Kombëtarja shqiptare e Futsallit do të luajë nesër ndeshjen e fundit të fazës kualifikuese në Grupin B6, përballë Danimarkës, e vlefshme për Kampionatin Europian “Futsal Euro 2026”.
Skuadra kuqezi është grumbulluar që prej së mërkurës në Prizren dhe ka vijuar përgatitjet për këtë sfidë të fundit, të cilat janë mbyllur sot.
Të gjithë lojtarët janë në gjendje optimale dhe në dispozicion të stafit teknik për sfidën ndaj danezëve.
Ndeshja Shqipëri – Danimarkë do të zhvillohet nesër, më 12 prill, në sallën e sportit “Mizahir Isma” në Rahovec, Kosovë, në ora 19:00.
Author: Sportekspres.com
-
Kualifikueset e Futsallit / Shqipëria mbyll përgatitjet për ndeshjen e fundit ndaj Danimarkës
-
“Reali nuk fiton dot këtë herë”, Rio Ferdinandi duket i bindur: I duhen 5 gola për të eleminuar Arsenalin
Reali i Madridit gjendet buzë eleminimit në Ligën e Kampionëve. Humbja 3-0 kundër Arsenalit në ndeshjen e parë kanë ngritur pikëpyetje të mëdha për kualifikimin e “mbretërve” të Europës. Rio Ferdinandi mendon se përmbysja nuk është një opsion i realizueshëm, pavarësisht se Reali i Madridit ka kryer shpesh kthime të rezultateve. Sipas ish-mbrojtësit anglez, “los blancos” e kanë të vështirë të mos pësojnë gol dhe për këtë arsye do t’u nevojiten 5 gola për t’u kualifikuar përballë Arsenalit.
“Nuk besoj se Reali i Madridit mund të fitojë këtë herë, duke ditur që ata nuk mund të mbajnë portën të paprekur. Ata duhet të shënojnë 4 gola për të barazuar ndeshjen dhe për ta dërguar me penallti, ose 5 për të fituar. Nuk mendoj se kjo është e realizueshme”, ka deklaruar Rio Ferdinandi./Sport Ekspres/ -
“Europa? Nuk duhet të flasim shumë, kemi folur mjaft deri tani”, trajneri i Milanit: Fitorja më e rëndësishme nuk ka ardhur ende
Milani ka marrë një fitore bindëse kundër Udinezes. Kuqezinjtë kanë fituar me shifrat 0-4 në transfertë, duke dhënë sinjale pozitive për garën për Kupat e Europës. Megjithatë Serxho Konseisao është përpjekur ta shmangë temën e kualifikimit për në Europë. Trajneri portugez ka deklaruar pas ndeshjes se nuk duhet të flasin shumë për objektivat, por duhet të pënojnë për t’i arritur ato.
“A besojmë te Europa? Le të mendojmë për të punuar. Nuk duhet të flasim shumë. Kemi folur shumë deri më tani. Ato çfarë kanë rëndësi janë rezultatet. Duhet të përqendrohemi vetëm te ndeshjet. Fitorja më e rëndësishme nuk ka ardhur ende”, ka deklaruar Serxho Konseisao./Sport Ekspres/ -
Milani rikthehet te fitorja me goleadë, “djali” jep mesazh për garën ‘Champions’
Milani është rikthyer te fitorja në kampionat. Kuqezinjtë kanë mposhtur Udinezen me goleadë. “Djalli” ka fituar me shifrat e thella 0-4 në transfertën e sotme, ku ka dhënë një mesazh për garën për vendin e 4-t.
Leao (42’), Pavloviçi (45’), Teo Hernandezi (74’) dhe Rajndersi (81’) ishin autorët e golave për Milanin. Kuqezinjtë mbeten në vendin e 9 në renditje, me 51 pikë të grumbulluara. Pjesëmarrja në Ligën e Kampionëve është vetëm 6 pikë larg për Milanin, por skuadrat që renditen sipër tij në Serinë A kanë nga një ndeshje më tepër në dispozicion për të zhvilluar./Sport Ekspres/ -
VIDEO/ Përplasja e fortë e lojtarëve të Milanit që krijoi panik, Maignan u largua me barrelë për në spital
Momente paniku në sfidën mes Udinese-s dhe Milanit. Mike Maignan dhe Gimenez-i janë përplasur me njëri-tjetrin në përpjekje për të larguar topin. Goditja mes tyre ka qenë mjaft e fortë, teksa të dy lojtarët e Milanit kanë rënë menjëherë përdhe, duke humbur edhe vetëdijen për pak çaste.
Mjekët kanë ndërhyrë menjëherë për t’u kujdesur për shëndetin e dy futbollistëve. Maignan e kishte të pamundur të vijonte ndeshjen, teksa u largua me barrelë nga fusha e lojës, për t’u transportuar më pas drejt spitalit. Në orët në vazhdim pritet të mësohen detaje të reja për gjendjen shëndetësore të portierit të Milanit./Sport Ekspres/ -
Grilish dhe Fodeni u fyen nga tifozët, Guardiola: Është një botë e çmendur, po ndodh kudo
Pep Guardiola është pyetur në konferencë për shtyp për fyerjet që Grilishi dhe Fodeni përjetuan në derbin e fundit kundër Mançester Junajtedit. Trajneri i “qytetarëve” ka deklaruar se tashmë po jetojmë në një botë të çmendur dhe situata të tilla po ndodhin kudo, jo vetëm në sport.
“Po ndodh kudo. Është një botë e çmendur, apo jo? Po ndodh kudo në botë, jo vetëm në sport. Askush nuk është jashtë sulmeve. Nuk bëhet fjalë për Mançester Junajtedin. Ka ndodhur edhe në klubin tonë. Nuk është problemi i klubit në veçanti apo i sportit. Po ndodh kudo. Mjafton të hidhni një sy rrotull dhe do ta vëreni. Grilishi dhe Fodeni nuk janë ndjerë mirë, por po shohim përpara”, ka deklaruar Pep Guardiola./Sport Ekspres/ -
VIDEO/ Dy prekje klasi dhe një parabël, Xhuliano Skuka rikthehet si dikur me super golin në Rumani
Xhuliano Skuka ishte një prej atyre prodhimeve në futbollin shqiptar që shkroi historinë me shifrën e transferimit te Metz. Situata nuk shkoi ashtu si pritej dhe karriera e këtij sulmuesi ka pasur disa luhatje të mëdha.
Aktualisht Skuka po luan në Rumani te Poli Iasi dhe sot ka arritur të shënojë golin e dytë në kampionat. Poli Iasi po fiton 0-1 ndaj Gloria Buzau, teksa goli i vetëm është shënuar nga Skuka. Pas një gabimi të mbrojtësit vendas, Skuka e nuhati situatën dhe me dy prekje klasi dhe një parabël, e dërgoi topin në rrjetë, duke marrë edhe duartrokitjet e trajnerit të tij. Kishim kohë pa parë një gol të tillë nga Xhuliano Skuka… /Elio Hajdari-Sport Ekspres/ -
Firma e fundit që do të hedh në kontratë, Hansi Flick e mbyll karrierën si trajner me Barcelonën
Hansi Flick është duke grumbulluar disa rezultate mbreslënëse me Barcelonën. Javën e ardhshme, drejtuesit e Barcelonës do të zhvillojnë një takim me të dhe tema e bisedës do të jetë vazhdimi i bashkëpunimit. Sipas asaj që raportojnë mediat spanjolle, drejtimi i Barcelonës do të jetë puna e fundit në karrierën e Hansi Flick si trajner.
Barcelona do t’i zgjasë kontratën aktuale Flick deri në vitin 2027 dhe me opsion për një sezon tjetër. Edhe vetë trajneri është shumë i lumtur me rezultatet e arritura deri tani dhe punën te Barcelona, ndërsa sipas asaj që flitet në Spanjë, pasi të mbarojë këtë eksperiencë në Barcelonë, Flick do ta mbyll përfundimisht me trajnimin. /Elio Hajdari-Sport Ekspres/ -
VIDEO/ Skena e Beogradit Serbi-Shqipëri përsëritet në Copa Libertadores, ekipi i Brazilit e pëson si Shqipëria
Nëse futbolli në Europë arrin nivelin më të lartë, jashtë Europës, është përjetimi i vërtetë, ai i çmendur, i tifozëve që tejkalojnë cdo fantazi vetëm për të parë një ndeshje futbolli. Jo më kot stadiumet që japin pamje të çmendur dhe që të rrënqethin duke shkaktuar presion të madh mbi lojtarët nuk janë as Camp Nou dhe as Santiago Bernabeu, por ai i River Plate dhe ekipeve të tjera të ngjashme ku brohorimat janë të frikshme.
Në mbrëmjen e djeshme është luajtur një ndeshje në Copa Libertadores, Colo Colo-Fortaleza, një ekip i Kilit që priti një ekip nga Brazili, dhe pamja ishte e ngjashme mes asaj mbrëmje të paharrueshme të Beogradit, Serbi-Shqipëri. Por këtë herë situata ishte edhe më dramatike pasi u shkaktua një tragjedi.
Para ndeshjes, 150 veta që nuk kishin arritur të siguronin biletë u munduan të shkaktonin kaos dhe të hynin në stadium duke carë rrethimin e policisë. Më pas një makinë policie me gaz lotsjellës është munduar të hyjnë në atë kaos për të shpërndarë njerëzit dhe thuhet se kjo makina ka goditur dy fëmijë që kanë ndërruar jetë në vend, një djalë 18 vjecar dhe një vajzë 13 vjecare.
Dhe arsyeja e vetme është se donin të hynin në stadium pa biletë. Aktualisht autoritet po hetojnë rastin në fjalë dhe polici që drejton makinën nuk është arrestuar ende. Ndërkohë gjatë ndeshjes me pamjet që afrojnë me atë që ndodhi në Beograd, ishte pikërisht e njëjta skemë, por pa dronin e famshëm.
Në minutën e 72, kur rezultati ishte 0-0, disa incidiente po ndodhnin në tribunë e tifozëve vendas dhe arbitri ndërpreu ndeshjen. Për fatin e mirë, lojtarët e Fortalezas kuptuan se rrethimi i stadiumit u ça dhe tifozët po hynin brenda. Kështu ata vrapuan para kohe me vrap drejt dhomave të zhveshjes, por vendi ku ndodhej tuneli për t’u larguar nuk ishte aspak në pozicion të favorshëm. Ata duhej të shkonin shumë afër vendit ku ndodheshin tifozët e Colo Colo-s, për të rritur shansin e përplasjes.?Ashtu si edhe në Beograd, tifozët hynë dhe goditën lojtarët e Fortalezas, por për fat këto raste ishin shumë të pakta pasi ata e kapën më shpejt në kohë skenën e futjes së tifozëve. Gjithashtu një tjetër ndryshim nga ngjarja e Beogradit dhe Europa, në këtë rast ishin edhe shumë huligane femra që hynë në fushë për të shkelmuar lojtarët kundërshtarë. Sikur të mos mjaftonte e gjitha kjo, organizatorët kërkuan në fillim që të zbrazej stadiumi dhe ndeshja të riluhej ku u la, por në fund lojtarët e Fortalezas nuk dolën dhe ndeshja u shty. /Sport Ekspres/ -
Elseid Hysaj bie ndaj Bodo Glimtit që mbylli karrierën e Kumbullës me Murinjon, edhe shkodrani merr notën 4: U dominua në krahun e tij
Elseid Hysaj u rikthye në një super nivel dhe po bënte ndeshje të nivelit të lartë pasi trajneri i Lacios, Baroni, e përjashtoi për disa muaj nga ekipi. Shkodrani i bëri vend vetes dhe me sjelljen profesioniste, arriti që të bind Baronin se ka ende për të treguar në kryeqytetin italian.
Megjithatë ndeshja e parë e errët në rikthimin e Hysajt ishte ajo e djeshmja në Europa League kundër Bodo Glimtit. Rezultati ishte 0-0, Hysaj u zëvendësua në minutën e 46 pasi hyri si titullar dhe më pas vendasit shënuan 2 gola për 2-0. Megjithëse të jep panoramën e një ndeshje të mirë të Hysajt, në fakt nuk ishte kështu.
Hysaj mori notën 4 nga mediat prestigjoze në Itali, teksa thuhet: “Bodo Glimti dominoi tërësisht në krahun e Hysajt dhe shqiptarit hyri në gjendje paniku, duke u përpjekur të marrë masat për të ndaluar Hauge. I pasaktë, zëvendësimi ishte zgjedhje e goditur”, thuhet në vlerësim. Gjithashtu vlen të theksohet se shqiptarët nuk kanë një histori të bukur nga Bodo Glimti. Para disa vitesh, Marash Kumbulla bëri një paraqitje katastrofale ndaj Bodo Glimtit në turpërimin e Romës, aq sa Murinjo nuk ngurroi ta quante si një lojtar që dukej se ishte pjesë e Serisë B. /Sport Ekspres/
-
Fati i buzëqesh Etrit Berishës! U transferua në Suedi pas shumë kohësh pushimi, zbulohet prapaskena e firmës së re
Etrit Berisha ka gjetur ekipin e ri pas shumë kohësh pushimi. Gardiani i Kombëtares ka lënë Italinë dhe është rikthyer në Suedi, në vendin ku De Biazi e gjeti dhe ku më pas bëri një karrierë jo pak të shndërritshme.
Tani Berisha duhet të rikthehet në Suedi dhe është fati që e ka ndihmuar jo pak. Portieri kuqezi do të jetë pjesë e Hacken në elitën e Suedisë. Arsyeja e transferimit është dëmtimi i portierit kryesor të Hacken, Andreas Linde.
Një portier që ka shkëlqyer me Hacken, por i cili tani është dëmtuar dhe do të mbetet jashtë për disa muaj. Kështu Berisha shkon te Hacken me fanellën e titullarit dhe do të ketë kohën në dispozicion për të bindur klubin që të jetë ai titullar. /Sport Ekspres/ -
FSHF mirëpret turneun “UEFA Development” U-16 për djem, marrin pjesë Shqipëria, Kosova, San Marino & Andorra
Pas turneut “UEFA Development” U-16 për vajza, Federata e Futbollit do të organizojë në ambientet e “Shtëpisë së Futbollit” edhe turneun “UEFA Development” U-16 për djem, në datat 20 – 25 prill.
Ekipet pjesëmarrëse të turneut janë Shqipëria, Kosova, San Marino dhe Andorra.
Ndeshjet e para do të luhen më 20 prill. San Marino – Kosova do të përballen në orën 11:30, ndërsa Shqipëria do të luajë ndaj Andorrës në orën 15:00.
Takimet e dyta do të zhvillohen më 22 prill. Ndeshja e parë e ditës është Kosovë – Andorra në orën 11:30, ndërsa Shqipëri – San Marino do të luhet në orën 15:00.
Sfidat e fundit të turneut do të luhen më 25 prill. Andorra – San Marino është programuar në orën 11:30, ndërsa Shqipëri – Kosovë në orën 15:00.
Të gjitha ndeshjet do të luhen në “Shtëpinë e Futbollit”. “UEFA Development” është një turne zhvillimor që i jep mundësinë lojtarëve të masin forcat me bashkëmoshatarët e tyre. -
Partizani-Egnatia dhe Vllaznia-Dinamo, njihuni me ndeshjet e javës në Superiore
Kampionati “Abissnet Superiore” ka hyrë në fazën më vendimtare të sezonit, teksa kanë mbetur vetëm tre javë nga fundi. Gara është bërë shumë interesante, me luftë të fortë si për një vend në “Final Four” ashtu edhe për mbijetesën.
Java e 34-t që do të luhet këtë të shtunë, në orën 15:30, sjell përballje shumë interesante dhe vendimtare. Katër vendet e para të renditjes do të përballen mes tyre, në dy sfida që priten me shumë interes.
Kryesuesit e Egnatias do të udhëtojnë drejt “Arenës së Demave” për t’u përballur me Partizanin, ndërkohë që në “Loro Boriçi” Vllaznia do të presë Dinamo City-n. Vllaznia është shumë pranë realizimit të objektivit për të qenë në “Final Four”, ndërsa për Partizanin situata është komplikuar ndjeshëm pas humbjes në derbin me Tiranën. Tashmë, diferenca me AF Elbasanin është vetëm një pikë. AF Elbasani do të luajë këtë javë në shtëpi ndaj Bylisit.
Ndërkohë, dy duele vendimtare për mbijetesën do të zhvillohen në Korçë dhe Durrës. Skënderbeu do të presë Tiranën, ndërsa në “Niko Dovana”, Teuta do të përballet me Laçin.
JAVA 34
Vllaznia – Dinamo City 12.04.2025 15:30
Teuta – Laçi 12.04.2025 15:30
Skënderbeu – Tirana 12.04.2025 15:30
Partizani – Egnatia 12.04.2025 15:30
AF Elbasani – Bylis 12.04.2025 15:30 -
Legjenda e Mançesterit i ashpër me Onanën: Ta kishte qepur gojën para ndeshjes, nuk e di ç’kërkonte te bënte
Andre Onana ka rënë përsëri pre e kritikave. Gabimi i tij në fund të ndeshjes kundër Lionit i kushtoi shumë Mançester Junajtedit. “Djajtë e kuq” ishin duke udhëhequr me shifrat 1-2 deri në sekondat e fundit të ndeshjes, kur Lioni shënoi si pasojë e gabimit të kryer nga portieri kamerunas.
Pol Skullsi është treguar i ashpër me Onanën pas përfundimit të ndeshjes. Legjenda e Mançester Junajtedit i është referuar gjithashtu edhe deklaratave të portierit përpara kësaj sfide. Onana u shpreh se Junajtedi është superior në të gjitha aspektet në krahasim me Lionin. Por gabimi i tij nuk përputhet me deklaratën e dhënë.
“Me shumë mundësi, pasi mbaroi ndeshja ai do të kishte dëshiruar që ta kishte qepur gojën. Nuk jam i sigurt se çfarë u përpoq të bënte. Është një gabim i tmerrshëm prej tij”, ka deklaruar ndër të tjera Pol Skullsi./Sport Ekspres/ -
“Flasin shumë, sepse na kanë zili”, Marota: Inzagin e kemi marrë me fat
Xhuzepe Marota i ka dhënë përgjigje zërave që flasin për një falimentim të Interit. Presidenti i zikaltërve ka deklaruar se kemi të bëjmë vetëm me fjalë që vijnë prej zilisë. Ai shpjegon se klubi ka financa të shëndosha dhe çdo gjë shkon normalisht. Marota gjithashtu ka folur edhe për Simone Inzagin, për të cilin shprehet se i ndihmoi edhe fati për ta marrë në krye të pankinës.
“Flasin shumë. Është kultura tipike e zilisë. Kurrë nuk kemi rrezikuar asgjë. Kemi një hua, të cilën e kontrollojmë shumë mirë. Nuk jemi debitorë kundrejt furnitorëve, kundrejt bankave. E paguajmë borxhin tonë rregullisht. Inzagi? Ishim me fat që firmosëm me Inzagin në kohën e duhur. Kur Kontja u largua nuk kishte shumë mundësi. Ai (Inzagi) ishte duke rinovuar me Lacion, por fatmirëisht nuk kishte firmosur ende. Ai është i ri, por i ka të gjitha njohuritë që duhen, madje edhe në menaxhim”, ka deklaruar Xhuzepe Marota./Sport Ekspres/ -
VIDEO/ Onana i heq fitoren nga duart Mançesterit në sekondat e fundit, nuk kontrollon dot topin në zonë
Andre Onana është sërish protagonisti kryesor i Mançester Junajtedit. Portieri i “djajve të kuq” ka hedhur në erë në pak sekonda të gjithë punën e bërë nga skuadra përgjatë lojës. Skuadra angleze ishte duke udhëhequr me shifrat 1-2 në transfertën kundër Lionit dhe po priste nga çasti në çast vërshëllimën e trefishtë të arbitrit. Por në sekondat e fundit të lojës, gabimi i portierit kamerunas i ka hequr nga duart fitoren ekipit të tij.
Onana nuk arrin dot të kontrollojë topin pas një goditjeje të kundërshtarit, duke e lënë sferën në zonën e tij. Çerki u gjend në vendin e duhur dhe në kohën e duhur për ta dërguar topin në rrjetë. Lioni fiksoi shifrat në 2-2, duke e mbyllur në baraspeshë ballafaqimin e parë, të vlefshëm për çerekfinalet e Ligës së Europës./Sport Ekspres/ -
Elseid Hysaj e nisi titullar në krahun e majtë të mbrojtjes, Lacio humbet pas daljes së shkodranit nga fusha
Elseid Hysaj është rikthyer me fanellën e titullarit te Lacio. Mbrojtësi shkodran ka lënë pas dëmtimin dhe tashmë ka nisur të marrë minutat e tij me bardheklatrit. Mbrojtësi i Kombëtares shqiptare u përzgjodh nga minuta e parë në krahun e majtë të prapavijës.
Hysaj luajti 45 minuta në sfidën e sotme të Lacios kundër Bodo/Glimtit, e vlefshme për Ligën e Europës, ndërsa me fillimin e pjesës së dytë la fushën e lojës.
Ndeshja përfundoi me fitoren 2-0 të norvegjezëve. Bodo/Glimti tundi rrjetën e italianëve dy herë në pjesën e dytë të lojës. Saltnesi ishte autori i golave, të cilët u shënuan në minutën e 47 dhe të 70./Sport Ekspres/ -
Lojtari i Kombëtares debuton titullar me ekipin e parë të Benfikës, mban rrjetën e paprekur në gjysmëfinale të Kupës së Portugalisë
Benfika ka marrë një fitore të thellë 0-5 në transfertën kundër Tirsenses në gjysmëfinale të Kupës së Portugalisë. Titullar në këtë sfidë ishte edhe Adrian Bajrami. Mbrojtësi i Kombëtares shqiptare ka zhvilluar mbrëmjen e djeshme ndeshjen e tij të parë si titullar me Benfikën.
Bajrami ka luajtur 90 minuta të plota me gjigantin portugez, i cili duket se e ka pjesë të rëndësishme të projektit. Mbetet për t’u parë se cili do të jetë minutëzhi që 23-vjeçari do të marrë në 7 ndeshjet e mbetura deri në fund të sezonit./Sport Ekspres/ -
A do të jetë drejtor sportiv i Milanit? Igli Tare buzëqesh dhe e nis punën duke folur për trajnerin e Interit: Nuk është ende një nga më të mirët
Igli Tare ka folur në mediat italiane sa i përket zërave që e dërgojnë si drejtor sportiv i Milanit. Shqiptari është kthyer si një prej favoritëve për ta marrë këtë post pasi ra pista e Paraticit. Gjithashtu kur është pyetur në lidhje me këtë temë, Tare ka buzëqeshur dhe ka shmangur detajet, duke konfirmuar bisedat që po kryhen dhe shanset reale që ekzistojnë. Nga ana tjetër, “puna ka filluar” teksa Tare tha se trajneri i Interit, Inzaghi, nuk është ende një prej më të mirëve.
“Milani? Nuk mund të them asgjë (qesh). Kanë një skuadër të mirë dhe mund të konkurrojnë për Skudeton. Trajnerët më të mirë në Itali? Allegri dhe Conte. Napoli ka një ekip që nuk është mjaftueshëm i mirë për Skudeton, por janë aty. Pika e fortë është Konte, fenomen. Ndërkohë Simeone Inzaghi është i destinuar për sukses, ia kam thënë me kohë Lotitos kur ishte te Lacio. Ka ende rrugë për të që të bëhet një nga më të mirët”, tha Tare. /Elio Hajdari-Sport Ekspres/
-
Perla e Lewandowski-t: I kam thënë Yamal, mund të kërcej me mua vetëm kur të shkojë 18-vjeç
Në ndeshjen e parë çerekfinale të Champions League, Barcelona mposhti Borussia Dortmundin me rezultatin 4-0. Barcelona kaloi në epërsi në minutën e 25-të me golin e Raphinha-s, pasuar nga mjeshtëria e Robert Lewandowski, i cili shënoi dy gola në më pak se njëzet minuta.
Për fundin e ndeshjes mendoi Lamine Yamal në minutën e 77-të kur shënoi një gol të bukur për 4-0 me asistimin e Raphinhas. Pas ndeshjes, një Lewandowski dukshëm i lumtur qëndroi para kamerave dhe komentoi ndeshjen, duke përfshirë arsyen pse ai nuk donte të kërcente në fushë me të riun Yamal gjatë festimit të golit.
“Sepse ai nuk i ka mbushur ende 18 vjet (Yamal). Do të presim derisa të mbushë 18 vjeç, pastaj mund të rrimë. I thashë – Lamine, kur të bësh 18 mund të kërcejmë diku tjetër”, tha polaku i buzëqeshur. /Elio Hajdari-Sport Ekspres/