Sulm me raketë mbi anijen greke në Detin e Zi – 24 marinarë shpëtojnë

Një anije greke është sulmuar nga një raketë në Detin e Zi. Sipas informacioneve në bordin e cisternës, ndodheshin gjithsej 24 marinarë. Raportohet se të gjithë janë në gjendje të mirë shëndetësore, ndërsa situata është në kontroll nga autoritetet. Nga sulmet pati vetëm dëme të vogla materiale në kuvertën dhe në pajisjet e kuvertës së anijes. Lidhur me këtë ngjarje ka reaguar edhe ministri grek i Transportit Detar Vassilis Kikilias, i cili theksoi se ngjarja paraqet shqetësim dhe se Greqia do të reagojë.