Torino ka marrë tre pikët kundër Napolit. Një fitore që ka gëzuar edhe Interit, pasi tashmë do të kenë mundësinë të shkëputen në krye. Kësaj pyetjeje nuk i ka shpëtuar as Kristjan Asllani, i cili ia thënë për “DAZN”-in se do t’i dërgonte mesazh ish-shokëve të skuadrës.
“Sot ishte e rëndësishme të merrnim në shtëpi pikë. E donim të gjithë bashkë. Jemi një grup i shkëlqyer. U zhgënjyem kundër Lacios, ndërsa sot jemi shumë të kënaqur që fituam. A do i ketë bërë të lumtur ish-shokët e skuadrës te Interi kjo fitore? Kam respekt për të gjitha skuadrat, ndoshta do t’ju dërgoj një mesazh. I uroj fat të mbarë sot kundër Romës, të cilën do ta shoh”, ka thënë Kristjan Asllani./Sport Ekspres/
Author: Sportekspres.com
-
I dha një asist Interit me fitoren ndaj Napolit, Asllani: Do i dërgoj mesazh, do ta shoh ndeshjen e zikaltërve
-
Interi fiton mes polemikave, një gol i dyshimtë i jep kreun e renditjes zikaltërve
Interi ka marrë kreun e renditjes në Serinë A. Zikaltrit kanë mposhtur Romën në transfertë me rezultatin e ngushtë 0-1. Fati i ndeshjes u vendos në minutën e 6 të saj. Boni kapi në befasi mbrojtjen e verdhekuqve dhe më pas e ndali topin në rrjetë.
Një gol hapi polemika të mëdha në opinionin sportiv. Pozicioni i lojtarit të Interit ka qenë i dyshimtë, duke ndezur debate për vlefshmërinë e golit./Sport Ekspres/ -
Asllani fiton ndaj kampionëve të Serisë A, media italiane: Ishte pika qendrore e lojës
Torino ka marrë tre pikë mjaft të rëndësishme mbrëmjen e sotme. Skuadra italiane ka mposhtur kampionët në fuqi të Serisë A, Napolin. Torinezëve u mjaftoi goli i Simeones në minutën e 32-të për të festuar fitoten.
Titullar në këtë përballje ishte edhe Kristjan Asllani, i cili luajti për 84 minuta. “Tuttomercatoweb”-i e ka vlerësuar mesfushorin shqiptar me notën 6.5, teksa shkruan se lojtari shqiptar ishte pika qendrore e lojës.
“Pika qendrore e lojës. Ai mban një sasi të madhe topash. Në disa situata ai merr rreziqe të tepërta, por është dakord me këtë”, ka shkruajtur “Tuttomercatoweb”-i./Sport Ekspres/ -
Natë pa gola në “Abissnet Superiore”, nga përplasja Egnatia-Dinamo përfiton Vllaznia
Një mbrëmje pa gola në “Abissnet Superiore”. Dy përballjet e vlefshme për javën e 7 të kampionatit kanë përfunduar në barazim pa gola. Teuta vazhdon të mbetet e pamposhtur edhe për një tjetr ndeshje. Bregdetarët janë ndarë me një barazim 0-0 me Tiranën, duke bërë kështu secila skuadër të sigurojë nga një pikë.
Me të njëjtin rezultat, atë 0-0, ka përfunduar edhe sfida tjetër mes Egnatias dhe Dinamos. 90 minutat e luajtura në Rrogozhinë nuk kanë mundur të nxjerrin një fitues. Nga ky barazim më tepër përfiton Vllaznia, e cila tashmë është shkëputur me 2 pikë në krye të renditjes./Sport Ekspres/ -
E pazakontë/ Televizioni hoqi menjëherë kamerën, arbitri nisi lojën dhe lojtarët te Barcelona-Girona nuk lëviznin nga vendi
Barcelona luajti në ditën e sotme kundër Gironas. Një ndeshje emocionuese e mbyllur në shifrat 2-1 mes dramës në fund, me katalanasit që vuajtën më shumë sesa e menduan për të marrë tre pikët.
Goli i Araujo në minutën e 3 të shtesës mjaftoi që Barcelona të fitonte mes vështirësive të mëdha. Ndërkohë ajo që ishte e veçantë në këtë ndeshje ishte fakti se në vërshëllimën e parë të arbitrit, në 10-20 sekondat e para, lojtarët nuk lëvizën nga vendi. Kjo pasi të dyja ekipet u bashkuan si një gjest proteste kundër vendimit të La Liga-s për ta luajtur një ndeshje kampionati në Miami.
Në momentin e protestës së lojtarëve, televizioni spanjoll censuroi menjëherë pamjet dhe e largoi kamerën nga fusha e blertë duke mos treguar këtë skenë të pazakontë. /Sport Ekspres/ -
VIDEO/ Shqipëria duhet ta thërras sa më parë, shijojeni super golin e Armend Muslikas kundër Chelsea
Armend Muslika ka shënuar një super gol në ndeshjen e sotme të Totenhemit U-18 kundër Chelsea U-18. Një gol fantastik i realizuar nga goditja e dënimit teksa shqiptari nuk i ka lënë asnjë shans portierit kundërshtar për të reaguar.
Statistikat flasin qartë për performancën dhe potencialin e këtij lojtari që në 7 ndeshjet ka realizuar gjashtë gola dhe ka dhënë dy asiste te moshat e Totenhem. Një Armend Muslika me “viben” e Armando Brojës në fillimet e tij te Chelsea, Shqipëria duhet t’i rrisi gradat për ta marrë te U-21. /Sport Ekspres/Check out this goal from Armend Muslika against Chelsea u18. ?
He got invited to our u17 this month but didn’t join them. ??? pic.twitter.com/nsKOc8LKBm
— Illyrian Footy ?? (@IllyrianFooty) October 18, 2025 -
E çuditshme/ Trajneri i Burnley bën gjithçka për të mos futur Armando Brojën, nuk mjafton as Shqipëria dhe as Foster
Armando Broja i ngriti të gjithë tifozët në këmbë me super performancën e zhvilluar kundër Jordanisë. Entuziazmi për rikthimin e këtij lojtari ishte në masën më të lartë, por te Burnley shqiptari vazhdon të vuajë. Burnley luajti sot kundër Leeds atje ku fitoi në shifrat 2-0. Burnley ishte pa sulmuesin kryesor të dëmtuar, Foster, por sërish Broja nuk u hodh në fushë, madje për asnjë minutë të vetme.
Trajneri i besoi sulmuesit të tretë, Flaming, që mori vendin e titullarit. Madje edhe pas largimit të tij, nuk iu besua Brojës. Në fund trajneri hodhi një 35-vjeçar që nuk e kishte parë asnjëherë fushën e lojës këtë sezon në Premier League, Barnes, duke lënë sërish në stol Brojën. Një vendim që tregon qartazi se dicka nuk po shkon në marrëdhënien mes tyre. /Sport Ekspres/ -
Një autogol në minutat e fundit thyen Bylisin, Vllaznia ruan kreun e Superiores
Vllaznia ka marrë tre pikët e radhës në “Abiss et Superiore”. Kuqeblutë kanë mposhtur sot Bylisin në stadiumin “Adush Muça”. Ndeshja është vendosur vetëm në minutat e fundit të saj.
Në minutën e 83-të, kur Peralta po përpiqej që të largonte topin nga zona, e dërgoi atë në portën e tij. Një autogol theu kështu mallakastriotët, të cilët nuk mundën të largoheshin me pikë nga kjo sfidë. Bylisi mbetet në kuotën e 6 pikëve, ndërsa Vllaznia udhëheq tabelën e renditjes me 16 pikë të grumbulluara në 7 ndeshje./Sport Ekspres/ -
VIDEO/ Vedat Muriqi kthehet me gol te Majorka, “pirati” i hap udhë përmbysjes ndaj Sevijes
Vedat Muriqi vazhdon te dëshmojë formën pozitive që po kalon këtë sezon. Pas fitores së jashtëzakonshme kundër Suedisë me fanellën e Kosovës, “pirati” është kthyer te goli në La Liga. Lojtari nga Prizreni ka tundur rrjetën ditën e sotme kundër Sevijës.
Muriqi e ka dërguar topin pas shpinës së portierit kundërshtar dhe ktheu përkohësisht baraspeshën në minutën e 67 të takimit. Goli i tij i hapi udhë përmbysjes, teksa Majorka në fund triumfoi shifrat 1-3 në këtë transfertë./Sport Ekspres/ -
“Ka shumë fjalë për Leaon”, Alegri i përgjigjet gazetarëve: Ja ku është fusha!
Masimiliano Alegri është paraqitur në konferencë për shtyp në prag të ndeshjes kundër Fiorentinës. Trajneri italian i është përgjigjur pyetjeve të gazetarëve në lodhje me Rafael Leaon. Alegri ka vlerësuar së tepërmi cilësitë e portugezit, por nga ana tjetër ka nënvijëzuar se të qenurit kampion do ta provojë fusha e lojës dhe koha.
“Ai ka cilësi të jashtëzakonshme teknike, por mendoj se duhet t’i lejohet të luajë dhe të jetë vetvetja. Gjëja e rëndësishme është e thjeshtë: ja ku është fusha. Ka një performancë Ka një performancë për t’u bërë atje. Ka shumë fjalë për Leaon. Ai është një djalë i artë dhe është i etur për të performuar, por për fat të keq lëndimi e ndaloi. Ai po gjen një formë të pranueshme dhe mendoj se do të bëjë shumë mirë që nga tani e tutje. Në fund të karrierës së tij, do të shohim, me kalimin e kohës, nëse Rafa ka qenë kampion”, ka deklaruar Masimiliano Alegri, citon “Tuttomercatoweb.com”./Sport Ekspres/