4-1).
    Me këtë fitore, Bayern Munich siguroi avancimin në rundin tjetër të Kupës së Gjermanisë dhe tregon formë të mirë për fazat e ardhshme, duke demonstruar fuqinë sulmuese dhe konsistencën në mbrojtje.
    14 ndeshje – 14 fitore. Sot Bayern vendosi një rekord të ri për të gjitha klubet në 5 ligat kryesore europiane.
     

  • Juventus rikthehet më në fund te fitorja, Roma bën detyrën ndaj Parmës. Como ngjitet në vendin e 4-të

    Juventus rikthehet më në fund te fitorja, Roma bën detyrën ndaj Parmës. Como ngjitet në vendin e 4-të

    Juventus është rikthyer më në fund te fitorja, pas 5 javësh. Bardhezinjtë fituan 3-1 në “Allianz Stadium” ndaj Udinese. Për bardhezinjtë e drejtuar nga trajneri i përkohshëm, Massimo Brambilla, vendosi penalltia e shndërruar në gol nga Dusan Vlahovic në minutën e 5-të. Sulmuesi serb e fitoi vetë penalltinë, pas një kontakti në zonë me Saba Goglichidze. Në fund të pjesës së parë, Nicolo Zaniolo barazon shifrat për Udinese. Federico Gatti i dha avantazhin Juventusit në minutën e 66-të, pasi shënoi me kokë pas krosimit të Cambiaso. Kenan Yildiz vulosi fitoren 3-1 nga pika e bardhë e penalltisë në minutat e fundit shtesë, e fituar nga vetë fantazisti turk pasi u pengua në zonë. Pas kësaj fitoreje, Juventus ngjitet në vendin e 6-të me 15 pikë.
    Në “Olimpico”, Roma fitoi 2-1 ndaj Parmës, duke iu bashkëngjitur Napolit në krye me nga 21 pikë. Në minutën e 40-të, verdhekuqtë gjetën golin me Mattias Soule. Argjentinasi shënoi me një goditje të bukur nga brenda zonës, pas një topi të kthyer mbrapsht nga mbrojtësit miq. Ndërhyn VAR dhe si përfundim goli anullohet per pozicion jashtë loje. Vendasit nuk janë aspak dakord dhe protestojnë, por më kot. Pjesa e parë mbyllet 0-0.
    Në pjesën e dytë, verdhekuqtë shënuan dy herë. Hermoso zhbllokoi rezultatin në minutën e 63-të duke shënuar me kokë, pas krosimit të Dybala. Në minutën e 80-të, Dovbyk dyfishoi shifrat. Parma ngushtoi shifrat me Circati-n.
    Como fitoi 3-1 Veronës, duke u renditur në vendin e katërt momentalisht. Për ekipin e drejtuar nga Cesc Fabregas shënuan Douvikas 9′ , Posch 62′ dhe Vojvoda 90+2′. Për miqtë barazoi përkohësisht shifrat Serdar 9′.
    SHIKOGOLAT

  • Zaniolo befason Juventusin në fund të pjesës së parë, “paqe” me “nerva” në “Olimpico” (video)

    Zaniolo befason Juventusin në fund të pjesës së parë, “paqe” me “nerva” në “Olimpico” (video)

    29 Tetor 2025

    19:20

    Telesport

    Kanë përfunduar 45 minutat e para në tre takimet e radhës për javën e 9-të në Serie A. Në “Allianz Stadium”, Juventus po barazon 1-1 ndaj Udinese.
    Për bardhezinjtë e drejtuar nga trajneri i përkohshëm, Massimo Brambilla, vendosi penalltia e shndërruar në gol nga Dusan Vlahovic në minutën e 5-të. Sulmuesi serb e fitoi vetë penalltinë, pas një kontakti në zonë me Saba Goglichidze. Në fund të pjesës së parë, Nicolo Zaniolo barazon shifrat për Udinese.
    Në “Olimpico”, Roma po barazon pa gola ndaj Parmës. Në minutën e 40-të, verdhekuqtë gjetën golin me Mattias Soule. Argjentinasi shënoi me një goditje të bukur nga brenda zonës, pas një topi të kthyer mbrapsht nga mbrojtësit miq. Ndërhyn VAR dhe si përfundim goli anullohet per pozicion jashtë loje. Vendasit nuk janë aspak dakord dhe protestojnë, por më kot. Pjesa e parë mbyllet 0-0.
    Në sfidën tjetër, Como e Fabregas po barazon 1-1 ndaj Veronës.
    SHIKOGOLAT

  • E vështirë, por jo e pamundur… Barcelona kërkon futbollistin më të mirë të Napolit

    E vështirë, por jo e pamundur… Barcelona kërkon futbollistin më të mirë të Napolit

    29 Tetor 2025

    18:26

    Telesport

    Scott McTominay ka rilindur pas transferimit nga Manchester United te Napoli. Mesfushori portugez ishte një nga protagonistët kryesor në suksesin e Napolit gjatë sezonit të kaluar, ku fitoi titullin në Serie A.
    Edhe këtë sezon, McTominay duket në formë të mirë, gjë që ka ngjallur interesimin e shumë klubeve të mëdha. Mediet spanjolle raportojnë se skocezi ka përfunduar në radarin e Barcelonës.
    Klubi katalanas e ka vendosur si prioritet transferimin e McTominay gjatë verës së ardhshme. Megjithatë, transferimi i tij nuk do të jetë aspak i lehtë. Napoli mund të heq dorë prej mesfushorit skocez për shifrën 80 milionë euro.
    Një shifër e vështirë për t’u përballuar nga financat aktuale të Barcelonës, por situata mund të ndryshojë deri në verë.

  • Vllaznia bie në Vlorë, Flamurtari gjen më në fund fitoren

    Vllaznia bie në Vlorë, Flamurtari gjen më në fund fitoren

    29 Tetor 2025

    18:55

    Telesport

    Flamurtari ka gjetur më në fund fitoren e parë për këtë sezon. Vlonjatët kanë mundur në shtëpi 1-0 Vllazninë. Pjesa e parë mes dy ekipeve u mbyll në barazim pa gola.
    Goli vendimtar u shënua në minutën e 73-të. Bolzan gjen fillimisht rrjetën pas një aksioni që nisi nga krosimi i Lorenc Trashit nga goditja e dënimit.
    Arbitri anullon golin e Bolzan dhe drejton gishtin nga pika e bardhë e penalltisë, për prekje të topit me dorë nga Gurishta. Herald Marku tregohet i saktë dhe dërgon topin në rrjetë.
    Rezultati nuk ndryshon deri në fund. Flamurtari i gëzohet fitores së parë, Vllaznia edhe pse humbi mban ende vendin e parë me 19 pikë.

  • Ky është lojtari i parë që Luciano Spalletti ka kërkuar te Juventus për merkaton e janarit

    Ky është lojtari i parë që Luciano Spalletti ka kërkuar te Juventus për merkaton e janarit

    29 Tetor 2025

    17:19

    Telesport

    Luciano Spalletti ka pranuar të marrë drejtimin e Juventusit të paktën deri në fund të këtij sezoni, me mundësi rinovimi në bazë të rezultateve dhe perfomancës së ekipit.
    Ish-trajneri i Italisë ka kërkuar nga drejtuesit një përforcim në mesfushë në merkaton e janarit. Emri i kërkuar nga Luciano Spalletti është mesfushori dandez i Sporting Lisbon, Morten Hjulmand, sipas asaj që raporton “Tuttosport”.
    Spalletti duket se nuk ka besim tek Teun Koopmeiners, ndaj ka kërkuar me ngulm transferimin e një mesfushori të ri qëndror dhe Hjulmand është i preferuari i tij. Për danezin ka interes të madh edhe nga Premier League nga klubet si Manchester United, Tottenham e Aston Villa. Sporting e vlerëson të patën 45 milionë euro.

  • Carvajal do të mungojë për një kohë të gjatë, Real Madrid gjen zëvendësuesin në Serie A

    Carvajal do të mungojë për një kohë të gjatë, Real Madrid gjen zëvendësuesin në Serie A

    29 Tetor 2025

    17:48

    Telesport

    Dani Carvajal pritet të qëndrojë jashtë fushave të lojës për një kohë të gjatë, për shkak dëmtimi të pësuar në “El Clasico-n” e fundit. Për këtë arsye, Real Madrid po mendon të ndërhyjë në merkato. Objektivi i madrilenëve është mbrojtësi i djathtë i Romës, Zeki Celik.
    28-vjeçari është në vitin e fundit të kontratës me verdhekuqtë dhe transferimi i tij brenda merkatos së janarit mund të arrihet për një shifër rreth 10 milionë euro.
    Dihet që Real Madrid ka dhe Alexander Arnold në krahun e djathtë, por madrilenët nuk duan të rrezikojnë të mbeten vetëm me një lojtar në këtë krah, ndaj janë të detyruar të ndërhyjnë në merkato.

  • Dëshiron të punojë me një trajner ekspert. Vinicius Junior i “shkel syrin” gjigantit tjetër të Europës

    Dëshiron të punojë me një trajner ekspert. Vinicius Junior i “shkel syrin” gjigantit tjetër të Europës

    29 Tetor 2025

    18:14

    Telesport

    Edhe pse Vinicius Junior kërkoi falje publike për gjestin që bëri në momentin e zëvendësimit nga trajneri Xabi Alonso në “El Clasico”, sërish situata mes tij dhe klubit është e nderë.
    Prej kohësh po përflitet për një rinovim, por gjë që nuk ka ndodhur deri tani. Sikur të mos mjaftojnë kushtet e Vinicius Junior për rrogën dhe privilegjet e tjera që kërkon, sjellja e tij në fushë mund të jetë një shtysë shumë e madhe për të ndarë rrugët përfundimisht.
    “SPORT” ka zbuluar gjatë ditës së sotme se Vinicius Junior i pëlqen shumë të punojë me një trajner si Luis Enrique dhe është i gatshëm për një transferim të mundshëm te PSG. Pavarësisht ofertave të jashtëzakonshme nga ana ekonomike, klubi parizien është destinacioni i preferuar për sulmuesin brazilian.