Gjykata e Shkallës së Parë në Vlorë ka lënë në fuqi masën e sigurisë “arrest me burg” për 32-vjeçarin Hajri Barjamaj, i cili dy ditë më parë përplasi me makinë, duke lënë të vdekur 17-vjeçarin Leandro Shametaj në bulevardin e Vlorës.
Hajri Barjamaj ka mbërritur në ambientet e gjykatës rreth orës 13:00 të kësaj të enjteje, ku është njohur me masën e sigurisë “arrest me burg”, të caktuar fillimisht nga Policia e Vlorës. Blutë e qytetit e arrestuan 32-vjeçarin në flagrancë, menjëherë pas aksidentit, pasi u konstatua se ai po qarkullonte me shpejtësi tej normave të lejuara dhe nën efektin e alkoolit.
Seanca gjyqësore është zhvilluar me dyer të mbyllura dhe është drejtuar nga gjyqtari Etien Isak. Pas vlerësimit të dosjes hetimore, provave të mbledhura në vendngjarje dhe dëgjimit të pretendimeve të prokurorisë, e cila kërkonte lënien në fuqi të masës së arrestit, gjykata ka vendosur që 32-vjeçari të qëndrojë në burg.
Në sallën e gjyqit, Barjamaj ka pranuar akuzat dhe, sipas burimeve, është shprehur i penduar për krimin e kryer, duke kërkuar falje familjarëve të viktimës. Seanca gjyqësore ka përfunduar rreth orës 14:00, ndërsa i akuzuari është dërguar më pas në paraburgimin e Vlorës.
Pas përfundimit të seancës, për mediat ka folur daja i Leandro Shametajt, i cili e ka cilësuar vendimin e gjykatës si plotësisht të merituar. Ai kërkoi gjithashtu ashpërsimin e ligjit për raste të tilla, duke theksuar se kjo ngjarje nuk mund të konsiderohet thjesht një aksident, por “vrasje me dashje”.
“Ne kërkojmë nga drejtësia që të ashpërsohet ligji, pasi për ne nuk është aksident, por vrasje me dashje. Të ecësh në bulevard me 200 km/h, të jesh i papërgjegjshëm, të jesh i pirë… nuk kemi fjalë”, u shpreh ai.
“Kërkojmë që të ashpërsohet ligji dhe të mos mbetet në burg për shkelje të rregullave të qarkullimit rrugor. Për ne është vrasje me dashje”.
Në pamjet e rënda nga aksidenti, të siguruara nga A2 CNN, por të papublikuara për shkak se janë sensitive, shihet automjeti i llojit Porsche, i cili godet nga pas motorin e drejtuar nga 17-vjeçari Shametaj në bulevard, duke e tërhequr për disa metra, ndërsa trupi i viktimës mbetet nën mjet.
Sipas dosjes hetimore, Hajri Barjamaj po drejtonte mjetin me një shpejtësi mbi 150 km/h, në një segment rruge ku lejohet maksimumi 30 km/h. Testi i alkoolit ka rezultuar në nivel shumë të lartë, disa herë mbi normën e lejuar.
Author: Javanews.al
-
Vrau të miturin në Vlorë, lihet në burg i dehuri në timon me shpejtësi 150 km/h
-
Era deri në 300 km/h, pamjet tregojnë apokalipsin në Xhamajkë pas Uraganit Melissa
Xhamajka po përballet me pasojat katastrofike të uraganit Melissa, stuhia më e fuqishme që ka goditur ishullin në historinë moderne. Me erëra që arritën deri në 300 kilometra në orë dhe reshje shiu të rrëmbyeshme, uragani ka shkatërruar mijëra shtëpi, infrastrukturën jetike dhe ka lënë pa energji afro 75 për qind të vendit.
Pamjet ajrore tregojnë qytete të rrafshuara, ndërtesa të rrënuara dhe zona të tëra të përmbytura, veçanërisht në pjesën jugperëndimore të Xhamajkës. Kryeministri Andrew Holness deklaroi se në qytetin Black River 90 për qind e çative janë shkulur dhe shumë spitale, shkolla e stacione policie janë zhdukur nga goditjet e stuhisë, përcjell A2 CNN.
Të paktën pesë persona janë konfirmuar të vdekur në rajonin e St. Elizabeth, ndërsa mijëra të tjerë janë strehuar në qendra emergjente. Rreth 25 mijë njerëz ndodhen ende në strehimore, ndërsa qeveria po përpiqet të rikthejë energjinë dhe furnizimet bazë me ushqim e ujë.Dëshmitarët përshkruajnë skena të tmerrshme. “Ishte si fundi i botës. Çatia ime u ngrit për sekonda”, tha Kayan Davis, një nënë e tre fëmijëve që mbeti pa shtëpi. Një tjetër banor, Sylvester Guthrie, rrëfeu se i ka mbetur vetëm biçikleta, pasi shtëpia i është shkatërruar plotësisht.
Pas shkatërrimit në Xhamajkë, Melissa goditi edhe Kubën e Haitin, duke lënë të paktën 25 viktima të tjera dhe dëme masive. Autoritetet ndërkombëtare po dërgojnë ndihma urgjente, ndërsa stuhia po i afrohet Bermudës me fuqi ende të konsiderueshme.
Ekspertët e meteorologjisë e kanë cilësuar Melissën si një nga uraganet më të fuqishme në historinë e Atlantikut. -
Kryetarja e KLP-së zbulon datat kur do të zgjidhen drejtuesit e SPAK dhe të BKH
Kryetarja e Këshillit të Lartë të Prokurorisë (KLP), Mirela Bogdani, ka dhënë detaje sot mbi afatet e zgjedhjes së drejtuesve të rinj të dy institucioneve kyçe të drejtësisë, Byrosë Kombëtare të Hetimit (BKH) dhe Prokurorisë së Posaçme (SPAK).
Nga Kuvendi Bogdani bëri me dije se procesi për zgjedhjen e kreut të ri të BKH-së pritet të përfundojë deri më 10 nëntor, ndërsa ai për drejtuesin e SPAK-ut është planifikuar të mbyllet në fillim të dhjetorit.
“Lidhur me procesin e drejtuesit të BKH, në komunikim me strukturat e Prokurorisë së Posaçme, për shkak të verifikimeve disi të zgjatura të aplikimeve për kandidatët, rreth datës 10 nëntor pritet të finalizohet procesi,” u shpreh Bogdani.
Sa i përket drejtuesit të ri të SPAK, kryetarja e KLP-së theksoi se synohet që përzgjedhja të bëhet përpara mbarimit të mandatit të aktualit, në mënyrë që tranzicioni të zhvillohet normalisht.
“Për zgjedhjen e drejtuesit të SPAK, besoj se ndoshta në fillim të dhjetorit do të përfundojë procesi, në mënyrë që drejtuesi i ri të marrë detyrën në mënyrë sa më të natyrshme nga aktuali. Do të jetë para datës 16 dhjetor, kur mbaron mandati i tij,” shtoi Bogdani.
-
The Washington Post: Sens humori dhe politikë, a mund ta çojë kjo Shqipërinë në BE?
Një ndër gazetat më prestigjoze në Shtetet e Bashkuara, The Washington Post ka shkruar një artikull për kandidaturën e pavarur të aktorit të humorit, Florjan Binaj për bashkinë më të madhe në vend, Tiranën.
Më poshtë, artikulli i përshtatur në shqip në mënyrë të përmbledhur:
Diçka e pazakontë po ndodh në Shqipëri. Qeveria ndaloi TikTok-un për të mbrojtur të rinjtë nga ndikimi i mediave sociale, dhe kryeministria emëroi një chatbot Inteligjence Artificiale si ministër për të luftuar korrupsionin. Tani, një nga aktorët e humorit më të njohur në vend, i famshëm për imitimet e tij të kryeministrit Edi Rama, po kandidon për kryetar të bashkisë në kryeqytet.Florjan Binaj, i cili njihet për humorin e tij satirik dhe me 18 vite eksperiencë në televizion, njoftoi kandidaturën e tij të pavarur për Tiranën, mbështetur nga Partia Demokratike.
Ai premton përmirësimin e cilësisë së jetës në kryeqytet, me urbanistikë më të mirë, shërbime më të shumta dhe më shumë shkolla. Binaj është gjithashtu aktivist, ambientalist dhe arkitekt! Kandidaturën e tij e sheh si një mënyrë për të çliruar politikën nga partitë tradicionale dhe për të sjellë më shumë profesionistë dhe njerëz të pavarur në qeverisje.
Analistët e shohin kandidaturën e Binajt si një eksperiment demokratik të rrallë, një shenjë e lodhjes së qytetarëve me politikat tradicionale dhe dëshirës për autenticitet, edhe nëpërmjet humorit.Kandidatura e tij gjithashtu pasqyron përpjekjet e Shqipërisë për të treguar inovacion dhe për t’u diferencuar, një element që mund ta ndihmojë vendin në rrugën drejt anëtarësimit në Bashkimin Evropian.
Shqipëria ka bërë hapa përpara në ndërtimin e një ekonomie moderne, mbrojtjen e lirisë së medias dhe promovimin e sundimit të ligjit. Sipas vlerësimeve në Bruksel, Shqipëria dhe Mali i Zi konsiderohen kandidatët më të fortë për t’u bërë pjesë e BE-së, ndërkohë që zgjerimi i bllokut shihet edhe si një strategji kundër agresionit rus në lindje.Përpara zgjedhjeve të parakohshme më 9 nëntor, që u bëjnë të nevojshme pas largimit nga detyra të ish-kryebashkiakut Erion Veliaj, kandidatura e Binajt është një nga rastet më të spikatura të një artisti që hyn në politikë, duke sjellë një frymë ndryshe dhe duke sfiduar normat e politikës shqiptare.
Kujtojmë se më 6 tetor të këtij viti, në një deklaratë për mediat, kryedemokrati Sali Berisha tha se “PD-ja mbështet Binajn në zgjedhjet për bashkinë më të madhe në vend”.
“Asnjë hap nuk do të ndërmerret pa kandidatin. Nëse kemi rënë dakord për një kandidat të pavarur, nuk do i diktojmë atij, ai do gjejë ndihmën që kërkon nga forca jonë politike dhe të tjera”, theksoi Berisha atë ditë.
Ndërkohë, numri një i kabinetit, Edi Rama, në podcastin e tij të 26 tetorit e thumboi e ironizoi këtë kandidaturë.
“Këneta është kaq e dëshpëruar sa për Tiranën ka nxjerrë një actor humori në rolin e një kandidati gjasme të pavarur që për vite të tëra i ka bërë për të qeshur të gjithë pa dallim, madje edhe vetë Kongresin e Partisë Socialiste e ka shkrirë gazit, kur ka ardhur një herë për të luajtur rolin tim. Prandaj unë nuk e gjykoj, hiç as fare, aktorin për rolin e ri që ka marrë se aktorët atë punë kanë, me role jetojnë! Po kush voton mua dhe PS-në, duhet të votojë Ogerta Manastirliun, që t’i japë Tiranës drejtuesin e duhur dhe qeverisë partneritetin e domosdoshëm për të vazhduar pa ndalur punën transformuese për kryeqytetin e Shqipërisë 2030, kryeqytetin e Europës së Ballkanit!”, tha kryeministri i vendit. -
Kodi i ri Penal, revoltohet Korreshi: E turpshme që KLP s’e ka studiuar!
Pas deklaratës së bërë në Kuvend nga kryetarja e KLP-së Mirela Bogdani për Kodin e ri Penal, deputeti i Partisë Demokratike, Saimir Korreshi deklaroi se mungesa e një studimi nga ky institucion, është e turpshme. Sipas tij, sistemi sot është në kolaps.
Ai shtoi se, në prokuroritë e vendit “flenë dosjet” duke e konsideruar si të papranueshme.
“E turpshme që KLP s’ka bërë asnjë lloj studimi si po shkon kjo ecuri, sot e 3 vite kusur që është bërë harta teritoriale. Gjithë ajo ishte për të sjellë prokurorët të jenë afër shtëpisë së tyre. Gjithë sistemi ka kaluar në kolaps. Në prokurori, ka vetëm dosje të patrajtuara, njerëz me masa sigurimi mbi 3 vite e kusur e vazhdojnë detyrim paraqitje, Kjo është e papranueshme.
Kam pasur prokurorët, KLP duhet të rrisin eficencën mbi ato që ndodhin sot në vend. Në vend që prokurorët të arrestojnë avokatët në sallat e gjyqit, gjëja më e shëmtuar, në vend që të jetë në të njëjtin nivel me avokatin”, deklaroi Korreshi.
Reagimi i këtij të fundit, erdhi pas deklaratës së Bogdanit e cila theksoi se Këshilli i Lartë i Prokurorisë nuk ka pasur kohën e mjaftueshme për të hyrë në detaje teknike.
“Konsultimi publik ende s’ka filluar. Është parashikuar disa herë dhe është spostuar. Më 5 është data e parë e konsultimit. Akt shumë voluminoz, 900 e ca nene. Nga KLP është diskutuar kjo çështje. S’kemi pasur kohën të hymë në detaje teknike.
Do krijojmë një grup pune që të bëjë oponencë të specializuar lidhur me dispozita të veçanta të kodit. KLP s’ka dashur të thotë një përgjigje të thatë për cilësinë e kodit”, deklaroi Bogdani.
Kjo e fundit theksoi se është e vështirë të bëhet një vlerësim i teknikës legjislative sipas direktivave të Bashkimit Evropian. Në këtë kuadër, ajo shtoi se, pas koordinimit të burimeve njerëzore e gjetjes së specialistëve sipas fushave të Kodit Penal, do të dilet me një produkt teknik për vlerësimin e draftit. -
“Paguheni nga Soros”, tensione në gjyqin për Gërdecin. Durda mbrojtjes së Mediut: As pastrues WC-je s’të marr ty…
Seanca gjyqësore për tragjedinë e Gërdecit po zhvillohet këtë të enjte në Gjykatën e Posaçme , GJKKO, ku nuk kanë munguar debatet dhe tensionet mes palëve.
Shkak është bërë kërkesa e mbrojtësve të ish-ministrit të Mbrojtjes, Fatmir Mediu, për të revokuar vendimin e gjyqtares Irena Gjoka, e cila pranoi si palë në proces familjen Durda.
Sipas avokatëve të Mediut, avokati i familjes Durda, Dorjan Matlia, është drejtor i organizatës “Respublika”, e cila sipas tyre është ngritur dhe financohet nga fondacionet e George Soros.
Fatmir Mediu: Kjo zyrë është ngritur me fondet e Soros, është fakt. Me gjithë respektin për familjarët, në këtë proces nuk mund të ketë dy prokurori.
Nga ana tjetër, përfaqësuesi i familjes Durda, Geraldo Durda, iu përgjigj deklaratave të ish-ministrit:
Geraldo Durda: Ta ka dhënë përgjigjen Gjykata e Strasburgut, lëre mandatin e deputetit dhe përballu me gjykatën.
Durda drejtuar avokatit të Mediut, Ardian Visha: Ty as për pastrues WC-je nuk të marr….
Nga ana tjetër avokatët e Mediut kërkojnë përjashtimin e gjyqatres Irena Gjoka. -
Horoskopi ditor për nesër, e Premte 31 Tetor 2025
Dashi
Asgjë nuk do shkoje si e kishit menduar gjate kësaj dite madje debatet ne çift mund te jene edhe me te forta se zakonisht. Beqaret do jene mjaft realiste dhe nuk do mërziten nëse nuk e gjejnë as sot atë qe kërkojnë. Gjithçka ndodh për një arsye ne fakt. Me financat do jeni shume te zotet dhe do i menaxhoni me shume përkujdes te ardhurat.
Demi
Do i kaloni sa hap e mbyll sytë pengesat qe ju kishin dale ne lidhjen tuaj dhe do ndiheni disi me te qete. Partneri ka shume mundësi qe ne mbrëmje t’ua plotësojë disa dëshira. Beqaret nuk do i rezistojnë dot tundimit dhe do fillojnë një lidhje me atë qe do i propozoje. Financat do fillojnë dalëngadalë te kenë përmirësime fale strategjisë se mire qe keni ndjekur.
Binjaket
Marrëdhënia juaj me atë qe keni ne krah do jete goxha e mire sot. Do shprehni çdo gjë ashtu si do e ndjeni dhe jo do ju afroje me tepër. Beqaret do jene te vendosur ta bëjnë për vete personin qe kane kohe qe po e vështrojnë. Do jete e vështirë t’ia dalin ne fakt. Financat nuk do jene aq te mira sa për te filluar investime te mëdha.
Gaforrja
Jeta sentimentale e te dashuruarve do mbrohet gjithë kohës nga Venusi. Nuk do keni aspak mosmarrëveshje dhe asnjë problem. Nëse jeni beqare do mund te realizoni një takim impresionues i cili do ju beje t’i shihni gjerat me një sy tjetër. Ne plani financiar do jeni te detyruar te hiqni dore nga shpenzimet qe kishit menduar derisa gjendja te përmirësohet.
Luani
Do keni goxha probleme ne çift gjate kësaj dite te cilat vetëm me qetësi dhe maturi do mund t’i zgjidhni. Po filluat diskutimin me zë te larte do arrini ne përleshje te forta. Beqaret nuk do jene shume te qarte pe rate qe duan te bëjnë ne jetën sentimentale, prandaj me mire te presin edhe pak. Financat do përmirësohen fale një promocioni qe do merrni ne pune.
Virgjeresha
Do jeni me te disponueshem ndaj partnerit tuaj gjate kësaj dite dhe do bëni gjithçka qe ai dëshiron. Do i mbushni edhe boshllëqet qe kishin ngelur kohe me pare. Beqaret do bien ne dashuri me një person te cilin as qe e kishin ëndërruar ndonjëherë. Ja qe gjerat ndonjëherë nuk ndodhin si i mendojmë. Financat do jene delikate duke qene se do shpenzoni pa u menduar.
Peshorja
Dite me e ekuilibruar se kurrë kjo e sotmja për ata qe janë ne një lidhje. Do merreni vesh për çdo gjë me partnerin dhe do bëni edhe disa zgjedhje. Për beqaret do ketë ndryshime rrënjësore. Përgatituni shpirtërisht për gjithçka. financat do jene te kënaqshme kështu qe mund te shpenzoni pa frike për gjerat me te domosdoshme.Akrepi
Mos i mendoni gjerat me pesimizëm sot ne jetën tuaj ne çift sepse do i bëni dem vetes suaj dhe lidhjes qe keni dertuar. Çdo problem mund te kaloje me shpejt nëse tregoheni pozitive. Beqaret do kenë një dite te zakonshme dhe pa asgjë te rëndësishme. Financiarisht do jeni ne një gjendje jo te mire. kërkoni sa me pare ndihme qe te mos e përkeqësoni akoma me shume gjendjen.
Shigjetari
Do jeni ne humor shume te mire gjate kësaj dite dhe gati për te bere ndonjë çmenduri te vogël me partnerin. Do shkoni neper vende qe nuk i kishit pare me herët. Beqaret do jene shume te ndjeshëm ndaj çdo propozimi, por do kenë frike te japin përgjigje. Gjendja financiare d jete goxha e mire. Do ndiheni te qete ne çdo moment te ditës.
Bricjapi
Tregohuni realiste ne jetën tuaj ne çift dhe mos u mërzitni nëse debatoni ne ndonjë moment me partnerin. Askush nuk ka një jete tërësisht te qete. Beqaret duhet te presin momentin e duhur për te bere deklarata sepse përndryshe do e humbasin atë qe pëlqejnë. Ne planin financiar asgjë nuk do ece si duhet, madje disa mezi do ja dalin.
Ujori
Venusi do i japë me shume shkëlqim jetës suaj ne çift gjate kësaj dite. Gjithçka do shkoje edhe me mire nga sa ju mendonit. Nëse jeni ende beqare nuk duhet t’iu besoni te gjithëve qe do ju vijnë rreth e rrotull, por me pare duhet te njiheni me ta. Ne planin financiar do jeni me shume fat, perverse do keni edhe energjinë e duhur për ta përmirësuar gjendjen.
Peshqit
Do kaloni momente fantastike sot pranë atij qe dashuroni dhe do doni qe te qëndroni çdo sekonde pranë tij. Ja qe dita ka edhe impenjime te tjera. Beqaret do dashurohen me një mik te ish te dashurit dhe kjo do jete arsyeja qe nuk do arrije dot t’ia shprehin ndjenjat. Ne planin financiar do jeni me shume fat. Gjendja do jete shume me e mire se kohet e fundit. -
Vrau turistin pasi i ngacmoi kalin, autori iu kërkon falje familjarëve të viktimës
jykata e Shkallës së Parë në Berat vendosi sot, 30 tetor, masën e sigurisë “arrest me burg” për 63-vjeçarin Kristo Mema alias Kastriot Oxhaj, i akuzuar për “vrasje me dashje”.
Ai vrau me thikë 43-vjeçarin Keli Hoxha nga Tirana, pas një konflikti për një foto me kalin në qendër të Kalasë së Beratit.
Ngjarja ndodhi më 28 tetor, në prani të familjarëve dhe fëmijëve të viktimës, raporton për Klan News, gazetarja Anila Sefa.
Në sallën e gjyqit, autori u shpreh i penduar dhe kërkoi falje familjarëve të viktimës për krimin e kryer.
Ngjarja
Ngjarja ndodhi mbrëmjen e 28 tetorit në Kalanë e qytetit të Beratit. Debati mes autorit të vrasjes dhe viktimës filloi pasi ky i findit i kishte prekur kalin,të cilin autori e përdorte për të shëtitur turistët rreth kalasë, kundrejt një pagese.
Mësohet se autori i ngjarjes, 63-vjeçari Kristo Mema pasi ka parë shtetasin Keli Hoxha që preku me dorë kalin, i ka thënë që mos ta prekte më, pasi kali, sipas tij, nuk ishte mirë dhe ishte i acaruar.
Pas kësaj, autori dhe viktima kanë debatuar dhe në këto momente, autori ka nxjerrë thikën që e mbante fshehur në samarin e kalit dhe e ka qëlluar me thikë. Më pas,autori ka shkuar në banesë, ka lidhur kalin në kasolle, ka marrë disa ushqime dhe u fsheh në një nga shpellat e kalasë, për t’i shpëtuar policisë.
Viktima Keli Hoxha,42 vjeç, banues në Tiranë dhe lindur në Tropojë, nuk mundi dot t’u mbijetojë plagëve të marra dhe gjeti vdekjen sapo mbërriti në Spitalin Rajonal Berat.
Autori u kap disa orë më vonë, i fshehur në “shpellën e memecit”, pranë Kishës së Shën Mëhillit.
Autori dyshohet se ka kryer tre vrasje
Autori Kristo Mema, 63-vjeç ka kryer një vrasje në vitin 1993 në Berat, por pas ngjarjes ishte larguar në Greqi për rreth 25 vjet, ku kishte ndërruar edhe emrin. Për këtë vrasje ai nuk ka bërë asnjë ditë burg, pasi vrasja ishte parashkruar.
Autori dyshohet se ka bërë, bashkë me këtë të së martës, në total tre vrasje dhe një plagosje me thikë. Një në Berat në vitin 1994, një në Greqi, një plagosje në fshatrat e Roshnikut dhe qindra denoncime kishte në polici për dhunë dhe asnjëherë nuk ishte burgosur.
Arsyeja pse nuk ka bërë burg për dy vrasjet e mëparshme dhe plagosjen është se i ka shpëtuar drejtësisë, për shkak të mungesës së provave. Ndërsa ai kurrë nuk i ka pranuar veprat. Vrasja e së martës ndodhi në prezencë të disa dëshmitarëve.
Autori mësohet se mbante në xhep edhe rreth 3 milionë lekë të vjetra, sepse mendonte se do i shpëtonte drejtësisë, duke qëndruar i fshehur, siç kishte vepruar më herët. -
ALBSIG Jetë në krye të tregut të sigurimeve të jetës për 9-mujorin 2025
ALBSIG Jetë ka mbyllur nëntëmujorin e parë të vitit 2025 me një performancë të jashtëzakonshme, duke u renditur në vend të parë në tregun e sigurimeve të jetës me një pjesë tregu prej 38.09%, sipas të dhënave të publikuara nga Autoriteti i Mbikëqyrjes Financiare (AMF). Kompania ka regjistruar prime të shkruara bruto prej 636 milionë lekësh, me një rritje vjetore prej 76%, duke konfirmuar pozicionin e saj si lider në një treg që po zgjerohet me ritme të shpejta.
Në segmentin më të madh të tregut – sigurimin e jetës së debitorit, që përbën pjesën kryesore të produkteve të sigurimeve të jetës në Shqipëri – ALBSIG Jetë mban vendin e parë me 44.61% të tregut, duke shënuar një rritje mbresëlënëse prej 96% krahasuar me vitin e kaluar. Ky segment, që lidhet ngushtë me produktet bankare dhe kreditimin e individëve, ka qenë tradicionalisht motori kryesor i tregut të sigurimeve të jetës, dhe ALBSIG Jetë ka ditur ta kapitalizojë më së miri këtë tendencë, falë bashkëpunimeve afatgjata me institucionet financiare, besueshmërisë së ndërtuar në treg dhe mbështetjes së një grupi të madh si Kastrati Group.
Rezultatet e larta vijnë si fryt i një strategjie të qëndrueshme zhvillimi që vendos në qendër klientin dhe cilësinë e shërbimit. Kompania, e cila operon në tregun e sigurimeve të jetës që prej vitit 2019, ka ndërtuar një portofol produktesh të orientuar drejt nevojave reale të individëve dhe bizneseve, duke kombinuar inovacionin digjital me një model të personalizuar këshillimi financiar. Kjo qasje ka ndihmuar në rritjen e qëndrueshme të numrit të klientëve dhe në forcimin e besimit ndaj ALBSIG Jetë.
Në një treg që po zgjerohet nën ndikimin e zhvillimeve ekonomike dhe rritjes së ndërgjegjësimit për mbrojtjen financiare, ALBSIG Jetë ka arritur të pozicionohet në krye, jo vetëm në aspektin e volumit të primeve, por edhe të standardeve të shërbimit. Kompania po forcon kanalet e saj digjitale të shitjes, po investon në produkte moderne sigurimi dhe po promovon transparencë të plotë në çdo ndërveprim me klientët.
Performanca e 9-mujorit 2025 vërteton qartë se ALBSIG Jetë nuk është më thjesht një emër i ri në treg, por një aktor kyç në zhvillimin e segmentit të sigurimeve të jetës në Shqipëri, duke ndërtuar një model suksesi që mbështetet në besim, inovacion dhe rezultate të matshme.
-
Gjergj Nika do regjistrohet si kandidat i pavarur për zgjedhjet e pjesshme në Vlorë
Kolegji Zgjedhor Gjyqësor, vendosi ditën e sotme, 30 tetor, që Gjergj Nika të regjistrohet si kandidat i pavarur lidhur me zgjedhjet e pjesshme lokale të 9 nëntorit, për Bashkinë Vlorë.
Çështja u shqyrtua nga gjyqtarët Rexhep Bekteshi (relator), Iliba Bezati, Artan Çupi, Ornela Naqellari dhe Enkel Peza
Komisioni Qendror i Zgjedhjeve ngarkohet për zbatimin e këtij vendimi të dhënë.
Njoftimi i Kolegjit Zgjedhor Gjyqësor (Klikoni këtu)
Kujtojmë se Gjergj Nika, kërkoi që të merrte pjesë në garën e zgjedhjeve të pjesshme lokale të 9 nëntorit, si kandidat i pavarur për Bashkinë Vlorë, por, ai nuk u regjistrua nga Kreu i Komisionit Qendror të Zgjedhjeve, Ilirjan Celibashi.
Për Vlorën, KQZ refuzoi kandidaturën e Gjergj Nikës me argumentin se, edhe pse ishte këshilltar dhe nuk kishte nevojë të mblidhte firma, ai duhej të paraqiste një komitet nismëtar për t’u regjistruar si i pavarur.