Ka nisur edicioni i gjashtë i Kampionatit Kombëtar të Futbollit “5×5” për zonën e Tiranës, i organizuar nga Departamenti i Futbollit Amator në FSHF.
Në këtë edicion marrin pjesë 55 skuadra, të ndara në pesë grupe. Skuadrat zhvillojnë ndeshjet me sistem grumbullimi pikësh në fazën e grupeve, ndërsa më pas faza “play-off” do të përcaktojë fituesin e Tiranës.
Java e parë e kampionatit u zhvillua e ndarë në katër ditë dhe prodhoi shumë gola dhe ndeshje të luftuara në çdo grup.
Rezultatet e javës së parë:
Grupi 1
FC Dental Turku – Golden Park 6–7
Vila L – Pellazgët 10–1
Royals – Pasticeri Nela 2–7
Black Eagles – Union Bank 6–3
Grupi 2
FC Tigres – Illyrians 9–1
Shqiponjat – ProCredit Bank 2–2
Legjendat – FC Selita 6–10
Grupi 3
Raja System – AF Kashari 5–6
Julton – Beautiful Albania 8–3
FC Alpha – Auto Servis Tresa 5–3
Piceri Haka – Artic 3–1
Good Fellas – ID Albania 2–9
Mici Konstruksion – Simple FC 3–7
Grupi 4
Luminesen – Volta 5–4
Intelekt 365 – Barrikada B 5–5
FC Priska – Iron Eagles 7–0
FC Ferraj – Allias 5–4
Grupi 5
Ekipi i BMBSHPFA – Ekipi i AFA 3–3
Ekipi i Forcës Tokësore – Ekipi i Dardanëve 5–2
Ekipi i Forcës Detare – Ekipi i KKN 7–3
Ekipi i Forcës Ajrore – Ekipi i SHPFA 5–5
Ekipi i Komandës Mbështetëse – Ekipi i FT “Speciale” 4–3
Ekipi i Akademisë së FA – Ekipi i FT “Komando” 12–2
Author: Sportekspres.com
-
Starton Kampionati Kombëtar i Futbollit “5×5” për zonën e Tiranës, luhet java e parë
-
Presidenti i Barcelonës tha se Real Madrid favorizohet nga arbitrat, reagon Courtouis: Laporta e tha se duhet ta thotë, krejt e kundërta…
Kur Courtois u pyet për komentet e presidentit të Barcelonës, Joan Laporte, i cili kohët e fundit deklaroi se Real Madridi ishte “gjithmonë i favorizuar”, portieri belg nuk qëndroi indiferent. “Laporta e thotë këtë sepse duhet ta thotë,” filloi Courtois.
“Që kur kam qenë te Real Madridi, kam vënë re se nuk kemi qenë kurrë të favorizuar – krejt e kundërta.” Kjo deklaratë e drejtpërdrejtë u përhap shpejt në rrjetet sociale dhe mediat sportive, ku reagimet u ndanë. Tifozët e Real Madridit e mirëpritën ndershmërinë e Courtois, ndërsa nga ana tjetër, mbështetësit e Barcelonës pretenduan në komente se klubi i tij po gëzonte privilegje në ligë. /Elio Hajdari-Sport Ekspres/ -
Kategoria e Parë/ Teknikët e ekipeve kombëtare përzgjedhin formacioni & trajnerin më të spikatur të javës së 7-të
Pas përfundimit të javës së 7-të të sfidave të Kategorisë së Parë, teknikët e ekipeve kombëtare kanë përzgjedhur 11-shen dhe trajnerin më të spikatur të kësaj jave.
Trajneri më i mirë është vlerësuar Samuel Nikaj i Burrelit, pas fitores 1-2 në transfertën e Fierit kundër Apolonisë.
Sakaq, formacioni i kësaj jave sipas skemës 4-2-3-1 përbëhet nga:
Jurgen Mehidri i Korabit në portë. Vijën difensive e përbëjnë katër mbrojtësit: Vangjel Zguro (Pogradeci), Diamond Wallace (Korabi), Dwonfour (Skënderbeu), Amri Kallaku (Iliria).
Para vijës së mbrojtjes rreshtohen Henrik Nerguti i Laçit dhe Donald Mëllugja i Burrelit.
Në mbështetje të sulmit janë tre lojtarët: Edmond Hoxha i Kastriotit, Migone i Besës dhe Olsi Myrta i Laçit.
Në majën e sulmit spikati sulmuesi i Burrelit, Igli Rrapi. -
“Nuk ndihem sikur nuk i përkasim Champions-it”, presidenti nuk i trembet Interit: Kemi të drejtë të garojmën
Union Saint-Gilloise është pjesë e Champions League-s. Skuadra belge do të përballet me Interin në mbrëmjen e së martës për të provuar befasinë. Presidenti i Union SG-së është shprehur se ekipi i tij nuk ndihet sikur nuk u përket Champion-t. Ai ka pranuar se i pëlqen më tepër formati i ri i turneut më të rëndësishëm në rang klubesh.
“Nuk ndihemi sikur nuk i përkasim këtij turneu, kemi të drejtë të konkurrojmë. Formati i ri i Champions-it? Mendoj se është pozitiv, veçanërisht për ekipet e Vazos 4, sepse rrit shanset për të avancuar. Në sistemin e mëparshëm, ata luanin vetëm me klube nga vazo më të larta, dhe ky është ndryshimi kryesor. Gjithashtu më pëlqen të luaj me tetë ekipe të ndryshme se sa me tre”, ka deklaruar Alex Muzio./Sport Ekpres/ -
“Kur munda Barcelonën 8-2 nuk buzëqesha për asnjë nga golat”, Hansi Flik e pranon: Barça më ka ndryshuar
Hansi Flik ka ndryshuar sjelljen e tij në pankinën e Barcelonës. Trajneri gjerman ka nisur të jetë më emocional gjatë lojës. Një fakt të cilin e ka pranuar edhe vetë Fliku. Ky i fundit ka thënë në konferencën për shtyp në prag të sfidës kundër Olimpiakosit. Fliku është shprehur se Barcelona e ka ndryshuar, por nga ana tjetër ka shtuar se duhet të shmangë sjellje si ato kundër Zhironës.
“Gjatë ndeshjes Bajern-Barcelona (8-2), festimi im ishte i njëjtë për të 8 golat dhe nuk buzëqesha te asnjëri. Ky klub mund të më ketë ndryshuar. Jam më emocional, por e dua dhe dua të jap gjithçka. Megjithëse nuk dua që nipi im të më shohë duke bërë atë që bëra kundër Zhironës”, ka deklaruar Hansi Flik./Sport Ekspres/ -
Luis Enrike i del në mbrojtje portierit: Edhe Donarumën e vratë me kritika për 4 vite
Zëvendësuesi i Donarumës është përballur me kritika së fundmi. Por Luis Enrikja i ka dalë në mbrojtje gjatë konferencës së sotme për shtyp. Trajneri i PSG-së i ka kujtuar gazetarëve se të njëjtën sjellje e kanë pasur më parë edhe ndaj Donarumës, të cilin sipas tij për 4 vite e kanë vrarë sportivisht Donarumën me kritika.
“Mendoj se nuk ju kujtohet sa shumë vite e kritikuat Xhanluixhi Donarumën. Në 4 vitet e fundit, ju (media) efektivisht e keni vrarë atë sportivisht. Madje unë as nuk kam qenë trajner i PSG-së atëherë, por më kujtohet që kam dëgjuar shumë kriticizëm për Donarumën.
Kur je portier në një klub si PSG-ja, duhet jetosh me kritikat. Ajo që mund të then për Shevalierin është se më pëlqen personaliteti dhe niveli i tij si lojtar. Kemi shumë besim se ao do të jetë një lojtar i rëndësishëm i PSG-së për shumë vite”, ka deklaruar Luis Enrikja./Sport Ekspres/
-
Nations League për vajza/ Sfidat kundër Qipros, trajneri Grima: E meritojmë qëndrimin në Ligën B, jemi të gjithë optimistë se do ia dalim
Kombëtarja e vajzave ka nisur prej të dielës pasdite përgatitjet për dy sfidat vendimtare ndaj Qipros, të vlefshme për fazën play-out të UEFA Nations League.
Paraditen e sotme, vajzat kuqezi zhvilluan stërvitjen e radhës në kuadër të këtij grumbullimi, teksa grupi nuk është ende i plotë dhe pritet të kompletohet në seancën e pasdites.
Në një prononcim për fshf.org, trajneri i skuadrës, Armir Grima shprehet optimist për këto ndeshje dhe të njëjtën gjë sheh edhe tek ekipi që ai drejton.
“E kemi pritur këtë ditë që të vijmë në këtë nivel. Besoj që do japim maksimumin. Unë jam shumë optimist dhe shoh shumë optimizëm edhe te vajzat, shoh dëshirë dhe grintë. Është momenti i duhur që ne të vazhdojmë të qëndrojmë në Ligën B sepse besoj se e meritojmë. Edhe me rezultate, edhe me lojë dhe besoj se jemi të denjë të vazhdojmë në Ligën B” – thotë trajneri Grima, i cili tregon edhe se si vjen skuadra në këtë grumbullim.
“Kemi fat se shumë vajza po na luajnë jashtë Shqipërisë, në klube të huaja. Është shtuar shumë kontigjenti. Është fat sepse stërvitja është më sistematike, më e rregullt sepse vajzat janë të përgatitura mirë fizikisht. Shoh dëshirë te vajzat. Kjo më ngroh dhe shoh optimizëm për t’i kaluar këto dy sfida me sukses” – shton ndër të tjera profesor Grima.
Tekniku kuqezi flet edhe për kundërshtarin, ndërsa nënvizon se në këto sfida skuadra jonë duhet të luftojë me veten dhe mos t’i marrë si ndeshje të lehta. “E kemi studiuar, e dimë kush është Qipro. Besoj se ashtu na kanë studiuar edhe ato ne. Ne duhet të luftojmë me vetveten dhe mos të mendojmë që kjo është ndeshje e lehtë, sepse është shumë e rëndësishme. T’i japim vlerësimin që i takon këtyre ndeshjeve dhe të bëjmë hapin e madh te futbolli i vajzave sepse do të jetë një sukses i madh nëse ne vazhdojmë të rrimë në Ligën B” – përfundon për fshf.org trajneri Armir Grima.
Shqipëria do të luajë më 24 tetor në ora 18:00 ndeshjen e parë kundër Qipros në Larnaca. Ndeshja e kthimit do të luhet në stadiumin “Air Albania” më 28 tetor në ora 18:00.
Ndeshjet kundër Qipros konsiderohen si finale për ekipin kuqezi të vajzave, të cilat kërkojnë të ruajnë statusin e tyre në Ligën B dhe të vijojnë rrugëtimin në këtë nivel. -
“Luca Toni, a i ke parë ndeshjet apo jo?”! Pioli shpërthen me legjendën pas humbjes me Milanin: Nuk mund të flitet kështu
Fiorentina pësoi një tjetër humbje të dhimbshme, këtë herë në San Siro, ku Milani fitoi 2-1. Edhe pse rezultati mund të mos duket dramatik, ajo që i shqetëson tifozët e Violas është përshtypja e lojës, sepse skuadra e Stefan Piolit dukej e ngurtë, e ngadaltë dhe pa zgjidhje të vërteta në sulm. Për më tepër, trajneri pati momente nervoze pas ndeshjes në San Siro me legjendën e Fiorentinës, Luca Toni, i cili punon si prezantues i DAZN.
Toni, drejtpërdrejt në DAZN, e pyeti trajnerin se çfarë nuk shkonte me këtë skuadër. Në përgjigje, Pioli deklaroi me zemërim: “Luca, a i shikon ndeshjet apo jo? Nuk mund ta reduktosh gjithçka në ‘nëse fitojmë, jemi të shkëlqyer, dhe nëse humbasim, jemi të këqij’”.
Pastaj shtoi: “Dhe mos fol për problemet në dhomën e zhveshjes, sepse nuk ka asnjë.” Në atë moment, Toni e mbrojti veten: “Nuk e kam thënë kurrë këtë.” Dhe Pioli shtoi: “Të kam dëgjuar më parë, por le të vazhdojmë më tej.”“Një nga arsyet pse jam i zhgënjyer është se Fiorentina investoi kaq shumë tek unë, por për fat të keq nuk po marrim rezultate dhe duhet të përpiqemi më mirë”, shtoi Pioli. /Elio Hajdari-Sport Ekspres/ -
U-17 për vajza / Shqipëria barazon 1-1 me Estoninë në “Elbasan Arena”
Shqipëria U-17 për vajza zhvilloi sot në stadiumin “Elbasan Arena” ndeshjen e dytë të raundit të parë kualifikues të Kampionatit Europian 2026, përballë Estonisë. Vajzat kuqezi, të drejtuara nga trajnerja Cyme Lulaj, barazoi me rezultatin 1-1 një takim qw ishte mjaft i luftuar deri në fund.
Teknikja Lulaj e nisi ndeshjen me këtë formacion titullar: Ambra Reshiti (GK), Kristel Tuku, Marina Rushaj (c), Desara Lorja, Audrina Lajthiza, Albana Malaj, Gurie Mehmetaj, Heidi Bekteshi, Emi Maksuti, Sibora Kuka dhe Alesja Loshja.
Skuadra shqiptare e nisi më mirë ndeshjen, duke krijuar disa raste të rrezikshme përpara portës kundërshtare. Avantazhi erdhi në minutën e 29-të, pas një krosi të saktë të kapitenes Rushaj, që u devijua në rrjetë nga futbollistja estoneze Sootaga, duke i dhënë epërsinë ekipit tonw.
Pjesa e parë u mbyll me avantazhin 1-0 për vajzat kuqezi. Në pjesën e dytë, Estonia reagoi dhe arriti të barazojë rezultatin në minutën e 59-të me anë të Pihlak, duke vendosur shifrat përfundimtare 1-1.
Pas këtij rezultati, Shqipëria renditet në vendin e katërt të grupit me një pikë, po aq sa edhe Estonia. Në krye të renditjes ndodhen Izraeli dhe Greqia, me nga katër pikë secila. Në ndeshjen tjetër të ditës së sotme, e luajtur në Rrogozhinë, Greqia dhe Izraeli ndanë pikët pas barazimit 1-1.
Skuadra kuqezi do të luajë ndeshjen e fundit të këtij raundi të enjten, në ora 14:00, sërish në “Elbasan Arena”, përballë Izraelit. -
Njëri ose tjetri, por kurrë të dy bashkë! Vëllezërit Shpendi janë rast i çuditshëm, tani shpërthen Stiveni
Vëllezërit Shpendi në Itali janë një rast shumë i çuditshëm. Gjithmonë jemi mësuar që të shohim që kur luan mirë dhe shënon gola një lojtar, tjetri ngelet në hije. Të dy sulmues, por për fat të keq deri tani, forma e tyre nuk kulmon asnjëherë me të dy së bashku.
Në fillim ishte Stiven që shpërtheu te Cesena dhe më pas shkoi në Serinë A te Empoli, ndërsa Cristiani ishte në hijen e të vëllait. Më pas Stiveni rezultoi dështim te Empoli dhe Cristian po shpërthente me gola te Cesena. Kjo histori u përsërit disa herë dhe tani jemi në momentin që Cristian Shpendi po vuan për të gjetur golin në Serinë B te Cesena, ndërsa vëllai i tij, Stiven Shpendi, ka shënuar 3 gola në 4 ndeshjet e fundit me Empolin. /Sport Ekspres/