Një grup ekspertësh të njohur kanë bërë thirrje për forcimin e bashkëpunimit global lidhur me qeverisjen e inteligjencës artificiale (AI), duke theksuar ekuilibrin ndërmjet sigurisë dhe krijimit të risive në sfondin e përshpejtimit të zhvillimit të teknologjive të AI-së.
Kohët e fundit, në Universitetin e Pekinit u mbajt një tryezë e rrumbullakët mbi qeverisjen e AI-së, duke mbledhur së bashku shkencëtarë dhe udhëheqës të industrisë kinezë e të huaj, për të diskutuar lidhur me sfidat dhe mundësitë e sjella nga zhvillimi i shpejtë i AI-së.
Në fjalën e tij të hapjes, dekani i asociuar i Zyrës së Shkencave Humane dhe Shoqërore në Universitetin e Pekinit Wang Dong u shpreh që AI po riformëson industritë, shoqëritë dhe peizazhin botëror me një ritëm si kurrë më parë.
Ai theksoi se qeverisja e AI-së është një çështje përcaktuese në epokën e tanishme dhe vuri në dukje nevojën për të gjetur një ekuilibër midis garantimit të sigurisë dhe nxitjes së inovacionit nëpërmjet bashkëpunimit midis qarqeve akademike, politikëbërësve dhe industrisë.
Author: Javanews.al
-
Zhvillohet tryeza e rrumbullakët ndërkombëtare mbi qeverisjen e AI
-
Etiketohet si “agjent i huaj”- Rusia shton në listën e terroristëve ish-kryeministrin, Mikhail Kasyanov
Mbikëqyrësi financiar i Rusisë, Rosfinmonitoring ka shtuar ish-kryeministrin rus, Mikhail Kasyanov dhe ekonomistin, Sergei Guriev në listën e ekstremistëve dhe terroristëve. Rosfinmonitoring i shtoi ata në një listë që përfshin 19,131 individë dhe 823 organizata.
Lista, e cila u zgjerua ndjeshëm gjatë luftës së Rusisë në Ukrainë, është një mjet publik për autoritetet për të synuar individë dhe subjekte që ato besojnë se janë të përfshira në aktivitete kundër shtetit.
Rosfinmonitoring, e cila është përgjegjëse për monitorimin e pastrimit të parave dhe financimit të terrorizmit, ka të drejtë të ngrijë llogaritë bankare të atyre që janë në listë. Kasyanov shërbeu si kryeministër gjatë katër viteve të para të sundimit të Presidentit Vladimir Putin dhe u shkarkua në shkurt 2004, disa javë para se Putin të zgjidhej për një mandat të dytë.
Pas dorëheqjes së tij, ai filloi të kundërshtonte Kremlinin. Në vitin 2022, ai u largua nga vendi dhe dënoi pushtimin e Ukrainës nga Rusia. Në nëntor 2023, Kasyanov u etiketua si “agjent i huaj”.
Guriev është një ish-ekonomist kryesor në Bankën Evropiane për Rindërtim dhe Zhvillim dhe aktualisht është dekan i Shkollës së Biznesit në Londër.
-
Alarmi për motin e keq në vend, reagojnë Emergjencat Civile: Ja qarqet që kanë më shumë rrezik
Instituti i Gjeoshkencave ka paralajmëruar se ditët 17–18 nëntor 2025 do të shoqërohen me reshje të dendura shiu në pjesën më të madhe të vendit, me rrezik të shtuar për përmbytje dhe probleme në zonat urbane.
Sipas parashikimit, Shkodra, Kukësi, Vlora dhe Gjirokastra do të përballen me reshje intensive deri shumë intensive, ndërsa në Lezhë priten reshje intensive. Intensitet mesatar deri në intensiv është parashikuar për qarqet Dibër, Durrës dhe Tiranë.
Shtrëngatat e shpeshta mund të shkaktojnë vërshime të menjëhershme, rrëshqitje dherash si dhe përmbytje të lokalizuara në zonat urbane.
IGJEUM njofton se prurjet në lumenjtë kryesorë, Drin-Buna, Mat, Ishëm, Erzen, Shkumbin dhe Vjosë — pritet të rriten ndjeshëm në ditët e ardhshme.
Ndërkohë, Ministria e Mbrojtjes dhe Agjencia Kombëtare e Mbrojtjes Civile u kanë kërkuar bashkive të marrin masa të menjëhershme parandaluese, duke përfshirë:
- njoftimin e komuniteteve dhe bizneseve të ekspozuara ndaj rrezikut;
- kontrollin dhe pastrimin e kanalizimeve dhe pusetave,
- vënien në gatishmëri të hidrovoreve dhe sistemeve të ujësjellës-kanalizimeve;
- monitorim të vazhdueshëm të niveleve të ujit dhe, nëse kërkohet, evakuim preventiv.
Autoritetet u bëjnë apel qytetarëve të tregojnë kujdes maksimal, të shmangin lëvizjet në zonat e rrezikuara dhe të ndjekin udhëzimet zyrtare.
Ministria e Mbrojtjes dhe AKMC theksojnë se mbeten në gatishmëri të plotë për t’i ardhur në ndihmë qytetarëve në çdo moment.
-
Nga sonte priten reshje të dendura shiu, Vengu inspektim në hidrocentralin e Vaut të Dejës, mbledh emergjencat në Shkodër
Nga mbrëmja e sotme pjesa më e madhe e vendit pritet të përfshihet nga reshje të dendura shiu. Për të marrë masa për shmangien e përmbytjeve, ministri i Mbrojtjes Pirro Vengu zhvilloi një inspektim në hidrocentralin e Vaut të Dejës së bashku me kryetarin e Bashkisë së Shkodrës, Benet Beci, dhe drejtorin e Agjencisë Kombëtare të Mbrojtjes Civile, Haki Çako, nga hidrocentrali i Vaut të Dejës.
Pas një inspektimi fillestar në pika që konsiderohen si kritike për parandalimin e pasojave nga reshjet e shiut, Ministri i Mbrojtjes do të drejtojë mbledhjen e Komitetit të Emergjencave Civile, e cila do të zhvillohet pasditen e sotme në orën 17:00 në zyrat e Prefekturës së Qarkut Shkodër.
-
Spiropali mirëpret homologun gjerman Wadephul: Gjermania mbështetje për integrimin europian të Shqipërisë dhe rajonit
Ministrja për Europën dhe Punët e Jashtme Elisa Spiropali mirëpriti në Tiranë, Ministrin e Jashtëm të Republikës Federale të Gjermanisë, Johann Wadephul, i cili po zhvillon një tur në gjashtë shtetet e Ballkanit Perëndimor: Bosnjë dhe Hercegovinë, Mal i Zi, Shqipëri, Serbi, Kosovë dhe Maqedoninë e Veriut.
Në takimin bilateral, Ministri gjerman theksoi përparimin që Shqipëria dhe Mali i Zi kanë bërë lidhur me reformat jetike për procesin e anëtarësimit si ato në fushën e sundimit të ligjit.
Ministrja Spiropali i shprehu homologut të saj mirënjohjen për mbështetjen e palëkundur politike dhe teknike, që Gjermania i ka dhënë Shqipërisë në rrugëtimin e saj europian.
Sipas Spiropalit, Gjermania ka mbajtur gjithmonë qasje të drejtë dhe meritore ndaj procesit të zgjerimit, që e ka mbajtur gjallë procesin e zgjerimit edhe në momente të vështira dhe e ka bërë atë të besueshëm për Shqipërinë dhe për vendet e tjera të rajonit.
Të dy ministrat ndanë bindjen se Ballkani Perëndimor është pjesë e natyrshme dhe e pazëvendësueshme e familjes europiane.
-
(VIDEO)“Kë sheh ti si organ s*ksual?!”- Incidenti që solli përplasjen mes Nokës dhe Çuçit, çfarë ndodhi në Komision (Debatet)
Një incident ka ndodhur sot në Komisionin për Çështjet e Brendshme mes Flamur Nokës dhe drejtuesit të Komisionit, Bledi Çuçi, ç’ka bëri që ky i fundit të përjashtojë deputetin demokrat.
Në një moment Flamur Noka dëgjohet t’i thotë kolegëve të PS se “ju shoh në një moment si mashkull, në një moment si femër, në një moment si organ seksual”.
Pas këtyre fjalëve ndërhyn edhe deputeti tjetër socialist Agron Malaj, i cili thotë “kë sheh?” Noka drejton gishtin nga Bledi Çuçi, ku edhe ky i fundit me ton të lartë i thotë “kë sheh, kë sheh?” dhe më pas ndërpret mbledhjen.
Pas rifillimit, Çuçi lexoi rregulloren duke deklaruar përjashtimin e Flamur Nokës nga seanca dhe i kërkoi atij të lërë sallën.
“Ju përjashtoj nga seanca dëgjimore e komisionit për fyerje të kryetarit të Komisionit. Ju lutem lëreni mbledhjen, jeni i përjashtuar, sepse pengon punimet e seancës, fyen, kërcënon drejtuesin e seancës dhe drejtuesin e institucionit. Lëreni sallën të vazhdojë punimet. Po vazhdove do ti kërkoj parlamenti të kërkojë 10 ditë përjashtim. Lereni sallën, jeni i përjashtuar”, tha Çuçi.
-
Vrasja e gjyqtarit Kalaja, Proda reagon tek “Siguria”: Analizuam rolin tonë
Drejtori i Përgjithshëm i Policisë së Shtetit, Ilir Proda, ka qenë këtë të hënë në një seancë të Komisionit Parlamentar për Çështjet e Brendshme dhe Sigurinë.
Proda, për herë të parë, ka komentuar vrasjen e gjyqtarit Astrit Kalaja në Gjykatën e Apelit në Tiranë, një ngjarje që ka ngritur pikëpyetje në opinionin publik mbi punën e policisë.
“Ngjarja në gjykatë është një fatkeqësi. E kemi analizuar rolin tonë. Siguria brenda gjykatave u është besuar disa rojeve civile që sigurohen nga vetë gjykata. Sigurimin fizik e kryen kompania ‘Ilirian Guard’. Është ngritur një grup pune dhe besoj se do të ketë ndryshime,”- tha Proda. -
Alarmi për motin e keq/ Bashkia e Tiranës njoftim për qytetarët: Shmangni lëvizjet e panevojshme
Bashkia e Tiranës ka njoftuar qytetarët se gjatë natës së sotme dhe ditës së nesërme do të ketë reshje të dendura shiu dhe shtrëngata. Përmes një njoftimi, Bashkia Tiranë i kërkon qytetarëve që të tregojnë kujdes dhe të shmangin lëvizjet e panevojshme.
Po ashtu, Bashkia bën të ditur se ekipet e tyre do të jenë në terren për çdo situatë dhe u bën thirrje qytetarëve që të raportojnë çdo problem.
Njoftimi i Bashkisë Tiranë:
Gjatë natës së sotme dhe ditën e nesërme Tirana do të përfshihet nga shtrëngata dhe reshje të dendura shiu.
Ju lutem, tregoni kujdes dhe ulni lëvizjet e panevojshme! Ekipet tona janë në terren për çdo emergjencë.
Për çdo problematikë raportoni te aplikacioni “Tirana Ime” ose telefononi 112. -
Vrasja e Martin Canit, Prokuroria kërkon 25 vite burg për autorin 14 vjeçar
Prokuroria e Tiranës ka dhënë pretencën për të miturin Mario Përlleshaj që akuzohet për vrasjen e Martin Canit, duke kërkuar dënimin me 25 vite burg për veprën penale vrasje në rrethana cilësuese kundër dy ose më shumë personave.
Por prokurorja Alma Felaj tha se e lë në vlerësimin e gjykatës dënimin përfundimtar duke i kujtuar kodin penal për të mitur përkatësisht nenin 97.
Ky nen përcakton se dënimi në këto kushte nuk i kalon 12 vite, ç’ka do të thotë se nëse gjykata merr parasysh këto rrethana, autori i vrasjes së Martin Canit dhe plagosjes së Luis Meçja mund të dënohet me më pak se gjysma e dënimit fillestar, pra me 12 vite. Në seancën e ardhshme do të mbahen konkluzionet e mbrojtjes por edhe qëndrimi i palëve të dëmtuara.
Kujtojmë se si pasojë e përleshjes mes të miturve mbeti i plagosur edhe vetë autori i dyshuar.
Prej nëntorit të 2024, 14-vjeçari Mario Përlleshaj mbahet në institucionin e të miturve në Kavajë.
Ngjarja e rëndë ndodhi pranë shkollës “Fan Noli” më 18 nëntor të vitit të kaluar. Vetëm disa ditë para krimit, adoleshentët ishin konfrontuar me njëri-tjetrin, dhe shkolla pretendoi se i kishte ballafaquar të miturit dhe pas kësaj ishin pajtuar, por në fakt, konflikti vijoi disa ditë më pas sapo fëmijët lanë ambientin e shkollës, ku u regjistruar disa metra larg saj edhe ngjarja e rëndë. -
(VIDEO)Rusia bombardon portin e Odesës/ Lufta mbërrin deri në Rumani, evakuohet fshati pas shpërthimeve në kufi
Autoritetet rumune po evakuojnë fshatin Plaourou, në kufirin rumuno-ukrainas, pasi një zjarr shpërtheu në një anije që transportonte LPG disa qindra metra larg zonës, pas një sulmi me dron rus në portin ukrainas të Izmail.
Sipas rrjetit rumun Digi24, midis 100 dhe 150 banorëve të Plaourou, i cili ndodhet përballë Izmail në Danub, po evakuohen si masë paraprake. Sulmi rus të dielën në mbrëmje shkaktoi një zjarr në një anije që transportonte mijëra ton LPG, me flakë që arrinin një distancë prej rreth 500 metrash nga fshati.
Autoritetet lokale po paralajmërojnë se situata është jashtëzakonisht kritike, pasi anija mund të “shpërthejë në çdo moment”.
Kryetari i bashkisë së rajonit, Tudor Cernega, tha se shërbimet e sigurisë po kryejnë kontrolle shtëpi më shtëpi dhe po largojnë gjithashtu kafshët për shkak të rrezikut të një shpërthimi të madh.
Ndërkohë, autoritetet ukrainase në rajonin e Odesës folën për një goditje “masive” ndaj infrastrukturës energjetike dhe portuale, me disa anije të dëmtuara. Tankeri i LPG-së, i quajtur Orinda dhe që valëviste flamurin turk, u dëmtua rëndë, por 16 anëtarët e ekuipazhit e braktisën anijen në mënyrë të sigurt pa lëndime, njoftoi qeveria turke./ Under nattens attack mot hamnstaden Izmail började det brinna på ett turkiskt fartyg som fraktar 4000 ton flytande naturgas / LNG. Eftersom Izmail ligger på gränsen till Rumänien så har de rumänska myndigheterna utrymt en gränsby p.g.a. explosionsrisken. pic.twitter.com/eXG8rBfOHT
— Fria Ukraina (@FriaUkraina) November 17, 2025