Lajmidites.com

Author: Sportekspres.com

  • Theu rekordin si lojtari me më tepër ndeshje në Kombëtare, Hysaj: Momenti më i bukur i jetës sime, Kombëtaren e ndjej si fëmijë

    Theu rekordin si lojtari me më tepër ndeshje në Kombëtare, Hysaj: Momenti më i bukur i jetës sime, Kombëtaren e ndjej si fëmijë

    Shqipëria ka mposhtur sot me shifrat 4-2 Jordaninë. Kuqezinjtë janë argëtuar me gola mbrëmjen e sotme, duke konfirmuar formën e mirë dhe frymën pozitive që po gëzojnë së fundmi. Pas përfundimit të ndeshje, protagonistët kanë dhënë intervistat e tyre për “Super Sport”-in.
    Hysaj: “Është momenti më i bukur i jetës sime. Jam shumë i lumtur për golat, sepse donim ta fitonim këtë ndeshje. Nuk donim të humbnim, sepse do të ngjante pak keq. Po më vjen momenti edhe mua për të qenë veteran. Është gjithmonë bukur të luash në Kombëtare. Ndjenja është e njëjtë, si fëmijë, si tani. Nuk mund ta vendos unë se sa ndeshje do të luaj. Mund të ndodhin gjëra gjatë rrugës. Kur ta shoh se nuk do të mund të jap më për Kombëtaren do të hap rrugën. Por është ende herët”./Sport Ekspres/

  • “I vendosëm dyfishin e premios për Letoninë”! Armand Duka zbulon prapaskenën te Kombëtarja

    “I vendosëm dyfishin e premios për Letoninë”! Armand Duka zbulon prapaskenën te Kombëtarja

    Armand Duka ishte i ftuar në emisionin “Opinion”. Kreu i FSHF ka folur sa i përket përballjes me Serbinë, por njëkohësisht ka zbuluar edhe një prapaskenë nga fitorja 1-0 me Letoninë. I pyetur nga gazetari për një premio të mundshme të vendosur kundër Serbisë, Duka tha:
    “Ne kemi vendosur gjithmonë premio, në cdo ndeshje, Shqipëria ka premio. Por ka disa ndeshje të tjera, me rëndësi më të lartë, ku lojtarët marrin dyfishin e premios. Përshembull kundër Letonisë, kemi vendosur dyfishin e premios për fitore. E vendosëm që lojtarët mos ta merrnin lehtë ndeshjen sepse po të mos fitonim atje, nuk do të ishim në garë këtu sot”, tha Duka. /Sport Ekspres/

  • Rigels Tepshi ndez “motorrët” e sulmit dibran, shijojeni këtë super gol (VIDEO)

    Rigels Tepshi ndez “motorrët” e sulmit dibran, shijojeni këtë super gol (VIDEO)

    Rigels Tepshi, ardhur vetëm në verë nga Teuta tek Korabi, si një element me potenciale pritshmërish të mëdha në sulm rishfaqet shumë elokuent e fin në fushë sot në sfidën e sotme për Kupë ndaj Veleçikut. Pas një periudhe rikuperimi dhe akumulimi energjish, Tepshi shfaq atë që duhet të demonstronte prej vitesh në fushat tona, por që nuk kishte hapësirën dhe mundësinë ta bënte. Një djalë shumë fjalëpak dhe me forcën e shpërthimit në vetëvete tregon fare pak nga arsenali i tij, në sfidën e sotme me Veleçikun për Kupë, duke shënuar jo vetëm golin e avantazhit dhe zhbllokimit të sfidës pas barazimit momental 1-1, por edhe ecurisë së mëtejshme në lojë në ndihmë të skuadrës.
    Një element që forcon ndjeshëm për sezonin dhe kampionatin sektorin ofensiv të Korabit, aty ku vete Rigelsi mjafton të ketë hapësirën e mundësinë në fushë për të bërë atë që ai vete ka angazhimin dhe sfidën personale të bëjë, golat. Për disa sezone te Teuta në Superiore nuk e pati mundësinë në fushë të dëshmonte disa prej karakteristikave të tij. Tashmë me ardhjen e tij te Korabi gara është e hapur dhe arma e tij më e fortë është puna dhe disiplina e ku natyrisht edhe sfida me vetveten për të rritur standartin e tij në fushë si një golashënues rrace. Aktivizimi i tij në rritje e në vijim është një domosdoshmëri për forcimin e sulmit dibran për sfidat në vijim që e presin Korabin. Natyrisht, duke mbetur sërish në vëmendjen dhe radarin e klubeve të tjera. Për momentin ai mbetet i fokusuar te Korabi, ku premton një sezon alla-grande, për tu bërë vërtetë problem i mbrojtjeve të tjera rivale. /Sport Ekspres/

    Goli që bëri sot kundër Velecikut për Kupë

  • Në Angli gëzohen për fitoren e Shqipërisë me Serbinë, në Brazil çuditen: Çfarë po bën Silvinjo aty?

    Në Angli gëzohen për fitoren e Shqipërisë me Serbinë, në Brazil çuditen: Çfarë po bën Silvinjo aty?

    Cili ka qenë reagimi i mediave ndërkombëtare për fitoren e Shqipërisë me Serbinë? Në një intervistë për “Koha Shtesë”, gazetarja Klodiana Bufi ka treguar disa detaje shumë interesante. Jo vetëm në mediat fqinje, por edhe ato në Angli, madje deri në Brazil, kanë pasqyruar rezultatin e takimit në Leskovac mes emocioneve të shumta.?“Ka pasur një pasqyrim mes festës në mediat angleze. Në Angli kanë gëzuar për fitoren e Shqipërisë kundër Serbisë pasi kanë bërë llogaritë e tyre. Nëse Anglia fiton ndeshjen tjetër, zyrtarisht është e kualifikuar si vendi i parë në Botëror, për këtë arsye kanë qenë të lumtur për fitoren e Shqipërisë.
    Por ky gëzim i anglezëve nuk i ka pëlqyer mediave serbe që e kanë pasqyruar këtë lajm jo fort mirë. Nga ana tjetër edhe në Brazil ka pasur reagime të shumta. Në Tëitter kanë qenë të shumtë tifozët e Brazilit që kanë thënë se Silvinjo aty është Zot, pra se Silvinjo është Zot në Shqipëri dhe se nuk mund ta imagjinojnë dot sesi mund të pritet Silvinjo në Shqipëri tani”, tha gazetarja. /Sport Ekspres/

  • Emanuela Rusta & ekipi i saj vendosin drejtësi në ndeshjen e “UEFA Women’s Champions League”, OL Lyonnes – St. Pölten

    Emanuela Rusta & ekipi i saj vendosin drejtësi në ndeshjen e “UEFA Women’s Champions League”, OL Lyonnes – St. Pölten

    Gjyqtarja shqiptare Emanuela Rusta është caktuar nga UEFA të drejtojë ndeshjen e fazës së grupeve në “UEFA Women’s Champions League”,  OL Lyonnes – St. Pölten, që do të luhet nesër në “OL Stadium”, në orën 18:45.
    Në këtë sfidë, i gjithë ekipi arbitrues do të jetë shqiptar. Mirjeta Salla dhe Edjena Kapxhiu do të jenë asistente, ndërsa Eglantina Pjetrushaj do të mbajë detyrën e arbitres së katërt.
    Gjyqtari Kreshnik Bajramaj, do t’i vijë në ndihmë  Emanuela Rustës nga dhoma e VAR-it, së bashku me asistentin e tij në AVAR, Albert Doda.
    Ky është një tjetër konfirmim i besimit që UEFA i jep arbitrave shqiptarë në ndeshjet e rëndësishme ndërkombëtare.

  • Detaji që na humbi! Jo vetëm Shqipëria, fitorja e Kosovë lë zyrtarisht Serbinë jashtë Botërorit

    Detaji që na humbi! Jo vetëm Shqipëria, fitorja e Kosovë lë zyrtarisht Serbinë jashtë Botërorit

    Ky është momenti i shqiptarëve, një erë e re për fryn për ne! Shqipëria fitoi kundër Serbisë me shifrat 0-1 në 11 tetor, ndërsa Kosova fitoi ndaj Suedisë në transfertë në shifrat 0-1 pak orë më vonë. Shqipëria dhe Kosova janë në vendin e dytë dhe thuajse të siguruar për të arritur në fazën e Play Off të Botërorit.
    Për herë të parë në histori Shqipëria dhe Kosova është kaq afër Botërorit dhe mund të ndodhi një magji e madhe, që hera e parë e jona të na gjejë bashkë në këtë eveniment kaq shumë të rëndësishëm. Por e bukura e kësaj kohe dhe fatit që po vepron në të mirën e shqiptarëve nuk është vetëm kjo, por edhe bashkimi kundër Serbisë.Shqipëria e mundi për herë të parë në histori Serbinë në një ndeshje direkte në fushën e blertë dhe siguroi të gjitha shanset për ta marrë vendin e dytë. Kështu në Serbi nisën llogaritë sesi mund të shkonin në Botëror duke dalë në vendin e tretë në grupin tonë.
    Dhe sipas llogarive të tyre, shansi i vetëm mbetet nga Liga e Kombeve. Dhe sipas këtyre llogarive, Suedia duhet të merrte vendin e dytë për të mbajtur në lojë sadopak shpresat e Serbisë deri në fund.Pra nëse Suedia fitonte kundër Kosovës dje në mbrëmje dhe afrohej me vendin e dytë, Serbia kishte shansin e saj për të shkuar në Botëror edhe pse do të ishte në vendin e tretë në grup, pas nesh.
    Të paktën ky është raportimi i mediave serbe dhe kështu pas Shqipërisë, me fitoren dje të Kosovës, një tjetër goditje e madhe ka ardhur për Serbinë. Kjo pasi Suedia ka fituar grupin në Ligën e Kombeve dhe e ka të siguruar vendin në Play Off të Botërorit. Por nëse dilte edhe në vendin e dytë të grupit kualifikues ku ndodhet edhe Kosova, do të linte një vend bosh në Ligën e Kombeve, nga ku Serbia kërkonte të përfitonte.
    Shqipëria i dha një goditje dhe Kosova i dha të fundit, Serbia është totalisht jashtë çdo gare. Media serbe “Sportklub” shkruan mes deshpërimit: “Suedia humbi, por kjo nuk është problem për suedezët, sepse si fitues të njërit prej grupeve të Ligës së Kombeve, ata janë të sigurt se do të kualifikohen për Kupën e Botës në SHBA, Meksikë dhe Kanada në Play Off.
    Suedia mund të arrijë vendin e dytë në grup vetëm nëse fiton dy fitore bindëse në ndeshjet e nëntorit dhe nëse Kosova humbet ndeshjet e saj. Është e qartë se kjo do të jetë shumë, shumë e vështirë të ndodhë”, shkruan media serbe. /Sport Ekspres/

  • “Ruajna Zot mos të na bjerë Kosova”, Duka nuk e do një përballje mes shqiptarëve: I kemi shanset me çdo ekip të vendeve të dyta

    “Ruajna Zot mos të na bjerë Kosova”, Duka nuk e do një përballje mes shqiptarëve: I kemi shanset me çdo ekip të vendeve të dyta

    Shqipëria tashmë gjendet një hap larg fazës ‘play off’ për kualifikimin në Kupën e Botës 2026. Armand Duka ka treguar për emisionin “Opinion” në “TV Klan” se cilët mund të jenë kundërshtarët e kuqezinjve në këtë fazë. Kreu i FSHF-së nuk dëshiron të përballet me Kosovën në “play off”, në mënyrë që të dyja skuadrat të kenë mundësi të presin biletën për në SHBA.
    “Ata të stadiumit na ka çuar një letër për të gjitha dëmet që bemi bërë, përfshirë atë të tavanit. Ne jemi ekipe pak a shumë të të njëjtit nivel. Ka disa futbollistë me vlera të mëdha kartoni, por në një farë mënyrë janë yje në rënie. Ne kemi yje, por varet për çfarë yjesh bëhet fjalë. Bëhet fjalë për yje apo për superyje. Ne super yje si Mesi, Ronaldo apo Jamali nuk kemi. Por kemi yje që luajnë në nivele të larta të futbollit europian. E presin me shumë kënaqësi datën e grumbullimit që të jenë bashkë. Gjë që nuk ndodh në Kombëtare të tjera.
    Tani fillon një rrugëtim akoma më i vështirë, duke nisur që nga Andorra. Nëse marrim tre pikë ndaj Andorrës, mendoj se jemi matematikisht në “play off”. Nqs Serbia merr një pikë ndaj Anglisë dhe ne marrim tre pikë në Andorra, matematikisht jemi ne të kualifikuar. Ne kemi shanse me çdo lloj skuadre. Futbolli ky është. Ky është një faktor, duke qenë i kualifikuar, mbase impenjimi nuk është shumë i madh. Kemi diskutuar dhe para se të arrinim në Serbi, ishte që ne duhet të jemi të zotët e vetes, jo se në ç’gjendje janë ata. Në ‘play off’ mund të jetë Italia, mund të jetë Turqia, mund të jetë edhe Kosova. Ruajna Zot të mos jetë Kosova. Duam që Kosova të bjerë me ndonjë kundërshtar tjetër, që të dy të jemi pretendentë (për të shkuar në Botëror). Ne kemi shanse 50 me 50 me të gjitha ekipet e vendeve të dyta, sipas mendimit tim”, ka thënë Armand Duka./Sport Ekspres/

  • Emocionuese/ Flamuri i madh i Shqipërisë u hap te Suedi-Kosovë, u festua pas ndeshjes edhe për fitoren kundër Serbisë

    Emocionuese/ Flamuri i madh i Shqipërisë u hap te Suedi-Kosovë, u festua pas ndeshjes edhe për fitoren kundër Serbisë

    Duket se tashmë ka ardhur momenti i shqiptarëve në futboll. Pas suksesit historik të Shqipërisë, festa vazhdon me triumfin e Kosovës. Dardanët kanë marrë sot një fitore mjaft të vyer, teksa kanë mposhtur Suedinë në transfertë. Mjaftoi vetëm goli i Fisnik Asllanit në minutën e 32-të për t’i dhënë tre pikët Kosovës.
    Tashmë dardanët arrijnë kuotën e 7 pikëve dhe gjenden në vendin e dytë në grupin B. Ekipi i drejtuar nga Foda është vetëm 3 pikë larg kreut të grupit, që mbahet nga Zvicra. Ndërkohë në lojë kanë mbetur edhe dy ndeshje, pas të cilave do të përcaktohen edhe skuadrat që do të presin një biletë për në Kupën e Botës 2026. Ndërkohë në pamjet para dhe pas ndeshjes, shihet një prani e madhe e flamujve të Shqipërisë dhe një flamur i madh i hapur si për të festuar edhe fitoren e djeshme kundër Serbisë. /Sport Ekspres/?

  • Është momenti i shqiptarëve! Kosova mund Suedinë, dardanët janë në garë për vendin e parë

    Është momenti i shqiptarëve! Kosova mund Suedinë, dardanët janë në garë për vendin e parë

    Duket se tashmë ka ardhur momenti i shqiptarëve në futboll. Pas suksesit historik të Shqipërisë, festa vazhdon me triumfin e Kosovës. Dardanët kanë marrë sot një fitore mjaft të vyer, teksa kanë mposhtur Suedinë në transfertë. Mjaftoi vetëm goli i Fisnik Asllanit në minutën e 32-të për t’i dhënë tre pikët Kosovës.
    Tashmë dardanët arrijnë kuotën e 7 pikëve dhe gjenden në vendin e dytë në grupin B. Ekipi i drejtuar nga Foda është vetëm 3 pikë larg kreut të grupit, që mbahet nga Zvicra. Ndërkohë në lojë kanë mbetur edhe dy ndeshje, pas të cilave do të përcaktohen edhe skuadrat që do të presin një biletë për në Kupën e Botës 2026./Sport Ekspres/

  • “Ju e merituat”, Duka çfarë i tha trajneri i Serbisë pas humbjes:  Ne nuk e meritonim fitoren

    “Ju e merituat”, Duka çfarë i tha trajneri i Serbisë pas humbjes:  Ne nuk e meritonim fitoren

    Armand Duka ishte i ftuar në një intervistë për emisionin “Opinion” në “TV Klan”. Tema e diskutimit ishte padyshim ajo fitore historike kundër Serbisë. Kreu i Federatës Shqiptare të Futbollit ka zbuluar se trajneri Stojkoviç dhe drejtuesit e Federatës Serbe e kanë pranuar humbjen, duke i dhënë tërësisht meritat kuqezinjve. Gjithashtu, Duka falenderon palën serbe për mënyrën e organizimit të ndeshjes, e cila kaloi pa incidente.
    “Unë kam biseduar me drejtuesit e Federatës Serbe dhe me trajnerin e Serbisë. I thashë: “Me vjen keq, ky është futbolli”. Më tha: “Ju e merituat. Nuk ka asgjë për të ardhur keq, sepse ne nuk e meritonim”. Ne na u krijuan kushte optimale loje. Patëm një pritje shumë të mirë. Mendoj që kanë bërë maksimalen për ta organizuar mirë. I falenderova për organizimin pas lojës dhe i falenderoj edhe publikisht”, ka deklaruar Armand Duka./Sport Ekspres/