Shqipëria fitojë kundër Serbisë dhe sipas të gjitha gjasave, vendi i dytë është një histori e mbyllur. Mjafton që Shqipëria të fitojë kundër Andorës dhe Serbia të mos fitojë në transfertë në Angli, në mënyrë që të mbyllen edhe matematikisht llogaritë.
Në rast fitore të Serbisë në tokën e Anglisë, atëherë Shqipëria është e detyruar për të marrë të paktën 1 pikë kundër Anglisë që të marrë vendin e dytë. Por siç duket vendi i dytë na përket ne, por çfarë na ndalon nga Botërori??Pas vendit të dytë, Shqipëria shkon në Play Off. Atje janë 12 ekipe që do të ndahen në 3 turne dhe fituesi i çdo turneu shkon në Botëror. Një faqe e huaj e specializuar në këtë pjesë ka ndarë vazot në bazë të rezultateve të tanishme, por edhe në një llogjikë sportive në grupet që janë në barazim pikësh ose afër. Pra përshembull në grupin e Kosovës është marrë Suedia si fituese e vendit të dytë dhe jo Kosova.
Dhe në bazë të kësaj ndarje, vazot janë të tilla:
Vazo e pare/ Italia, Turqia, Ukraine, UellsiVazo e dyte/ Polonia, Skocia, Hungaria, CekiaVazo e trete/ Rumania, Sllovenia, Sllovakia, ShqiperiaVazo e katert/ Suedia, Maqedonia, Irlanda, Moldavi ( Nga Liga e Kombeve)
Sipas rregullit, në gjysmëfinale një ekip i Vazos së Tretë do të ndeshet me një ekip të Vazos së Dytë. Pra Shqipëria do të përballet me një mes këtyre katër ekipeve, Poloni, Skoci, Hungari dhe Ceki. Ndeshjet janë me një takim dhe jo sistem vajtje-ardhje dhe nuk do të luhet në Air Albania, por në transfertë, për shkak të pikëve në FIFA. Ndërkohë në finale, do të hidhet një short për stadiumin. Pra nëse vemi në finale, me fat mund ta luajmë në Air Albania. Në finale Shqipëria do të përballet me fituesin e ciftit të saj ku vazo e parë ndeshet me vazon e katërt. Duke parë se vazo e parë ka cilësi më të mirë, kundërshtarët e mundshëm për ne do të ishin Italia, Turqia, Ukraina dhe Uellsi. /Sport Ekspres/
Author: Sportekspres.com
-
Skenaret/ Uellsi dhe Polonia! Zbulohen rivalët e Shqipërisë për Botëror pas vendit të dytë, nuk luajmë në Air Albania
-
“Unë po jetoj ëndrrën”! Klisman Cake flet për Kombëtaren: Nesër festojmë në stadium për fitoren në Serbi
Klinsman Cake u ul sot në konferencën zyrtare përkrah trajnerit Silvinjo para ndeshjes me Jordaninë. Mbrojtësi shqiptar shprehu emocionet e tij të para si pjesë e grumbullimit me Kombëtaren, duke theksuar se kjo ka qenë një ëndërr e tij që prej fëmijërisë.
Emocionet e para si lojtar i Kombëtares – Emocionet nuk mund t’i përshkruaj, pasi dihet çfarë emocionesh të jep Kombëtarja. Ka qenë një ëndërr për mua, ashtu siç është për çdo fëmijë shqiptar, besoj. Çdo fëmijë i rritur këtu e ka ëndërr të luajë një ditë për Kombëtaren, dhe për momentin unë jam i grumbulluar, mund të them që po jetoj një ëndërr.
Si e gjetët grupin e lojtarëve? – Grupi është shumë i mirë, e kam gjetur shumë të bashkuar. Të gjithë çunat janë aty për njëri-tjetrin, shumë mikpritës, dhe dua t’i falënderoj për mikpritjen që më kanë bërë. I kam gjetur shumë mirë.
Biseda me trajnerin – Kam pasur një bisedë pasi erdha këtu. Më parë nuk kisha folur; në momentin kur më thirrën dhe nisi grumbullimi, atëherë folëm.
“Premtim” nga trajneri se do të luani nesër? – Normalisht që jo. Askush nuk ta jep atë premtim kur vjen në Kombëtare. Ne vijmë në Kombëtare të gjithë dhe jemi gati çdo sekondë – qoftë në fushë, qoftë në stol apo në tribunë, nëse do të jetë nevoja. Askush nuk premton asgjë.
E prisje një ftesë para ndeshjes me Serbinë? – Nuk e kisha menduar, por kur më erdhi, ishte surprizë. Jam shumë i lumtur që jam këtu. Sa për kuqezinjtë, gjithë jetën kuqezi!
Cili ka qenë reagimi i skuadrës së Shkëndijës pasi more ftesën? – Te klubi i Shkëndijës janë gëzuar shumë, duke e ditur se sa shumë e duam Kombëtaren shqiptare dhe sa patriotë janë. Janë gëzuar të gjithë – kryesia, lojtarët dhe i gjithë ekipi më kanë përgëzuar dhe më kanë uruar sa më shumë suksese. Më uruan gjithashtu të fitojmë ndeshjen me Serbinë, që ishte gjëja kryesore.
Kush të jep më shumë emocion, “kuqezi”-ja e Shkëndijës apo ajo e Kombëtares? – Te Shkëndija më japin emocion ngjyrat kuqezi, por Kombëtarja është një ndjesi tjetër – e pakrahasueshme me asnjë klub, e papërshkrueshme, që çdo fëmijë e ëndërron. Është një ëndërr e bërë realitet.
Thirrja për tifozët – Nesër i ftoj të gjithë tifozët nga e gjithë shqiptaria dhe diaspora që, ashtu siç dolën nëpër rrugë dhe botë për të festuar, t’i ftoj të vijnë nesër në stadium dhe të festojmë së bashku atë fitore të madhe që arritëm. -
“Gripshi dhe Cake më pëlqejnë shumë”! Silvinjo nuk do më ndeshje të dobëta: Nuk hedh në fushë 11-she që nuk ka luajtur bashkë
Silvinjo ka folur pas takimit me Serbinë dhe para ndeshjes që Shqipëria do të zhvillojë ndaj Jordanisë. Trajneri i Kombëtares u shpreh se nuk do të hedh në fushë një formacion eksperimental, pasi mendon vetëm për fitoren.
“Nuk mendoj se është miqësore ne futemi për të fituar. Nuk mendoj as për një formacion apo 11-she që s’kanë luajtur bashkë. Po punojmë shumë dhe nesër që në mëngjes do të kemi 11-shen që do të jetë në fushë. Do të shohim edhe si kombinohen me njëri-tjetrin. Kemi lojtarët që kanë 6 muaj apo 1 vit me ne, por kanë bërë një ndeshje. Gripshi dhe Cake më pëlqejnë shumë si lojtarë për personalitetin dhe për atë që kanë bërë deri tani në ekip.
Jam pak i lodhur pasi rikthimi në shtëpi ishte i vonë dhe kishte njerëz në aeroport. Ajo kundër Serbisë fantastike, lojtarët kanë fituar eksperiencë në Europian. Jam i lumtur për ekipin. Është hera e parë që Kombëtarja në dy ndeshjet e fundit luan për kualifikimin, pasi jemi afruar shumë me “play-off”, tha Silvinjo. /Sport Ekspres/ -
Euro U-17 për vajza/ Kombëtarja nis sot grumbullimin, trajnerja Lulaj fton 20 lojtare
Kombëtarja U-17 e vajzave nis sot grumbullimin dhe përgatitjet për ndeshjet e raundit të parë të kualifikueseve të Europianit 2026 për këtë grupmoshë. Trajnerja Cyme Lulaj ka zbardhur sot edhe listën me 20 emrat e vajzave kuqezi që do të përfaqësojnë Kombëtaren në sfidat kundër Izraelit, Greqisë dhe Estonisë.
Skuadra do të nisë sot përgatitjet në Durrës dhe më 17 tetor do të zhvillojë ndeshjen e parë kundër Greqisë në “Elbasan Arena” në ora 14:00. Në të njëjtin stadium dhe orë do të luhen edhe dy ndeshjet e tjera. Takimi i dytë do të luhet kundër Estonisë më 20 tetor dhe tre ditë më vonë kuqezezat do të luajnë ndeshjen e tretë kundër Izraelit. Sakaq, edhe ndeshjet e tjera të grupit do të luhen po në Shqipëri.
Shqipëria U-17 që drejtohet nga trajnerja Cyme Lulaj është pjesë e Ligës B dhe do të tentojë vendin e parë të grupit, për t’u ngjitur në Ligën A për edicionin e ardhshëm kualifikues të Europianit të vajzave për këtë grupmoshë.
Ndeshjet e raundit të parë të UEFA Women’s Under-17
Greqi vs Shqipëri
17 tetor, 14:00, Elbasan Arena
Estoni vs Shqipëri
20 tetor, 14:00, Elbasan Arena
Shqipëri vs Izraeli
23 tetor, 14:00, Elbasan Arena -
“Po na binte të fikët në dhomë të zhveshjes, mirë që pimë ujë me sheqer”! Rei Manaj: Kjo ishte për Shqipërinë dhe Kosovën
Julian Shehu ishte padyshim lojtari më i mirë i ndeshjes së djeshme mes Serbisë dhe Shqipërisë. Thuajse në të njëjtën linjë është edhe trajneri Ditmar Bicaj, i cili i ftuar në emisionin “Mega Sport” në “A2 Cnn” vlerësoi edhe një detaj nga takimi.
“Një futbollist që na ka befasuar dhe vazhdon të na befasojë është Julian Shehu. Duket sikur ka 10 vite me Kombëtaren, i mrekullueshëm, personalitet, nuk i binte asnjëherë topit kot, cdo top në ajër e fitonte. Kam parë një kundërsulm të Serbisë në të 78 dhe kam parë një sprint të Shehut, që sapo e kishte bërë një sprint që kthehej nga zona e Serbisë te e Shqipërisë, është një lojtar me parametra europiane”, tha Bicaj.
Nga ana tjetër, Rei Manaj, nuk i përmbajti emocionet. “Erdhëm këtu për të mbajtur në shpinë gjithë Shqipërinë dhe Kosovën, e arritëm të bënim krenar gjithë shtetin tonë, kjo është me rëndësi. Kemi qarë, kemi festuar në dhomat e zhveshjes, nuk mbaj mend më asgjë. Po na binte të fikët në dhomën e zhveshjes, mirë që pimë pak ujë me sheqer se do të kishim rënë aty. Besoj se ka Zot, unë nuk i shoh komentet pas asaj humbje penalltie, më erdhi keq për familjen që i lexon dhe vuan, por tani po kalojnë ditët më të bukura në botë”, tha Manaj. /Sport Ekspres/? -
“Po t’i pyesësh serbët sot, janë bërë pishman që e zhvilluan ndeshjen në Leskovac”, Alliu: Kishin frikë e terrorit nga tifozët, por i vuri në terror Kombëtarja jonë
Zhvillimi i ndeshjes në Leskovac hapi jo pak diskutime në opinionin sportiv, teksa më parë ishte bërë e ditur se loja do të luhej në Beograd. Ndryshimi i stadiumit mendohej se do të favorizonte më tepër Serbinë, por kjo nuk rezultoi e vërtetë. Ilirjan Alliu është shprehur në studion e emisionit “Mega Sport” në “A2 CNN” se tashmë serbët janë penduar për zhvillimin e kësaj sfide në një stadium të vogël si ai Leskovacit.
“Sot po t’i pyesësh serbët që e kanë kërkuar ndeshjen në Leskovac, të jesh garant që janë bërë pishman. Ata e kërkuan me insistim ta bënin ndeshjen në Leskovac për shkak se dihej që presioni i madh mbi ta dëmtonte ekipin serb. Sepse nuk ke çfarë i bën Kombëtares së Shqipërisë. Do të mbrohet me patjetër, edhe me ushtri. Nuk i ndodh asgjë futbollistëve atje, kur janë paralajmëruar nga një situatë e mëparshme. Por presioni nga 70-80 mijë tifozë që duan me patjetër të fitojnë me Shqipërinë, ata do t’i vinte në terror. Por fati e deshi që të shkonim në një stadium si Leskovaci dhe nuk i vunë tifozët e vetë në terror, i vuri Kombëtarja jonë në terror me atë rezultat që mori”, është shprehur Ilirjan Alliu./Sport Ekspres/ -
“Fituam me armën e tyre më të fortë”, Alliu tregon detajin interesant: Kanë 5 lojtarë mbi 1.90 dhe ne i shënuam me goditje standarte
Ilirjan Alliu ishte ftuar në studion e “Mega Sport” në “A2 CNN” për të disjutuar rreth asaj fitoreje historike kundër Serbisë. Ish-lojtari i Kombëtares ka vënë në dukje një detaj mjaft interesant. Ai është shprehur se këtë herë kuqezinjtë kanë fituar me armën më të fortë të serbëveme goditjet standarte.
“Teknikisht kemi fituar me armën e tyre më të fortë, me një goditje standarte. Kemi fituar me një pas të gjatë, me një asist perfekt të Gjimshitit në dyluftimin në ajër. Ata në fushë kishin 5-6 lojtarë mbi 1.90. Janë lojtarë që luajnë në atë Kombëtare pikërisht sepse kanë atë shtatlartësi. Ne i kemi rrahur me mjetin e tyre më të fortë”, ka thënë Ilir Alliu./Sport Ekspres/ -
“Kam parë një sprint të Shehut në minutën e 78 ndaj Serbisë”, Ditmar Bicaj: Lojtar me parametra europiane
Julian Shehu ishte padyshim lojtari më i mirë i ndeshjes së djeshme mes Serbisë dhe Shqipërisë. Thuajse në të njëjtën linjë është edhe trajneri Ditmar Bicaj, i cili i ftuar në emisionin “Mega Sport” në “A2 Cnn” vlerësoi edhe një detaj nga takimi.
“Një futbollist që na ka befasuar dhe vazhdon të na befasojë është Julian Shehu. Duket sikur ka 10 vite me Kombëtaren, i mrekullueshëm, personalitet, nuk i binte asnjëherë topit kot, cdo top në ajër e fitonte. Kam parë një kundërsulm të Serbisë në të 78 dhe kam parë një sprint të Shehut, që sapo e kishte bërë një sprint që kthehej nga zona e Serbisë te e Shqipërisë, është një lojtar me parametra europiane”, tha Bicaj. /Sport Ekspres/? -
Zoti ekziston/ Detaji i pabesueshëm te Serbi-Shqipëri, fuqia hyjnore u shfaq te goli i Rei Manaj
Zoti jo vetëm që ekziston, por mund të vendos edhe fatin e një ndeshje futbolli shumë të rëndësishme. Për këdo që mendon ndryshe, pas këtij rasti të treguar, do të ndryshojë me patjetër mendim. Në ndeshjen e parë mes Shqipërisë dhe Serbisë ishte Rei Manaj që humbi penalltinë në minutën e parë të shtesës në pjesën e parë.
Në të dyja rastet u akorduan vetëm një minutë shtesë dhe saktësisht në sekondën e 57, topi u prit nga portieri Petrovic. Ndërkohë po i njëjti portier, në të po të njëjtën minutë dhe po në të njëjtën sekondë thuajse, u shkatërrua në Serbi nga goli i Rei Manaj. Sulmuesi i Shqipërisë arriti të shënonte golin e fitores pikërisht në të njëjtën sekondë në Leskovac pasi e kishte humbur një penallti në Tiranë.
Dhe për ta bërë akoma edhe më të bukur këtë situatë ishte rasti i fundit i Nedim Bajramit. Mesfushori i Rangers doli tek për tek me portierin e Serbisë por gaboi totalisht në fund, duke na mohuar golin e dytë. Nëse ai gol i dytë do të ishte shënuar, vlera e golit të Manajt do të binte disi në krahasim me tani. Por ai top i Bajramit nuk shkoi në rrjetë dhe ishte pikërisht goli i Manajt që na dha fitoren e madhe, 0-1 në tokën serbe.Pra fati mbajti në lojë vetëm golin e Manajt si për të treguar anën tjetër të asaj që ndodhi në Tiranë ku Manaj mori të gjitha kritikat për penalltinë e humbur dhe fitoren e mohuar.
Por jo vetëm kaq, Shqipëria ishte me fat në të paktën 3 momente ku goli i Serbisë ishte thuajse i sigurt për të ndodhur. Dy herë Vlahovic dhe një tjetër rast i rrezikshëm nga e djathta bën që topi të kishte disa kombinime, por që të mos hynte kurrë në rrjetë. Pra Shqipëria dhe Manaj kishin fatin për të mbërritur te ajo mbrëmje e madhe. Një fuqi hyjnore ndaloi fitoren e Shqipërisë në Air Albania pasi ishte përcaktuar që gëzimi i madh të ndodhte në tokën e Serbisë, paska edhe një Zot për ndeshjet e futbollit, ai ekziston edhe aty… /Sport Ekspres/
-
Miqësorja e dytë, Kombëtarja U-19 barazon 2-2 me Irlandën
Kombëtarja U-19 barazoi 2-2 në miqësoren e dytë ndaj Irlandës, e zhvilluar ditën e sotme në stadiumin e Luzit.
Për kuqezinjtë golat i shënuan në pjesën e dytë Nuredini dhe Kulla.
Trajneri Juljan Ahmataj e nisi ndeshjen me këtë formacion titullar: Culi, Avdullari, Çekrezi, Sina, Huqi, Krasniqi, Nuredini, Kulla, Yoni El Malem, Llana dhe Sheji.
Në pjesën e parë nuk u shënua asnjë gol, ndërsa në fraksionin e dytë miqtë e nisën më mirë dhe morën avantazhin me Daniel Mare në minutën e 53-të.
Reagimi i Shqipërisë ishte i menjëhershëm, pasi kuqezinjtë përmbysën rezultatin. Fillimisht Joi Xheto Nuredini barazoi në minutën e 62-të, ndërsa Gabriel Kulla realizoi golin e dytë në minutën e 70-të, duke i çuar shifrat në 2-1.
Kur gjithçka po shkonte drejt fundit, Irlanda gjeti barazimin me Pijus Otegbayo dhe ndeshja u mbyll 2-2.
Dy miqësoret ndaj Irlandës u mbyllën me një fitore dhe një barazim për Shqipërinë U-19.
Këto miqësore ishin testi i fundit për kuqezinjtë para nisjes së kualifikueseve të Kampionatit Europian U-19, që do të luhen muajin e ardhshëm.