Presidenti i Republikës Bajram Begaj ka marrë sot, më 15 gusht, një letër nga homologu amerikan Donald Trump.
Në mesazhin e tij Trump thekson angazhimin për të vazhduar bashkëpunimin SHBA-Shqipëri, bazuar në miqësinë, aleancën dhe respektimin e idealeve mbi të cilat është ndërtuar dhe funksionon kombi amerikan.
“Duke mbrojtur sovranitein, begatinë dhe paqen përmes forcës, së bashku ne mund të të arrijmë të pamundurën.
Me kënaqësi pres të vazhdojmë bashkëpunimin tonë me qëllim ndërtimin e një të ardhmeje më të sigurtë, më të qëndrueshme dhe me të suksesshme”, shkruan presidenti amerikan në letrën drejtuar Begajt.
Kjo letër e Trump-it, vjen vetëm pak kohë pas mesazhit që Begaj ndau për 249-vjetorin e Ditës së Pavarësisë së SHBA-ve.
Letra e Trump-it për Begajn vjen në ditën që do të mbahet Samiti mes tij dhe presidentit rus Vladimir Putin, që do të zhvillohet sonte në Alaskë.
Trump ka thënë se pret që Putin ta marrë seriozisht këtë takim dhe ka paralajmëruar për “pasoja shumë serioze” për Moskën nëse lideri rus refuzon të ndërmarrë hapa drejt përfundimit të luftës./tvklan
Author: Opinion.al
-
Trump letër Begajt: Pres me padurim të ndërtojmë së bashku të ardhmen
-
Vrau të bijën shtatzënë, Doksan Dushku kërkon ulje dënimi nga Gjykata e Lartë
Rreth 11 vite pas ngjarjes së rëndë, Doksan Dushku kërkon zbutje të dënimit të tij me 16 vite burg që mori nga Gjykata për Krimet e Rënda për vrasjen e vajzës së tij shtatzënë në vitin 2014 në fshatin Sllatinë, Dibër.
Sipas Klan News mësohet se Dushku ka paraqitur sot një kërkesë në Gjykatën e Lartë përmes së cilës kërkon shfuqizim të vendimit të Shkallës së Parë dhe Apelit të Gjykatës për Krimet e Rënda, për shkak të shfuqizimit nga Kushtetuesja të një paragrafi të nenit për bashkimin e dënimeve në Kodin e Procedurës Penale.Aktualisht Dushku është duke vuajtur dënimin me 24 vjet burg, që nga gjykimi i shkurtuar u ul në 16. Përfundimisht ai kërkon një dënim me 21 vite burg, që nga gjykimi i shkurtuar shkon në 14 vjet.
Nëse kërkesa e tij pranohet, Doksan Dushkut nuk i mbetet më aq shumë kohë për të qëndruar në qeli, për shkak se ka bërë 11 vite në burg deri më tani.
Ngjarja e rëndë ndodhi 11 vite më parë në fshatin Sllatinë (Komuna Sllovë) të Dibrës. Fillimisht u raportua se 21-vjeçarja Fatmira Dushku kishte gjetur vdekjen për shkaqe natyrore, por pas ekspertizës mjeko-ligjore rezultoi se vajza ishte qëlluar me breshëri kallashnikovi në pjesën e kraharorit.
Policia arrestoi babain e vajzës dhe dy vëllezërit e saj, në momentin që këta të fundit po i drejtoheshin varrezave të fshatit për të kryer ceremoninë mortore.
61-vjeçari Doksan Dushku pranoi se kishte shtënë me armë ndaj vajzës së saj pasi mori kishte marrë vesh se ajo ishte shtatzënë.
Dushku u tha hetuesve se vajza kishte shkelur nderin e familjes dhe për këtë arsye ai kishte vendosur ta vriste. -
Vrasja e 14-vjeçarit në Maliq/Si u tentua të fshihej krimi nga familjarët e autorit
Policia ka vënë në pranga tetë persona, një ditë pas ngjarjes së rëndë që ndodhi në Maliq, ku u vra me thikë një 14-vjeçar nga një bashkëmoshatar i tij.
Përmes një komunikate për mediat, policia bën me dije se është arrestuar 14-vjeçari i dyshuar për krimin, i cili pas ngjarjes tentoi të largohej me automjet.
Si nisi debati mes adoleshentëve
Dy të miturit janë përleshur më 14 gusht brenda ambienteve të një lokali, në fshatin Pirg të Maliqit. Për pasojë, njëri prej tyre ka humbur jetën.
Mësohet se viktima është goditur disa herë me thikë, ndërsa i mituri tjetër ka mbërritur në spital me shenja grushti në fytyrë.
Gazetarja e Klan News-it, Daniela Zisi, raportoi se dy të miturit kanë pasur një konflikt të mëparshëm dhe debate të vazhdueshme. Prandaj, ishin takuar në lokal për të sqaruar mosmarrëveshjen.
Ngjarja e Maliqit nuk është e para që alarmon vendin tonë lidhur me incidentet mes të miturve.
Kujtojmë rastin e 14-vjeçarit M.C., i cili u vra më 18 nëntor 2024, vetëm disa metra larg shkollës 9-vjeçare “Fan Noli” në Tiranë.
Ai u qëllua nga bashkëmoshatari i tij, M.P., i cili po gjykohet për veprën penale “vrasje në rrethana cilësuese ndaj dy ose më shumë personave”./tvklan -
Khamenei i gatshëm për dialog me SHBA-në mbi marrëveshjen bërthamore
Udhëheqësi më i lartë i Iranit, Ali Khamenei, ka dhënë dritën jeshile për rinisjen e bisedimeve me Shtetet e Bashkuara lidhur me marrëveshjen bërthamore, sipas burimeve të afërta me udhëheqjen iraniane, raportoi Reuters.
Ky zhvillim përfaqëson një lëvizje strategjike për Teheranin, pasi zyrtarët e tij më të lartë e konsiderojnë dialogun me Uashingtonin si rrugën më të sigurt për të shmangur një krizë të re diplomatike dhe për të ruajtur stabilitetin e regjimit.
Marrëveshja bërthamore e vitit 2015, e njohur si JCPOA, u arrit pas negociatave mes Iranit dhe gjashtë fuqive kryesore botërore. Dokumenti parashikonte që Irani të kufizonte aktivitetet e tij bërthamore në këmbim të lehtësimit të sanksioneve ndërkombëtare.
Megjithatë, në vitin 2018, SHBA u tërhoq nga pakti dhe vendosi sanksione të reja ndaj Teheranit, duke shkaktuar përshkallëzim të tensioneve dhe veprime të njëanshme nga Irani që dolën jashtë kushteve të marrëveshjes.
Që prej atëherë, përpjekjet për të rifilluar marrëveshjen kanë ngecur për shkak të mospajtimeve mbi shkallën e heqjes së sanksioneve dhe kërkesave për garanci të reja.
Vendimi i Khamenei për të lejuar rifillimin e bisedimeve përfaqëson një ndryshim domethënës në politikën e tij, duke pasur parasysh skepticizmin e kahershëm ndaj dialogut me SHBA-në. Kjo lëvizje vjen në një moment sfidues për Iranin, i cili përballet me vështirësi të mëdha ekonomike, pakënaqësi të brendshme dhe tensione të ashpra në arenën ndërkombëtare, veçanërisht me Izraelin dhe aleatët perëndimorë. -
OKB bën thirrje për presion ndaj talibanëve për shkak të shkollimit të vajzave
Kombet e Bashkuara bën thirrje që shtetet të ushtrojnë presion diplomatik ndaj sundimtarëve talibanë në Afganistan, duke thënë se ndalesa që ata kanë vendosur ndaj shkollimit të vajzave, ka lënë miliona fëmijë jashtë klasave shkollore që kur grupi u rikthye në pushtet katër vjet më parë.
“Në një kohë kur disa po përpiqen të normalizojnë marrëdhëniet me talibanët, unë bëj thirrje që komuniteti ndërkombëtar të mbetet më i mobilizuar se kurrë për rivendosjen e plotë dhe të pakushtëzuar të të drejtës së grave afgane për arsimim”, tha Audrey Azoulay, drejtoreshë e Agjencisë Kulturore dhe Arsimore të OKB-së, UNESCO.
Afër 2.2 milionë vajzave u ndalohet të ndjekin shkollimin përtej nivelit fillor, sipas UNESCO-s.
“Fatkeqësisht, Afganistani është vendi i vetëm në botë ku arsimi i mesëm dhe i lartë është rreptësisht i ndaluar për vajzat dhe gratë”, tha Azoulay.
“Një gjeneratë e tërë e grave afgane po sakrifikohet”, shtoi ajo, duke bërë thirrje që komuniteti ndërkombëtar të “mbajë presionin diplomatik”.
Talibanët, të cilët premtuan një sundim më të butë pas marrjes së pushtetit në gusht të vitit 2021, kanë vendosur kufizime të mëdha për gratë, duke i ndaluar ato të ndjekin universitetet, të shkojnë në parqe publike, palestra dhe sallone bukurie – masa që OKB-ja i ka cilësuar si “aparteid gjinor”.
Rusia – e cila nuk përmendet në deklaratë – është vendi i vetëm që ka njohur qeverinë e talibanëve që kur ata morën pushtetin më 2021, pas tërheqjes së trupave të huaja nga Afganistani. -
Ukraina urdhëron më shumë evakuime teksa Rusia shton presionin në fushëbetejë
Ukraina urdhëroi më shumë evakuime në lindje, nga një qytet pranë zonës ku ushtria e Moskës bëri së fundi një përparim të shpejtë, teksa forcat ruse po shtojnë presionin para samitit mes Shteteve të Bashkuara dhe Rusisë.
“Ne filluam evakuimin e detyrueshëm të familjeve me fëmijë nga qyteti Druzhkivka”, tha kreu i administratës ushtarake rajonale të Donjeckut, Vadym Filashkin, duke shtuar se katër fshatra të tjerë pranë qytetit u urdhëruan po ashtu që të evakuohen.
Ai shtoi se 1.879 fëmijë janë ende në këto vendbanime.
Më herët gjatë së enjtes, forcat ruse pretenduan se kanë marrë nën kontroll fshatin Iskra dhe qytezën Shçerbinivka në rajonin e Donjeckut.
Rusia pretendon se në shtator të vitit 2022 e ka aneksuar rajonin e Donjeckut, që gjendet në lindje të Ukrainës.
Ndërkaq, të martën forcat ruse përparuan me shpejtësi pranë qyteteve Dobropillia dhe Druzhkivka, që gjenden në vijën e frontit.
Më herët gjatë javës, Ukraina po ashtu urdhëroi evakuimin e banorëve nga Billozerske, një tjetër qytezë jo shumë larg kësaj zone, ku rusët kanë bërë përparime në fushëbetejë.
Këto përparime të Rusisë vijnë para se presidenti amerikan, Donald Trump, të takohet në Alaskë me homologun rus, Vladimir Putin, për përfundimin e luftës në Ukrainë, që Rusia e nisi më 2022.
Udhëheqësi amerikan e ka paralajmëruar Rusinë për “pasoja shumë të rënda”, nëse nuk i jep fund luftës. -
Vrau 14-vjeçarin në Maliq, autori i mitur lë spitalin dhe dërgohet në komisariat
Autori i mitur i vrasjes së 14-vjeçarit në fshatin Pirg të Maliqit ka lënë pak momente më parë ambientet e spitalit.
I shoqëruar nga uniformat blu, i mituri do merret në pyetje nga autoritetet në komisariat.
Ngjarja tragjike ndodhi ditën e sotme në ambientet e jashtme të një lokali, ku viktima dhe autori kishin shkuar për të sqaruar një konflikt të mëparshëm mes tyre.
Debati i tyre përfundoi me përplasje fizike, ku viktima humbi jetën nga goditjet me thikë.
Policia vijon hetimet për zbardhjen e plotë të rrethanave dhe motivit të ngjarjes.