Ditët po afrojnë dhe gjithmonë e më shumë edhe emocionet e mëdha për Botërorin. A do të shkojë Shqipëria në Play Off-in e Botërorit për herë të parë në histori? Jemi kaq afër, por frika e herës së parë, nëse diçka nuk sigurohet me 100%, do të sjelli gjithmonë panik derisa matematika të na jap frymëmarrjen e lirshme.
Për të siguruar zyrtarisht kualifikimin kërkohen dy skenare, një fitore e thellë e Shqipërisë me Andorrën dhe një humbje minimale me Anglinë, duke përfshirë këtu edhe një barazim të Serbisë në transfertë me Anglinë ose në të kundërt, që Anglia të bëj detyrën e saj kundër Serbisë për të fituar në shtëpi dhe Shqipëria të fitojë minimalisht me Andorrën.
Pra gabimi i bërë me Letoninë ndihet ende te Shqipëria, përkundër faktit të fitores së madhe me Serbinë. Jo gjithçka ngelet në dorën e tyre, Anglia ka në dorë saktësisht se kë ekip do të marrë me vete për në Botëror, për ta dërguar në Play Off-in e Botërorit. A mund të hapi rrugë Anglia kundër Serbisë? Anglia është një ekip që në kualifikuese kur lojtarët janë në kulmin e ritmit, merr gjithmonë pikët e plota në grup. Por në momentin që fillojnë evenimentet si Botërori apo Europiani, kur lojtarët janë stërloidhur nga kompeticionet, vijnë edhe rezultatet e dobëta të Anglisë.?Golavarazhi i tyre nuk lë vend për shumë dyshim, 18-0, pra 18 gola të shënuar dhe 0 gola të pësuar në grup deri tani. Për më tepër një fitore e pamëshirshme në Beograd, 0-5. Marrëdhëniet mes Anglisë dhe Serbisë nuk janë shumë të mira, Vucic ka akuzuar Britaninë se ka mbështetur fuqimisht dhe ekonomikisht protestat kundër tij në Serbi, ndërsa edhe në Beograd pati përleshje mes tifozëve. Por deklarata e trajnerit Tuchel ka ngjallur pak diskutime. Pasi siguroi matematikisht kualifikimin, ai tha: “Kundër Serbisë dhe Shqipërisë do të luajmë me lojtarët e stolit”.Por cilët janë lojtarët e stolit të Anglisë? Rashford i Barcelonës, Eze i Arsenalit, Lofuts Cheek i Milanit. Pra ka shumë emra që janë jo vetëm të frikshëm, por do të tentojnë me çdo mënyrë për të bindur Tuchel që t’u besojë në të ardhmen. Ndërkohë edhe marrëdhëniet e Anglisë me Shqipërinë nuk janë kaq të mira.
Para pak ditësh, Skënderbeu U-19 barazoi në shtëpi ndaj Aston Vilës U-19 në Europë, 1-1. Pas kësaj fitore, një sjellje e turpshme pasoi nga anglezët. Kur ndeshja përfundoi, vetëm dy lojtarë të Aston Villës përshëndetën futbollistët korçarë, të tjerët u larguan dhe nuk e përtypnin dot inatin e një barazimi me shqiptarët. Madje ata krijuan një trillim, për një histori të pavërtetë ku sipas tyre tifozët shqiptarë kënduan kore raciste kundër tyre dhe e dërguan çështjen në Komisionin e Displinës në UEFA. Prandaj askush nuk duhet të llogarisë të sigurt një “dhuratë” nga Anglia, Shqipëria duhet të futet në fushë për të fituar sa më thellë të mundet ndaj Andorrës pasi mund të ndodh që në fund të kësaj rruge kualifikuese, të qajmë golat e munguar në transfertën me Andorrën dhe t’i gëzohemi vetëm asaj fitore në Leskovac kundër Serbisë. /Sport Ekspres/
Author: Sportekspres.com
-
Nga Aston Villa te Tuchel! Anglia nis lojën e pisët me Shqipërinë, a do ndihmojnë Serbinë në Botëror?
-
Udhëtim në historinë e futbollit shqiptar, vijojnë turet e vizitave në Muzeun e FSHF-së në “Shtëpinë e Futbollit”
Muzeu i Federatës Shqiptare të Futbollit vijon të mirëpresë vizitorë nga shkolla dhe institucione të ndryshme, të interesuar për t’u njohur nga afër me historinë dhe sukseset e futbollit shqiptar ndër vite.
Së fundmi, një grup nxënësish nga shkolla e mesme e Medresesë “Liria” zhvilluan një tur informues në ambientet e muzeut, ku u njohën me dokumente, ngjarje e momente kyçe të historisë së futbollit shqiptar. Nxënësit shprehën interes të veçantë për pjesëmarrjet historike të Kombëtares shqiptare në Kampionatet Europiane “Francë 2016” dhe “Gjermani 2024”.
Turet në muze vijojnë rregullisht, ndërsa të gjithë të interesuarit mund të kontaktojnë për të rezervuar vizitën e tyre në adresën muze@fshf.al . -
Dinamo rikthehet aty ku i takon në renditjen e Superiores, i afrohet Vllaznisë dhe mund Vorën
Pas një nisje sezoni jo të mirë, Dinamo rikthehet aty ku i takon në Superiore. Ekipi i Dajës ka fituar në shifrat 0-2 ndaj Vorës, kundër një kundërshtari jo të lehtë dhe që ka sjellë jo pak probleme për ekipet rivale deri tani.
Një ndeshje e përfunduar falë golave të Vilës dhe Bregut. Goli i parë i takimit erdhi në fundin e pjesës së parë pas një krosimi dhe rrëmuje në zonë, nga ku Vila u tregua cinik për të tundur rrjetën. Në minutën e 76, Bregu do të realizonte nga penalltia duke mbyllur historinë e ndeshjes. Me këtë fitore, Dinamo shkon në vendin e dytë me dy pikë më pak se Vllaznia kryesuese. /Sport Ekspres/ -
Iliria kërkon të ngjitet në Superiore! Fitore për vendin e dytë, Apolonia mund Lushnjen
Në Kategorinë e Parë janë luajtur në orën 14:00 dy ndeshje jo pak të rëndësishme. Fillimisht për t’u përmendur fitorja e Ilirës kundër Korabit, 2-1. Një tjetër fitore ku Iliria tregon qartësisht se do të jetë surpriza e madhe e Kategorisë së Parë.
Goli i Likës dhe Mavangës bëri që goli i Markut t’i shërbente vetëm statistikave. Me këtë fitore, Ilira merr vendin e dytë në renditje, duke ardhur menjëherë pas Skënderbeut. Nga krahu tjetër goli i Apolonisë me Amagba ka mjaftuar që të fitojnë ndaj Lushnjes në transfertë. /Sport Ekspres/ -
Trajneri i ri i Rangers i lë të gjithë pa fjalë, gjermani mund të jetë njeriu që mund të ringrejë Nedim Bajramin
Rangersi ka nisur një sezon skandaloz në Skoci dhe në Europë duke marrë rezultate shumë të dobëta. Një tjetër trajner u shkarkua dhe u vendos që te Rangersi të vinte gjermani Danny Rohl.
Ndeshja e tij e parë ishte kundër Brann dje në mbrëmje në Europa League, atje ku humbi në shifrat 3-0. Por vërtet fantastike ishte veprimi i trajnerit pas kësaj humbje. Menjëherë pas ndeshjes, në ndeshjen e tij të parë, ai shkoi tek tifozët e Rangers duke u përballur me zemërimin në fytyrën e tyre, inatosjen dhe fjalët e thëna që gati gati dukej sikur do të kalonin në një konflikt fizik.
Ishte vetëm ndeshja e tij e parë dhe shumë lehtë Rohl mund ta shmangte këtë skenë. Madje edhe në aeroport, ai shkoi pranë tifozëve, i kërkoi falje për performancën dhe i kërkoi një shans për ta zgjidhur problemin. Pra një kurajo e madhe e treguar nga njeriu që mund të ndryshojë ekipin dhe mund të ringrejë Nedim Bajramin si dikur. /Sport Ekspres/ -
Bylisi i vetmi i ndëshkuar nga “Abissnet Superiore”, Disiplina pezullon dy zyrtarë klubesh
Komisioni i Disiplinës ka publikuar sot vendimet e marra për ndeshjet e javës që lamë pas. Bylisi është i vetmi ekip i “Abissnet Superiore”-s i ndëshkuar nga Disiplina. Klubi mallakastriot duhet të paguajë 50 mijë lekë për shkak të hedhjes së sendeve në fushë nga tifozët. Ndërkohë zyrtari i Apolonisë, Marko Jovanoviçi është pezulluar me 2 ndeshje nga aktiviteti, ndërsa zyrtari Shkumbinit, Marsel Sula, nuk do të mund të jetë pjesë e aktivitetit futbollistik në vend për 4 ndeshje./Sport Ekspres/
Vendimet e Komisionit të Disiplinës:
1. K Bylis, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
2. AF Luftëtari, për sjellje të gabuar të spektatorëve në mënyrë të përsëritur, duke hedhur sende në fushën e lojës, në bazë të neneve 17/2/b dhe 33 të KDE, dënohet me gjobë në masën 100.000 (njëqind mijë) lekë. Në zbatim të nenit 76/1/a të KDE, gjoba të aplikohet në masën 50%.
3. KF Iliria, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/a të KDE, gjoba të aplikohet në masën 50%.
4. FK Apolonia, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Në zbatim të nenit 76/1/a të KDE, gjoba të aplikohet në masën 50%.
5. Zyrtari i FK Apolonia, Marko Jovanovic, për protestë ndaj vendimeve të zyrtarëve të ndeshjes, në bazë të nenit 14/1/c të KDE, dënohet me 2 (dy) ndeshje pezullim nga veprimtaritë.
6. Zyrtari i KF Shkumbini, Marsel Sula, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
7. Lojtari i FK Partizani B, Oresti Rifa, për sjellje josportive ndaj lojtarëve kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
8. Lojtari i FC Dinamo City U-19, Skënder Meta, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
9. FC Pepa U-15, në bazë të nenit 6/1/a të KDE, paralajmërohet se në rast të përsëritjes së mos marrjes së masave për zbatimin e rregullave të lojës duke shkaktuar vonesa, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.
10. Zyrtari i FC Pepa U-15, Lorenc Pasha, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
11. Lojtari i FC Pepa U-15, Luis Bicja, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
12. Lojtari i FK Tomori U-19, Amarildo Kanani, për sjellje josportive ndaj lojtarëve kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
13. Lojtari i Rinia EL U-19, Driand Dushku, për sjellje josportive ndaj lojtarëve kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë.
14. Antigonea 9×9, për mospërmbushje të detyrimeve dhe përgjegjësive duke shkaktuar akte dhune dhe braktisjen e ndeshjes së vlefshme të Kampionatit Sunday League, kundër Barrikada 9×9, në bazë të neneve 16/1 dhe 17/2/h të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/f të KDE, gjoba të aplikohet në masën 10%.
15. FC Pepa U-13, për aktivizimin e një lojtari që nuk kishte të drejtë të luante në ndeshjen e vlefshme të Kampionatit Kombëtar Elite U-14 kundër KF Pogradeci U-13, në bazë të neneve 19/2 dhe 19/4/a të KDE, humbet ndeshjen në tavolinë me rezultatin 3-0.
16. Astiri D U-11, për braktisjen e ndeshjes së vlefshme të kampionatit Kategoria e Dytë U-11, Zona Rajonale Tiranë, kundër Djekom U-11, në bazë të nenit 16/1 të KDE, dënohet me gjobë në masën 100.000 (njëqind mijë) lekë dhe humbet ndeshjen në tavolinë me rezultatin 3-0. Sipas nenit 76/1/e të KDE, gjoba të aplikohet në masën 3%.
17. Zyrtari i Astiri D U-11, Endri Kembaci, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 8 (tetë) ndeshje pezullim nga veprimtaritë.
18. Zyrtari i Selaci Junior U-15, Sokol Selaci, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 8 (tetë) ndeshje pezullim nga veprimtaritë.
Kundër vendimit lejohet ankim brenda 3 (tre) ditëve përpara Komisionit të Apelit. -
Shkëndija feston fitoren e parë në grupet e Ligës së Konferencës, kuqezinjtë triumfojnë minutat e fundit të ndeshjes
Një natë suksesi për Shkëndijën. Klubi nga Tetova ka festuat sot fitoren e parë në grupet e Ligës së Konferencës. Kuqezinjtë kanë mposhtur Shellbërnin në Shkup me rezultatin minimal 1-0.
Fitorja ka ardhur në minutat e fundit të ndeshjes për klubin shqiptar. Kur po kronometrohej minuta e dytë shtesë, Patrik Bereti e dërgoi topin në rrjetën e portës së tij. Një autogol që rezultoi fatal për irlandezët, por që sollo festën te Shkëndija./Sport Ekspres/ -
“Të indinjuar që një klub si Aston Villa justifikon rezultatin me situata të pavërteta”, Skënderbeu mohon akuzat e anglezëve: Ishin drejtuesit e tyre ata që na trajtuan me mosrespekt
KF Skënderbeu ka reaguar kundër vendimit të UEFA-s për të çelur një çështje disiplinore kundër tyre. Shkak është bërë pretendimi i klunit Aston Villa për thirrje raciste në sfidën e UEFA Youth League mes ekipeve respektive U19, e cila përfundoi në baraspeshë 1-1. Bardhekuqtë kanë mohuar kategorikisht akuzën e ngritur ndaj tyre dhe fton drejtuesit e klubit anglez që të publikojnë pamjet filmike të ndeshjes, për të cilën kishin të drejtën e transmetimit. Gjithashtu, kF Skënderbeu ka argumentuar përmes faqes zyrtare në “Facebook” se delegatët e takimit dhe arbitrat nuk kanë dëshmuar asnjë shkelje disiplinore në raportin e tyre.
“Klubi i Futbollit “Skënderbeu” është njohur sot me vendimin e UEFA-s për hapjen e çështjes disiplinore për korre raciste në Komisionin e Etikës dhe Disiplinës për ndeshjen UEFA Youth League, Skënderbeu U19 – Aston Villa U19.
KF Skënderbeu mohon kategorikisht akuzat e ekipit Anglez duke vendosur në dukje se në asnjë moment nuk ka pasur thirrje raciste karshi asnjë lojtari si në fushën e lojës, por edhe jashtë saj.
Ky Fakt është lehtësisht i verifikueshëm nga Raporti i Arbitrave dhe Delegatit të ndeshjes të cilët kanë deklaruar se nuk kanë qënë dëshmitar të asnjë thirrje raciste karshi ekipit kundërshtar.
KF Skënderbeu shpreh idinjatën për faktin se si një klub Profesionist si Aston Villa justifikon rezultatin e ndeshjes duke trilluar situata të paverteta të cilat nuk kanë lidhje me atë çka ndodhi në stadiumin “Skënderbeu”.
Inkurajojmë klubin e Aston Villa e cila ka pasur të drejtën për të transmetuar LIVE’ këtë ndeshje, dhe gëzon pamjet filmike të ndeshjes të vendosë në dispozicion pamje filmike në vënd të trillimeve pa fakte dhe të neveritshme.
Ne jemi dëshmitarë të një organizimi në standartet e kërkuara nga UEFA dhe gjatë gjithë ndeshjes si organizatorët por edhe tifozët e pranishëm në stadium kanë treguar RESPECT, FAIR-PLAY DHE GJITHEPËRFSHIRJE, vlera që vetë loja e Futbollit mbart në vetvete, vlera të cilat nuk janë respektuar në asnjë moment nga Klubi I Aston Villa, drejtuesit e të cilëve para, gjatë dhe pas ndeshjes kanë treguar mos-respekt ndaj Klubit tonë.
KF Skënderbeu beson se Futbolli është më shumë së një lojë – është një urrë e cila bashkon njerzit pavarësisht kufijëve, gjuhës dhe prejardhjes, duke na kujtuar se thelbi i kësaj loje magjike qëndron në unitet, respekt, gjithëpërfshirje dhe pasion të përbashkët.
Futbolli është një gjuhë universale që bashkon njerzit ndaj KF Skënderbeu bën thirrje faktorëve të ndeshjes të fokusohemi tek Futbolli i luajtur dhe vlerat që klubet respektive mbartin. Me respekt, KF Skënderbeu”, ka njoftuar klubi Skënderbeu./Sport Ekspres/ -
Euro U-17 për vajza/ Kombëtarja barazon 2-2 me Izraelin në ndeshjen e fundit kualifikuese
Kombëtarja shqiptare U-17 e vajzave barazoi 2-2 me Izraelin në ndeshjen e fundit kualifikuese, e luajtur në stadiumin “Elbasan Arena”. Ava Hysenaj dhe Kejsi Demiraj ishin autoret e golave për Shqipërinë në këtë takim.
Trajnerja Cyme Lulaj e nisi ndeshjen me këtë formacion titullar: Reshiti (GK), Rushaj (C), Lorja, Tuku, Demiraj, Hysenaj, Malaj, Lajthiza, Bekteshi, Kuka dhe Klleci.
Ndeshja nisi shumë mirë për ekipin kuqezi, pasi Shqipëria zhbllokoi rezultatin që në minutën e 4-t me Ava Hysenaj. Izraeli barazoi në minutën e 21-të me Ella Esther Fabian dhe pjesa e parë u mbyll me shifrat 1-1.
Në fraksionin e dytë, Kombëtarja shqiptare mori sërish avantazhin në minutën e 77-të me Kejsi Demiraj, por ky avantazh zgjati vetëm tre minuta, pasi Izraeli barazoi në minutën e 80-të me Ela Ifrach. Ndeshja Shqipëri – Izrael u mbyll 2-2.
Takimi tjetër i grupit, Estoni – Greqi, përfundoi me fitoren e Greqisë 2-1.
Të gjitha ndeshjet e raundit të parë të grupit B2 të kualifikueseve të Kampionatit Europian U-17 2026 u zhvilluan në “Elbasan Arena” dhe “Egnatia Arena”, nën organizimin e Federatës Shqiptare të Futbollit. -
“Të pashë në lagje, më telefono”! Wanda Nara nuk njeh limite, i rrëmben burrin konkurrentes që e kishte në emision
Wanda Nara nuk njeh limite! Gjithmonë e përfshirë në trekëndëshe dashurie, kjo është mënyra sesi Nara e rrëmben vëmendjen prej vitesh. Pasi ndau dy miqtë e ngushtë, Maxi Lopez dhe Icardi, tani është radha për të ndarë një çift. Futbollisti i Chelsea, Enzo Fernandez, kishte probleme të mëdha me gruan e tij Valentina Cervantes për shkak të Wanda Naras. Gjithcka nisi nga një mesazh që Wanda Nara i kishte shkruar Enzo Fernandez: “Të pashë në lagje, më telefono nëse do”.
Në fillim, sipas mediave argjentinase, Fernandez nuk iu përgjigj mesazhit, por ia tregoi menjëherë Valentinës dhe kjo lëvizje e zemëroi shumë Wanda Narën. Por e bukura e kësaj historie qëndron në faktin se Wanda Nara ishte prezantuese e emisionit Master Chef Argentina dhe Valentina Cervantes ishte një konkurrente në këtë emision.
Valentina Cervantes, e cila është 25 vjeç, shpejt doli hapur dhe mohoi çdo spekulim në lidhje midis partnerit të saj dhe Wandës. Ajo tha, “Po, e pashë lajmin. Jo, për aq sa di unë, nuk pashë asnjë mesazh. Jo, jo, Enzo nuk më tha kurrë për këtë. Jo, ai nuk më përmendi kurrë diçka të tillë”, tha Valentina. /Sport Ekspres/