Moti i keq shemb një pjesë të rrugës së projektit të motorsportit në Elbasan

Shembet një pjesë e pistës së rrugës që parashikohet të shërbejë për Auto Moto Park Albania, projekti i madh i motorsportit në Elbasan. Reshjet e dendura të shiut këtë vit dhe prurjet e lumit Shkumbin duket se kanë ndikuar në qëndrueshmërinë e rrugës. Punimet për ndërtimin e këtij autoparku, një kompleks ndërkombëtar motorsporti që pritet të përfshijë një pistë Grand Prix prej rreth 5.3 km dhe të jetë gati deri në vitin 2026, kanë përfshirë edhe investime të konsiderueshme në infrastrukturën përreth, përfshirë lidhjet rrugore aksesore. Projekti synon ta bëjë Elbasanin një qendër të garave automobilistike në rajon, duke përfshirë mundësinë e organizimit të eventeve të mëdha sportive në të ardhmen, përfshirë garat e gradës FIA, raporton gazetari Fatos Salliu. Shembja e radhës pason bllokimin...