Mediat serbe po shkruajnë dhe luten se Anglia do t’i bëjë një dhuratë të madhe Serbisë. Ata presin që tre luanët të mos impenjohen maksimalisht në këtë takim, në mënyrë që Serbia të dalë me të paktën një pikë dhe të shpresojë deri në ndeshjen e fundit për kualifikimin në Botëror. Por sa e mundur është kjo?
Asnjë shpresë e vetme për Serbinë, teksa trajneri i Anglisë, Tuchel, do të hedh në fushë formacionin më të mirë. Kjo pasi për Anglinë është ndeshja e fundit në shtëpi përpara se të fillojë Botërori. Trajneri i Anglisë u shpreh se e di mirë se Serbia do ta luajë këtë ndehsje si finale, por ai po e përgatit për të përsëritur fitoren 5-0 si në ndeshjen e parë në Beograd.
“Varet gjithmonë nga ne. E kemi bërë mirë punën në ndeshjen e fundit dhe do ta bëjmë përsëri tani. Për Serbinë do të jetë një ndeshje finale dhe kështu do të shohim anën e tyre më të mirë. Ne jemi përgatitur për këtë dhe shpresoj se këtë herë do të kemi edhe stadiumin me vete. është një ndeshje kualifikuese Botërori, një ndeshje në shtëpi, jemi këtu për të fituar”, tha Tuchel.
Por ka edhe një arsye tjetër se përse Anglia nuk duhet të gabojë me Serbinë dhe nuk duhet të zhgënjejë tifozët me performancën. Në ndeshjen e fundit të luajtur në Wembley, ku Anglia fitoi 3-0 me Uellsin, trajneri Tuchel nuk ngurroi që të kritikonte tifozët e Anglisë.
“Ne e dërguam rezultatin 3-0 shumë shpejt. Mund të shënonim edhe golin e 4 apo të 5, por nuk e realizuam dot. Në stadium e donin këtë gol të 4 dhe të 5 dhe pastaj qëndruan në qetësi, sepse ne nuk e realizuam dot. Mendoj se ishte shumë qetësi dhe lojtarët tanë nuk e morën energjinë mbrapsht të tifozëve të tyre, nuk na mbështetën”.Këtë herë stadiumi do të jetë i stërmbushur dhe të gjithë në Angli janë me sytë nga trajneri, për të parë se çfarë performance do të ketë. Në një moment kur steka është ngritur, Tuchel nuk do të falë asgjë dhe do të kërkojë që të vazhdojë me këtë ritëm të frikshëm të rezultateve në rrugën drejt Botërorit. Një marsh më pak Anglia mund ta ketë me shumë gjasa në ndeshjen kunër Shqipërisë në transfertë, pra në Air Albania, por kurrsesi nuk mund ta ketë në këtë moment. /Sport Ekspres/?
Author: Sportekspres.com
-
Serbia pret që Anglia t’i lërë ndeshjen, deklarata e Tuchel u shuan shpresat përgjithmonë
-
“Andorra nuk pëson më shumë se dy gola”, Silvinjo i shqetësuar para finales: Nuk rritet vetëm Shqipëria, por edhe të tjerët
Silvinjo ka dalë në konferencën për shtyp para ndeshjes së nesërme kundër Andorrës. Trajneri i Kombëtares ka bërë thirrje për kujdes nga ana e lojtarëve të tij në këtë ndeshje shumë të rëndësishme, duke përmendur faktin se Andorra pëson shumë pak gola.
“Andorra ka një trajner që po bën shumë kohë me ekipin, di t’i nxjerrë maksimumin. Lojtarët luajnë për cdo top, për cdo centimetër të fushës. është një ekip që nuk pëson më shumë se dy gola, mbrohen shumë mirë. Anglia fitoi vetëm 1-0 këtu, ndërsa edhe Serbia për pjesën më të madhe të ndeshjes ishte 1-1.
E dimë që nuk do të jetë e lehtë. Edhe në ndeshjen e parë ishte e tillë, pasi shënuam golin e dytë u qetësuam. Shqipëria është rritur shumë, Federata, rezultatet, puna flet vet. Por ndërkohë që rritemi ne, rriten edhe të tjerët. Kur luan jashtë është më e vështirë se në shtëpi, vecanërisht ne kemi më shumë rezultate të mira brenda sesa jashtë”, tha Silvinjo. /Sport Ekspres/ -
“Nuk do e besoja dot 10 vite më parë këtë moment”, Gjimshiti i emocionuar: Tre pikët nesër kundër Andorrës
Silvinjo ka dalë në konferencën për shtyp para ndeshjes së nesërme kundër Andorrës. Trajneri i Kombëtares ka bërë thirrje për kujdes nga ana e lojtarëve të tij në këtë ndeshje shumë të rëndësishme, duke përmendur faktin se Andorra pëson shumë pak gola.
“Andorra ka një trajner që po bën shumë kohë me ekipin, di t’i nxjerrë maksimumin. Lojtarët luajnë për cdo top, për cdo centimetër të fushës. është një ekip që nuk pëson më shumë se dy gola, mbrohen shumë mirë. Anglia fitoi vetëm 1-0 këtu, ndërsa edhe Serbia për pjesën më të madhe të ndeshjes ishte 1-1.E dimë që nuk do të jetë e lehtë. Edhe në ndeshjen e parë ishte e tillë, pasi shënuam golin e dytë u qetësuam. Shqipëria është rritur shumë, Federata, rezultatet, puna flet vet. Por ndërkohë që rritemi ne, rriten edhe të tjerët. Kur luan jashtë është më e vështirë se në shtëpi, vecanërisht ne kemi më shumë rezultate të mira brenda sesa jashtë”, tha Silvinjo.
Nga ana tjetër, kapiteni Gjimshiti nuk e fshehu dot emocionin për këtë moment të Kombëtares tonë. “Kemi ardhur këtu për një qëllim, të marrim 3 pikët. Na nevojiten për kualifikueset. Kemi parë ndeshjet e Andorrës kundër Anglisë apo Serbisë që i kanë vendosur në vështirësi. Do jemi me vetëbesim dhe duam të marrim 3 pikët. Duhet të jemi të fortë mentalisht. Ndeshje shumë e rëndësishme. Të japim gjithçka për të marrë 3 pikët. Nuk e besoja 10 vjet më parë për këtë moment. Gjithçka është e mundur në futboll. Na kanë ardhur disa lojtarë të fortë dhe me cilësi. E kanë vendosur në vështirësi trajnerit për të zgjedhur. Kualiteti është rritur në disa aspekte dhe është mbajtur grupi, kjo është gjëja më e rëndësishme që kemi ne”, tha Gjimshiti. /Sport Ekspres/ -
Euro U-19/ Shqipëria luan ndeshjen e parë kundër Ukrainës në “Niko Dovana”
Kombëtarja U-19 e Shqipërisë luajti pasditen e sotme ndaj Ukrainës ndeshjen e parë të raundit kualifikues për Kampionatin Europian 2026 për këtë grupmoshë.
Në takimin e zhvilluar në stadiumin “Niko Dovana”, kuqezinjtë u mposhtën me rezultatin 3–0.
Shqipëria, nën drejtimin e trajnerit Julian Ahmataj, e nisi ndeshjen me këtë formacion: Raffaele Huli (GK), Davide Avdullari, Kris Gecaj, Samuele Sina, Mattia Huqi, Gabriel Kulla, Ergis Arifi (c), Arman Durmiši, Matteo Dashi, Leon Sylejmani dhe Rikardo Sheji.
Kuqezinjtë pësuan golin e parë në minutën e 34-t. Në pjesën e dytë, skuadra u përpoq të reagonte, duke krijuar disa mundësi për shënim, por pa arritur të konkretizonte. Ukraina shënoi edhe dy gola të tjerë në minutat 74’ dhe 88’, duke vulosur rezultatin përfundimtar 3–0.
Në ndeshjen tjetër të luajtur sot, Sllovakia mposhti Malin e Zi në “Arena Egnatia” me rezultatin 3-0. Të gjitha ndeshjet e grupit B5 po zhvillohen në vendin tonë nën organizimin e FSHF-së dhe UEFA-s.
Takimet e dyta të këtij grupi do të luhen më 15 nëntor. Shqipëria do të përballet me Sllovakinë në “Niko Dovana” në ora 14:00 ndërsa Mali i Zi luan kundër Ukrainës në “Arena Egnatia” në ora 12:00.
Sfida Shqipëri – Sllovaki do të transmetohet live në FSHF TV. -
Nuk ka asnjë shans për të dështuar objektivi, koeficentet flasin për fitoren e pastër të Shqipërisë
Shqipëria do të përballet nesër kundër Andorrës në transfertë. Një ndeshje e madhe për Kombëtaren tonë, e cila do të kërkojë që për herë të parë të shkojnë në Play Off-in e Botërorit.
Kjo do të ishte një arritje e madhe për ne, ndërsa nga ana tjetër duhet që Anglia të mos gabojnë kundër Serbisë në shtëpi. Sa i përket koeficenteve, flasin për një fitore të pastër të Kombëtares tonë. Fitorja e Andorrës kuotohet me 11.00, barazimi me 4.00 dhe fitorja e Shqipërisë me 1.25. /Elio Hajdari-Sport Ekspres/ -
Myrto Uzuni është gati të kthehet në elitën e futbollit europian, e kërkon klubi i Serisë A
Myrto Uzuni mund t’i befasojë të gjithë në merkaton e ardhshme. Lojtari shqiptar po mendon largimin nga SHBA-të. Sipas “TuttoCagliari.net”, Uzuni i ka shprehur njerëzve të tij të afërt dëshirën për t’u larguar nga MLS-ja në fund të këtij viti.
Sulmuesi kuqezi pritet të rikthehet në elitën e futbollit europian. Mësohet se emri i tij gjendet në listën e Kaljarit. Klubi i Serisë A po shqyrton mundësinë e një huazimi në janar, në mënyrë që deri në fund të sezonit të shihet ndikimi i tij në skuadër. Në rast se Uzuni do të përshtatet me sukses, atëherë në verë mund të kryhet një ofertë zyrtare për kartonin e tij./Sport Ekspres/ -
Berat Gjimshiti bëhet me trajner të ri në Itali, shkarkohet Juriç pas humbjes me Sasuolon
Atalanta nuk po gjen më qetësi pas largimit të Gasperinit. Ekipi nga Bergamo po has shumë vështirësi në rezultate teksa në kohët e fundit është duke vuajtur për fitoren në Serinë A. Një humbje tërësisht e befasishme ndaj Sasuolos në shtëpi, 0-3, bëri që trajneri Juric të shkarkohej menjëherë.
Në 8 ndeshjet e fundit, Atalanta numëron vetëm një fitore, në Champions League kundër Marsejës. Ndërkohë situata në kampionat është shumë e keqe pasi Atalanta ndodhet në vendin e 13. Tani Berat Gjimshiti bëhet me trajner të ri pasi do të jetë Raffaele Palladino i ulur në stolin e skuadrës. /Sport Ekspres/ -
Skandali i madh me rastin e Lamine Yamal, Barcelona fshehu dëmtimin, tërbohet Federata Spanjolle e Futbollit
Në ekipin kombëtar spanjoll ka një trazirë të vërtetë për shkak të rastit të Lamine Yamal, yllit të Barcelonës dhe njërit prej lojtarëve më të talentuar të gjeneratës së re. Për javë të tëra, mund të ndihej se marrëdhëniet midis trajnerit Luis De la Fuente dhe trajnerit të Barcelonës Hansi Flick nuk ishin më të mirat.
Në qendër të tensioneve të tyre ishte përsëri Lamine Yamal. Këtë herë situata u përshkallëzua deri në pikën e konfliktit të hapur midis ekipit kombëtar dhe klubit. Në fakt, Yamal ka vuajtur nga një dëmtim në ijë për njëfarë kohe. Megjithatë, askush nga Barcelona nuk e informoi ekipin mjekësor të ekipit kombëtar spanjoll për këtë.Vetëm të hënën, pikërisht ditën e mbledhjes, Federata mori një raport të habitshëm nga klubi katalanas, dhe shumë vonë. Sipas dosjes, Yamal iu nënshtrua një trajtimi invaziv me radiofrekuencë po atë mëngjes për të lehtësuar dhimbjet.
Mjekët e Barcelonës rekomanduan që ai të pushonte midis shtatë dhe dhjetë ditëve. Problem? Mjekët përfaqësues mësuan për gjithçka vetëm vonë në mbrëmje, disa orë para mbledhjes së ekipit kombëtar. /Elio Hajdari-Sport Ekspres/ -
Raundi i parë i kualifikueseve të Euro 2026 U-17/ Shqipëria barazon 1-1 me Holandën
Kombëtarja shqiptare U-17 e nisi me barazim raundin e parë të kualifikueseve të Kampionatit Europian 2026. Kuqezinjtë barazuan 1-1 me Holandën në “Sportski park NK Grani?ar” në Kotoriba. Golin për Shqipërinë e realizoi Dion Vata.
Trajneri Fatjon Tafaj e nisi ndeshjen me këtë formacion titullar: Xhoel Mezani (GK), Kostantinos Varesi (C), Ettore Pierro Dennis, Petro Marku, Dion Vata, Mattias Allasufi, Armend Muslika, Frensi Mali, Klejton Uruci, Sokol Uldedaj, Ermal Ymeri.
Holanda kaloi në avantazh në minutën e 11-të me golin e Schaken, ndërsa pjesa e parë u mbyll me shifrat 1-0. Në pjesën e dytë, kuqezinjtë reaguan dhe barazuan rezultatin në minutën e 52-të me Dion Vatën.
Skuadra kuqezi zhvilloi një paraqitje shumë të mirë, duke tentuar sërish portën kundërshtare dhe u mbrojt mirë për të shmangur çdo rrezik deri në fund. Takimi u mbyll me rezultatin 1-1.
Ndeshja e dytë e Kombëtares U-17 në grup do të luhet ndaj Kroacisë më 14 nëntor në ora 11:30, ndërsa përballja e fundit do të jetë ndaj Kazakistanit më 17 nëntor në ora 11:30. -
Kategoria e Parë/ Ky është formacioni & trajneri më i mirë i javës së 11-të
Trajnerët e ekipeve kombëtare kanë përzgjedhur formacionin dhe trajnerin më të mirë të javës së 11-të në Kategorinë e Parë sipas skemës 1-5-3-2.
Si portier i javës është përzgjedhur ai i ekipit të Burrelit, Sinan Dani.
Treshja e mbrojtjes përbëhet nga Alessandro Kacbufi (Kastrioti), Silas (Burreli) dhe Arlind Kurti (Laçi)
Në vijën e mesfushës rreshtohen pesë lojtarët: Redi Kaçanolli (Lushnja) Siaw (Burreli), Rodrigo Migone (Besa), Edmond Hoxha (Kastrioti) Foti Çuçka (Skënderbeu)
Sakaq, në vijën ofensive qëndrojnë dy sulmuesit Nassr (Skënderbeu), Taulant Marku (Korabi), ndërsa trajneri më i mirë, Ernest Gjoka.