Lajmidites.com

Author: Lajme.al

  • Trump gati të nënshkruajë marrëveshjen për TikTok, pronësia në shumicë amerikane

    Trump gati të nënshkruajë marrëveshjen për TikTok, pronësia në shumicë amerikane

    Presidenti amerikan Donald Trump pritet të miratojë një marrëveshje të propozuar këtë javë që do të sigurojë që TikTok në SHBA të jetë në pronësi të shumicës nga investitorët amerikanë dhe të mbajë të dhënat e përdoruesve në një cloud “të besueshëm” në SHBA, sipas një zyrtari të Shtëpisë së Bardhë.Zyrtari i Shtëpisë së Bardhë tha se sipas marrëveshjes së re, operacionet në SHBA do të drejtohen nga një kompani e re e përbashkët, me kompaninë e saj aktuale mëmë, ByteDance , që mban më pak se 20% të aksioneve, siç kërkohet me ligj.
    “Administrata mezi pret të finalizojë këtë marrëveshje me të gjitha palët e interesuara”, tha zyrtari, shkruajnë mediat e huaja.

    “Presidenti Trump pritet të nënshkruajë një urdhër ekzekutiv më vonë këtë javë për të miratuar marrëveshjen e propozuar.”
    Kompania e re e përbashkët me seli në SHBA pritet të jetë në pronësi të shumicës së investitorëve amerikanë dhe të operojë në SHBA.Bordi i drejtorëve pritet të përbëhet nga shtatë anëtarë – shumica e të cilëve duhet të jenë shtetas amerikanë me bazë në SHBA.
    Sipas zyrtarit, Oracle, një nga kompanitë kryesore të teknologjisë në vend, do të jetë ofruesi i besuar i sigurisë i TikTok në partneritet me qeverinë e SHBA.

  • A është fejuar? Xheneta Fetahu zbulon partnerin e ri

    A është fejuar? Xheneta Fetahu zbulon partnerin e ri

    Ish-banorja e Big Brother VIP Kosova, Xheneta Fetahu, ndezi kuriozitetin e ndjekësve që në korrik, kur publikoi në rrjete sociale një kontratë martese dhe një unazë fejese, duke lënë të nënkuptohej se po përgatitej për një hap të madh në jetën private.
    Së fundmi, në emisionin “E Diell” në Top Channel, Xheneta vendosi të tregojë më shumë detaje për lidhjen e saj. Ajo zbuloi se partneri nuk është një personazh publik dhe se preferon të mos ekspozohet në rrjete sociale.
    “Është fytyrë publike. E zbulojmë me kohë. E kuptoj që mua do të më lidhin me persona të ndryshëm, por unë nuk e dua personin në krah të jetë fytyrë publike, as të ketë rrjete sociale,” – u shpreh ajo.

    Gjatë intervistës, Xheneta foli edhe për raportin e saj me Lumbardh Salihun, me të cilin për muaj të tërë u përfol përtej miqësisë. Megjithatë, ajo sqaroi:
    “Partneri im nuk ka rrjete sociale, me Lumbardhin jemi miq. I kemi sqaruar hatërmbetjet që kemi pasur, përderisa unë dhe i dashuri im jemi në rregull.”
    Deklaratat e saj i japin fund spekulimeve të shumta që kanë qarkulluar në media dhe rrjete sociale. Megjithatë, ajo theksoi se preferon ta mbajë jetën private larg syrit të publikut, duke mos dhënë ende detaje konkrete për identitetin e partnerit.
    Për momentin, Xheneta duket e lumtur dhe e qetë në krah të të dashurit, por mbetet për t’u parë nëse në të ardhmen do të zbulojë më shumë rreth marrëdhënies së saj.

  • Edi Rama: Do të bëjmë martesat online, duhen dëshmitarët, divorcet janë me të lehta se kam përvojë

    Edi Rama: Do të bëjmë martesat online, duhen dëshmitarët, divorcet janë me të lehta se kam përvojë

    Këtë të hënë, kryeministri i vendit Edi Rama, mori pjesë në prezantimin e platformës Startup Albania në mbështetje të sipërmarrjeve të reja, ideve inovative dhe kreativitetit të të rinjve.
    Gjatë fjalës së tij, Rama foli për ecurinë e vendit tonë në lidhje me digjitalizimin dhe ofrimin e shërbimeve publike online.
    Gjithashtu, kryeministri u ndal edhe te mundësia që vendi ynë të ofrojë shërbimin e martesave online.
    “Ende nuk kemi zgjedhur problemin e martesave online. Kjo është diçka që ende nuk e kemi plotësuar, duke qene se na duhen dëshmitarët. Mbase edhe mund ta bëjmë”, tha Rama.
    Pas kësaj profesori amerikan William P. Barnet. pyeti kryeministrin Rama: “Po divorcet mund t’i bëni?
    Më tej me batutë, kryeministri tha se martesat online janë më të vështira se divorcet online.
    “Besoj fort se divorcet, se unë nga përvoja kam pasur disa, janë më të thjeshta se sa martesa, sepse bëhen në whatsapp pastaj formalizohen në sallën e gjyqit. Këto janë bekime që mundësohen nga teknologjia”, tha Rama.
    Gjithashtu, kryeministri Rama gjatë fjalës së tij njoftoi se shumë shpejt në Shqipëri do të krijohet Këshilli Kombëtar i Inovacionit.
    Kryeministri Edi Rama, tha se pa teknologjinë dhe AI, do të kishim vështirësi të mëdha.

    Ka ardhur me bekime për vendi si ky i yni, që kemi vuajtur kaq shumë në të shkuarën. Pa teknologjinë dhe përqafimin e teknologjisë dhe erës së dixhitalizmit dhe AI, do të kishim vështirësi të mëdha dhe do na duhet kohë për të kapur ritmin e vendeve të tjera. Në një erë të një progresi lienar është dicka që do na duhet të mos mbetemi pas, por me teknologjinë, avancimin, shanset e progresit do të jenë të prekshme. Ne do të pranojmë dhe përfaqësojmë këtë bekim dhe të mos kemi frikë të përpiqemi ta provojmë.
    Duke u kthyer te fjala juaj, ne kemi trashëguar situata kur ishte e vështrirë për të kuptuar dhe reaguar më pak për faktin që thjesht për të marrë certifikatë lindjeje, njerëzit duhet të kalonin kohë fizike pranë sporteleve dhe në fund të paguanin edhe një rryshfet për të marrë një dokument. Apo të rrinte në radhë për orë të tëra apo në kushte të vështira. Cfarë do të bënim nëse nuk do të kishim këtë shans për të jetuar në një erë dixhitale. Për të transformuar vendin e radhëve, rrushfeteve në cdo hap për cdo shërbim të administratës, ku shërbimet publike tashmë ofron nga telefoni. Nuk ke pse të lëvizësh nga vendi. Ende nuk e kemi zgjidhur problemin e martesave online, duke qenë se na duhen dëshmitarët. Mbase edhe mund ta bëjmë. Po divorce online? Besoj fort se kam pasur disa, janë më të thjeshta, më pas formalizohen në sallën e gjyqit.

  • Një kandidat nga opozita përballë Manstirliut/ Dashamir Shehi: S’mund të kandidojë një i zbritur nga fshati, milioner”, Alimehmeti dhe Tabaku janë të rinj dhe kanë dije

    Një kandidat nga opozita përballë Manstirliut/ Dashamir Shehi: S’mund të kandidojë një i zbritur nga fshati, milioner”, Alimehmeti dhe Tabaku janë të rinj dhe kanë dije

    Ditën e sotme, teksa ishte i ftuar në News24, kreu i LZHK-së, Dashamir Shehi, deklaroi se përballë Ogerta Manastirliut, ka disa kandidatura të mira nga PD-ja.
    Shehi theksoi se Ilir Alimehmeti dhe Jorida Tabaku, janë personazhe të dashura për qytetarët e Tiranës, pasi e treguan votat që morën në zgjedhje.

    “Alimehmeti dhe Tabaku dhanë një sinjal që kanë simpati. Janë të rinj dhe kanë dije. Ti s’mund të marrësh një që ka zbritur nga fshati atje… mund të jenë milionerë por…Do të mbështetja këta të rinj. Edhe Lapaj do e mbështesja. Nuk është personazh i Tiranës, por prodhoi diçka. Por i ranë pak me shkelm, si puna lopës, atij qumështit”, tha ai.

  • Kërkoi të jetë i pranishëm në mbledhjen për shkarkimin e tij, Këshilli Bashkiak i përgjigjet Erion Veliajt

    Kërkoi të jetë i pranishëm në mbledhjen për shkarkimin e tij, Këshilli Bashkiak i përgjigjet Erion Veliajt

    Erion Veliaj, i kërkoi Këshillit Bashkiak të Tiranës, që të marrë pjesë në mbledhjen ku do të votohet shkarkimi i tij nga detyra.
    Këshilli, në kthimpërgjigje, shprehet se, nëse nuk mund të jetë i pranishëm fizikisht në mbledhjen e Këshillit Bashkiak, ku do të diskutohet dhe votohet shkarkimi i tij, Kryetari i Bashkisë Tiranë, Erion Veliaj, mund t’i dërgojë me shkrim komentet e tij.

    Pjesë nga përgjigjja ndaj Veliajt: “Sa më sipër, në vijim të kërkesës suaj për të qenë i pranishëm fizikisht në mbledhjen e Këshillit Bashkiak, në rast pamundësie për të qenë prezent, Ju lutem që observacionet tuaja t’i përcillni me shkrim pranë Këshillit Bashkiak, në mënyrë që ato të administrohen dhe të bëhem me dije në këtë mbledhje”.
    Mbledhja e komisionit të Ligjeve, e cila pritej të mbahej sot, është shtyrë për ditën e nesërme në orën 10:00.

  • Pesha e tepërt nuk është armiku kryesor i shëndetit, do të habiteni nga “kërcënimi” më i madh

    Pesha e tepërt nuk është armiku kryesor i shëndetit, do të habiteni nga “kërcënimi” më i madh

    Një studim i ri zbulon se të qenit shumë i dobët, mund të jetë më i dëmshëm për shëndetin tuaj sesa të qenit mbipeshë.
    Studiuesit shtojnë se është gjithashtu e mundur të jesh “i shëndoshë, por në formë të mirë”, varësisht nga mënyra se si shpërndahet dhjami i trupit tuaj dhe sa mirë funksionon metabolizmi juaj.
    Duke krahasuar kategori të ndryshme të indeksit të masës trupore (BMI), studiuesit arritën në disa përfundime të papritura:
    1. Nënpeshë (BMI ≤ 18.5): Pjesëmarrësit përballeshin me një rrezik vdekjeje 2.7 herë më të madh krahasuar me grupin e referencës.
    Pesha normale e ulët (BMI 18.5–20.0): Dy herë më shumë rrezik vdekjeje.
    Pesha mesatare normale (BMI 20.0–22.5): rrezik 27% më i lartë vdekjeje.
    2. Mbipesha (BMI 25–30): Nuk ka rrezik të shtuar krahasuar me ata në diapazonin e sipërm normal të BMI-së (22.5–25).
    Obeziteti i Klasës I (BMI 30–35): Nuk ka rritje të ndjeshme të rrezikut.
    Obeziteti i Klasës II (BMI 35–40): rrezik 23% më i lartë vdekjeje.
    Këto gjetje sugjerojnë që njerëzit me mbipeshë të moderuar, mund të mos përballen me aq rrezik sa mendohej më parë, ndërsa njerëzit nën peshë mund të përballen me rreziqe shëndetësore që janë nënvlerësuar deri më tani.

    Studimi nxjerr në pah konceptin e “obezitetit metabolikisht të shëndetshëm”. Individët në këtë grup, të cilët bien në kategoritë e mbipeshës ose obezitetit të ulët, mund të ruajnë shëndet të mirë metabolik, duke zvogëluar rrezikun e përgjithshëm të vdekjes së parakohshme.
    Shpërndarja e yndyrës trupore ka rëndësi
    Gjetjet i shtohen një numri gjithnjë e në rritje kërkimesh që sugjerojnë se vendi ku ruhet dhjami mund të jetë më i rëndësishëm sesa vetë pesha.
    Një studim i kohëve të fundit i botuar në European Heart Journal zbuloi se dhjami visceral – dhjami i fshehur i ruajtur rreth organeve jetësore si mëlçia dhe zorrët – përshpejton plakjen e zemrës, madje edhe tek njerëzit që duken të dobët.
    Në të kundërt, dhjami i ruajtur rreth vitheve dhe kofshëve (“trupat në formë dardhe”) mund të jetë mbrojtës, veçanërisht për gratë.
    Burrat me trupa “në formë molle”, të cilët kanë më shumë dhjamë në bark, treguan shenja të plakjes më të shpejtë kardiovaskulare, gjë që sinjalizon një rrezik më të madh për sëmundje të zemrës.
    Ndërsa rreziqet e obezitetit kanë qenë prej kohësh të njohura, studimi aktual sugjeron që të qenit nën peshë mund të mbartë një rrezik të barabartë ose edhe më të madh.
    Studiuesit paralajmërojnë se shëndeti nuk përcaktohet vetëm nga pesha – faktorë të tillë si shpërndarja e yndyrës , shëndeti metabolik dhe sëmundjet themelore luajnë gjithashtu një rol.

  • Partia Demokratike: Rama shpiku Diellën, pasi administrata refuzonte të zbatonte urdhërat e paligjshëm për tenderat

    Partia Demokratike: Rama shpiku Diellën, pasi administrata refuzonte të zbatonte urdhërat e paligjshëm për tenderat

    Partia Demokratike, pretendon se Edi Rama, ka shpikur ministren virtuale “Diella”, e cila do të merret me tenderat, për shkak se administrata publike po i refuzonte të zbatonte urdhrat e paligjshëm të tij.
    “Në kushtet e një presioni të vazhdueshëm mbi punonjësit e administratës publike gjatë qeverive Rama 1, 2 dhe 3, të cilët kanë refuzuar të bëhen pjesë e shkeljeve ligjore në procedurat e prokurimeve publike, Kryeministri ka zgjedhur të krijojë një mekanizëm të ri informal: të ashtuquajturën ‘ministre virtuale’ Diella”, – tha zëdhënësja e Anti-Korrupsionit në PD, Genta Vangjeli.
    Sipas saj, koncepti i “ministrit virtual” nuk ekziston në asnjë nen të Kushtetutës apo ligjeve shqiptare, teksa shtroi pyetjet se kush do e mbikëqyr “Diellën”, apo se kush do të mbajë përgjegjësi për shkeljet e saj.
    Në deklaratën e dhënë nga selia blu, Vangjeli tha se ligji për prokurimin publik përcakton qartë ndarjen e roleve dhe përgjegjësive për të shmangur pikërisht përqendrimin e pushtetit dhe abuzimet.
    Sipas saj, Rama ka përqendruar në mënyrë të paprecedentë të gjitha funksionet e sistemit të prokurimit në një dorë të vetme, në atë të Diellës, që në fakt është një zgjatim i vetë Kryeministrit
    Deklarata e zëdhënëses së Antikorrupsionit në PD, Genta Vangjeli:
    Refuzimi i administratës publike për të zbatuar urdhrat e paligjshëm, ka sjellë shpikjen e ‘ministres virtuale’ Diella nga Kryeministri Rama.
    Në kushtet e një presioni të vazhdueshëm mbi punonjësit e administratës publike gjatë qeverive Rama 1, 2 dhe 3, të cilët kanë refuzuar të bëhen pjesë e shkeljeve ligjore në procedurat e prokurimeve publike, Kryeministri ka zgjedhur të krijojë një mekanizëm të ri informal: të ashtuquajturën ‘ministre virtuale’ Diella.
    Sipas Kryeministrit, Diella do të garantojë që tenderat publikë të jenë 100% të pakorruptueshëm dhe tërësisht transparentë.

    Por në thelb, kjo nismë ngre një sërë shqetësimesh serioze ligjore dhe kushtetuese:
    Koncepti i ‘ministrit virtual’ nuk ekziston në asnjë nen të Kushtetutës apo ligjeve shqiptare. Emërimi, betimi dhe shkarkimi i një ministri rregullohet qartë në ligj, dhe nuk mund të zëvendësohet me një entitet të paidentifikuar ligjërisht.
    Mungon çdo formë e përgjegjshmërisë ligjore apo institucionale për këtë ‘ministër virtual’. Kush e mbikëqyr Diellën? Kush mban përgjegjësi në rast shkeljesh ligjore apo dëmi ndaj financave publike?
    Ligji për prokurimin publik përcakton qartë ndarjen e roleve dhe përgjegjësive. Nga titullari i autoritetit kontraktor, te përgatitja e fondit limit, hartimi i specifikimeve teknike, vlerësimi i ofertave dhe mbikëqyrja e zbatimit të kontratës – çdo hap është i rregulluar dhe i ndarë mes aktorësh të ndryshëm, për të shmangur pikërisht përqendrimin e pushtetit dhe abuzimet.
    Kryeministri Rama ka përqendruar në mënyrë të paprecedentë të gjitha funksionet e sistemit të prokurimit në një dorë të vetme, në atë të Diellës, që në fakt është një zgjatim i vetë Kryeministrit.
    Ky është thelbi i problemit me korrupsionin në tendera: jo sistemi elektronik i prokurimeve, i cili është i sigurt, dhe as legjislacioni ekzistues, por ndërhyrjet e vazhdueshme për të shpallur fitues operatorë të paracaktuar, në kundërshtim me kriteret e ligjshme të garës.
    Dekreti i Presidentit të Republikës, konfirmoi zyrtarisht përfshirjen e Kryeministrit në ngritjen dhe drejtimin e kësaj strukture joformale, përmes të cilës ai synon të ushtrojë kontroll absolut mbi fondet publike.
    ‘Ministrja virtuale Diella’, ose ndryshe, vetë Edi Rama, nuk i plotëson kriteret ligjore për një administrim efikas, efektiv dhe ekonomik të burimeve publike.
    Ky mekanizëm nuk garanton transparencë, ligjshmëri, apo mbrojtje ndaj keqpërdorimit dhe vjedhjes së pasurisë publike, përkundrazi, i hap rrugën abuzimit pa asnjë llogaridhënie.

  • Në Shqipëri nuk ka më burrë-grua! Projektligji i ri hap rrugën për të deklaruar gjininë që dëshiron

    Në Shqipëri nuk ka më burrë-grua! Projektligji i ri hap rrugën për të deklaruar gjininë që dëshiron

    Shqipëria ndodhet përballë një ndryshimi që për shumëkënd shënon një pikë kthese të rrezikshme për strukturën tradicionale të shoqërisë.
    Deri më tani përcaktimi gjinor në Shqipëri njeh vetëm burrin dhe gruan. Por projektligji për “Barazinë Gjinore”, i dorëzuar në parlament, ka ndryshuar nga drafti fillestar. Ai sjell përkufizim të ri, ku termi gjini sipas tekstit, ka kuptim gjithëpërfshirës, duke parashikuar, në këtë mënyrë identitete të tjera, përtej atyre klasik, burrë-grua.
    Fillimisht, kur projektligji për barazinë gjinore u hodh për konsultim publik në mars, Neni 4, ishte fare i qartë: Gra dhe burra, në kuptim të këtij ligji, nënkupton edhe vajza dhe djem. Fjala “gjithëpërfshirëse” është futur edhe në disa nene të tjera të projektligjit duke treguar se nuk bëhet fjalë vetëm për një ndryshim gjuhësor, por për një zgjerim të qëllimshëm që i jep status juridik kategorive të reja gjinore. Këtë e përforcon dhe termi, po në të njëjtin nen “shprehje gjinore”, që nënkupton se gjithkush mund të deklarojë gjininë që dëshiron.
    Por gjatë procesit të konsultimeve, Aleanca LGBTI kërkoi që përkufizimi të zgjerohej “përtej konceptit binar burrë-grua”, duke përfshirë identitete të tjera gjinore.
    Kjo kërkesë u pranua nga Ministria e Shëndetësisë dhe Mirëqenies Sociale.

    Në dokument parashikohet futja e edukimit gjinor në shkolla, me qëllim “ndërgjegjësimin e brezit të ri mbi diversitetin”. “Subjektet, që ofrojnë arsimim të përgjithshëm dhe profesional, kualifikim e trajnim, si dhe ata që hartojnë dhe miratojnë tekstet, programet dhe materialet e tjera mësimore, në të gjitha nivelet, sigurojnë përfshirjen e edukimit gjinor në kurrikulat shkollore dhe mësimdhënien e njohurive të nevojshme të koncepteve themelore që lidhen me individët dhe grupet dhe përdorin metoda mësimdhënieje, trajnimi e kualifikimi, në mënyrë të tillë që të ndihmojnë në promovimin, nxitjen dhe formimin e edukatës së barazisë dhe në ndalimin e diskriminimit me bazë gjinore, të stereotipave gjinore, paragjykimeve dhe praktikave të dëmshme zakonore, pabarazive gjinore për shkak të përkatësisë së shumëfishtë ose të çdo lloji tjetër që cenojnë parimet e barazisë gjinore”, – citohet në projektligj.
    Megjithatë, projektligji nuk jep një listë konkrete të gjinive jo-binare, pra atyre që shkojnë përtej konceptit të deritanishëm burrë-grua. Në debatet ndërkombëtare për identitetin gjinor, disa studiues numërojnë deri mbi 70 identitete të ndryshme, çka do e bënte edhe më të ndërlikuar zbatimin praktik të ligjit.
    Shumë prindër e kanë cilësuar këtë si një formë indoktrinimi që cenon themelet e edukimit dhe traditës.
    Për shumë ekspertë që janë njohur me dokumentin në fjalë, kjo nuk është thjesht një nismë për barazi, por një pjesë e qartë e agjendës ndërkombëtare LGBT .
    Kritikët paralajmërojnë se pas këtij hapit të parë, nuk do të vonojnë kërkesat për legalizimin e martesave mes të njëjtit seks, adoptimin e fëmijëve nga çifte LGBT dhe transformime të tjera radikale.

  • Konkurrentja e re e “Përputhen” bëhet virale: “Më është tharë pështyma”

    Konkurrentja e re e “Përputhen” bëhet virale: “Më është tharë pështyma”

    Marsela, konkurrentja më e re e “Për’puthen”, ka hyrë në skenë me pritshmëri të larta për dashurinë dhe me një prezantim plot guxim. Ajo preferon të thirret Marsiela dhe theksoi se vjen nga Tirana.
    E pyetur për puthjet, ajo tregoi se të parën e ka dhënë përmes televizorit, ndërsa për të fundit u shpreh me humor: “Nuk mbahet mend, më është tharë pështyma.”

    26-vjeçarja shtoi se kërkon një mashkull me karakter të fortë, duke u distancuar nga djemtë që, sipas saj, duken “çuna pjeshkë” apo “mashkull femëror”.
    “S’më pëlqen një çunak pjeshkë, një mashkull femëror që nuk ka arritur karakterin e fortë për të qenë një mashkull”, tha ajo.
    Deklaratat e saj krijuan reagime të menjëhershme në studio, duke vënë në siklet djemtë konkurrentë.

  • Reagon për herë të parë Genar Topalli pas akuzave nga ish-i i tij, Eva Murati

    Reagon për herë të parë Genar Topalli pas akuzave nga ish-i i tij, Eva Murati

    Genar Topalli ka reaguar për herë të parë pas aludimeve mbi dasmën e tij me Cindy Marina, e zhvilluar më 13 shtator në Romë.
    Në një deklaratë publike, ai ka sqaruar se ceremonia në Bazilikën e Shën Marisë ishte një bekim shpirtëror pa pagesë, ndërsa darka e organizuar më pas nuk ka kaluar shpenzimet e zakonshme të një dasme në Shqipëri.
    Reagimi i tij erdhi pasi ish-partnerja, Eva Murati, aludoi në rrjetet sociale se dasma ishte financuar me para të vjedhura nga fondet publike.
    Topalli i cilësoi këto komente të pavërteta, duke mohuar kategorikisht shifrën prej 500 mijë eurosh që qarkulloi në media.
    Ai theksoi se dasma është organizuar dhe financuar nga ai dhe bashkëshortja, me mbështetjen e prindërve të Cindy-t, të cilët prej dekadash jetojnë në SHBA dhe kanë biznese të suksesshme në transport dhe sport. Sipas tij, çifti gjithashtu menaxhon një biznes të përbashkët në SHBA.
    “Të dashur miq, familjarë dhe të njohur,
    Më 13 shtator 2025 përjetova ditën më të bukur të jetës sime: u kurorëzova me Cindy Marina.

    Edhe pse nuk kemi asnjë detyrim të japim shpjegime për jetën private, dua ta bëj këtë reagim për transparencë. Ceremonia u zhvillua në Bazilikën e Shën Marisë, te Altari i Qiejve – një bekim i madh shpirtëror, për të cilin, siç dihet, nuk ka pagesë, por vetëm një donacion simbolik.
    Më pas, darka u mbajt në një ambient në Romë, me kosto që nuk kalon shpenzimet e zakonshme të një dasme në Shqipëri (çdokush mund ta verifikojë lehtësisht me një kërkim të thjeshtë në Google). Gjithçka është menduar, organizuar dhe financuar prej meje dhe Cindy-t, me mbështetjen e prindërve të saj.
    Ne jetojmë e punojmë në SHBA, ku drejtojmë së bashku biznesin tonë në fushën e transportit, ndërsa Cindy, përveç angazhimeve të tjera, menaxhon një nga klubet më të mëdha të volejbollit në Kaliforninë Jugore, në pronësi të familjes së saj.
    Prindërit e Cindy-t jetojnë në SHBA prej afro 30 vitesh dhe sot kanë ndërtuar biznese të suksesshme në fushën e transportit dhe të sportit, me mbi 150 të punësuar.
    Ky sqarim bëhet vetëm për të shmangur çdo keqkuptim dhe për të hedhur poshtë komentet me shifra krejtësisht të pavërteta e spekulative.
    Falënderoj me zemër të gjithë ju që na uruat në këtë ditë të shenjtë për familjen tonë”, shkruan Topalli në rrjetet sociale.