“El Klasikoja” e parë për këtë sezon të ri ka përfunduar me fitoren e Realit të Madridit. “Los blancos” u hakmorrën në fushë ndaj deklaratës së fortë të Lamin Jamalit. Mesfushori Çuameni ka thënë për mediat pas ndeshjes se fjalët e sulmuesit të Barcelonës e kanë motivuar më tepër.
“Në të vërtetë, mua më pëlqen kjo. Në fund të ndeshjes kemi parë që ndodhën disa gjëra mes lojtarëve. Na ndihmon si lojtarë që të garojmë kundër Barcelonës. Kur isha i vogël i kam parë gjithashtu këto gjëra. Deklarata e Jamalit që akuzon Realin për vjedhje? Personalisht, më pëlqen kjo gjë. Janë vetëm fjalë dhe nuk ka qëllim të keq. Por na ka motivuar më shumë për të fituar Nëse Lamini dëshiron të flasë, le ta bëjë. Në fund ndeshjet fitohen në fushë”, ka thënë Aurelien Çuameni./Sport/
Author: Sportekspres.com
-
Jamai i akuzoi për vjedhje, mesfushori i Realit pas fitores: Lamini le të flasë, ndeshjet fitohen në fushë
-
“Stadium i mirë me lojtarë të skaduar”! Sokol Kushta flet pa doreza për Flamurtarin: Ha 3 gola dhe përse goli i 3 ishte…jashtë loje
Sokol Kushta, legjenda e madhe e futbollit shqiptar, ishte i ftuar në emisionin “Mega Sport” që transmetohet në “A2 CNN”. Kushta është ndalur te ndeshja Serbi-Shqipëri e fituar nga ne në shifrat 0-1 dhe ka prekur edhe temën e Armando Brojës.
“Kam vënë re një detaj të bukur nga ndeshja Serbi-Shqipëri që lidhet me Brojën. Normalisht njëherë 2-3 vitet e mungesës së tij nga dëmtimi janë shumë dhe pasojat do të vuhen, është dëmtim shumë i rëndë. Mua më pëlqeu fakti që Broja në një moment kundër Serbisë bëri tërheqjen në mesfushë dhe pastaj shkëputjen. Topi iu hodh në zonën boshe të krijuar dhe Broja e arriti atë. Pra tani ka filluar që Broja të futet në ingranazhin e Kombëtares, që ekipi të kuptojë lojën e tij dhe t’i marrë sa më shumë”, tha Kushta. Gjithashtu legjenda e futbollit shqiptar ka dhënë mendimin e tij për Flamurtarin.
“Janë disa ushqime që vijnë nga jashtë, të paketuara, por janë të skaduara. E thashë që pa filluar kampionati, kur pashë CV e lojtarëve të Flamurtarit, janë të skaduar. Kur pashë metodikën e punës së trajnerit, stërvitjen, angazhimin e lojtarëve, e dija fatin e ekipit. Stadiumi është i bukur, është i mirë për të zhvilluar kampionatin, por aktorët janë të skaduar. Pashë ndeshjen Flamurtari-Egnatia, 8000 njerëz në stadium, kisha kohë pa i parë kaq shumë, por të gjithë ishin të zhgënjyer me performancën e ndeshjes. Gabim i arbitrave me Flamurtarin? Njerëzit kur nuk munden, justifikohen dhe gjejnë vend për t’u kapur. Flamurtari ha tre gola dhe thotë se përse u quajt goli i tretë se ishte pozicion jashtë loje, puna jonë është të ngremë pyetjen pse vijnë këto tre golat”, tha Kushta. /Sport Ekspres/? -
“E kisha thënë që në fillim, jo si Elbasani nga vendi i 1 në vend të 6”! Alliu tregon befasinë e Superiores: Ajo është vetëm…Teuta!
Teuta është befasia e këtij sezoni në Superiore! Ilir Alliu, i ftuar në emisionin “Mega Sport” që transmetohet në “A2 CNN”, ishte i sigurt në fjalën e tij se durrsakët kanë të gjitha elementet e nevojshme për t’u quajtur befasia e këtij viti. Një deklaratë e ardhur jo vetëm në këtë moment, por edhe në nisjen e sezonit për shkak të merkatos që kanë bërë te Teuta, në emrat e lojtarëve dhe në pankinë me trajnerin Dobi.
“Në fillim të kampionatit kam thënë këtu se Teuta do të jetë surpriza e madhe, jo për titullin, por se do të kenë shumë problem ekipet e tjera të merren me të. Kjo për shkak të mënyrës së organizimit, të cilësisë së lojtarëve që kanë mbledhur dhe ai trajner që ka, është metodist. Shikoni pak se me cfarë mënyre ka ardhur Teuta këtu ku është. Ke Elbasanin që kap vendin e parë, pastaj shkon në vend të gjashtë.
Teuta ka shkuar gradualisht, me llogjikë sportive. Problemi i Vllaznisë është vetëm një, që shkëputja me diferencë nuk e siguron, në fund pikët do të përgjysmohen. Ndërsa për Dinamon ka ende shumë kohë kampionati, unë i qëndroj llogjikës që është më mirë që pikët të merren gradualisht pasi aty ekipi merr besimin”, tha Alliu. /Sport Ekspres/? -
Sokol Kushta tregon detajin nga ndeshja Serbi-Shqipëri: Më pëlqeu diçka nga Armando Broja, ja pse po ndryshon situata tani
Sokol Kushta, legjenda e madhe e futbollit shqiptar, ishte i ftuar në emisionin “Mega Sport” që transmetohet në “A2 CNN”. Kushta është ndalur te ndeshja Serbi-Shqipëri e fituar nga ne në shifrat 0-1 dhe ka prekur edhe temën e Armando Brojës.
“Kam vënë re një detaj të bukur nga ndeshja Serbi-Shqipëri që lidhet me Brojën. Normalisht njëherë 2-3 vitet e mungesës së tij nga dëmtimi janë shumë dhe pasojat do të vuhen, është dëmtim shumë i rëndë. Mua më pëlqeu fakti që Broja në një moment kundër Serbisë bëri tërheqjen në mesfushë dhe pastaj shkëputjen. Topi iu hodh në zonën boshe të krijuar dhe Broja e arriti atë. Pra tani ka filluar që Broja të futet në ingranazhin e Kombëtares, që ekipi të kuptojë lojën e tij dhe t’i marrë sa më shumë”, tha Kushta. /Sport Ekspres/? -
“Shqipëria është e vetmja Kombëtare në Europë”, Roland Luçi: Asnjë ekip tjetër nuk është si ne, ta kurorëzojmë fitoren me Serbinë me Botëror
Një figurë e njohur dhe personalitet i sportit në Shqipëri është padyshim Roland Luçi. I ftuar në emisionin “Mega Sport” që transmetohet në “A2 Cnn”, Rolandi kishte një pikëpamje vërtet interesante të mënyrës sesi Shqipëria është e vetmja Kombëtare mes të gjitha ekipeve në Europë.
“Shqipëria është e vetmja Kombëtare në Europë. Ekipet e tjera janë përfaqësuese të shteteve përkatëse, kurse Shqipëria përbëhet nga të gjitha trevat shqiptare. Në Serbi ishte një fitore e madhe dhe ne nuk duhet ta sfumojmë kaq lehtë, duhet ta kurorëzojmë me shkuarjen në Botëror.Mbaj mend kur humbëm me Serbinë në Elbasan para disa vitesh, ne shkuam në Europian dhe ajo u harrua.
Prandaj tani ne fituam dhe duhet ta kurorëzojmë, mos ta sfumojmë. Uroj që Silvinjo të dalë nga guacka e tij, dha disa sinjale të mira si me Serbinë dhe me miqësoren e fundit, unë dua vetëm një kriter, lojtarët që nuk luajnë në ekipet e tyre të kemi kujdes, me Andorrën kemi 90 minutat më të rëndësishme të historisë tonë”, tha Rolandi. /Sport Ekspres/ -
E FUNDIT/ Juventusi nuk di të fitojë, bardhezinjtë humbasin edhe ndaj Lacios
Juventusi gjendet në një situatë të vështirë. Bardhezinjtë nuk dinë më se si të fitojnë. “Zonja e vjetër” është mposhtur sot edhe nga Lacion, duke regjistruar kështu humbjen e 3-të radhazi dhe njëkohësisht ndeshjen e 8 radhazi pa fitore.
Bardhekaltërve u mjaftoi një gol për siguruar 3 pikët mbrëmjen e sotme. Sfida u vendos që në minutën e 9, kur Bashiçi e ndali topin në rrjetën e Juventusit. Tashmë bardhezinjtë gjenden në vendin e 8 në renditje me 12 pikë të grumbulluara. Sakaq, Lacio renditet vetëm 2 pozicione më poshtë në Serinë A, me vetëm 1 pikë më pak nga Juventusi./Sport Ekspres/ -
“I kërkova Jamalit driblonte, por nuk po hynte dot në zonë”, ndihmësi i Flikut e pranon: Nuk është mësuar me koret dhe vërshëllimat, nuk e kishte të lehtë
Barcelona është larguar kokëulur nga “Santiago Bernabeu”. Katalanasit u mposhtën me shifrat 2-1 në ‘el klasikon’ e parë të sezonit. Markus Zorgu, i cili mori drejtimin e skuadrës për shkak të dënimit të Flikut, u shpreh pas ndeshjes se ndeshja nuk shkoi sipas planeve të tyre. Ndihmësi i Flikut zbuloi se i kërkoi Jamalit të driblonte më shumë në pjesën e dytë, por Reali kishte marrë masat e duhur për të ndalur talentin spanjoll.
“Duhet të jemi të sinqertë. Planet tona nuk funksionuan sot. Lamin Jamali sapo ka kaluar një dëmtim dhe ka nevojë për më shumë ndeshje. Duhet t’i japim kohë. Ai është vetëm 18 vjeç, duhet ta mbani mend këtë gjë. Pas pjesës së parë i kërkuam që të provonte më shumë driblime një kundër një, por nuk patëm shumë sitata të tilla. E pranojmë që ata u mbrojtën shumë mirë. Provuam gjithçka. E përfunduam ndeshjen me vetëm 2 mbrojtësa, por përsëri nuk krijuam mjaftueshëm shanse.
Ishte e qartë që ata kishin një plan për të ndalur Lamin Jamalin. Duhet ta ndihmojmë atë. Ata gjithmonë i shkonin Jamalit 2 kundër 1. Ai nuk mund të hynte në zonë. Lamin Jamali është ende duke mësuar se si të përballet me turmat, me koret, vërshëllimat, ambjentet armiqësore kundrjet tij. Është pjesë e procesit, është normale. Zakonisht ai luan mirë, por sot nuk ishte e lehtë për të”, ka deklaruar Markus Zorgu./Sport Ekspres/ -
“’Bernabeu’ e shijoi fitoren”, Xabi Alonso: Tensioni në fund? Kështu ndodh gjithmonë në ‘El Clasico’
Xabi Alonso ka fituar ‘El Clasico’-n e tij të parë në krye të stolit të Realit të Madridit. “Los blancos” mposhtën Barcelonën me shifrat 2-1, ndërsa në fund nuk mund të mungonte edhe tensioni mes lojtarëve. Megjithatë, trajneri spanjoll e konsideroi atë episod si një tension të zakonshëm në një ndeshje këtij niveli. Sa i përket fitores, Xabi Alonso është shprehur se ekipi sot ka arritur të argëtojë tifozët dhe t’i tregojë atyre se është i aftë të garojë në ndeshje të mëdha.
“Energjia, bindja, gara e ekipit… lojtarët titullarë dhe ata që hynë nga stoli gjithashtu po largohen të lumtur nga stadiumi. Mbi të gjitha, i kam parë djemtë ta shijojnë (fitoren në el klasiko). Mendoj që stadiumi ‘Bernabeu’ sot ka pasur një lidhje shumë të mirë. Mendoj se edhe për njerëzit ishte e rëndësishme të shihnin që ekipi i tyre mund të garojë dhe të fitojë një ndeshje të madhe. ‘Bernabeu’ ka pasur një energji të mbresëlënëse. I shijuan të gjitha. Projekti sapo ka filluar.
Tensioni në fund të ndeshjes? Ishte një tension i momentit. Këto kanë ndodhur gjithmonë. Nuk ka asgjë për t’u shqetësuar përderisa është garë e shëndetshme. ”, ka deklaruar Xabi Alonso./Sport Ekspres/ -
VIDEO/ Rasti që Barcelona ngre dyshime të forta te arbitri, e quajnë të parregullt golin e fitores të Bellingham
Real Madridi apo Barcelona, Mbappe apo Yamal? Kjo ishte pyetja e shumë tifozëve përpara El Clasico-s së sotme, por në këtë super përballje, të gjithë vëmendjen dhe prozhektorët ishin drejtuar tek arbitri i takimit, Cesar Soto Grado. Një Real Madrid-Barcelona nuk mund të mbyllet kurrë pa polemika, një intesitet i tillë i lartë nuk mund të mbyllet kurrë në paqe, do të ketë gjithmonë ankesa. Por këtë herë situata ishte akomë edhe më e vështirë pasi lufta kishte nisur që në deklaratat për shtyp.
Presidenti i Barcelonës, Yamal dhe pjesëtarë të tjerë të katalanasve kishin akuzuar Real Madridin si një ekip që fiton padrejtësisht me ndihmën e arbitrave. Kështu tensioni për arbitrin dhe paragjykimet për të ishin pa nisur ndeshja dhe menjëherë Cesar e nisi me aksion.Ndeshja përfundoi në shifrat 2-1 në favor të Real Madrid falë dy golave të ardhur nga Mbappe dhe Bellingham, që zhvlerësuan realizimin e Fermin Lopez. Xabi Alonso i ishte përgjigjur arrogancës së Yamal duke thënë se do t’ia linte gjithçka fushës që të fliste. Në minutën e 2 arbitri kryesor i takimit tregoi gjithë guximin e tij ku mes polemikash të ngritura për favorizimin e Real Madridit, nuk ngurroi të tregonte gishtin nga pika e bardhë e 11-metërve pas një kontakti të Vinicius Junior me Yamal, si për të treguar se fjalët jashtë fushës nuk kishin asnjë ndikim tek ai.
Megjithatë pas përsëritjes së pamjeve u pa se penalltia nuk ishte dhe kështu falë VAR, arbitri anulloi vendimin e parë, por tregoi se kishte karakter të fortë. Pak minuta më vonë Mbappe realizoi një super gol, por u anulua dhe nëpërmjet përsëritjes së pamjeve kishte një pozicion jashtë loje milimetrik të Mbappe, që ka ngjallur dhe kjo jo pak diskutime në rrjetet sociale.
Ndërkohë faqet e dedikuara për Barcelonën kanë një pretendim për golin e realizuar nga Bellingham, pra golin e dytë që vendosi fitoren e Real Madrid 2-1 kundër katalanasve. Përpara se topi të mbërrinte në këmbët e Bellingham, kishte një duel mes Dean Huijsen dhe Pau Cubarsi. Një duel i fituar nga lojtari i Realit në ajër përpara se topi të mbërrinte te Bellingham, i cili me portën e boshatisur nuk e kishte të vështirë që të shënonte. Në përsëritjen e pamjeve duket qartë një bërryl i hapur i Huijsen që i jep jo pak avantazh në duelin me Cubarsin, me këtë të fundit që përfundoi në tokë. Megjithatë kjo situatë u pa si një aksion i rregullt dhe goli në fjalë dhuroi fitoren e Realit.?Por përtej këtij episodi, ishte një ndeshje ku arbitri pati një paraqitje të mirë, ndërsa gjithcka shpërtheu në fund. Vinicius Junior dhe Dani Carvajal janë kapur me Lamine Yamal për shkak të fjalëve të thëna nga ky i fundit për Real Madridin, duke e akuzuar si një klub që vetëm vjedh nëpërmjet gjyqtarëve dhe vetëm ankohet. “Fol tani, fol më shumë”, ishte mënyra sesi i janë drejtuar lojtarët e Real Madridit, yllit të Barcelonës, me këtë të fundit që shpërtheu dhe nuk mund ta kontrollonte dot veten. “Të gjitha pasimet e tua ishin vetëm mbrapa, jepi fol, vazhdo”, ishte mënyra sesi iu drejtua edhe Vinicius Junior, lojtarit spanjoll të Barcelonës. -
VIDEO/ Vinicusi nuk i besoi syve kur Xabi e nxorri nga loja, braziliani u tërbua nga vendimi dhe u largua menjëherë në dhomën e zhveshjes
Reali i Madridit ka festuar sot fitoren e parë në “El Klasiko” për këtë sezon, teksa ka mposhtur Barcelonën me shifrat 2-1. Por jo të gjithë madrilenët janë larguar të qeshur nga fusha e lojës. Viniciusi nuk e kapërdiu dot lehtë zëvendësisim. Xabi Alonsoja vendosi ta largonte nga loja në minutën e 72-të, çka erdhi si një rrufe në qiell të hapur për sulmuesin brazilian.
Ky i fundit nuk po arrinte t’i besonte dot syve kur pa numrin e tij të shënuar në tabelën elektronike. Ai shpërtheu menjëherë në kundërshti, ndërsa pasi kaloi vijën anësore shkelmoi një shishe me ujë. Viniciusi nuk pranoi të shkonte drejt stolit të rezervave, por u largua menjëherë drejt dhomave të zhvjeshjes, duke shfaqur kështu hapur zemërimin e tij me trajnerin./Sport Ekspres/