Nga futbollisti më i kritikuar pas asaj humbjeje të penalltisë kundër Serbisë u kthye në hero. Historia mori një rrjedhë tërësisht të kundërt në vetëm pak muaj për Rei Manajn. Sulmuesi shqiptar e shleu në fushën e lojës penalltinë e humbur, po përsëri kundër Serbisë. Goli i tij në Leskovc i dha Shqipërisë një fitore historike, e cila mund t’i dërgojë në ‘play off’ për në Kupën e Botës 2026. Në një rrëfim për “FSHF TV”, Manaj ka rrëfyer përjetimin e tij në këtë ndeshje dhe arsyen përse zgjodhi të festonte me shqiponjë.
“Ashtu ishte e shkruajtur. Zoti kishte një plan tjetër. Normalisht që e kisha menduar që do të shkonim në Serbi për të fituar ndeshjen. Por edhe po të mos e kisha bërë golin unë, por ta kishte bërë dikush tjetër, do të isha akoma më i kënaqur. Rëndësi ka që morëm 3 pikët dhe bëmë historinë.
Festa me shqiponjë? Ishte moment rastësor. E dimë që është një ndeshje shumë kritike për të dyja palët. Si profesionist nuk më pëlqen as të provokoj, as të bie pre e provokimeve. Doja të festoja me shqiponjë për të gjithë shqiptarët dhe kosovarët për t’i dhënë një krenari. Kjo ishte gjëja më e rëndësishme për mua. Të gjithë lojtarët duhet ta shijojmë këtë moment. Unë e shijova shumë dhe do vazhdoj ta shijoj. Por duhet t’i mbajmë këmbët përtokë. Na presin dy ndeshje shumë të rëndësishme për të bërë ëndrrën realitet”, ka deklaruar Rei Manaj./Sport Ekspres/
Author: Sportekspres.com
-
“Zoti kishte një plan tjetër për mua”, rrëfehet Manaj: Shqiponja në Serbi ishte për t’I dhënë krenari shqiptarëve
-
FSHF Sunday League/ Zhvillohet java e dytë e kampionatit amator
Janë zhvilluar të gjitha ndeshjet e javës së dytë të kampionatit amator FSHF Sunday League, me duele interesante dhe shumë gola në të dy grupet.
Në Grupin A, skuadrat Luminesen, Alpha Cross Fit 9×9, Three Lions 9×9 dhe FC Confucius morën fitoret e dyta radhazi, duke u shkëputur në krye të renditjes pas paraqitjeve të mira në këtë fillim sezoni. Fitore arritën gjithashtu FC Tigres, Immi dhe FC Implant Swiss, ndërsa vetëm një ndeshje u mbyll në barazim, Barrikada – Antigonean 0-0.
Në Grupin B, ekipet M&D, Legjendat TT, VILA-L dhe FC Domja siguruan fitoret e radhës në kampionat. Edhe Jata Market, FC Storm dhe Coca-Cola Tepelena triumfuan në sfidat e tyre, ndërsa ndeshja FC Dajti – ATS përfundoi në barazim 1-1.
-
Fitorja me Serbinë në rrit në arenën botërore, kuqezinjtë ngjisin 5 pozicione në renditjen e FIFA-s
FIFA ka publikuar renditjen e re për muajin tetor. Pas dy ndeshjeve të zhvilluara më 11 dhe më 14 tetor, Shqipëria është ngjitur me 5 pozicione në renditjen e përgjithshme të FIFA-s. Dy fitoret e kanë dërguar ekipin tonë kombëtar në vendin e 61-të në botë.
Fitorja në Serbi na rrit me 15.78 pikë, ndërsa ajo kundër Jordanisë na ka shtuar 4.9 pikë më tepër. Tashmë kuqezinjtë numërojnë gjithsej 1401 pikë, po aq sa Irlanda. Ndërkohë Kosova është ngjitur me 7 pozicione në renditje. Dardanët tani e gjejnë veten në vendin e 84-t në klasifikimin e FIFA-s./Sport Ekspres/ -
Teuta kthehet frikshëm, Dobi sfidon Tiranën: Një finale e vogël që duam ta fitojmë me çdo kusht
Teuta kërkon të vazhdojë serinë e fitoreve në kampionat pas një prologu impresionues në Superligë. Kundërshtari i radhës është Tirana, një duel me histori dhe rivalitet të gjatë mes dy prej klubeve më me traditë në vend.
Përtej rëndësisë sportive, kjo ndeshje mbart edhe një ngarkesë të veçantë emocionale për skuadrat, tifozët dhe vetë qytetet që ato përfaqësojnë.
Në prag të ndeshjes, trajneri i Teutës, Enkeleid Dobi, foli për mënyrën si është përgatitur skuadra, objektivat e ekipit dhe ndikimin që ka mbështetja e tifozëve në një ndeshje të këtij niveli.
Mister Dobi, përballja me Tiranën është gjithmonë një test i rëndësishëm. Si e keni përgatitur skuadrën për këtë sfidë?
Jo vetëm me Tiranën, por çdo ndeshje është e rëndësishme për ne. Sigurisht që kjo sfidë ka një domethënie të veçantë, për shkak të historisë mes Teutës dhe Tiranës. Janë dy nga klubet më të vjetra në Shqipëri dhe ky është një rivalitet që edhe unë e kam shijuar vetë në kohën kur luaja. Kjo i jep një rëndësi të madhe përballjes, por për ne çdo ndeshje mbetet po aq e vlefshme.
Skuadra juaj ka treguar stabilitet në fazën mbrojtëse javët e fundit. Do të shohim një Teutë më të kujdesshme apo më sulmuese në këtë takim?
Në çdo ndeshje jemi të kujdesshëm dhe të përkushtuar në të gjitha fazat e lojës. Punojmë çdo ditë për të pasur një Teutë ambicioze, me personalitet, që e shpreh qartë idenë e saj në fushë. Ndeshja me Tiranën, që do të luhet në “Air Albania”, ka emocionet dhe rëndësinë e vet. Ne duam të transmetojmë në fushë punën që bëjmë çdo ditë dhe të tregojmë personalitetin tonë si skuadër.
Sa e rëndësishme është kjo ndeshje për objektivat afatgjatë të Teutës në kampionat?
Çdo ndeshje është e rëndësishme. Që në fillim kemi thënë se do t’i marrim ndeshjet një e nga një. Kjo sfidë është për ne pothuajse si një “finale e vogël”, sepse duam ta fitojmë. Do të hyjmë në fushë me të njëjtin mentalitet dhe të njëjtin objektiv si gjithmonë. Pastaj fusha tregon të vërtetën.
A ndjeni presion përballë një kundërshtari si Tirana?
Presion ka në çdo ndeshje. Pa taktikë nuk fiton dot, por emocionet janë ato që bëjnë diferencën. Duhet t’i kontrollojmë dhe t’i kthejmë emocionet në energji pozitive. Presioni është pjesë e jetës dhe e futbollit. Pas çdo fitoreje, ajo shndërrohet në një kënaqësi të madhe.
Çfarë prisni nga atmosfera në stadium dhe sa ndikon mbështetja e tifozëve në moralin e lojtarëve?
E kemi thënë dhe do ta përsërisim: ky klub, këta lojtarë, të gjithë ne punojmë për këtë qytet dhe për tifozët. Ata janë pjesë e pandarë e kësaj historie, ashtu siç ndodh në çdo cep të botës. Mbështetja e tyre ka domethënie të madhe. Nuk janë vetëm familjet tona në shkallët e stadiumit, por gjithë dashamirësit e sportit, njerëzit që duan këtë klub dhe qytetin. Ata na mbështesin në të mirë e në të keqe, dhe për ta luajmë këto ndeshje. -
Firmos lojtari nga Bregu i Fildishtë, Teuta merr sulmuesin që luajti te Egnatia dhe Elbasani
Teuta ka zyrtarizuar afrimin e futbollistit Joel Doukouo. Pas një eksperience me Egnatian dhe Elbasanin, Joel vendos t’i bashkohet durrsakve. “Teuta përforcohet në sulm me futbollistin nga Bregu i Fildishtë, Lorougnon Joel Doukouo. Joel i bashkohet klubit tonë pas tre viteve eksperiencë në kampionatin shqiptar me skuadrat e Egnatias dhe Elbasanit.
22-vjeçari vjen si një vlerë e shtuar për repartin ofensiv, me pritshmëri për të rritur ndjeshëm forcën sulmuese dhe për të shtuar numrin e golave për ekipin. Me Egnatian, Doukouo, ka luajtur 57 ndeshje në të gjitha kompeticionet, duke kontribuar me 3 gola dhe 3 asiste, ndërsa me Elbasanin, ka shënuar 1 gol dhe ka dhënë 2 asiste në 16 ndeshje”, shkruhet në faqen e klubit. /Sport Ekspres/ -
VIDEO/ E majta dhe rrjeta! Shikoni super golin e Jasir Asanit te Esteghal, dhuron spektakël
Jasir Asani vazhdon me golat e shënuar te Esteghali, pavarësisht mungesës së aktivizimit në Kombëtare. Futbollisti shqiptar ka tundur rrjetën në takimin e Esteghal kundër Mes Rafsanjan.
Për momentin rezultati është në shifrat 1-0 dhe goli i vetëm ka ardhur nga këmbët e Asanit. Pasi ka hyrë nga krahu i majtë, Asani ka gjetur bukur cepin e rrjetës duke befasuar tërësisht portierin kundërshtar që priste goditjen në këndin tjetër të portës, por edhe shokët e ekipit. /Sport Ekspres/ -
VIDEO/ Rei Manaj shënon një tjetër gol pas ndeshjes me Serbinë, takohet edhe me trajnerin
Rei Manaj ndodhet në një formë të mirë dhe psikologjike. Goli i shënuar me Serbinë e ka çliruar tërësisht këtë futbollist që sot ka realizuar një tjetër gol. Në ndeshjen mes Al Sharjah dhe Al Dhafra të mbyllur në pjesën e parë në shifrat 2-0, Manaj do të shënonte në fundin e pjesës së parë.
Një gjuajtje e saktë teksa ndodhej në brendësinë e zonës dhe festa që nisi me trajnerin e tij. Ndërkohë kjo ndeshje ka edhe 45 minuta të tjera për të luajtur, atje ku Manaj mund të thellojë shifrat. /Elio Hajdari-Sport Ekspres/ -
Kursi “Drejtor Teknik Akademie”, të hënën në “Shtëpinë e Futbollit” i ftuar Drejtori i Akademisë së Juventusit, Michele Sbravati
Drejtoria Teknike në FSHF do të zhvillojë të hënën, më 20 tetor 2025, një aktivitet të veçantë në kuadër të kursit “Drejtor Teknik Akademie”, në “Shtëpinë e Futbollit”.
Në këtë event do të jetë i pranishëm si i ftuar special Michele Sbravati, Drejtor i Akademisë së Juventusit, i cili do të ndajë me pjesëmarrësit përvojën dhe strategjitë e klubit italian në zhvillimin e futbollit të moshave dhe në organizimin e strukturës së akademisë.
Ky aktivitet është pjesë e vazhdimësisë së punës së FSHF-së për rritjen e standardeve në drejtimin teknik të akademive shqiptare, duke sjellë eksperienca dhe modele bashkëkohore nga klubet më prestigjioze europiane. -
“Jam xheloz që nuk kam luajtur një herë në ‘Air Albania’”, Altin Lala: Ndaj Greqisë kam ndjerë presionin më të madh në jetën time
Altin Lala ka dhënë së fundmi një intervistë për “RTSH 24”, ku është ndalur padyshim te ecuria e Kombëtares shqiptare. I pyetur nëse është ndjerë xheloz që nuk ishte në fushë si lojtar në përballjen kundër Serbisë, ish-kapiteni i kuqezinjve është përgjigjur negativisht. Ai ka theksuar se e ka përjetuar një sfidë të ngjashme në vitin 2004 kundër Greqisë. Lala tregon se kjo përballje ka qenë ajo në të cilën ka pasur presionin më të madh në karrierë. Ish-mesfushori i njohur është shprehur se ka ndjerë xhelozi vetëm për faktin se nuk ka mundur të luajë dot në stadiumin “Air Albania”.
“Xheloz që nuk isha në ndeshjen me Serbinë? Jo, absolutisht që jo. Unë kam pasur fatin të luaja në 2004-n me Greqinë. Ka qenë ndeshja ku unë kam pasur presionin më të madh në jetën time. Më ka rënë rasti në Gjermani të luaj në stadiume me 80 mijë vende, në Dortmund, në Mynih, në Shalke, në Hamburg. Stadiume të mëdha që kanë shumë tifozllëk, por si në atë ndeshje nuk kam pasur presion më të madh. Kështu që, futbolli është me gjenerata. Unë e kam kaluar atë pjesën time.
E vetmja gjë për të cilën jam xheloz është që nuk kam luajtur një herë në “Air Albania”. Në kohën time, kur kemi luajtur në “Qemal Stafa” ka qenë më ndryshe. Ka qenë edhe aty atmosferë e paparë. Kemi pasur gjithmonë tifozllëk, por në “Air Albania” do të kisha qejf të luaja. Tifozët janë më afër, bëhet një atmosferë shumë e bukur. Kemi një stadium super të bukur. Në ndeshjen e parë kur u inagurua stadiumi, në ndeshjen me Francën, kam qenë aty. Atëherë e ndjeva veten për herë të parë xheloz. Për gjëra të tjera, absolutisht që jo”, ka thënë Altin Lala./Sport Ekspres/ -
Mosgrumbullimi i Mehmetit hapi debate, gazetari zbulon detaje: I ka vendosur kushte Silvinjos
Anis Mehmeti ka qenë një emër që e ka shoqëruar Silvinjon në çdo dalje të tij përpara gazetarëve gjatë ndeshjeve të muajit tetor. Mosgrumbullimi i tij në Kombëtare ka ngjallur interes nga opinion sportiv, që e cilëson atë si një alternativë të denjë për kuqezinjtë. Por Tami Kona ka zbuluar një anë tjetër të historisë. Gazetari i njohur ka deklaruar në studion e emisionit “5 pyetjet nga Babaramo” në “Report TV” e gjatë kohës që ishte në Serbi mësoi se Mehmeti i ka vendosur kushte Silvinjos. Sipas tij, lojtari i Bristolit ka kërkuar që të luajë vetëm në krahun e majtë të sulmit.
“Ne kemi një futbollist tjetër, Mehmetin, që luan në një ligë si Championship-i në Angli. Por nga informacionet që paskam unë, ai na paska vënë ca kushte. “Shiko profesor, unë vij, por luan vetëm në krahun e majtë”. I kam marrë këto informacione tani, kur isha në Serbi. Nuk i dija. Mund të jenë të vërteta, mund të mos jenë të vërteta. Por në ekipin kombëtar nuk mund të vish dhe të vësh kushte”, ka zbuluar Tami Kona./Sport Ekspres/