Në kuadër të investimeve të rëndësishme infrastrukturore që Federata Shqiptare e Futbollit ka ndërmarrë në të gjithë vendin, një vëmendje e veçantë po i kushtohet edhe projekteve që lidhen me përgjegjësinë sociale.
Komiteti Ekzekutiv i FSHF-së ka miratuar ndërtimin e një mini-fushe futbolli pranë muzeut “Martin Cani”, projekt i cili ka nisur tashmë të realizohet.
Ky investim mbart një domethënie të veçantë, pasi lidhet me kujtimin e Martin Canit, i cili humbi jetën tragjikisht pranë shkollës “Fan Noli” në nëntor të vitit 2024, ngjarje që preku mbarë opinionin publik shqiptar.
Përmes këtij projekti, FSHF synon jo vetëm të ruajë kujtimin e Martin Canit, por edhe të promovojë vlerat e sportit, edukimit dhe solidaritetit, si mjete të rëndësishme për ndërgjegjësimin e brezave të rinj.
Në ambientet e muzeut “Martin Cani”, në përurimin e nisjes së punimeve ishin të pranishëm specialistja e Departamenti të Projekteve, Pamela Ndocaj dhe prindërit e Martinit, Angel dhe Florina Cani.
Pamela Ndocaj, specialistja e Departamentit të Projekteve, theksoi se fusha në muzeun “Martin Cani” është një hap konkret për të ndërthurur kujtimin, sportin dhe edukimin, duke bashkuar gjenerata të reja dhe nxitur përkushtim e respekt.
“Në kuadër të përgjegjësisë sonë sociale, FSHF është e përkushtuar të sjellë jo vetëm zhvillim sportiv, por edhe vlera edukative dhe komunitare. Ndërtimi i mini-fushës në muzeun “Martin Cani” është një përpjekje për të ndërthurur kujtimin, sportin dhe edukimin në një ambient të vetëm. Ne jemi të bindur se futbolli ka fuqi të bashkojë gjenerata të reja, të nxisë përkushtim dhe respekt, dhe kjo fushë do të jetë një hap konkret drejt këtij qëllimi”.
Florina Cani, nëna e Martinit, falënderoi FSHF-në duke thënë se fusha e re do të kujtojë gjithmonë djalin e saj dhe ëndrrat e tij.
“Ju falënderoj nga zemra që ju na e ktheni këtë dhimbje në forcë. Martini kishte shumë ëndrra dhe ai donte që të bëheshe si Cristiano Ronaldo. Luante gjithmonë te fusha që ju po e bëni, e keni marrë përsipër. Ju falënderoj pafund. Çdo fëmijë që do të vijë te kjo fushë dhe çdo top që do të rrotullohet të kujtojë Martinin. Ai ishte një fëmijë i veçantë me zemër të madhe dhe dua që të mbetet midis nesh”.
Author: Sportekspres.com
-
Investimi i FSHF-së në kuadër të përgjegjësisë sociale, nisin punimet për fushën e re në muzeun “Martin Cani”
-
Tradita nuk blihet me para! Skënderbeu barazoi me Aston Villa-n, vetëm me 2 lojtarë të huaj në fushë
Paraja blen gjithçka, përveç traditës! Tradita kërkon kohë, nuhatje, klas dhe stof. Këto cilësi nuk gjenden dhe zgjidhen menjëherë, pavarësisht shumës që zotëron dikush.
Skënderbeu vazhon me leksione në Europë, pavarësisht dënimit me ekipin e parë. U-19 e Skënderbeut ka marrë një tjetër rezultat të shkëlqyer në Europë teksa dje ka barazuar 1-1 me Aston Villën.
Një rezultat fantastik i korçarëve që i bën ballë anglezëve, ndërsa më parë Skënderbeu kishte fituar 0-10 me Inter Escaldes. Por ajo që e bën akoma më të bukur këtë arritje ishte fakti se në fushë gjendeshin vetëm dy lojtarë të huaj nga Skënderbeu, ndërsa gjithë pjesa tjetër ishin lojtarë shqiptarë. Të punosh jo vetëm për Korçën, por edhe për të ardhmen e Shqipërisë, ky është Skënderbeu. /Sport Ekspres/ -
VIDEO/ Jo vetëm goli! Shihni spektaklin e Anis Mehmetit, tentoi edhe një predhë me Southampton
Anis Mehmeti vazhdon me formën e magjishme te Bristol City. Futbollisti shqiptar po shkëlqen në krahun e majtë të sulmit në Championship duke qenë një prej yjeve kryesor në ekipin e tij.
Në ditën e djeshme Bristol City përmbysi Southampton dhe fitoi në shifrat 3-1. Goli i barazimit erdhi nga Mehmeti në pjesën e parë, por në t? 54, shqiptari ishte pranë një goli spektakolar. Pasi hyri bukur mes dy tre lojtarëve, goditja e tij shkoi ngjitur me shtyllën. /Elio Hajdari-Sport Ekspres/ -
Java e 8-të e Abissnet Superiore luhet të premten & të shtunën, spikat klasikja e futbollit shqiptar Vllaznia – Tirana
Java e 8-të e “Abissnet Superiore” do të luhet të premten dhe të shtunën.
Vora – Dinamo City do të jetë ndeshja hapëse e kësaj jave, që do të luhet të premten në ora 14:00.
Dy takimet e tjera të së premtes do të luhen në ora 17:00, ku spikat klasikja e futbollit shqiptar, Vllaznia – Tirana, që do të luhet në “Loro Boriçi”. Në të njëjtën orë do të luhet edhe ndeshja AF Elbasani – Bylis.
Të shtunën do të luhen dy përballjet e tjera të javës së 8-të. Partizani pret Egnatian në shtëpi, ndërsa Flamurtarin e pret transferta kundër Teutës në Durrës. Të dyja sfidat do të luhen në orën 17:00.
ABISSNET SUPERIORE – JAVA 8
E premte, më 24 tetorVora – Dinamo City 14:00Vllaznia – Tirana 17:00AF Elbasani – Bylis 17:00
E shtunë, më 25 tetorPartizani – Egnatia 17:00Teuta – Flamurtari 17:00 -
“Po si mund të quhet sulm fenomenal me Zhegrovën dhe Opendën”?! Ish-lojtati italian mendon ndryshe: Shikojmë Politanon dhe na duket Zhegrova si Robeni
Juventusi ka shtuar tre emra të rinj në repartin e sulmit, teksa Zhegrova, Openda dhe Dejvidi i janë bashkuar bardhezinjve këtë verë. Sulmi i “zonjës së vjetër” vlerësohet në opinionin sportiv si një ndër më të mirët në Serinë A. Por Paolo Di Kanio nuk ndan të njëjtin mendim. Ish-futbollisti italian ka deklaruar për “Sky Sport” se niveli i dobët i kampionatit italian bën që futbollistët e ardhur te Juventusi të shihen si lojtarë fenomenalë.
“Thoni që Juventusi ka një sulm fenomenal? Openda dhe Zhegrova janë një sulm fenomenal? Po si mund të thuhet sulm i shkëlqyer me Opendën dhe Zhegrovën?! Djema, unë e kuptoj që në Itali ka pak (sulmues të mirë) dhe kur vjen diçka duket si një gjë e madhe, por… Openda kurrë nuk ka shënuar shumë gola. Zhegrova? Është bukur ta shohësh, por duhet ta vendosim gjithçka në kontekst ndërkombëtar. Ne këtu shohim Orsolinin dhe Politanon e na duket sikur po shikojmë Robenin”, është shprehur Paolo Di Kanio për “Sky Sport”./Sport Ekspres/ -
Ajeti në Turqi dhe mesfushori shqiptar në Poloni, kuqezinjtë përfshihen mes më të mirëve të kampionatit
Java e shkuar ishte mjaft pozitive për Arlind Ajetin. Pas ndeshjes kundër Serbisë, mbrojtësi shqiptar ka shkëlqyer edhe me ekipin e tij në Turqi. Përpos faktit se ishte i pakalueshëm në prapavijë,
Ajeti arriti të jepte edhe një asist në ndeshjen fundit në kampionat. Ai është vlerësuar me notën 7.7 nga “Sofascore”, duke u përfshirë në formacioninmë të mirë të javës në Ligën e Parë turke.
Në 11-shen më të mirë të javës është përfshirë edhe Lindon Selahi. Mesfushori shqiptar tundi rrjetën me fanellën e Vidzev Lodzit në fundjavë, ndërsa paraqitja e tij është vlerësuar me notën 8.2 nga “Sofascore”./Sport Ekspres/ -
VIDEO/ Anis Mehmeti është i pandalshëm në Angli, i shënon gol edhe Southampton-it
Anis Mehmeti është i pandalshëm këtë sezon. Sulmuesi shqiptar vazhdon të shënojë gola në Chanpionship, duke dëshmuar formën mjaft të mirë që po përjeton. Këtë herë anësori i Bristolit i ka shënuar edhe Southampton-it.
Anis Mehmeti gjeti rrugën e rrjetës në minutën e 33-të, duke rikthyer baraspeshën, por këtë herë në shifrat 1-1. Ndeshja vazhdon të luhet, teksa ende nuk ka përfunduar pjesa e parë e lojës./Sport Ekspres/ -
Barcelona i jep leksion futbollit ekipit grek, i shënon goleadë në pak minuta
Barcelona e ka përfunduar me goleadë përballjen e sotme në Ligën e Kampionëve. Katalanasit janë argëtuar në fushën e lojës me Olimpiakosin, duke e mposhtur me rezultatin e thellë 6-1. Fermini tundi rrjetën në minutën e 7 dhe të 38 për Barçën, ndërsa El Kabi ngushtoi shifrat në minutën e 53-të.
Por goli i ekipit grek do t’i shërbente vetëm statistikave, pasi të besuarit e Flikut arritën të shënonin 4 gola në harkun kohor të pak minutave. Jamali (68′), Rashfordi (74′, 79′) dhe sërish Fermini (76′) vulosën shifrat përfundimtare në 6-1./Sport Ekspres/ -
“Do një baba në fushë, jo një trajner”! Në Itali tregojnë detajin e veçantë, Modriç dërgon Leaon në nivel të lartë: Qëndron në vend kur e ka pranë…
Brenda një kohe të shkurtër, Modric është bërë truri i kuqezinjve dhe Milani tani është një ekip në krye të Serie A me ambicie të shprehura qartë për kampionatin. Një ekip që më parë luftonte me kontrollin e topit, tani merr frymë lirisht. Modri? dikton ritmin, ngadalëson kur ka nevojë, përshpejton kur ndien momentin dhe të gjitha me lehtësinë që është bërë shenja e tij dalluese.
Ndërkohë Leao, i njohur për karakterin e tij djallëzor, thuhet se “qëndron në vend” kur Modri? flet ose kur është pranë tij, diçka që nuk e bënte as kur Zlatan Ibrahimovi? ishte me të në ekip. Këto janë fjalët e gazetarit Carlos Passerini, i cili raporton për Corriere della Serra për të gjitha ngjarjet në dhe përreth Milanos.
“Leao ka nevojë për një baba në fushë, jo për një trajner. Kur kishte Ibrahimovic me vete, e kishte këtë deri diku, por kur Ibra u largua, ai e ‘neglizhoi’ përsëri. Mendoj se Luka Modriç mund të bëhet figura e re atërore në fushë që i duhet Rafaelit. Më është thënë se Rafa, i cili është mburravec dhe tenton ta marrë gjithçka lehtë, qëndron në vend kur Modriç është pranë. Dhe kjo është diçka që ai nuk e bëri as me Ibrahimovicin”, tha gazetari. /Elio Hajdari-Sport Ekspres/ -
A do të kemi një tjetër pushtim të shqiptarëve? Sllovenia njofton për ndeshjen me Kosovën, janë shitur të gjitha biletat
Slloveni-Kosovë do të jetë si një finale e parakohshme në ndeshjet e kualifikueseve të Botërorit. Nëse dardanët dalin me pikë në këtë takim, me shumë mundësi sigurojnë kalimin më tej në fazën e Play Off.
Ndërkohë nëse Sllovenia fiton në këtë ndeshje, atëherë gjithcka do të mbyllet në takimet e fundit. Federata Sllovene e Futbollit ka dalë me një njoftim ku tregon se janë shitur të gjitha biletat për këtë ndeshje, një muaj para se të fillojë gjithçka. A do të kemi një tjetër pushtim shqiptarësh si në Suedi? Mbetet të shihet! /Sport Ekspres/