Lajmidites.com

Author: Telesport.al

  • Nuk mjafton vetëm fitorja ndaj Andorrës, Shqipëria ka nevojë edhe për një “dhuratë” për të siguruar kualifikimin sonte në play-off

    Nuk mjafton vetëm fitorja ndaj Andorrës, Shqipëria ka nevojë edhe për një “dhuratë” për të siguruar kualifikimin sonte në play-off

    13 Nëntor 2025

    16:41

    Telesport

    Sonte në mbrëmje, Shqipëria do të luajë padyshim ndeshjen më të rëndësishme të këtyre kualifikueseve për Kupën e Botës 2026, edhe pse përballë ka një kundërshtar të lehtë në letër si Andorra.
    Aktualisht situata në grupin K është e tillë: 1. Anglia 18 pikë (ka siguruar biletën për në Botëror), 2.Shqipëria 11 pikë, 3. Serbia 10 pikë, 4. Letonia 5 pikë 5. Andorra 1 pikë
    Për të siguruar zyrtarisht vendin e dytë në grup që të dërgon në play-off, Shqipëria duhet të fitojë me patjetër ndaj Andorrës dhe të shpresojë që Serbia të mos fitojë në transfertë ndaj Anglisë.
    Në rast se nuk del ky kombinim, atëherë vendi i dytë në grup do të përcaktohet në ndeshjet e fundit në grup më datë 16 nëntor, kur Shqipëria pret Anglinë në “Air Albania”, ndërsa Serbia pret Letoninë në Beograd.

  • Mërzitet Hansi Flick, Barcelona nuk është në gjendje të transferojë objektivin kryesor të trajnerit gjerman

    Mërzitet Hansi Flick, Barcelona nuk është në gjendje të transferojë objektivin kryesor të trajnerit gjerman

    13 Nëntor 2025

    17:06

    Telesport

    Hansi Flick ka kërkuar nga drejtuesit e Barcelonës një përforcim të domosdoshëm në merkaton e janarit për krahun e djathtë të mbrojtjes. Emri i pëlqyer nga Flick është Daniel Munoz, mbrojtësi i djathtë i Crystal Palace.
    Megjithatë, Crystal Palace, i vetëdijshëm për rolin kyç të kolumbianit, ka përjashtuar çdo ofertë për ta shitur atë gjatë afatit kalimtar të dimrit, duke i mbyllur derën përfundimisht Barcelonës.
    Sipas medieve spanjolle, klubi katalanas kishte përgatitur një ofertë 30 milionë euro për Munoz, me qëllim për të siguruar atë që në merkaton e janarit. Objektivi i Barcelonës shtyhet për verën e ardhshme, por konkurrenca do të jetë shumë e madhe, duke parë formën e mrekullueshme që po tregon Munoz dhe sigurisht që Crystal Palace do të kërkojë më shumë se 30 milionë euro.

  • Shqipëria fiton miqësoren ndaj Moldavisë, vendos goli i Burak Alilit

    Shqipëria fiton miqësoren ndaj Moldavisë, vendos goli i Burak Alilit

    Kombëtarja U-21 fitoi miqësoren e parë të nëntorit ndaj Moldavisë me rezultatin 1-0. Kuqezinjtë zhvilluan një ndeshje shumë të mirë në qendrën stërvitore të Kombëtares moldave, në Vadul lui Vodă, ndërsa goli i fitores u realizua nga Burak Alili.
    Trajneri Alban Bushi e nisi ndeshjen me këtë formacion titullar: Giulio Veliaj (GK), Diar Vokrri, Gabriel Ramaj, Elton Fikaj, Arlind Kurti, Fabjan Përndreca, Feta Fetai (C), Aidon Shehu, Burak Alili, Rrok Toma dhe Kevin Dodaj.
    Shqipëria e nisi ndeshjen në sulm dhe që në minutat e para ishte pranë golit me Dodajn, por tentativa e sulmuesit kuqezi u ndal nga shtylla.
    Pak minuta më vonë, ishte sërish Dodaj që provoi me një goditje me kokë, por u ndal nga portieri.
    Në minutën e 18-të, Shqipëria zhbllokoi rezultatin me Burak Alilin, i cili realizoi një eurogol nga goditja e dënimit.
    Kuqezinjtë provuan sërish dhe pas një aksioni të mirë i shkuan shumë pranë golit të dytë me Rrok Tomën, i cili u gjend i vetëm përballë portierit, por tentativa e tij u ndal.
    Fraksioni i dytë nisi me një rast të rrezikshëm për Moldavinë, megjithatë Shqipëria mori sërish në kontroll lojën dhe u hodh në sulm për të shënuar golin e sigurisë.
    Gjatë pjesës së dytë trajneri Bushi aktivizoi edhe Selimajn, Dakën, Ramajn, Koten, Brrutin dhe Bashin.
    Në fundin e takimit, kuqezinjtë patën një mundësi të artë shënimi me Selimajn, por goditja përfundoi jashtë.
    Kuqezinjtë administruan mirë avantazhin deri në fund dhe ndeshja u mbyll me fitoren 1-0 për Shqipërinë U-21.
    Kombëtarja U-21 do të luajë ndeshjen e dytë miqësore më 17 nëntor ndaj Ukrainës U-21 në “Elbasan Arena”, në orën 18:00.

  • Barcelona merr lajme të mira nga Pedri, “regjisori” katalanas djeg etapat e rikuperimit

    Barcelona merr lajme të mira nga Pedri, “regjisori” katalanas djeg etapat e rikuperimit

    13 Nëntor 2025

    14:43

    Alfred Lleshi

    Barcelona ka marrë një lajm shumë pozitiv, rikthimi i Pedrit mund të ndodhë më herët se pritej. Sipas “AS”, mesfushori spanjoll mund të jetë gati për ndeshjen ndaj Athletic Club më 22 nëntor, mbi dy javë përpara parashikimit fillestar. Rikuperimi i 22-vjeçarit po ecën me ritme të shkëlqyera dhe stafi mjekësor po shqyrton mundësinë që ai të rifillojë stërvitjen graduale që në fillim të javës së ardhshme.
    Ky është një zhvillim i rëndësishëm për Barcelonën në prag të një periudhe vendimtare të sezonit, edhe pse kujdesi mbetet prioritet pas rikthimit të nxituar të Raphinha. Pedri u dëmtua në bicipsin femoral gjatë “El Clásico” (2-1) dhe fillimisht pritej të mungonte gjatë gjithë nëntorit, përfshirë sfidat ndaj Atletico Madridit dhe Chelsea.
    Megjithatë, javët e fundit ai ka treguar përparim të vazhdueshëm. Seancat e stërvitjes janë kryer pa dhimbje dhe testet fizike kanë rezultuar perfekte. Nëse ndjesitë pozitive konfirmohen, Hansi Flick do të ketë sërish në dispozicion “regjisorin” e tij kryesor, një shtyllë për lojën katalanase dhe burim motivimi për gjithë skuadrën.

  • Sa kushton një pikë në Serie A? Më pak se 2 milionë euro për Cremonesen, mbi 25 milionë për Juven

    Sa kushton një pikë në Serie A? Më pak se 2 milionë euro për Cremonesen, mbi 25 milionë për Juven

    13 Nëntor 2025

    15:01

    Alfred Lleshi

    Pas 11 javësh kampionat, “Transfermarkt.it” ka përllogaritur se sa i ka kushtuar çdo pikë klubeve të Serie A, duke ndarë vlerën totale të skuadrës me pikët e fituara. Rezultatet tregojnë kontraste të mëdha mes klubeve të vogla dhe gjigantëve të kampionatit.
    Në krye të listës për raportin më ekonomik është Cremonese, me vetëm 1.87 milionë euro për pikë (shpenzim total 26.15 milionë dhe 14 pikë). Pas saj vijnë Pisa (3.31 mln/9 pikë) dhe Hellas Verona (4.43 mln/6 pikë). Në grupin e mesëm renditen Lecce (4.55 mln), Udinese (5.56 mln), Sassuolo (6.78 mln) dhe Bologna (7.53 mln).
    Në anën tjetër, klubet më të shtrenjta për çdo pikë janë gjigantët: Milan (17.46 mln), Napoli (17.69 mln), Atalanta (24.75 mln) dhe mbi të gjithë Juventusi, me 25.81 milionë euro për çdo pikë (shpenzim 490.35 mln për 19 pikë). Në fund, surprizë negative është Fiorentina, me rekordin prej 39.88 milionë euro për pikë, pavarësisht shpenzimeve prej 199.40 milionësh dhe vetëm 5 pikëve të fituara.

  • Akanji ka ide të e qarta: Jemi në krye dhe duam të qëndrojmë aty. E ardhmja? Sot për sot…

    Akanji ka ide të e qarta: Jemi në krye dhe duam të qëndrojmë aty. E ardhmja? Sot për sot…

    13 Nëntor 2025

    13:39

    Alfred Lleshi

    Manuel Akanji, i ardhur tek Interi pak para mbylljes së merkatos verore, është bërë menjëherë një nga përforcimet më të rëndësishme të ekipit zikaltër. Aktualisht me Zvicrën për ndeshjet kualifikuese ndaj Suedisë dhe Kosovës, ai foli për lamtumirën nga Manchester City dhe planet e së ardhmes: “Organizova një darkë lamtumire, ishte shumë bukur. Nuk kam pasur ende rast ta përshëndes stafin, por kush e di çfarë do ndodhë verën e ardhshme. Në këtë moment, do të doja të qëndroja tek Interi”.
    Akanji është huazuar me të drejtë blerjeje 15 milionë euro, që bëhet detyrim në rast fitoreje të titullit dhe me 50% të ndeshjeve të luajtura. Klubi zikaltër tashmë po punon për ta blerë përfundimisht dhe për t’i ofruar kontratë deri më 2029.
    Ai u përshtat shpejt me sistemin e Chivu, duke pranuar se “pjesa më e vështirë ishte përshtatja e fëmijëve”, por shtoi: “Skuadra më ka pritur ngrohtë. Jemi në krye dhe duam të mbetemi aty”. Për tifozët, tha: “Atmosfera në ‘San Siro’ është e jashtëzakonshme, por edhe ‘muri i verdhë’ i Dortmundit ishte i pabesueshëm”. Ai foli edhe për mikun e tij Sommer: “Jetojmë afër, kalojmë shumë kohë bashkë. Është i lumtur tek Interi”.
     

  • Huijsen mbron Yamal dhe Vinicius: Nëse duhet t’i qortojnë, në rregull, por shpesh teprohet

    Huijsen mbron Yamal dhe Vinicius: Nëse duhet t’i qortojnë, në rregull, por shpesh teprohet

    13 Nëntor 2025

    14:04

    Alfred Lleshi

    Viti 2025 është i jashtëzakonshëm për Dean Huijsen. Në moshën 19-vjeçare, qendërmbrojtësi i Real Madridit ka kaluar nga pritshmëritë në realitet, duke debutuar me Spanjën (pas dëmtimit të Íñigo Martínez) dhe fituar menjëherë vend titullari te “Los Blancos”. Në një intervistë për “Radio MARCA”, ish-lojtari i Romës dhe Juventusit tha: “Përqendrohem te vetja dhe mundohem të përmirësohem çdo ditë. Po e  menaxhoj mirë këtë fazë të karrierës”.
    Huijsen, që u formua nën drejtimin e Iraola te Bournemouth, para se të kalonte në Madrid, shtoi: “Nuk ndjek çfarë thonë mediat, bëj jetën time normale: stërvitje, shtëpi, kaq”.
    Ai foli edhe për përvojën me kombëtaren: “Këtu jemi shokë, në kampionat rivalë. Atmosfera është shumë e mirë”. Huijsen mbrojti Lamine Yamal dhe Vinícius nga kritikat: “Nëse duhet të na qortojnë, në rregull, por shpesh teprohet”. Me këmbë në tokë dhe objektivin e Botërorit në horizont, ai shihet si e ardhmja e mbrojtjes spanjolle.
     

  • PSG mbetet me “gisht në gojë”…; Eric Garcia zgjedh të rinovojë me Barcelonën deri më 2029

    PSG mbetet me “gisht në gojë”…; Eric Garcia zgjedh të rinovojë me Barcelonën deri më 2029

    13 Nëntor 2025

    14:10

    Alfred Lleshi

    PSG, pas ruajtjes së thuajse të njëjtit grup kampionësh të Europës, po përballet këtë sezon me dëmtime dhe rënie formash. Drejtuesit po shqyrtojnë tri përforcime në janar: një mbrojtës polivalent, një mesfushor me përvojë dhe një sulmues krahu.
    Në mbrojtje, një nga emrat kryesorë në listë ishte Eric Garcia. 24-vjeçari, me kontratë që skadon në qershor, është shumë i vlerësuar nga Luis Enrique, i cili e kishte afruar te Barcelona për aftësinë në ndërtimin nga prapa dhe fleksibilitetin mes rolit të mbrojtësit e mesfushorit. Ish-trajneri i Barcelonës ishte gjithashtu ai që i hapi atij dyert e kombëtares spanjolle.
    Megjithatë, sipas “Sport”, Barcelona është e sigurt për rinovimin e tij. Garcia, që ka luajtur të gjitha ndeshjet këtë sezon, së bashku me Marcus Rashford, është shtyllë e formacionit të Hansi Flick. Agjenti i tij, Ivan De La Peña, po negocion me Deco një kontratë të re deri më 2029, me mundësi zgjatjeje më 2030. PSG duhet tashmë të kërkojë alternativa të tjera në janar.
     

  • Slot me sytë nga infermieria: Ata të dy do të jenë gati pas pushimit, Wirtz mund të luajë në disa pozicione

    Slot me sytë nga infermieria: Ata të dy do të jenë gati pas pushimit, Wirtz mund të luajë në disa pozicione

    13 Nëntor 2025

    12:29

    Telesport

    Trajneri i Liverpool, Arne Slot, shpreson se pushimi 2-javor për shkak të kombëtareve do ta ndihmojë skuadrën që të rifitojë besimin e humbur pas një muaji zhgënjyes. Ai pret njëkohësisht edhe lajme të mira nga infermieria, për të rikuperuar disa futbollistë të dëmtuar.
    “Alisson me siguri do të kthehet në dispozicion për të luajtur pas pushimit të kombëtareve dhe pres që edhe Jeremie Frimpong të kthehet në grup. Nga ai moment do të luajmë pa ndërprerje nga nëntori deri në mars, ndaj kam nevojë për të gjithë lojtarët”, deklaroi Arne Slot.
    Më tej, trajneri holandez foli edhe për situatën në pjesën tjetër të skuadrës: “Andy Robertson filloi si titullar tre ndeshje në shtatë ditë. Më duhej ta largoja nga fusha sepse ndjeva se ishte i lodhur. Duhet të presim dhe të shohim nëse do të jetë sërish gati pas disa ditësh”.
    “Wirtz mund të luajë në shumë pozicione. Ai mund të luajë në të majtë, gjë që e bënte pothuajse gjatë gjithë kohës në Leverkusen. Para kësaj, ai luante si numër 10 në një formacion 4-3-3. Do ta vendosim atë në pozicionet në të cilat është i mirë se sa të përqendrohemi te një i vetëm”, deklaroi Slot.

  • Arteta: Ajo që po bën Merino si sulmues është e jashtëzakonshme, presim rikthimin e Havertz

    Arteta: Ajo që po bën Merino si sulmues është e jashtëzakonshme, presim rikthimin e Havertz

    Trajneri i Arsenal, Mikel Arteta, duket se është i kënaqur nga ndikimi i spanjollit Mikel Merino si një sulmues pyke, një “numër 9”. Duke folur për këtë risi, Arteta tha: “Ne kemi gjetur një mënyrë për ta aktivizuar Mikel në tre role të ndryshme këtë sezon dhe ai ka performuar në të gjitha”.
    “Ai pati një kontribut të madh disa ditë më parë me golat e tij, veçanërisht tani që Viktor Gyokeres është i dëmtuar. Është mirë të kesh një lojtar të tillë. Nuk është e natyrshme sepse ai nuk ka luajtur atje në karrierën e tij, por ai është një lojtar kaq inteligjent sa mund të përshtatet në çdo pozicion”, deklaroi Arteta.
    Më tej, Arteta foli edhe për gjendjen e Kai Havertz, i dëmtuar dhe pritet që së shpejti të stërvitet me skuadrën. “Le të shohim se si ai do ta përthithë ngarkesën kur të fillojë të stërvitet me ne. Kur ta ketë bërë këtë, do të duhet ta kemi nën vëzhgim në javët e para për të menaxhuar minutat e tij. Tani kemi këtë problem me gjurin e tij. Do të zgjidhet dhe shpresojmë që ai të kthehet në formën e tij më të mirë”, tha trajneri i Arsenal.
    Në fund, spanjolli u shpreh edhe për përjashtimin e Myles Lewis-Skelly nga skuadra e Anglisë: “Ne jemi këtu për të ndihmuar dhe mbështetur njëri-tjetrin dhe për të dhënë një perspektivë të mirë të situatës. Në rastin e Myles, ajo që ai ka bërë në moshën e tij është e jashtëzakonshme. Mos shikoni se çfarë po ndodh në një moment, sepse ndoshta ndodh për arsyet e duhura, dhe sot nuk mund ta shihni.”