Lajmidites.com

Author: Telesport.al

  • Mbeti jashtë formacionit më të mirë të vitit “FIFPro 2025”, yllit të Barclonës nuk i del inati dhe publikon “provat” (foto)

    Mbeti jashtë formacionit më të mirë të vitit “FIFPro 2025”, yllit të Barclonës nuk i del inati dhe publikon “provat” (foto)

    Ditën e djeshme u bë publike formacioni më i mirë i vitit “FIFPro 2025”, në bazë të votave të mbi 25 mijë futbollistëve në mbarë globin. Në 11-shen finale ra në sy mungesa e Raphinha, edhe pse braziliani ka patur një vit fantastik në fakt.
    Raphinha nuk e ka pritur aspak mirë këtë gjë dhe ka bërë një numër të madh postimesh në rrjetet e tij sociale, ku ka përmdnur të gjitha arritjet personale  gjatë sezonit të fundit.
    Në 57 ndeshje me Barcelonën, Raphinha shënoi 34 gola dhe dha 26 asiste, duke qenë një nga lojtarët më të rëndësishëm në trofetë e fituar nga Barcelona sezonin e kaluar si La Liga, Kupa e Mbretit dhe Superkupa e Spanjës, pa harruar këtu edhe golat dhe asistet e dhëna me kombëtaren braziliane.

    Formacioni më i mirë i “FIFPro 2025”:  Donnarumma, Hakimi, Van Dijk, Mendes, Palmer, Bellingham, Pedri, Vitinha, Yamal, Mbappe, Dembele.
    Lojtarët që kanë pasur të drejtën e votës kanë votuar për 4 lojtarë, për 4 pozicionet: portier, mbrojtës, mesfushor dhe sulmues.

  • Spektakël në Egnatia-Vllaznia, por nuk ka fitues. “Paqe” në derbin e vogël të kryeqytetit

    Spektakël në Egnatia-Vllaznia, por nuk ka fitues. “Paqe” në derbin e vogël të kryeqytetit

    Kanë përfunduar dy ndeshjet e fundit të javës së 10-të në Abissnet Superiore. Vëmendja ishte në Rrogozhinë, aty ku Egnatia barazoi 2-2 ndaj Vllaznisë, dy ekipe pretendente për “Final Four” dhe titullin këtë sezon.
    Në minutën e 41-të, Elmando Gjini i afrohet golit për Vllazninë, por goditja e tij me kokë përplaset në traversë. Dy minuta më pas, Vllaznia gjen golin me Sherfi Kallakun, i cili shënon me një goditje fantastike me të majtën në kufijtë e zonës së rreptësisë, pas asistit të Lirim Kastratit. Pjesa e parë mbyllet 0-1 për shkodranët, pjesa e dytë ishte vërtet e bukur.
    Në minutën e 62-të, Alessandro Albanese bëri gjithçka bukur në krah dhe kroson brenda në zonë ku Yahya dërgon topin në rrjetë, duke përfituar edhe nga një mos kontroll i mirë i topit nga portieri i Vllaznisë, Pohls.
    Në minutën e 74-të, Abdurraman Fangaj pengon brenda zone Melos Bajrami dhe arbitri jep penallti. Fangaj ndëshkohet për herë të dytë me karton të verdhë dhe lë fushën e lojës. I zakonshmi Bekim Balaj, tregohet i saktë nga 11-metrat dhe kalon në avantazh shkodranët.
    Vendasit nuk u dorëzuan dhe barazojnë shifrat me Guillem Jaime përmes një goditjeje spektakolare dënimi në minutën e 86-të. Rezultati final 2-2. Vllaznia ngjitet në krye me 20 pikë, njësoj sa Elbasani. Egnatia në vendin e tretë me një pikë më pak.
    Në “Arenën e Demave”, u luajt derbi i vogël i kryeqytetit mes Vorës dhe Partizanit, që u mbyll në barazim pa gola. Rasti më i rrezikshëm i ndeshjes ndodhi në minutën e 83-të, ku goditja me kokë e Andi Janjevës pas një goditjeje këndi devijohet nga një kundërshtar dhe përfundon në shtyllë. Vlen për t’u përmendur edhe dëmtimi i rëndë i Xhuljano Skukës në fund të pjesës së parë, i cili doli me barrelë nga fusha.
    Pas këtij barazimi, Vora renditet në vendin e 7-të me 11 pikë, Partizani në vendin e 8-të me 9 pikë.

  • Guardiola thotë se Haaland është në të njëjtin nivel me Ronaldon dhe Messin, norvegjezi e kundërshton

    Guardiola thotë se Haaland është në të njëjtin nivel me Ronaldon dhe Messin, norvegjezi e kundërshton

    4 Nëntor 2025

    16:34

    Telesport

    Erling Haaland nuk pranon të krahasohet mes Leo Messi-n dhe C.Ronaldon, duke kundërshtuar kështu edhe trajnerin e tij.
    Pas fitores në fundjavë ndaj Bournemouth, PepGuardiola u shpreh se të luash me një lojtar si Haaland është njësoj si të luash me Lionel Messi-n dhe Cristiano Ronaldon, për shkak të ndikimit të madh të norvegjezit në fushën e lojës.
    “Të luash me Haaland është si të luash me Messin ose Cristianon; ndikimi i tij është i madh. Është e qartë se kemi nevojë për lojtarë të tjerë për të shënuar, por ai e çon ekipin në një nivel tjetër”, tha Guardiola.
    Në konferencën e sotme për shtyp para përballjes me Borussia Dortmund në Champions League, Erling Haaland dhe nuk është dakord me trajnerin e tij, duke theksuar se Messi dhe Ronaldo janë nivel tjetër.
    “Askush nuk mund t’u afrohet atyre dyve. Unë jam thjesht një sulmues dhe nuk mendoj se jam i veçantë vetëm sepse shënoj shumë gola”, tha Haaland.

  • Perez nuk duron dot më, merr vendimin drastik për yllin e Realit: Do shitet në verë

    Perez nuk duron dot më, merr vendimin drastik për yllin e Realit: Do shitet në verë

    4 Nëntor 2025

    17:03

    Telesport

    Florentino Perez duket se është lodhur me tekat e vazhdueshme të Vinicius Junior, ndaj ka vendosur shitjen e brazilianit gjatë verës së ardhshme, sipas asaj që raporton “Bild”.
    Prej kohësh, drejtuesit e “Los Blancos” po negociojnë me përfaqësuesit e Vinicius Junior, për rinovimin e kontratës së brazilianit, e cila skadon në vitin 2027, por ende nuk gjendur gjuha e përbashkët.
    Arsyeja kryesore e mosrinovimit deri tani janë tekat e vazhdueshme të Vinicius Junior, i cili kërkon të jetë lojtari më i paguar te madrilenët, plus dhe bonuse të tjera të shumta.
    Në këtë situatë, Florentino Perez ka vendosur të nxjerrë në shitje Vinicius Junior. Real Madrid pret të përfitojë rreth 150 milionë euro nga shitja e brazilianit. Për të ka interes të madh nga klubet arabe, por edhe gjigantët e Europës si Chelsea, PSG apo dhe Man. United.

  • “Përvoja e viteve të fundit po na ndihmon”, Rice: Por futbolli është i pamëshirshëm kur…

    “Përvoja e viteve të fundit po na ndihmon”, Rice: Por futbolli është i pamëshirshëm kur…

    4 Nëntor 2025

    12:46

    Telesport

    Arsenal do të luajë sot në mbrëmje ndaj Slavia Praga në Champions League. Skuadra londineze po kalon një moment të mirë, pasi kryeson e shkëputur renditjen në kampionat. Një nga protagonistët e këtij momenti është mesfushori Declan Rice.
    “E dimë se nuk ka asgjë të lehtë dhe se çdo ndeshje është e vështirë. Kështu ndodhi edhe në sfidën e fundit ndaj Burnley. Ndaj, duhet t’u përmbahemi parimeve tona. Është e rëndësishme që të vazhdojmë të shënojmë gola”, deklaroi anglezi.
    Declan Rice shënoi gol në atë sfidë: “Gol i veçantë për mua, që më motivon edhe më shumë për sfidat e ardhshme. Sot duhet të përsëritim të njëjtën lojë edhe në Champions, duke kërkuar një tjetër rezultat pozitiv në Europë”.
    “Tani që jemi në krye në Premier duhet të jemi të kujdesshëm për ta mbrojtur vendin e parë. Çdo takim duhet marrë me kujdes, pasi luajmë shpesh dhe është e lehtë të shpërqendrohesh kur ke kaq shumë ndeshje”, tha Rice.
    “Mendoj se përvoja e sezoneve të fundit ka qenë e rëndësishme për ne dhe nuk jemi duke bërë gabimet e dikurshme. Jemi me këmbët në tokë, pasi e dimë se futbolli është i pamëshirshëm kur gabon, ndaj duhet kujdes” deklaroi Rice.

  • Rice: Përvoja e viteve të fundit po na ndihmon por futbolli është i pamëshirshëm kur gabon

    Rice: Përvoja e viteve të fundit po na ndihmon por futbolli është i pamëshirshëm kur gabon

    4 Nëntor 2025

    12:46

    Telesport

    Arsenal do të luajë sot në mbrëmje ndaj Slavia Praga në Champions League. Skuadra londineze po kalon një moment të mirë, pasi kryeson e shkëputur renditjen në kampionat. Një nga protagonistët e këtij momenti është mesfushori Declan Rice.
    “E dimë se nuk ka asgjë të lehtë dhe se çdo ndeshje është e vështirë. Kështu ndodhi edhe në sfidën e fundit ndaj Burnley. Ndaj, duhet t’u përmbahemi parimeve tona. Është e rëndësishme që të vazhdojmë të shënojmë gola”, deklaroi anglezi.
    Declan Rice shënoi gol në atë sfidë: “Gol i veçantë për mua, që më motivon edhe më shumë për sfidat e ardhshme. Sot duhet të përsëritim të njëjtën lojë edhe në Champions, duke kërkuar një tjetër rezultat pozitiv në Europë”.
    “Tani që jemi në krye në Premier duhet të jemi të kujdesshëm për ta mbrojtur vendin e parë. Çdo takim duhet marrë me kujdes, pasi luajmë shpesh dhe është e lehtë të shpërqendrohesh kur ke kaq shumë ndeshje”, tha Rice.
    “Mendoj se përvoja e sezoneve të fundit ka qenë e rëndësishme për ne dhe nuk jemi duke bërë gabimet e dikurshme. Jemi me këmbët në tokë, pasi e dimë se futbolli është i pamëshirshëm kur gabon, ndaj duhet kujdes” deklaroi Rice.

  • “Lamtumirë, miu”; vandalizohet murali i Trent Alexander-Arnold pranë “Anfield”

    “Lamtumirë, miu”; vandalizohet murali i Trent Alexander-Arnold pranë “Anfield”

    “Jam thjesht një djalë i zakonshëm nga Liverpool-i, që e ka përmbushur ëndrrën e tij”. Kjo fjali, e shkruar mbi një mur pranë “Anfield”, kishte vite që simbolizonte krenarinë e qytetit. Ishte murali dedikuar për Trent Alexander-Arnold, djalin e lagjes West Derby që u rrit duke ëndërruar të vishte fanellën e Liverpool-it, dhe e bëri realitet. Por këtë mëngjes, në prag të përballjes së shumëpritur Liverpool–Real Madrid, murali është gjetur plotësisht i dëmtuar.
    Figura e futbollistit, e pikturuar me kujdes në vitin 2019, është mbuluar me bojë të bardhë, mbi të është shkruar një mesazh i ashpër dhe i dhimbshëm: “Lamtumirë, miu”. Sulmi ka shkaktuar zemërim te banorët e zonës dhe trishtim tek tifozët që e kishin kthyer atë cep në një vend simbolik për adhuruesit e klubit. “Ky mural përfaqësonte më shumë se një lojtar, përfaqësonte një histori përkushtimi dhe dashurie ndaj klubit”, – tha një banor për ‘MARCA”.

    Sipas dëshmitarëve, gjithçka ndodhi mbrëmë rreth orës 23:00, kur disa persona erdhën me bidona boje dhe vandalizuan murin. “Një gjë e tillë nuk ndodh zakonisht, është për të ardhur keq dhe të tremb pak”, – treguan pronarët e shtëpisë ku ndodhet murali. Rreth orës 11:00 të mëngjesit, punëtorët e parë nisën restaurimin për ta rikthyer muralin në gjendjen e tij origjinale. Murali ishte krijuar në vitin 2019 nga grupi i tifozëve “The Anfield Wrap” për të festuar triumfin e Liverpool-it në Champions League kundër Tottenhamit në Madrid. Në atë sezon, Alexander-Arnold ishte një prej yjeve të rinj më premtues të futbollit europian, simbol i stilit ofensiv dhe shpirtit që e riktheu Liverpool-in në majat e kontinentit.
    Kalimi i tij te Real Madridi, pas përfundimit të kontratës më 30 qershor, ndryshoi gjithçka. Pas 20 vitesh në klubin e kuq, nga akademia deri te fitimi i çdo trofeu të madh, vendimi për të mos rinovuar dhe për t’u larguar si lojtar i lirë u pa nga shumë tifozë si tradhti. Në fjalët e lamtumirës, Trent foli për “sfida dhe përvoja të reja jashtë shtëpisë”, por mënyra e largimit të tij la plagë të hapura te një pjesë e madhe e tifozërisë së ‘Reds’. Sonte, “Anfield” do të flasë. Dhe Trent Alexander-Arnold do të duhet të dëgjojë…

  • McGregor: Zoti më shëroi dhe shpëtoi, ndezi flakën brenda meje dhe jam gati të rikthehem

    McGregor: Zoti më shëroi dhe shpëtoi, ndezi flakën brenda meje dhe jam gati të rikthehem

    Ish-kampioni i dyfishtë i botës në artet marciale mikse, irlandezi Conor McGregor, mbajti një fjalim emocional gjatë një konference për shtyp të kampionatit të luftimit Bare Knuckle (BKFC) në Itali, duke zbuluar se ai ka pësuar një transformim të thellë personal dhe shpirtëror.
    Duke folur publikisht për herë të parë që nga marrja e një pezullimi 18-mujor për mungesë në testet antidoping vitin e kaluar, McGregor e përshkroi vitin e kaluar si një nga më të vështirët e jetës së tij. Por, për të mbetet një vit që në fund e solli më afër besimit dhe familjes.
    “The Notorius” tha se vështirësitë e tij të fundit e çuan drejt besimit, gjë që e ndihmoi të shërohej mendërisht dhe shpirtërisht. “Nuk jam këtu rastësisht. Ekziston një fuqi më e lartë, Zoti, që dikton udhëtimin tim dhe të gjitha udhëtimet tona. Dhe unë jetoj jetën time sipas fjalës së Zotit tani. Jam i shpëtuar. Jam i shëruar“, tha McGregor.
    Superylli i UFC-së theksoi se një fuqi më e lartë e udhëhoqi atë përmes dhimbjes dhe sfidave personale, duke i dhënë forcë për të rindërtuar veten si sportist dhe si person. McGregor tha se zjarri i tij konkurrues është rindezur më fort se kurrë.
    “Shkëndija ime konkurruese, që dikur ishte një flakë e vogël, tani është një flakë e fortë. Kam hyrë brenda vetes, kam gjetur veten përsëri dhe jam gati të tregoj se çfarë jam”, u shpreh irlandezi, që falënderoi bashkëshorten dhe fëmijëve të tij që e mbajtën të motivuar dhe të qëndrueshëm gjatë gjithë udhëtimit të tij të rimëkëmbjes.

  • “Allegri ka kuptuar si ta shërojë Milanin e sëmurë, iu ka mësuar lojtarëve artin e vuajtjes”

    “Allegri ka kuptuar si ta shërojë Milanin e sëmurë, iu ka mësuar lojtarëve artin e vuajtjes”

    4 Nëntor 2025

    11:42

    Alfred Lleshi

    Luciano Moggi komentoi momentin delikat të Fiorentinës, ku Stefano Pioli rrezikon shkarkimin: “Fiorentina është në konfuzion total, peshojnë 10 javët pa fitore dhe vendi i parafundit në klasifikim. Ndërsa presin zëvendësuesin e Piolit, i këshilloj tifozët e revoltuar të ndihmojnë në vend që të protestojnë”.
    Moggi gjithashtu përmendi situatën e Milanit me Allegrin në stol: “Max duket se ka kuptuar si ta shërojë Milanin e sëmurë. Ai iu ka mësuar lojtarëve të tij artin e vuajtjes, për t’i mbajtur nën kontroll kundërshtarët, pastaj për të rikuperuar dhe kërkuar fitoren”.
    Ndërsa për Romën, e cila u mund nga Milani, shtoi: “Ndërrimet e Gasperinit nuk ishin bindëse, akoma mbetet zhgënjimi për penalltinë e gabuar të Dybala. Për të qenë konkurruese deri në fund, Roma duhet të zgjidhë enigmën e sulmuesit”.

  • Dikur luante me Tiranën, arresti kardiak i merr jetën në stol, gjatë ndeshjes. Tragjedi në fushën e blertë

    Dikur luante me Tiranën, arresti kardiak i merr jetën në stol, gjatë ndeshjes. Tragjedi në fushën e blertë

    Një ngjarje e rëndë ka tronditur Super Ligën serbe. Mladen Žižović, trajner i Radnički 1923, humbi jetën në moshën 44-vjeçare, pasi u rrëzua papritur në stol gjatë ndeshjes kundër Mladost Lučani, në minutën e 22-të të pjesës së parë. Ndihma e parë ishte e menjëhershme, ai u dërgua me urgjencë në spital, por nuk mundi të shpëtonte.
    Imazhet nga stadiumi treguan lojtarë dhe staf të dy ekipeve të mërzitur dhe në lot, të habitur nga ajo që po ndodhte. Ndeshja u pezullua menjëherë dhe lajmi u konfirmua pak orë më vonë. Federata Serbe e Futbollit shprehu “trishtim dhe habi të thellë” për humbjen e tij, duke theksuar se “vdekja e tij është një humbje e madhe për komunitetin e futbollit”.
    I lindur në 1980, Žižović kishte një karrierë të respektuar si lojtar, duke luajtur për Mladost Velika Obarska, Radnik Bijeljina, Zrinjski Mostar, Tirana (sezoni 2010–2011, 14 ndeshje, 1 gol) dhe Banja Luka, si dhe 4 herë për kombëtaren e Bosnje Hercegovinës. Pas tërheqjes, ai drejtoi klube si Radnik Bijeljina, Zrinjski, Sloboda Tuzla dhe Shkupi, duke arritur sukses edhe në Europë. Në korrik 2025, ai u emërua trajner i Radnički 1923, por fatkeqësia e ndaloi në mënyrën më të tmerrshme. Futbolli ballkanas sot është në zi.
    Reactions of players after being told their coach from Radnički 1923 has passed awaybyu/lukmanCZ insoccer