Lajmidites.com

Author: Argjiroja.net

  • Krisje totale, Salah sinjale lamtumire nga Liverpool, pas Kupës së Afrikës vjen divorci?

    Krisje totale, Salah sinjale lamtumire nga Liverpool, pas Kupës së Afrikës vjen divorci?

    Mohamed Salah ka shkaktuar shqetësim te Liverpooli, pasi e ardhmja e tij te klubi mbetet e pasigurt. Pas shpërthimit të tij pas ndeshjes me Leeds, ku shprehu zhgënjimin për trajtimin që po merrte, sulmuesi egjiptian u përjashtua nga skuadra për ndeshjen e Ligës së Kampionëve kundër Interit.
    Në vend që të udhëtonte me ekipin, Salah u paraqit për stërvitje në bazën e Liverpoolit, ku postoi një foto në palestër. Pas fjalëve të tij të ashpra, trajneri Arne Slot u shpreh i pasigurt për të ardhmen e tij, duke thënë se nuk e dinte nëse Salah do të luante më për Liverpoolin.

    Salah, i cili nënshkroi një kontratë të re në prill, ka shprehur zhgënjimin për faktin që është emëruar në stol për tre ndeshje radhazi dhe tha se ka marrë premtime që nuk janë mbajtur. Ai gjithashtu theksoi se ka pasur një marrëdhënie të mirë me trajnerin, por tashmë kjo marrëdhënie duket se është ftohur.
    Në çdo rast, Salah do të mungojë nga Liverpooli më vonë këtë muaj për shkak të angazhimit të tij me kombëtaren e Egjiptit në Kupën e Kombeve të Afrikës, që nis më 21 dhjetor.

  • E rëndë/ 57-vjeçarja ndërron jetë pas ndërhyrjes kirurgjikale

    E rëndë/ 57-vjeçarja ndërron jetë pas ndërhyrjes kirurgjikale

    Një ngjarje e rëndë është shënuar në qytetin e Vlorës, ku një shtetase ka ndërruar jetë pasi ka kryer një ndërhyrje kirurgjikale.
    Shtetasja 57-vjeçare me iniciale M.B. ndërroi jetë në banesën e saj.
    “Specialistët për Hetimin e Krimeve në Komisariatin e Policisë Vlorë referuan materiale për vlerësim, pasi pas një ndërhyrjeje kirurgjikale të kryer më herët, ka ndërruar jetë në banesën e saj shtetasja M. B., 57 vjeçe. Vijon puna për përcaktimin e saktë të shkakut të vdekjes”,-thuhet në njoftim.
    Materialet iu referuan Prokurorisë për veprime të mëtejshme.

  • E kaloi natën në karrige para Kryeministrisë, Adriatik Lapaj: Jam shkëndija që duhet t’i ndezë qytetarët (VIDEO)

    E kaloi natën në karrige para Kryeministrisë, Adriatik Lapaj: Jam shkëndija që duhet t’i ndezë qytetarët (VIDEO)

    Kryetari i Lëvizjes “Shqipëria Bëhet”, Adriatik Lapaj, ka nisur një formë të pazakontë proteste para Kryeministrisë, i ulur në një karrige dhe pa asnjë logo partie. Ai deklaroi në Dita Jonë në A2 CNN se ka dalë si qytetar dhe aktivist, i zhgënjyer nga mungesa e reagimit shoqëror ndaj situatës politike dhe ekonomike në vend.
    Lapaj theksoi se kishte pritur protesta dhe përballje publike në dhjetor, sidomos për çështje që prekin të rinjtë dhe studentët, për ikjen masive nga vendi dhe mungesën e shpresës. “Mendova të bëhem një shkëndijë. Një shkrepëse e vogël që mund të ndezë një lëvizje që Shqipëria e ka shumë nevojë,” u shpreh ai, duke theksuar se problemet e sotme nuk i zgjidh asnjë parti e vetme.
    Ai akuzoi kryeministrin Edi Rama se po ushtron presion ndaj institucioneve të drejtësisë, sidomos ndaj Gjykatës Kushtetuese, ndërsa mbrojtja e zëvendëskryeministres Belinda Balluku sipas tij tregon frikën e Ramës nga përparimi i hetimeve. “Po dal për pavarësinë e gjyqësorit. Ky është moment historik. O vendoset drejtësia, o ky shtet shkon drejt shkatërrimit,” tha Lapaj.
    Sa i përket qëndrimit në protestë, Lapaj u shpreh se do të rrijë aq sa ta mbajnë forcat. “Do qëndroj derisa misioni të përmbushet. Uroj që qindra e mijëra qytetarë t’i bashkohen kësaj thirrjeje. Nëse ndodh shpejt, aq më mirë të kthehem te vajza ime,” deklaroi ai.
    Lapaj tregoi se gjatë natës nuk ka qenë i vetëm. Qytetarë kanë shkuar për ta mbështetur, disa për disa orë, të tjerë duke i sjellë ujë të ngrohtë dhe batanije. Ai beson se protesta do të rritet në përmasa dhe se është koha që rinia, studentët, fermerët dhe të gjithë ata që ndihen të papërfaqësuar nga politika të reagojnë.
    “Shteti nuk është pronë personale. Na duhet ta mbyllim tranzicionin dhe të ndërtojmë institucione të drejta, që qytetarët t’u besojnë taksave dhe ligjit,” tha Lapaj në Dita Jonë.

  • Emërohet drejtuesi i ri Byrosë Kombëtare të Hetimit

    Emërohet drejtuesi i ri Byrosë Kombëtare të Hetimit

    KLP ka vendosur emërimin e Joni Ketës në detyrën e drejtuesit të BKH. Mandati do të jetë 5 vjeçar. Njoftohet për vendimin SPAK, Drejtoria e Policisë së Shtetit dhe Zoti Keta. Me 11 vota pro dhe asnjë kundër është miratuar emërimi i zotit Keta në krye të BKH-së.

  • Sot zgjidhet kreu i ri i Byrosë Kombëtare të Hetimit

    Sot zgjidhet kreu i ri i Byrosë Kombëtare të Hetimit

    Këshilli i Lartë i Prokurorëve mblidhet këtë të martë për emërimin e dretuesit të ri të Byrosë Kombëtare të Hetimit (BKH).
    Porkuroria e Posaçme ka propozuar për këtë detyrë Joni Ketën.
    Bazuar në dokument, mbledhja e sotme do të mbahet në orën 11:00 dhe do të zgjasë rreth 90 minuta.
    Dokumenti-Informacion mbi mbledhjen:
    Dita/Data: E Martë, 09.12.2025
    Ora: 11.00
    Kohëzgjatja: -90 minuta
    Kuorumi i nevojshëm: 7 anëtarë
    Kjo mbledhje do të organizohet në sallën e mbledhjeve në prezencë të Anëtarëve të Këshillit të Lartë të Prokurorisë, si dhe përfaqësuesve nga Prokurori i Përgjithshëm, Ministria e Drejtësisë, Projekti Eu4Justice dhe Programi OPDAT. Media është e ftuar të jetë e pranishme.
    Rendi i ditës:
    Miratimi i Procesverbaleve të mbledhjeve plenare të datave 13.11.2025, 14.11.2025 dhe 18.11.2025;
    Diskutimi/miratimi i projektvendimit: “Për emërimin e Drejtorit të Byrosë Kombëtare të Hetimit”
    Diskutimi/miratimi i projektvendimeve: “Për transferimin e përkohshëm me pëlqim të prokurorit në Prokurorinë pranë Gjykatës së Shkallës së Parë të Juridiksionit të Përgjithshëm Elbasan”

  • Alonso në “fije të perit”, Perez ultimatum, Man.City vendos fatin e spanjollit

    Alonso në “fije të perit”, Perez ultimatum, Man.City vendos fatin e spanjollit

    Në Madrid tensioni është në nivel maksimal, ku Xabi Alonso rrezikon shkarkimin. Humbja e rendë e pësuar përballë Celta Vigo-s, ka bërë që drejtuesit e klubit të qëndrojnë të mbyllur në zyrë deri natën vonë, ku pa diskutim tema kryesore ishte e ardhmja e Alonsos.
    Nga Spanja, mediat raportojnë, se Alonso ka në dispozicion vetëm një ndeshje, atë kundër Man.City, për të shpëtuar stolin e tij. Tekniku spanjoll mori vendin e Ancelottit, por gjërat nuk po shkojnë mirë, dukshëm Alonso ka humbur pjesën më të madhe të ekipit, me senatorët që kanë filluar t’i dalin kundër. Mbi ish trajnerin e Leverkusen rendojnë jo vetëm rezultatet, por dhe menaxhimi i disa titullarëve si Vinicius jr. Kjo situatë nuk është pritur mirë nga Perez dhe pjesa tjetër e stafit duke i vendosur menjëherë një ultimatum teknikun spanjoll, fiton ndaj Man.City të mërkurën për të shpëtuar stolin, në këtë kundërt e pret shkarkimi.

    Kaq ka mjaftuar që në Spanjë, mediat të aludojnë edhe për pasuesin e tij, ku emri i parë në raste të tilla është ai i Zinedine Zidane, por këtë herë diskutimi është pak më i ndërlikuar pasi Zidane pret të marrë drejtimin e Francës pas Botërorit “FIFA2026”, me Deschamps që ka bërë publike vendimin e tij për t’u tërhequr nga “gjelat”. Në listën e dëshirave janë edhe emra si Klopp, Solari apo Arbeloa, por Alonso beson se ekipi i tij mund të ndryshojë situatën teksa pas ndeshjes me Celta Vigo-n u kujdes të theksonte se grupi është i bashkuar.

  • Kate Winslet kritikon ilaçet për humbje peshe dhe presionin për pamjen trupore: “Është shkatërruese”

    Kate Winslet kritikon ilaçet për humbje peshe dhe presionin për pamjen trupore: “Është shkatërruese”

    Kate Winslet ka folur hapur për rritjen e përdorimit të ilaçeve për humbje peshe dhe ka shprehur shqetësimin e saj për ndikimin e këtyre tendencave në shëndetin dhe vetëvlerësimin e individëve. Në një intervistë për Sunday Times, aktorja theksoi se sot, shoqëria është e ngarkuar me një presion të fortë për t’u përshtatur me standardet e bukurisë, duke thënë se ky fenomen ka arritur në nivele shqetësuese.
    Ajo shpjegoi se është shkatërruese kur vetëvlerësimi i një personi mbështetet kaq shumë në pamjen e tij: “Nëse vetëvlerësimi i dikujt varet kaq shumë nga pamja, kjo është tmerruese,” tha Winslet. Ajo theksoi se ndonëse ka pasur përparime për t’u pranuar dhe dashur vetveten, ka ende një kontradiktë të madhe në shoqëri: “Disa njerëz po bëjnë atë që duan, por shumë të tjerë po përdorin ilaçe për humbje peshe. Është kaq e ngatërruar,” shtoi ajo.
    Kate gjithashtu shprehu shqetësimin për përdorimin e trajtimeve estetike si Botox dhe filler-at, duke theksuar se shumë gra, për shkak të ndikimit të mediave sociale, po humbasin lidhjen me bukurinë natyrale dhe procesin e plakenjes. “Disa nga gratë më të bukura që njoh janë mbi 70 vjeç,” tha ajo, duke kritikuar gjithashtu presionin e tepërt që krijohet për të arritur një pamje perfekte.
    Ajo kujtoi edhe përvojat e saj të para me mediat, kur ishte e re dhe përballej me kritika të ashpra për trupin e saj, duke thënë se do të donte të mund të kishte mbrojtur veten nga body shaming-u i vazhdueshëm.

  • “Poker” ndaj Wolverhampton, Man.United shfaq “shenja jete”, Amorim: Duhet të arrijmë 20 fitore radhazi

    “Poker” ndaj Wolverhampton, Man.United shfaq “shenja jete”, Amorim: Duhet të arrijmë 20 fitore radhazi

    Man.United vijon sezonin me ulje-ngritje të forta, por suksesit me “poker” golash ndaj Wolverhampton i jep pak frymëmarrje, i afron “djajtë e kuq” me “zonën euro”. Ekipi i Amorim gjeti golin e avantazhit në minutën e 25-të, ku një gafe në mbrojtjes e “ujqërve” i dha mundësinë Bruno Fernandes të shënonte golin e parë. Vendasit iu kundërpërgjigjen në fundin e pjesës së parë duke barazuar shifrat në 1-1.
    Në fraksionin e dytë, Man.United mori totalisht kontrollin e lojës dhe në minutën e 51-të, Mbeumo u shërbye saktë nga Dalot duke rikthyer edhe një herë “djajtë e kuq” në avantazh. Stafetën më pas e mori Bruno Fernandes, me kapitenin që dhuroi një super asist për Mount, me këtë të fundit që fluturimthi brenda në zonë dërgoi shifrat në 1-3. Në fund, në minutën e 82-të, United fitoi një 11-metërsh për prekje të topit me dorë në zonë. Nga pika e bardhë, Bruno Fernandes u tregua i saktë duke kompletuar “pokerin” e golave, një sukses që ngjit Man.United në vendin e 6-të në kuotën e 25 pikëve.

    Amorim shijon këtë trepikësh, por tekniku i United nuk dëshiron të ndalet këtu, në sytë e tij, ekipi duhet të ndërtojë një cikël fitues: “Duhet të kemi vazhdimësi. Objektivi është të ndërtojmë një mentalitet fitues, të arrijmë 20 fitore radhazi. Çdo ndeshje, çdo seancë stërvitore duhet të na dërgojë në këtë drejtim”, u shpreh Amorim.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • “Më thanë hajde qaj në emision”, Erik Lloshi tregon ftesën absurde që i erdhi pas vdekjes së Shpat Kasapit

    “Më thanë hajde qaj në emision”, Erik Lloshi tregon ftesën absurde që i erdhi pas vdekjes së Shpat Kasapit

    Këngëtari Erik Lloshi ka shprehur zhgënjimin dhe revoltën e tij pas disa komenteve të papërshtatshme që ka marrë së fundmi, ndërsa ka folur publikisht për ndarjen nga jeta të mikut dhe kolegut të tij, Shpat Kasapit. Lloshi tregoi se pas vdekjes së papritur të artistit, ai ishte i ftuar në një emision televiziv ku nuk ka mundur të përmbahet dhe ka shpërthyer në lot, i prekur nga lajmi tragjik.
    Megjithatë, pikërisht pas këtij momenti të vështirë, ai është përballur me reagime që e kanë tronditur. Sipas tij, disa gazetarë dhe persona nga produksioni i kanë bërë komente si: “Sa bukur qaje”, ndërsa të tjerë madje i kanë propozuar të rikthehej sërish në studio për të “qarë” në nder të këngëtarit të ndjerë. Këto qasje të ftohta dhe joprofesionale e kanë irrituar thellë Lloshin, i cili tha se ishte e pabesueshme që dhimbja e një humbjeje mund të trajtohej si spektakël.
    Shpat Kasapi ndërroi jetë pak ditë më parë pas një sulmi në zemër, teksa ndodhej në Itali për trajtimin shëndetësor të djalit të tij. Lajmi tronditi publikun dhe komunitetin artistik shqiptar, pasi Kasapi ishte vetëm 40 vjeç. Ai u varros në Tetovë, qytetin e tij të lindjes, ku edhe kishte nisur rrugëtimin në muzikë dhe ishte bërë një nga emrat më të dashur për publikun.
    Reagimi i Lloshit ka hapur diskutime mbi mënyrën se si trajtohen personalitetet publike në momente të dhimbshme dhe mbi respektin që duhet treguar ndaj humbjeve njerëzore.

  • Botërori më i shtrenjtë në histori, anglezët denoncojnë çmimin e biletave

    Botërori më i shtrenjtë në histori, anglezët denoncojnë çmimin e biletave

    Botërori “FIFA2026” pritet të jetë unik, kjo u pa qartë edhe gjatë ceremonisë së shortit, ku organizatorët u kujdesën që ta shndërronin në një spektakël të vërtetë. Nga presidenti Trump tek Infantino, të gjithë protagonistët e këtij evenimenti kanë theksuar se këtë herë do të jetë ndryshe, jo vetëm për faktin që për herë të parë marrin pjesë 48 skuadra, por dhe mënyra e konceptimit të ndeshje do të jetë ndryshe, e ngjashme me futbollin amerikan.
    Këto risi pritet të vijnë me kosto shtesë pasi sipas “The Sun”, ky Botëror pritet të jetë më i shtrenjti në histori edhe për tifozët. Sipas të përditshmes britanike, një bletë për të ndjekur ndeshjet në Amerikë i kalon 1000 euro, afro dy herë më shumë në raport me Botërorin e fundit të zhvilluar në Katar. Pas artikullit të bërë publik nga “The Sun”, ka reaguar edhe FIFA, me këta të fundit që u kujdesën të sqaronin për federatat pjesëmarrëse do të ketë një numër të caktuar biletash me çmime preferenciale për tifozët e tyre:

    “Jemi të përkushtuar për të siguruar akses të barabartë në ndeshjet tona për tifozët tanë tani dhe në të ardhmen”, lexohet në reagimin e FIFA. Gjatë ceremonisë së shortit për fazën e grupeve, presidenti Trump zbuloi se deri më tani janë shitur më shumë se 2 milionë bileta, ndërsa procesi i ardhshëm i shpërndarjes së biletave do të jetë më 11 dhjetor.