Për herë të parë, ish-ministri i Brendshëm Lulzim Basha është thirrur në SPAK për tu pyetur si person që ka dijeni për 12 janarin, ku 4 protestues u vranë në mes të bulevardit nga plumbat e shtetit. Por, çfarë deklaronte Lulzim Basha më herët për 21 janarin, pas përplasjes me Berishën dhe distancimit nga ai?
Shqiptarja.com iu rikthen në vëmendje deklaratat e Bashës të bëra gjatë vitit 2024, kohë kur po luftonte edhe t’i merrte Partinë Demokratike Berishës. Basha në disa dalje të tij publike ka deklaruar se ishte u gatshëm të shkonte në SPAK për 21 janarin dhe se është plotësisht në dispozicion të saj.
Edhe pse kur 4 protestuesit u vranë nga plumbat që u derdhën nga kryeministria në kohën kur Basha mbante postin e ministrit të Brendshëm, ai ka deklaruar se nuk ka dhënë asnjë urdhër që të qëllohet në drejtim të protestuesve dhe i bënte thirrje SPAK për hetim të plotë.
Pjesë nga një intervistë e dhënë nga Lulzim Basha për Zërin e Amerikës më 14 mars 2024
Zëri i Amerikës: Të ndalemi tek një zhvillim tjetër i po këtyre ditëve në Shqipëri. Gjykata e Lartë urdhëroi Prokurorinë e Posaçme, që të regjistrojë një proces penal për ngjarjet e 21 janarit dhe na kallëzim është edhe emri juaj. Në atë kohë ju keni ministër i brendshëm. A i druheni hetimeve për këtë rast?
Lulzim Basha: Aspak. Unë kam kërkuar prej fillimit një hetim të plotë dhe transparent. Sigurisht nuk komentoj asnjë vendim gjykate. Kanë kaluar 13 vite dhe është qartë besoj edhe për familjet e viktimave, që rasti është përdorur për politikë, për përfitime të ngushta politike. Mund të shohim madje edhe njerëz që janë akuzuar natën e 21 janarit, por që pastaj u graduan nga Partia Socialiste si kryetarë degësh apo kryetarë bashkish të Partisë Socialiste. Është një lojë e pistë edhe me gjakun e këtyre katër viktimave të pafajshme.
Zëri i Amerikës: Megjithatë, viktimat u vranë nga plumbat e ardhur nga ndërtesa e kryeministrisë, në kohën që ju ishit ministër i brendshëm.
Lulzim Basha: Dhe për këtë kam kërkuar prej ditës së parë një hetim të plotë dhe transparent, sepse unë personalisht nuk kam asgjë për të fshehur, apo për t’iu trembur dhe besoj se në këtë rast, si në çdo rast tjetër, drejtësia duhet të veprojë e papenguar nga politika dhe nga deklaratat politike dhe e pashfrytëzuar nga politika.
Zëri i Amerikës: Ju e përjashtoni çdo mundësi që një urdhër apo udhëzim të ketë dalë nga ju atë ditë?
Lulzim Basha: Pa diskutim.
Pak muaj pas kësaj interviste, edhe Report Tv e pyeti Bashën mbi 21 janarin dhe ai mbajti të njëjtin qëndrim, duke mohuar t’i ketë dhënë urdhër Gardës të qëllojë, si edhe mohoi se ka gisht në fshirjen e serverëve të kryeministrisë.
Report Tv: A ke urdhëruar gardën të qëllojë dhe a keni lidhje me fshehjen e serverëve?
Lulzim Basha: Jo dhe jo.
Report Tv: Ju shpreheni i pafajshëm me këtë përgjigje “jo dhe Jo”, cili është roli i Sali Berishës?
Lulzim Basha: Kjo është konferencë për shtyp nuk është GJKKO as SPAK, të lëmë SPAK dhe GJKKO të bëjnë punën e vet.
Author: Javanews.al
-
21 janari në SPAK, çfarë deklaronte Lulzim Basha pas distancimit nga Berisha: Jam në dispozicion të drejtësisë, s’kam dhënë asnjë urdhër për..
-
Erion Braçe “del” nga grupi i socialistëve, i bashkohet protestës së minatorëve para Parlamentit: Të drejtat tuaja janë themelore
Socialisti Erion Braçe është i vetmi i cili është bashkuar sot me minatorët e Spaçit në protestën para Parlamentit. Erion Braçe u shpreh në protestë se ministria përgjegjëse duhet të detyrojë kompanitë që të pranojnë kërkesat e minatorëve.
“Ministria e Punës duhet të bëjë atë që i ngarkon ligji: jo të zbusë situatën, por të garantojë zbatimin e Kushtetutës nga kontraktori i shtetit shqiptar për shfrytëzimin e vendburimit.
Pra, duhet të detyrojë kompaninë të njohë sindikatën tuaj dhe përmes saj t’i përfaqësoheni për të gjitha të drejtat tuaja. Kjo është themelore”-tha Braçe.
Kërkesa e minatorëve është njohja e sindikatës së krijuar prej tyre dhe nënshkrimin e një kontrate kolektive, që sipas tyre do të garantonte paga të drejta dhe kushte të sigurta pune. Mes kërkesave është ajo e njohjes së statusit të minatorit.
“Kërkojmë të drejtat tona. Duam atë që na takon nga shteti shqiptar. Duam kontrata kolektive”-deklaroi një nga pjesëmarrësit në protestë.
Zyrtare, Serbia emëron trajnerin e ri të kombëtares, pasuesi i Stojkoviç që u largua pas humbjes me Shqipërinë
Veljko Paunovic është emëruar zyrtarisht trajneri i ri i ekipit kombëtar të futbollit për meshkuj të Serbisë, duke pasuar Dragan Pixie Stojkovic, i cili dha dorëheqjen pas një humbjeje të fundit 1-0 në shtëpi ndaj Shqipërisë.
Federata e Futbollit e Serbisë (FSS) tha se Paunovic do të jetë në krye të ekipit kombëtar për pjesën e mbetur të fushatës kualifikuese të Kupës së Botës 2026. “Shanset për kualifikim ende ekzistojnë, dhe kjo është arsyeja pse Veljko Paunovic, së bashku me stafin e tij të trajnerëve, ka pranuar të udhëheqë ekipin kombëtar në ndeshjet kundër Anglisë dhe Letonisë”, tha FSS në një deklaratë.
Sekretari i Përgjithshëm i FSS-së, Branko Radujko, tha se diskutimet rreth një kontrate afatgjatë me Paunovicin do të vazhdojnë pas dy ndeshjeve kualifikuese, pavarësisht rezultatit të tyre.
Serbia do të përballet me Anglinë jashtë fushe më 13 nëntor dhe me Letoninë në shtëpi më 16 nëntor. Paunovic fitoi Kupën e Botës U20 në Zelandën e Re me Serbinë në vitin 2015.
-
U pyet për 21 Janarin? Basha del pas 1 ore në SPAK: Përgjigjen merreni tek…
Lulzim Basha ka lënë ambientet e SPAK, një orë pasi hyri në Prokurorinë e Posaçme. Ish-kreu i Partisë Demokratike tha për gazetarët se ishte thirrur këtë të enjte në SPAK si një person në dijeni për një nga çështjet nën hetim.
“Jam thirrur si person që ka dijeni për një çështje në hetim”, tha Basha.
I pyetur nëse bëhet fjalë për dosjen e “21 Janarit”, ish-kryedemokrati u përgjigj: “Informacionin se për cilën çështje jam thirrur ju lus ta merrni drejtpëdrejt tek institucioni sepse ligjërisht dua të respektoj sekretin hetimor. Këto ishin gjithçka që kisha për të deklaruar për këtë çështje.”
Basha po ashtu paralajmëroi se mund të ketë një konferencë për mediat, por jo në të ardhmen e afërt. “Për të tjerat e di që ju ka marrë malli për konferencë për shtyp, por do të prisni edhe pak.”
Sakaq, A2 CNN mëson se Basha ka shkuar në SPAK për llogari të hetimit të dosjes së ’21 Janarit’. Dyshohet se Basha është thirrur ne urdhër të prokurorit Alfred Shehu, i cili ka në dorë dosjen në fjalë.
Kujtojmë se në 21 janar të vitit 2011 mbetën të vrarë 4 protestues në Bulevardin Dëshmorët e Kombit, gjatë protestës që organizonte opozita socialiste e asaj kohe. Lulzim Basha atherë ishte Ministër i Brendshëm.
Protesta u thirr pas daljes së një videoje të zv.kryeministrit të asaj kohe, Ilir Metës, ku ai shfaqej duke bërë korrupsion.
Mazhoranca e kohës pretendoi se video ishte e montuar dhe nuk i ka pranuar akuzat e opozitës për korrupsion qeveritar. -
Nuk ka shumicë të re parlamentare, Çitaku: Kosova të shkojë në zgjedhje të reja
Nënkryetarja e Kuvendit të Kosovës nga radhët e PDK-së, Vlora Çitaku, ka deklaruar se në Kosovë nuk ka shumicë të re parlamentare, andaj vendi duhet të shkojë në zgjedhje të reja.
Ajo pas mbledhjes së Kryesisë së Kuvendit sot, tha se seanca e vetme që mund të thirret në Kuvend është ajo për formimin e qeverisë së re, andaj çdo thirrje e seancës për diçka tjetër është shkelje e Kushtetutës dhe ligjeve, raporton KosovaPress.
“Qartësova se pika e vetme e rendit të ditës që mund të trajtojmë si kryesi është thirrja e seancës për votimin e qeverisë se re. Çdo gjë tjetër është shkelje e ligjit dhe Kushtetutës”, tha Çitaku.
Ajo tha se në takimin e nesërm te presidentja Osmani, liderët politikë duhet të dëshmojnë a ka shumicë të re parlamentare. Por sipas saj, në Kosovë po shihet se nuk ka shumicë parlamentare, andaj vendi duhet të shkojë në zgjedhje të reja.
“Liderët në takimin e nesërm do të qartësojnë se a ka shumicë të re apo jo. S’ka shumicë të re parlamentare dhe s’kemi nevojë për taktizime”, tha Çitaku.
Presidentja Vjosa Osmani, pas dështimit të formimit të qeverisë nga mandatari Albin Kurti, ka ftuar për ditën e premte liderët e partive politike. E para e vendit duhet t’i jep shansin një kandidati tjetër për formimin e qeverisë dhe nëse kjo dështon sërish, atëherë sipas afateve kushtetuese duhet të shpallen zgjedhjet e reja brenda 40 ditëve.
-
Rritje financash dhe takime romantike, këto janë 3 shenjat e horoskopit që do tërheqin bollëk dhe fat gjatë muajit Nëntor
Muaji nëntor vjen me bollëk dhe fat për 3 shenja të horoskopit. Jupiteri, planeti i fatit dhe bollëkut, do të qëndrojë në gaforre gjatë gjithë muajit, duke sjellë energji pozitive, por edhe reflektime të thella.
Binjakët
Për binjakët, nëntori është muaji i bollëkut! Jupiteri në Gaforre ndikon direkt në shtëpinë tuaj të dytë, atë të financave dhe vetëvlerësimit, duke sjellë rritje ekonomike dhe mundësi profesionale. Venusi, deri më 6 nëntor, ndikon në marrëdhëniet dhe miqësitë, mund të ketë një romancë që lind nga një miqësi e vjetër.
Nga 6 nëntori, kur Venusi hyn në akrep, vëmendja kthehet te puna dhe shëndeti. Kjo është periudha ideale për të përmirësuar rutinën, për të fituar një pozicion të ri, apo për të rritur të ardhurat.
Në fund të muajit, kur venusi kalon në shigjetar, binjakët do të përjetojnë një periudhë të bukur në dashuri. Hëna e Plotë në dem ndihmon në çlirimin e energjive të vjetra dhe hap rrugën për fillime të reja profesionale.
Peshorja
Peshoret janë në qendër të vëmendjes! Jupiteri në shtëpinë e dhjetë të karrierës dhe reputacionit sjell rritje profesionale, njohje dhe suksese që mund t’i keni pritur prej kohësh. Është koha për të dalë në pah dhe për të marrë vlerësimin që meritoni.
Venusi, që qëndron në shenjën tuaj në fillim të muajit, ju jep një shkëlqim të veçantë, jeni më karizmatikë dhe tërhiqni vëmendje pozitive nga të tjerët. Kur Venusi kalon në akrep, në shtëpinë tuaj të dytë, do të ketë përmirësime të qarta në financa dhe stabilitet material.
Hëna e Plotë në dem mund të sjellë lajme të mira për një çështje financiare, ndërsa Hëna e Re në akrep hap një kapitull të ri në të ardhura.
Akrepi
Nëntori është muaji juaj! Jupiteri ndodhet në shtëpinë tuaj të nëntë, fushë që lidhet me udhëtimet, studimet dhe zgjerimin e horizonteve. Ky pozicion ju sjell mundësi të reja për të mësuar, për të udhëtuar, apo për të krijuar lidhje me njerëz që mund të ndryshojnë rrjedhën e jetës tuaj.
Kur Venusi hyn në shenjën tuaj më 6 nëntor, ju bëheni magnetikë dhe të parezistueshëm. Kjo është periudha ideale për dashuri, romanca dhe rritje personale. Në fund të muajit, venusi kalon në shigjetar, duke vënë në fokus financat dhe vetëvlerësimin.
-
Policia e Shtetit: Mos klikoni në mesazhet që imitojnë Postën Shqiptare
Policia e Shtetit ka paralajmëruar qytetarët sot , 30 tetor, duke u bërë thirrje të tregojnë kujdes ndaj mesazheve mashtruese që po qarkullojnë online dhe që imitojnë faqen zyrtare të Postës Shqiptare apo të institucioneve të tjera.
Sipas Drejtorisë së Hetimit të Krimit Kibernetik, kohët e fundit janë konstatuar mesazhe dhe lidhje të rreme (linqe) që kërkojnë nga përdoruesit të dhëna personale dhe bankare, duke u paraqitur si komunikime zyrtare.
Ky fenomen, i njohur si “phishing”, përbën një tentativë mashtrimi kibernetik, me qëllim përfitimin e paautorizuar të informacionit privat, si numrat e kartave bankare, PIN-et apo kodet e aksesit në llogaritë online.
Policia apelon për kujdes të shtuar:
Mos klikoni në lidhje të dyshimta të dërguara përmes email-it, SMS-ve apo rrjeteve sociale
Mos jepni të dhëna personale apo bankare në faqe që nuk janë zyrtare
Kontrolloni gjithmonë adresën e saktë të faqes, përpara çdo veprimi online
Në rast dyshimi, raportoni menjëherë pranë Policisë së Shtetit ose Drejtorisë së Hetimit të Krimit Kibernetik.
-
Zyrtare, Serbia emëron trajnerin e ri të kombëtares, pasuesi i Stojkoviç që u largua pas humbjes me Shqipërinë
Veljko Paunovic është emëruar zyrtarisht trajneri i ri i ekipit kombëtar të futbollit për meshkuj të Serbisë, duke pasuar Dragan Pixie Stojkovic, i cili dha dorëheqjen pas një humbjeje të fundit 1-0 në shtëpi ndaj Shqipërisë.
Federata e Futbollit e Serbisë (FSS) tha se Paunovic do të jetë në krye të ekipit kombëtar për pjesën e mbetur të fushatës kualifikuese të Kupës së Botës 2026. “Shanset për kualifikim ende ekzistojnë, dhe kjo është arsyeja pse Veljko Paunovic, së bashku me stafin e tij të trajnerëve, ka pranuar të udhëheqë ekipin kombëtar në ndeshjet kundër Anglisë dhe Letonisë”, tha FSS në një deklaratë.
Sekretari i Përgjithshëm i FSS-së, Branko Radujko, tha se diskutimet rreth një kontrate afatgjatë me Paunovicin do të vazhdojnë pas dy ndeshjeve kualifikuese, pavarësisht rezultatit të tyre.
Serbia do të përballet me Anglinë jashtë fushe më 13 nëntor dhe me Letoninë në shtëpi më 16 nëntor. Paunovic fitoi Kupën e Botës U20 në Zelandën e Re me Serbinë në vitin 2015. -
Budapest, mbahet Dialogu Global “Novacioni, hapja dhe zhvillimi i përbashkët
Sesioni hungarez i Dialogut Global “Novacioni, hapja dhe zhvillimi i përbashkët”, i organizuar bashkërisht nga Grupi Mediatik i Kinës (CMG) dhe Shoqata e Miqësisë Hungari-Kinë, u mbajt të hënën në Budapest.
Në videofjalimin e tij në këtë veprimtari, drejtori i CMG-së Shen Haixiong tha se Kina do të zgjerojë më tej hapjen e nivelit të lartë, për të krijuar një situatë të re të bashkëpunimit me përfitime të përbashkëta. CMG-ja do të bashkëpunojë me partnerët e saj për të ndërtuar një platformë globale me mbledhjen e mençurisë dhe me konsultime të përbashkëta, do të zbatojë “katër nismat globale” dhe do të ndajë me mbarë botën përvojën mbi qeverisjen globale, shtoi Shen.
Ambasadori kinez në Hungari Gong Tao u shpreh që Kina dhe Hungaria ndodhen në fazat kyçe të zhvillimit të tyre.
Gyula Thürmer, kryetar i Partisë së Punëtorëve të Hungarisë, vuri në dukje që thellimi i bashkëpunimit strategjik Hungari-Kinë do të jetë në favor të bashkëpunimit midis dy vendeve përballë pasigurisë globale dhe të mbrojtjes së paqes e zhvillimit të botës. -
Çfarë do të thotë rifillimi i testeve bërthamore i shpallur nga Trump dhe çfarë mund të ndodhë tani
Në mëngjesin e 1 marsit 1954, një top zjarri i tmerrshëm ndriçoi qiellin mbi atollin Bikini, në Ishujt Marshall. Me emrin e koduar Castle Bravo, shpërthimi në Paqësor ishte testi i parë amerikan i një bombe termobërthamore me hidrogjen, e bazuar në hidrur litiumi, me fuqi rreth një mijë herë më të madhe se bombat e hedhura mbi Hiroshimë dhe Nagasaki. Pasojat e eksperimentit ishin katastrofike.
Për shkak të një gabimi në llogaritje, fuqia e shpërthimit doli tre herë më e madhe se parashikimi, duke krijuar një re atomike që u ngrit deri në 40 kilometra lartësi dhe u zgjerua me diametër mbi 100 kilometra. Katër ishuj të atollit u bënë të pabanueshëm — të braktisur edhe sot — dhe materiali radioaktiv u përhap nga era deri në 11 mijë kilometra, duke arritur fillimisht në atollet Rongelap dhe Utirik, si edhe në një peshkarexhë japoneze, Daigo Fukuryu Maru (“Anija e pestë e Dragoit me Fat”). 23 anëtarët e ekuipazhit u kontaminuan; operatori i radios, Kuboyama Aikichi, vdiq gjashtë muaj më vonë nga sindroma akute e rrezatimit. Edhe një herë, një bombë amerikane kishte shkaktuar viktima japoneze.
Rasti i “anijes së pestë të dragoit me fat” ngjalli zemërim ndërkombëtar dhe protesta kundër testeve bërthamore në atmosferë. Presidenti Eisenhower, i indinjuar, premtoi se SHBA nuk do të shpërthenin më kurrë një bombë kaq të fuqishme — premtim që, në fakt, u mbajt, duke ia lënë rekordin Moskës: në vitin 1961, BRSS testoi Bombën Car, me 50 megatonë, më e madhja ndonjëherë, mbi 3 mijë herë më e fuqishme se Hiroshima.
Megjithatë, ishte Bikini që hyri në imagjinatën kolektive si simbol i “shpërthimit”: kur Rita Hayworth veshi për herë të parë një rrobabanjo “shpërthyese” me dy pjesë, emri i saj nuk mund të ishte tjetër veçse bikini.Presioni botëror solli ndryshime: në 1963, SHBA, BRSS dhe Mbretëria e Bashkuar nënshkruan LTBT (Traktatin për ndalimin e pjesshëm të testeve bërthamore), që ndalonte çdo test në atmosferë, në hapësirë, nën ujë apo në det të hapur.
Corriere Della Sera
Ky ishte fillimi i një kapitulli të ri gjatë Luftës së Ftohtë, që çoi në 1974 te TTBT, traktati që kufizonte shpërthimet nëntokësore në 150 kilotonë.Më ambicioz, por më pak i suksesshëm, ishte CTBT (Traktati Gjithëpërfshirës i Ndalimit të Testeve Bërthamore) i vitit 1996, i nënshkruar nga 187 shtete, por që nuk hyri kurrë në fuqi, pasi SHBA, Kina, Irani dhe Izraeli nuk e ratifikuan, ndërsa Rusia e tërhoqi ratifikimin. Koreja e Veriut nuk e ka nënshkruar fare.
Tani hapet sërish një faqe që dukej e mbyllur përgjithmonë: shpallja e Donald Trump për mundësinë e rifillimit të testeve bërthamore amerikane, me sqarimin e paqartë “on an equal basis” – “në kushte të barabarta me vendet e tjera”.Kjo mund të nënkuptojë teste të raketave apo armëve me kapacitet bërthamor, por pa shpërthime. Nuk dihet saktësisht se çfarë e ka shtyrë presidentin amerikan në këtë vendim dramatik, pak para samitit të shumëpritur me Xi Jinping, duke hapur një “kuti të Pandorës” që mund të çojë në një garë të re të rrezikshme armësh.
Më e mundshmja është që Trump ka reaguar ndaj deklaratave të fundit të Vladimir Putin për testet e suksesshme të “superarmëve” ruse: raketa bërthamore me rreze të pakufizuar veprimi dhe Poseidon, torpedi bërthamor i aftë të shkaktojë tsunami përballë brigjeve amerikane.Megjithatë, nuk ka prova që këto sisteme të jenë operative. Putin reagoi ndaj deklaratave të Trump, përmes zëdhënësit të tij, duke theksuar se Rusia po monitoron çdo shkelje të moratoriumit ndërkombëtar mbi testet bërthamore dhe se do të reagojë në përputhje.
“Presidenti amerikan ka të drejtë të marrë vendime sovrane,” – tha Peskov – “por nëse dikush braktis moratoriumin, Rusia do të veprojë në përputhje.”
Ndikim në vendimin e Trump ka ndoshta edhe Kina, e cila ka rritur ndjeshëm arsenalin e saj bërthamor. Sipas Pentagonit, me këtë ritëm, Pekini mund të ketë 1,500 koka bërthamore deri në vitin 2035, pesë herë më shumë se sot.Megjithatë, Kina – edhe pse nuk e ka ratifikuar traktatin CTBT – e ka respektuar deri tani; ashtu si SHBA-të, që nuk kanë kryer asnjë test bërthamor që nga 1992, ndërsa i fundit kinez daton në 1996.Rusia, për testin e saj të fundit, duhet të kthehet në 1990, kohë kur ekzistonte ende Bashkimi Sovjetik.
Nëse Trump i qëndron vendimit të tij, Moska dhe Pekini me siguri do ta ndjekin shembullin.Sidomos Kina, që ka nevojë të përshpejtojë miniaturizimin e bombave të saj — sa më të vogla të jenë raketat, aq më precize mund të jenë goditjet, me kosto më të ulët dhe prag më të ulët përdorimi.Kina dëshiron gjithashtu të kompensojë hendekun strategjik me SHBA: aktualisht, raketat amerikane Trident II të vendosura në nëndetëse mbajnë deri në tetë koka bërthamore, ndërsa raketat kineze vetëm tre.
-
Ferri, biznesi dhe Republika e Shqipërisë
Nga Ben Andoni
“Vendet më të errëta në ferr u janë rezervuar, atyre që ruajnë neutralitetin në kohë krize morale”. Fjalët janë të babait të arkitekturës së Komedisë Hyjnore (Ferrit-Purgatorit-Parajsës). Dante Aligieri e kishte kuptuar mirë se kur duhet të flasësh ose të shkruash, sidomos në kohë të vështira, atëherë njerëzit pakohen, druhen dhe llogarisin problemet, por mbi të gjitha rehatinë. I tillë ka ardhur momenti në Shqipëri me atë që duket se po gatuan politika jonë për t’u përjetësuar. Ende shoqëria nuk është e gatitur të reagojë, kurse grupet e interesit dhe sidomos media duket e kapluar nga çështje krejt të tjera.
Është e vërtetë se në tre dekadat (+gjysmë) e fundit jemi drejtuar nga individë të rangjeve të ndryshme, të cilët jo pak herë lënë shumë për të dëshiruar dhe më shumë akoma që i kanë braktisur kredot morale. Ndërkohë kanë bërë mirë për vazhdimësinë e tyre dhe sidomos ciklimin e mediokërve që nuk kanë asnjë skrupull. Shqetësues se e njëjta entropologji shihet edhe tek brezi i ri. Përfito çfarë të mundesh, kjo është moto! I tillë është vendi ynë sot, mbushur me të tillë njerëz. Kryetari i Kontrollit të Lartë të Shtetit ankohej se nuk e linin të bënte punën. Shefi i SPAK-ut kapte kokën nga pyetjet “intelektuale” të deputetëve. Të tjerët të rëngjethnin për gjërat që artikulonin, por asgjë…nga politika. Asgjë nga publiku. Asgjë nga instrumentet e tjera qeverisëse. A duhet të rrimë më kështu? A na përfaqëson më kjo politikë? Po nëse do ta arnojnë sërish Kushtetutën, gjë që ka shumë gjasë? Arnim është fjala më e mirë për të thënë, pasi PD dhe PS e kanë bërë shumë herë deri më tani.
Pak orë më parë (30.10.2025), një ministër shqiptar përshkronte i vetëm pedonalen, krejt i krekosur! Nga pas e ndiqte një shoqërues (bodyguard) por në një largësi gati 10 metra! I ngrati shtrëngonte çantën e shefit, ndërsa eprori ecte me kokën lart dhe me një krenari të pazakontë, sikur dilte nga ndonjë aulë universiteti prestigjioz. Për etikë nuk po e përmendim, por shumë u ka ngjallur neveri mendjemadhësia e këtyre individëve që duhet të ishin nga më kokulurit në vend sepse merren me problemet e vendit (nga ato ekonomike dhe sociale, kryesisht), fushat prej të cilave shqiptarët po e lënë vendin. Me një thjeshtim të gjykimit, në këtë kategori mendimi, po ministrat e tjerë?! Nuk është e nevojshme të hamendësosh se ç’bëjnë ministrat, sepse u dihen bëmat, kurse SPAK ka nisur një inkursion, nga i cili të gjithë shqiptarët, presin një lloj përgjigje. Por ajo vonohet e vonohet.
Ndryshimet që Rama mëtoi në Asamblenë e PS-së (që për nga rëndësia mund të quhet aktiviteti kryesor i vendit) u fol për rrudhjen e parlamentit në 100 deputetë dhe shumë gjëra të tjera, kurse z. Berisha konfirmoi pak më përpara se po negociohet me PS. Se çfarë dihet. Marrëveshjet e tyre bëhen gjithnjë në kurriz të shqiptarëve, por jo të parimit dhe ndarjes së pushteteve. Pushtetet e tjera veç atij të Ekzekutivit në Shqipëri janë krejt inaktivë. Më keq akoma ato kontrolluese. I pamë së fundi në parlament dhe drojën sesi raportonin njëri pas tjetrit, por edhe pengesat.
Shqetësimi më i madh është struktura e re drejtuese e vendit, apo mënyra sesi Rama po mundohet të imponohet me fuqinë e pamatë të numrave për ndryshimet kushtetuese. Ato kanë nisur dhe janë poshtë rrogozit dhe, kur gjithë shqiptarët presin ndryshime që do mundësonin zgjedhje fair dhe një reformë territoriale të nevojshme, duket se përpjekja është që të strukturohet parlamenti për interesa dhe me këtë rast dhe përjetësia e “Plakut” Berisha dhe “Rioshit” Rama që do të ngulmojnë aty për vendet në Senatin e një parlamenti që asnjëherë nuk u bë pushteti i vërtetë legjislativ i shqiptarëve. Duket se blloku ndaj Drejtësisë do jetë institucional dhe përballja e dyshes Berisha-Rama që nuk njohin më asnjë kanon demokratik do mbetet i qetë me kinse debatet e tyre ajrore. Të mos harrojmë se kjo është serioze ose si e thoshte më qartë ‘ciniku’ Çërçill: “Politika nuk është lojë. Është një biznes serioz”. Dhe, në këtë biznes Berisha dhe Rama janë të paparë. Republika po cenohet lodhshëm dhe shpatullat e saj po ulen nga dita në ditë prej mungesës së respektit dhe goditjes së saj. Këtë e shikoje sot tek ai ministri i sotëm, ndjekur nga bodygart-i që ulte kokën për të mos u vërejtur në atë gjendje, ku na ka katandisur të gjithëve biznesi i hidhur i politikës shqiptare në kurriz të Republikës tonë III. (Javanews)